- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شوكىرات زاكىر اۆتونوميالى رايوندىق ەكونوميكا جانە ينفورماتسيالاندىرۋ كوميتەتىندە تەكسەرۋ - زەرتتەۋ جۇرگىزگەندە ونەركاسىپ ەكونوميكاسىنىڭ ورنىقتى اينالىمىنا بار كۇشپەن كەپىلدىك ەتۋدى باسا دارىپتەدى
2016.05.03 13:58 كەلۋ قاينارى : ءتاڭىرتاۋ تورابى
29 - ساۋىردە اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق ەكونوميكا جانە ينفورماتسيالاندىرۋ كوميتەتىندە تەكسەرۋ - زەرتتەۋ جۇرگىزىپ، اۆتونوميالى رايوندىق پارتكومنىڭ بيىلعى قىزمەت ورنالاستىرۋلارىنىڭ اياق الىسى مەن رايونىمىزدىڭ ونەركاسىپ ەكونوميكاسىنىڭ اينالىم احۋالىن ۇعىستى، كەزەكتەگى ەكونوميكانىڭ باسەڭدەۋ قىسىمىنا توتەپ بەرۋدىڭ ناقتى شارالارىن بىرگە اقىلداسىپ، قاتىستى قىزمەتتەردىڭ تياناقتانۋىن ىلگەرىلەتتى.
اۆتونوميالى رايوندىق ەكونوميكا جانە ينفورماتسيالاندىرۋ كوميتەتىنىڭ جاۋاپتىسى رايونىمىزدىڭ ونەركاسىپ ەكونوميكاسىنىڭ العاشقى توقسانداعى اينالىم احۋالىنان مالىمەت بەردى. العاشقى توقساندا، تۇتاس رايونىمىزدىڭ ونەركاسىپ ەكونوميكاسى ورنىقتى قاداممەن قالپىنا كەلىپ، ءوندىرۋ مەن ساتۋ ويداعىداي قابىستى، كاسىپورىنداردىڭ جۇمىسشى قابىلداۋى ورنىقتى ارتتى، تەمىر جول جۇك تاسىمالىنىڭ تومەندەۋ مولشەرى باياۋلادى، كاسىپ سالالارىنىڭ پايداسى جاقساردى، كاسىپورىندارىنىڭ جۇمىس باستاۋ، قايتا جۇمىس باستاۋ جاعدايى ءۇرتىس كوبەيدى، كاسىپورىنداردىڭ ەلەكتر پايدالانۋ قۋاتى دا شاپشاڭ ارتتى، ءسويتىپ ونەركاسىپ ەكونوميكاسىنىڭ اينالىمىنداعى بەلسەندى فاكتورلار بارعان سايىن مولايدى. قاڭتاردان ناۋرىزعا دەيىن رايونىمىزداعى 2714 ونەركاسىپ كاسىپورىننىڭ ورىنداعان ونەركاسىپ ارتقان قۇنى 48 ميلليارد يۋانعا جەتىپ، بىلتىرعى وسى مەزگىلدەگىدەن %3.2 ارتقان.
شوكىرات زاكىر مىنانى اتاپ كورسەتتى: ەكونوميكانىڭ باسەڭدەۋ قىسىمىندا ەكونوميكانىڭ ورنىقتى اينالىمىن ساقتاۋعا قۇلشىنۋ كەزەكتەگى اسا ماڭىزدى كوكەي تەستى قىزمەت. اۆتونوميالى رايوندىق ەكونوميكا جانە ينفورماتسيالاندىرۋ كوميتەتى سياقتى امبەباپ ەكونوميكا تاراۋلارى ورايدى مىقتى يگەرىپ، ساياساتتان ۇتىمدى پايدالانىپ، ەكونوميكانىڭ باسەڭدەۋ قىسىمى اكەلگەن سايىس پەن قىسىمعا ءونىمدى توتەپ بەرۋى، ورتالىق كوميتەتتىڭ جانە اۆتونوميالى رايوندىق پارتكومنىڭ قىزمەت ورنالاستىرۋلارىن مۇقيات يگەرىپ، قالىپتاسقان دامۋ نەگىزى مەن وزەكتى رايون قۇرۋدىڭ ماڭىزدى ورايىن جاپپاي تانىپ جەتىپ، اۆتونوميالى رايونىمىزدىڭ بىلتىردان بەرگى ەكونوميكانىڭ باسەڭدەۋ قىسىمىنا توتەپ بەرۋ، قيىنشىلىقتى جەڭۋ بارىسىندا توپتاعان تاجىريبەلەرىن قورىتىندىلاپ، ونەركاسىپ ەكونوميكاسىن جاقسى ىستەۋ سەنىمىن بەكەمدەۋ كەرەك.
شوكىرات زاكىر بىلاي دەپ باسا دارىپتەدى: ەكونوميكانىڭ ورنىقتى اينالىمىن كۇش سالا كەپىلدەندىرۋدە اۆتونوميالى رايوندىق پارتكوم العا قويعان «60 تارماقتى» شارانى مۇقيات تياناقتاندىرىپ، كاسىپورىننىڭ ءىس جۇزىندىك ماسەلەسىن شەشۋ كەرەك. ەكونوميكانىڭ باسەڭدەۋ قىسىمى ەداۋىر كۇشەيگەن تۇستا كاسىپورىندار ءدوپ كەلگەن قيىنشىلىقتار مولايادى، اۆتونوميالى رايوندىق ەكونوميكا جانە ينفورماتسيالاندىرۋ كوميتەتى سياقتى قاتىستى تاراۋلار نەگىزگى ساتىعا ىشكەرىلەي بارىپ، بەلسەنە قىزمەت وتەپ، كاسىپورىنداردىڭ جاعدايدى جىعا تانۋىنا كومەكتەسىپ، ساياساتقا تالداۋ جۇرگىزىپ، ناقتى قيىنشىلىقتاردى شەشۋ؛ ىركىندىنى ساپالىلاندىرىپ، مولشەردى ارتتىرىپ، ولقىلىقتاردى تولىقتىرىپ، سەرپىندى كۇشەيتىپ، ەكونوميكانىڭ جاڭا ارتۋ تۇيىندەرىن كۇش سالا دامىتۋ كەرەك.
شوكىرات زاكىر مىنانى اتاپ كورسەتتى: رايونىمىزداعى اسىپ قالعان ءوندىرىس قۋاتىن ازايتىپ، وسى سالادا رەفورما جاساۋ، قيىنشىلىقتان قۇتىلۋ، اقاۋسىز دامۋدى ىلگەرىلەتۋ − قامداۋ جاعىنداعى قۇرىلىمدىق رەفورمانى ىلگەرىلەتۋدىڭ ماڭىزدى مازمۇنى، اۆتونوميالى رايونىمىزدىڭ قىزمەت ورنالاستىرۋلارىن باتىل تياناقتاندىرىپ، «بازاردىڭ ماجبۇرلەۋىنە، كاسىپورىنداردى نەگىز ەتۋگە، جەرگىلىكتى ورىننىڭ ۇيىمداستىرۋىنا، ۇكىمەتتىڭ قولداۋىنا، امبەباپ شارا قولدانۋعا» تاباندى بولىپ، مەشەۋ ءوندىرىس قۋاتىن قاتاردان قالدىرىپ، ءوندىرىس قۋاتىن ەكشەۋدە ناقتى ونىمدىلىككە قول جەتكىزۋ؛ توقىماشىلىق، كيىم - كەشەك كاسىبىن، ورتا، شاعىن، ۇساق كاسىپورىندار مەن «تەز ءونىم بەرەتىن» نىساندار قىزمەتىن ءۇرتىس مىقتى يگەرىپ، ينفورماتسيالاندىرۋ قۇرىلىسىن تەزدەتىپ، ونەركاسىپ ەكونوميكاسىنىڭ اينالىمىن باقىلاۋدى جانە وعان جەتەكشىلىك ەتۋدى كۇشەيتۋ؛ «پارتيا ۋستاۆىن، پارتيا قاعيداسىن ۇيرەنۋ، جەلىلەس سوزدەردى ۇيرەنۋ، تولىمدى پارتيا مۇشەسى بولۋ» ۇيرەنۋ - تاربيە قيمىلىن وراي ەتە وتىرىپ، كادرلار قوسىنى قۇرىلىسىن كۇشەيتىپ، اۆتونوميالى رايونىمىز ەكونوميكاسىنىڭ اقاۋسىز دامۋى ءۇشىن ۇلەس قوسۋ كەرەك.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى حۋاڭ ۋي تەكسەرۋ - زەرتتەۋدە بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
