- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
نايىم ياسىن تۇرپاندا تەكسەرۋ - زەرتتەۋ جۇرگىزدى
2016.05.03 13:58 كەلۋ قاينارى : ءتاڭىرتاۋ تورابى
اۆتونوميالى رايوندىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشىسى نايىم ياسىن 1 - مامىردا تۇرپان قالاسىندا كەدەيلەردى سۇيەمەلدەۋدەن قامال الۋ، كوركەم اۋىل - قىستاق قۇرۋ قۇرىلىسى قىزمەتى جونىندە تەكسەرۋ - زەرتتەۋ جۇرگىزدى ءارى تۇرپان قالاسىنداعى ءبىر ءبولىم مەملەكەتتىك ەڭبەك ەرلەرى مەن مەملەكەتتىك «1 - مامىر ەڭبەك مەدالىنىڭ» يەگەرلەرىنەن حال سۇرادى.
ءىدىقۇت رايونى ايدىنكول اۋىلى جاڭزا قىستاعىندا نايىم ياسىن جانە ونىڭ ساپارلاستارى جاڭزا قىستاعىنىڭ قۇرىلىسىمەن، سونداي - اق قىستاق تۇرعىندارىنىڭ ءوندىرىس، تۇرمىس جاعدايىمەن تانىستى.
نايىم ياسىن قىستاق تۇرعىندارىنا قولايلى قىزمەت كورسەتۋ ورتالىعىنان جۇمىسقا ورنالاستىرۋ بويىنشا قامتاماسىز ەتۋ، زاڭدىق كومەك بەرۋ، جوسپارلى تۋىتقا قىزمەت كورسەتۋ سياقتى حالىققا قولايلى قىزمەتتەرمەن جان - جاقتى تانىسىپ، ەڭ تومەنگى تۇرمىستى قامتاماسىزداندىرۋ قاراجاتىنىڭ تاراتىلۋ احۋالىن سۇراپ ۇعىستى؛ قىستاق ساقشىحاناسىنان قوعام حاۋىپسىزدىگى حالىق ساقشىلارىن، حالىق جاساقتارىن ورنالاستىرۋ جاعدايى، ەڭبەكاقىسى، ينفورماتسيالاندىرىپ باسقارۋ جۇمىسى، حالىق جاساعى قوسىن قۇرىلىسى سياقتىلاردى ەگجەي - تەگجەيلى ۇعىستى؛ قىستاق تۇرعىندارىنىڭ مادەنيەت، عىلىم - تەحنيكا ورتالىعىنان «كەدەيلەردى سۇيەمەلدەۋدەن قامال الۋ شايقاسىن ۇيلەسىمدى جۇرگىزىپ، كوركەم اۋىل - قىستاق قۇرايىق» اتتى ارناۋلى فيلمدى كورىپ، ءىشىنارا قىستاق تۇرعىندارىمەن قىسقاشا اڭگىمەلەستى.
جاڭزا قىستاعىنىڭ جۇمىسقا ورنالاستىرۋ بويىنشا امالياتتىق تاربيەلەۋ ورنىندا ءوز جەرىندە جۇمىسقا ورنالاسقان قىستاق تۇرعىندارى كيىم تىگىپ جاتىپتى. نايىم ياسىن قىستاق تۇرعىندارىنىڭ جۇمىسقا ورنالاسۋ جاعدايىن، كيىم - كەشەك ءوندىرىسى احۋالىن ۇعىستى.
جاڭزا قىستاعىنىڭ تاريححاناسىنا وتكەن عاسىردىڭ 60 -، 70 - جىلدارىنداعى كونە بۇيىمدار قويىلىپتى، نايىم ياسىن كارىز قازۋدا قولدانىلاتىن باعىتتاۋشى شامدى بىردەن تاني كەتتى. نايىم ياسىن قىستاق تۇرعىنى يدايتۇل مامەتپەن اڭگىمەلەسىپ بۇرىنعى تۇرمىستى ەسكە الدى. يدايتۇل كەدەيلىكتەن قۇتىلىپ، باقىتتى تۇرمىسقا قادام قويعان بارىسىن اڭگىمەلەپ بەردى.
نايىم ياسىن مەن ونىڭ سەرىكتەرى جاڭزا قىستاعىنداعى باستاۋىش مەكتەپكە، جاڭزا قىستاعىنىڭ «قوس ءتىلدى» بالا باقشاسىنا بارىپ، وقۋ - وقىتۋ قۇرىلعىلارىن تەكسەرىپ، ءتالىم - تاربيە بەرۋ جاعدايىمەن تانىستى.
سول كۇنى جاڭزا قىستاعىنىڭ تۇرعىنى ىززاتگۇل ناجيمنىڭ نەكە سالتى ءوتىپ جاتقان ەدى، ەسىك الدىنداعى توسپا سەيىل سەرۋەن قۇراتىن شاعىن الاڭعا وزگەرتىلىپ، قوناقتار مەن قىستاق تۇرعىندارى اعاشتىڭ ساياسىندا اڭگىمە دۇكەنىن قۇرىپ وتىرسا، بالالار باسكەتبول ويناپ جۇرگەن بولاتىن. نايىم ياسىن وسى جاراسىمدى، باقىتتى كورىنىستى كورىپ، ولاردىڭ نەكە سالتىنا قاتىناسىپ، جاس جۇبايلارعا قۇتتى بولسىن ايتۋعا ات باسىن بۇردى.
سول كۇنى تۇستەن كەيىن نايىم ياسىن مەن ونىڭ سەرىكتەرى مەملەكەتتىك ەڭبەك ەرى ابدىراحمان ياسىن مەن مەملەكەتتىك «1 - مامىر ەڭبەك مەدالىنىڭ» يەگەرى لي جۇنليڭگە امانداسا باردى. نايىم ياسىن ءىدىقۇت رايونى جار قالاشىعى جارباسى قىستاعىندا تۇراتىن ابدىراحمان ياسىنىڭ ۇيىندە وعان: ءسىز قىستاق پارتيا ياچەيكاسىنىڭ ساقا شۋجيى رەتىندە، قىستاقتىڭ دامۋىنا ۇلەس قوستىڭىز، قازىر دەمالىسقا شىقساڭىز دا قالعان كۇشىڭىزدى جۇمساپ، قىستاقتىڭ دامۋىنا نازار اۋدارىپ جانە قولداپ، قيىنشىلىعى بار بۇقارانىڭ كەدەيلىكتەن قۇتىلىپ، اۋقاتتانۋىنا كومەكتەسىڭىز، - دەدى. گۋاڭحۇي مادەنيەت باقشاسى شاعىن رايونىندا تۇراتىن لي جۇنليڭنىڭ ۇيىنە بارعاندا نايىم ياسىن ونىڭ تۇرمىس احۋالىمەن تانىسىپ: ءسىز تۇرپاننىڭ اۋىل شارۋاشىلىعىنىڭ دامۋى مەن اۋىل شارۋاشىلىعىنىڭ جاڭا تەحنيكالارىن زەرتتەۋ، جالپىلاستىرۋ جاعىندا ۇلەس قوستىڭىز، ءسىزدىڭ ءتىپتى زور جەتىستىكتەرگە قول جەتكىزۋىڭىزدى ءۇمىت ەتەمىن، باقىتتى تۇرمىس كەشىرۋىڭىزگە تىلەكتەسپىن، - دەدى.
شينجياڭ اسكەري رايونىنىڭ ورىنباسار سىليڭيۋانى، شينجياڭ ءوندىرىس - قۇرىلىس بيڭتۋانىنىڭ ورىنباسار سىليڭيۋانى سامەت مامەت تەكسەرۋدە بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
