اۆتونوميالى رايوندىق حالىق ۇكىمەتى جاڭادان تاعايىندالعان كەڭەسشىلەرگە، سارايشىلارعا ۇسىنىس حاتىن تاپسىردى

2016.05.05 14:02  

　　اۆتونوميالى رايوندىق حالىق ۇكىمەتى 4 - مامىردا كەڭەسشىلەر مەن سارايشىلاردىڭ اڭگىمە ءماجىلىسىن اشىپ، ۇكىمەت جاڭادان تاعايىنداعان 27 كەڭەسشى مەن مادەنيەت، تاريح زەرتتەۋ سارايىنىڭ 12 باستىعىنا ۇسىنىس حاتىن تاپسىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اڭگىمە ماجىلىسىندە بىلاي دەدى: جاڭا تاريحي كەزەڭدە كەڭەسشىلەر كەڭسەسى مەن مادەنيەت، تاريح زەرتتەۋ سارايى «ۇكىمەت ىسىنە ات سالىسۋ، ۇكىمەت ءىسىن تالقىلاۋ، مەملەكەت ءىسى جونىندە كەڭەس بەرۋ، ۇسىنىس - پىكىر قويۋ، دەموكراتيالىق باقىلاۋ، بىرلىكساپ دوستىعىن ورناتۋ» فۋنكتسياسىن شىنايى ساۋلەلەندىرىپ، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋ بارىسىندا اناعۇرلىم زور رول اتقارۋى كەرەك.

　　وتكەن 5 جىلدا, اۆتونوميالى رايوندىق حالىق ۇكىمەتىنىڭ كەڭەسشىلەر كەڭسەسى مەن جازبا دەرەكتەردى زەرتتەۋ سارايى اۆتونوميالى رايوننىڭ وزەكتى قىزمەتىن مىقتاپ ارقاۋ ەتىپ، نەگىزگى ساتىعا بارىپ تەكسەرۋ - زەرتتەۋ جۇرگىزىپ، قوعام جاعدايىن، ەل اۋانىن اڭىس ەتىپ، قۇندى زەرتتەۋ مالىمەتتەرى مەن سىندارلى كەڭەستەر بەرىپ، اۆتونوميالى رايوندىق پارتكوم مەن حالىق ۇكىمەتىنىڭ عىلمي شەشىم جاساۋىندا، دەموكراتيالىق شەشىم شىعارۋىندا اناعۇرلىم جاقسى رول اتقاردى؛ جازبا دەرەكتەردى زەرتتەۋ، كوركەمونەرلىك جاسامپازدىق سياقتى ىستەردى بەلسەنە قانات جايدىرىپ، ءتۇرلى مادەنيەت قيمىلدارىن ورىستەتىپ، شينجياڭنىڭ مادەنيەت ىستەرىنىڭ دامۋىنا ماڭىزدى ۇلەستەر قوستى. كەڭەسشىلەر كەڭسەسى مەن مادەنيەت، تاريح زەرتتەۋ سارايى، سونىمەن بىرگە مەملەكەت دارەجەلى مامانداردى شينجياڭعا كەلىپ تەكسەرۋ - زەرتتەۋ جۇرگىزۋگە، مادەنيەت تۋرالى لەكسيا سويلەۋگە، كولەمدى مادەنيەت قيمىلدارىن وتكىزۋگە ۇسىنىس ەتىپ، تاماشا قوعامدىق ونىمدىلىككە قول جەتكىزدى.

　　شوكىرات زاكىر بىلاي دەپ اتاپ كورسەتتى: كەڭەسشىلەر مەن سارايشىلاردىڭ «تىكەلەي اڭىس ەتۋ» جولى بار، قوعام جاعدايى، ەل اۋانى مەن ساياساتتىڭ ونىمدىلىگىن «جەدەل اڭىس ەتەتىن» قوسىن ەسەپتەلەدى. پارتيا مەن ۇكىمەتتىڭ شىن مانىندەگى اقىل - پاراسات قويماسى بولا ءبىلۋى ءتيىس.

　　كەڭەسشىلەرىمىز شينجياڭنىڭ رايون جاعدايىنا، ەكونوميكالىق قىزمەتىنە قانىق، ۇكىمەت ءىسى جونىنەن ءبىرشاما جوعارى اقىل - كەڭەس بەرۋ قابىلەتى بار ماماندار مەن وقىمىستىلاردان قۇرالعان. ۇكىمەت قىزمەتىنىڭ ماڭىزدى قۇرامداس بولەگى بولعاندىقتان وزەكتى ارقاۋ ەتىپ، جالپى جاعدايعا قىزمەت ەتۋى، قىزمەتتىڭ كۇش سالۋ ءتۇيىنىن پارتيا مەن ۇكىمەتتىڭ شەشىم جاساۋىنا كەڭەس بەرۋ قىزمەتىنە شىن مانىندە شوعىرلاندىرۋى؛ وسى زامانعى مادەنيەتتىڭ تاراتۋشىسى بولا ءبىلۋى كەرەك. كەڭەسشىلەر كەڭسەسى مەن مادەنيەت، تاريح زەرتتەۋ سارايى اۆتونوميالى رايونىمىزدىڭ ءار سالاسىنداعى بەدەلدى مامانداردان، وقىمىستىلاردان جانە تانىمال مادەنيەت قايراتكەرلەرىنەن ۇيىمداسقان، شينجياڭنىڭ مادەنيەت قۇرىلىسىنىڭ ءورىس اشۋشىلارى جانە سەركەلەرى سانالادى. وسى زامانعى مادەنيەتتى جەتەكشى ەتۋدەن جازباي، ءار ۇلتتىڭ تاڭداۋلى ءداستۇرلى مادەنيەتىن زور كۇشپەن ساۋلەلەندىرىپ، وڭىرلىك ەرەكشە مادەنيەتكە مۇراگەرلىك ەتىپ جانە ونىڭ دەڭگەيىن ءوسىرىپ، تاريحتى حاتقا ءتۇسىرۋ، كەڭەس بەرۋ جانە مادەنيەت ارقىلى جەتەكشىلىك ەتۋ قابىلەتىن تىنباي جوعارىلاتۋى؛ بۇقارامەن بايلانىس ورناتۋدىڭ دانەكەرى بولۋى كەرەك. كەڭەسشىلەرىمىز مەن سارايشىلارىمىز قوعامنىڭ ءار سالاسىنان كەلگەن، بايلانىس اياسى كەڭ، قوعامدا اسا جوعارى بەدەلگە يە. كوپشىلىكتىڭ نەگىزگى ساتىعا، بۇقارانىڭ اراسىنا بارىپ، قوعامنىڭ ءار سالاسى مەن بۇقارانىڭ ۇنىنە دەن قويا قۇلاق ءتۇرىپ، بۇقارانىڭ شىنايى، تىڭ ءۇمىتىن بەلسەنە اڭىس ەتىپ، حالىققا تيىمدىلىك اكەلەتىن، جۇرتتى يگىلىككە كەنەلتەتىن سونى ۇسىنىستاردى كوبىرەك بەرىپ، بۇقاراعا اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن، قىزمەتتىڭ اۋقىمىن ۇگىتتەپ، بۇقارانى كۇدىك - كۇماننان ارىلتىپ، قارىم - قاتىناستاردى سايكەستىرۋ، قايشىلىقتى شەشۋ قىزمەتىن تىڭعىلىقتى ىستەۋىن؛ «بىرەگەي اقىل - پاراسات قويماسىن قۇرۋ» نىساناسىنا ساي، ءوز قۇرىلىستارىن تىنباي كۇشەيتىپ، پارتكوم مەن ۇكىمەتتىڭ شەشىم جاساۋىنا بەرەتىن اقىل - كەڭەستەرىنىڭ ساپاسى مەن دەڭگەيىن قۇلشىنا جوعارىلاتۋىن ءۇمىت ەتەمىن. «شينجياڭ گازەتى»