- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىن باستاپ قازاقستاندا ساپاردا بولدى
2016.05.06 14:39 كەلۋ قاينارى : ءتاڭىرتاۋ تورابى
ەكى ەل باسشىلارى بىرلىككە كەلگەن ماڭىزدى ورتاق تانىمدى تياناقتاندىردى، زۇڭلي كارىم ماسىموۆپەن كەزدەستى
ءتوراعا شي جينپيڭ مەن نۇرسۇلتان نازاربايەۆ زۇڭتۇڭ بىرلىككە كەلگەن ماڭىزدى ورتاق تانىمدى تياناقتاندىرىپ، «ءبىر بەلدەۋ، ءبىر جول» قۇرىلىسىن العا ىلگەرىلەتىپ، جۇڭگونىڭ شينجياڭىنىڭ قازاقستاننىڭ ءار سالاسىمەن بولعان سەلبەستىگىن جەبەۋ ءۇشىن، ج ك پ ورتالىق كوميتەتى ساياسي بيۋروسىنىڭ مۇشەسى، شينجياڭ ۇيعۇر اۆتونوميالى رايوندىق پارتكومنىڭ شۋجيى جاڭ چۇنشيان اۆتونوميالى رايوننىڭ پارتيا، ۇكىمەت ۋاكىلدەر ۇيىرمەسىن باستاپ، 1 - مامىردان 4 - مامىرعا دەيىن قازاقستان رەسپۋبليكاسىندا ساپاردا بولدى.
ەكى ەل باسشىلارى بىرلىككە كەلگەن ماڭىزدى ورتاق تانىمدى ىشكەرىلەي تياناقتاندىردى
جاڭ چۇنشيان 3 - مامىر تۇستەن بۇرىن استانادا قازاقستاننىڭ زۇڭليى كارىم ماسىموۆپەن، قازاقستاننىڭ ءبىرىنشى ورىنباسار زۇڭليى باقىتجان ساعىنتايەۆپەن قىزمەتتىك كەڭەس وتكىزدى.
كەزدەسۋدە جاڭ چۇنشيان لي كىچياڭ زۇڭليدىڭ كارىم ءماسىموۆ زۇڭليگە ايتقان ىقىلاستى سالەمىن جەتكىزدى. ول بىلاي دەدى: ءتوراعا شي جينپيڭ مەن نۇرسۇلتان نازاربايەۆ زۇڭتۇڭنىڭ تىكەلەي جەبەۋىندە، جىبەك جولى ەكونوميكالىق بەلدەۋى «نۇرلى جول» جاڭا ەكونوميكالىق ساياساتىمەن جاپپاي ۇشتاسىپ، جۇڭگو مەن قازاقستاننىڭ ءوندىرىس قابىلەتى جاعىنداعى سەلبەستىگى كورنەكتى ىلگەرىلەۋشىلىككە قول جەتكىزىپ، جۇڭگو مەن قازاقستاننىڭ قارىم - قاتىناسىندا پارمەندى دامۋ سەرپىنى جارىققا شىعىپ، جۇڭگونىڭ شينجياڭى مەن قازاقستاننىڭ سەلبەستىگىنە تاماشا ورتا ازىرلەپ بەردى.
جاڭ چۇنشيان بىلاي دەدى: شينجياڭ جىبەك جولى ەكونوميكالىق بەلدەۋىندەگى وزەكتى رايون، جۇڭگو مەن قازاقستان سەلبەستىگىنىڭ العى شەبى، بۇل ەكى ەل قاتىناسىندا توتەنشە ماڭىزدى ورىندا تۇرادى. تاراپتاردىڭ ءوزارا بايلانىستى، بارىس - كەلىستى جەدەل جەبەپ، قازىرگى بار تاس جول مەن وتكەلدەردىڭ رولىن ويداعىداي ساۋلەلەندىرۋدى؛ ەكونوميكا - ساۋدا سەلبەستىگىن كۇشەيتىپ، جۇڭگو - قازاقستان قورعاس شەكارالىق سەلبەستىك ورتالىعىنىڭ قۇرىلىسىن جەدەلدەتىپ، ونىڭ ۇلگى كورسەتۋ، جەتەلەۋ رولىن جەتە ساۋلەلەندىرۋمەن بىرگە، شينجياڭداعى ءتۇيىندى كاسىپورىنداردىڭ قازاقستانمەن بولعان قارجى قوسۋ سەلبەستىك اياسىن كەڭەيتۋدى؛ اۋىل شارۋاشىلىعى سالاسىنداعى سەلبەستىكتى كۇشەيتىپ، جەرگىلىكتى ورىنداعى ەگىنشى - مالشىلارعا بارىنشا تيىمدىلىك جاساۋدى؛ ىرگەلەس وڭىرلەردىڭ سەلبەستىگىن كۇشەيتىپ، ەكى ەل بىلتىر قول قويعان «جۇڭگو مەن قازاقستاننىڭ ىرگەلەس وڭىرلەرىنىڭ سەلبەستىك جوبا پروگرامماسىن» تياناقتاندىرىپ، اقىلداسىپ تۇراقتاندىرعان نىسانداردى تىڭعىلىقتى جۇرگىزۋدى؛ ساياحات سەلبەستىگىن كۇشەيتىپ، ساياحاتتاپ باراتىن كوزەۋلى ەل شارتىن جاپپاي تياناقتاندىرىپ، تاراپتاردىڭ ساياحات سەلبەستىگىنە اناعۇرلىم جاقسى شارت - جاعداي ازىرلەۋدى؛ گۋمانيتارلىق اۋىس - كۇيىستى كۇشەيتىپ، وقۋ - اعارتۋ، ەمدەۋ سياقتى سالالارداعى سەلبەستىكتى تەرەڭدەتىپ، دوستىقتى نىعايتىپ، جۇڭگونىڭ شينجياڭى مەن قازاقستاننىڭ سەلبەستىگىن جاپپاي تىڭ ساتىعا كوتەرۋدى ءۇمىت ەتەمىن.
كارىم ءماسىموۆ جاڭ چۇنشياننىڭ شينجياڭ ۇيعۇر اۆتونوميالى رايونىنىڭ پارتيا، ۇكىمەت ۋاكىلدەر ۇيىرمەسىن باستاپ قازاقستانعا ساپارلاي كەلگەنىن قارسى الدى. ول: قازاقستان نۇرسۇلتان نازاربايەۆ زۇڭتۇڭ مەن شي جينپيڭ ءتوراعانىڭ ەكى ەل قاتىناسىن تەرەڭدەتۋ جونىندەگى بىرلىككە كەلگەن ورتاق تانىمدارىن بەل−سەنە تياناقتاندىرىپ، ەكى جاقتىڭ ناقتى سەلبەستىگىن جاپپاي العا ىلگەرىلەتۋدە، - دەدى.
كارىم ءماسىموۆ بىلاي دەدى: قازاقستان «نۇرلى جول» جاڭا ەكونوميكالىق ساياساتىن جىبەك جولى ەكونوميكالىق بەلدەۋىنىڭ قۇرىلىسىمەن ۇشتاستىرۋعا كۇش سالىپ، جۇڭگونىڭ جوعارى جىكتەگىلەرىمەن اراداعى قويۋ بارىس - كەلىستى اۋەلگىدەي ساقتاپ، سەلبەستىك نەگىزىن ونان ارى بەكەمدەيدى؛ ءوزارا بايلانىس، ءوزارا بارىس - كەلىس سەلبەستىگىن كۇشەيتىپ، تەمىر جول، تاس جول سياقتى نەگىزدىك قۇرىلعىلاردىڭ دەڭگەيىن جوعارىلاتادى؛ جۇڭگو - قازاقستان قورعاس حالىقارالىق شەكارالىق سەلبەستىك ورتالىعىنىڭ قۇرىلىس اياق الىسىن جەدەلدەتىپ، ونىڭ ابزال رولىن ساۋلەلەندىرەدى؛ تاراپتاردىڭ اۋىل شارۋاشىلىعى سالاسىنداعى ىشكەرىلەي سەلبەستىگىن ىلگەرىلەتەدى؛ قازاقستاننىڭ جۇڭگونىڭ شينجياڭىنىڭ ىرگەلەس وڭىرلەرىمەن سەلبەستىگىن، اۋىس - كۇيىسىن جيىلەتىپ، گۋمانيتارلىق بارىس - كەلىستى ونان ارى تەرەڭدەتىپ، ادامداردىڭ بارىس - كەلىسىنە قولايلىلىق جاساپ، تاماشا قارجى قوسۋ ورتاسىن ازىرلەپ، تاراپتاردىڭ ءار سالاداعى سەلبەستىگىندە بەلسەندى ناتيجەگە قول جەتكىزۋدى جەبەيدى.
قۋاتتى كاسىپورىنداردىڭ سىرتقا ءورىس اشۋىن قولدادى
شينجياڭ − ەلىمىزدىڭ قازاقستانمەن شەكارالاساتىن بىردەن - ءبىر رايونى، جۇڭگو مەن قازاقستان ديپلوماتيالىق قارىم - قاتىناس ورناتقان 20 نەشە جىلدان بەرى، جۇڭگونىڭ شينجياڭىنان قازاقستانعا قارجى قوسقان كاسىپورىن 170تەن، شارتتاعى قوسىلعان قارجىنىڭ جالپى مولشەرى 2 ميلليارد 100 ميلليون دوللاردان استى.
جاڭ چۇنشيان كاسىپورىنداردىڭ قازاقستانداعى دامۋ جاعدايىنا ايرىقشا نازار اۋداردى. ساپار كەزىندە جاڭ چۇنشيان ۋاكىلدەر ۇيىرمەسىن باستاپ، جۇڭگو - قازاقستان تابيعي گاز قۇبىرى سەرىكتەستىگىنە، شينجياڭ شينكاڭ سەرىكتەستىگىنىڭ قازاقستانداعى ازىق - تۇلىك مانەرلەۋ زاۆودىنا، شينجياڭ سانباۋ توبى مەن الماتى قالاسىنىڭ ترالليبۋس سەرىكتەستىگىنىڭ سەلبەستىك نىسانىنا، كىلۇن ءدارى - دارمەك سەرىكتەستىگىنىڭ قازاقستانداعى ءدارى جاساۋ زاۆودىنا ىلگەرىندى - كەيىندى تەكسەرۋ جۇرگىزدى.
جۇڭگو - قازاقستان تابيعي گاز قۇبىرى سەرىكتەستىگى جۇڭگو مەن قازاقستان ەلدەرى بىرلەسىپ قارجى قوسىپ قۇرعان، دۇنيە جۇزىندەگى ەڭ ۇزىن تابيعي گاز قۇبىرىن جاتقىزعان كاسىپورىن، ول ەلىمىزگە جيىنى 150 ميلليارد تەكشە مەتر تابيعي گاز تاسىمالدادى.
شينكاڭ سەرىكتەستىگى مەن كىلۇن ءدارى - دارمەك شەكتى جارنا سەرىكتەستىگى شينجياڭنىڭ بايلىق باسىمدىعىنا سۇيەنىپ، قازاقستاندا ءۇرتىس دامىعان. شينكاڭ سەرىكتەستىگى شينجياڭنىڭ ساپالى اۋىل شارۋاشىلىعى ونىمدەرىن شيكىزات ەتىپ قازاقستاندا دامدەندىرگىش جانە كانسەرۆا جاساپ، قازاقستاننىڭ تۇتىنۋ بازارىنىڭ %25تەن استامىن يەلەگەن، سونىمەن بىرگە، رەسەي، قىرعىزستان سياقتى توڭىرەكتەگى ەلدەرگە ەكسپورت ەتكەن؛ كىلۇن ءدارى - دارمەك شەكتى جارنا سەرىكتەستىگى قورعاس ەكونوميكالىق اشۋ رايونىنا سۇيەنىپ قۇرعان 10 مىڭ توننالىق انتيبيوتيك ارالىق زات نىسانى قازاقستاندا LVP (مول دوزالى ۋكول سۇيىقتىعى)، ەمدەۋ ماقساتىنداعى اسپا ۋكول، وسپەگە قارسى ءدارى - دارمەكتەر ءوندىرىپ، قازاقستاننىڭ ونەركاسىپتى دامىتۋ - سۇيەمەلدەۋ جوسپارىنداعى 10 كاسىپورىننىڭ بىرىنە اينالىپ وتىر.
الماتى قالاسىنداعى ترالليبۋستار تۇگەلدەي شينجياڭ سانباۋ توبىنان ەنگىزىلگەن، قازاقستاندا 20 نەشە جىل جۇمىس جۇرگىزگەن وسى سىرتقى ساۋدا كاسىپورنىنىڭ تيجارات كولەمى قازىر يمپورت - ەكسپورت ساۋداسىنان بىرتە - بىرتە حيميا ونەركاسىپ، قۇرىلىس ماتەريالى، ەمدەۋ، ءدارى - دارمەك سياقتى كوپتەگەن سالالارعا كەڭەيدى.
وسى كاسىپورىنداردى تەكسەرگەندە جاڭ چۇنشيان بىلاي دەدى: شينجياڭداعى كاسىپورىندار شەتەلگە ىرگە تەۋىپ، قازاقستاننىڭ ەكونوميكالىق قۇرىلىسىنا ات سالىسىپ، ءوزىنىڭ قۇلشىنىسى ارقىلى قازاقستان ۇكىمەتى مەن حالقىنىڭ القاۋىنا بولەنىپ، شنجياڭ رۋحىن، شينجياڭ وبزارىن ايگىلەدى. اۆتونوميالى رايون مۇنان دا جاقسى شارت - جاعداي ازىرلەپ، قۋاتتى كاسىپورىنداردىڭ شەتەلدەرگە ىرگە تەۋىپ، «ءبىر بەلدەۋ، ءبىر جول» قۇرىلىسىنا ات سالىسۋىنا قولداۋ كورسەتەدى.
ىرگەلەس وڭىرلەردىڭ سەلبەستىگى كۇشەيىپ، ەكونوميكا - ساۋدا بارىس - كەلىسى نىعايدى
قازاقستاننىڭ الماتى قالاسى، شىعىس قازاقستان وبلىسى جۇڭگونىڭ شينجياڭىنىڭ ىلە، تارباعاتاي، التاي، بۇراتالا سياقتى ايماقتارىمەن، وبلىستارىمەن ىرگەلەسەدى، شينجياڭنىڭ وسى وبلىس پەن قالاعا قوسقان قارجىسى 700 ميلليون دوللاردان اسىپ، جۇڭگونىڭ شينجياڭىنىڭ قازاقستانعا قوسقان قارجىسىنىڭ %90تەن استامىن يەلەدى.
جۇڭگو مەن قازاقستاننىڭ ىرگەلەس وڭىرلەرىنىڭ سەلبەستىگىن ونان ارى كۇشەيتۋ ءۇشىن، جاڭ چۇنشيان الماتى قالاسىنىڭ اكىمى باۋىرجان قىدىرعالي ۇلى بايبەكپەن، شىعىس قازاقستان وبلىسىنىڭ اكىمى دانيال احىمەتوۆپەن جەكە - جەكە كەزدەسىپ، ءوزارا بايلانىس جاساۋ، ەكونوميكا - ساۋدا، قارجى قوسۋ، ەمدەۋ بويىنشا قىزمەت وتەۋ، اۋىل شارۋاشىلىعى، ساياحات سياقتى سالالارداعى اۋىس - كۇيىستى تەرەڭدەتۋ جونىندە ءبىر - سىپىرا ورتاق تانىمعا كەلدى.
3 - مامىر تۇستەن كەيىن جاڭ چۇنشيان مەن ەلىمىزدىڭ قازاقستانداعى باس ەلشىسى جاڭ حانحۇي، سونداي - اق ۋاكىلدەر ۇيىرمەسىنىڭ بارلىق مۇشەلەرى جۇڭگو شينجياڭ - قازاقستان ەكونوميكا - ساۋدا سەلبەستىك تالقى مىنبەرىنە قاتىناستى، جۇڭگونىڭ شينجياڭى مەن قازاقستان جاق جىبەك جولى ەكونوميكالىق بەلدەۋى اياسىندا ەكونوميكا - ساۋدا سەلبەستىگىن جاساۋ ورايى جانە ءورىسى جونىندە ىشكەرىلەي كەڭەس وتكىزدى.
اۆتونوميالى رايوندىق پارتكومنىڭ تۇراقتى مۇشەسى عانيبات سابىكەي ۇلى مەن قازاقستان قارجى قوسۋ جانە دامۋ مينيسترلىگىنىڭ ورىنباسار مينيسترى جەڭىس قاسىمبەك تالقى مىنبەرىندە جەكە - جەكە ارناۋ ءسوز سويلەدى. ەرەكشە ترانسفورماتور شەكتى جارنا سەرىكتەستىگى شىعىس قازاقستان وبلىسىمەن جىلۋ ەلەكتر ستانسياسى جانە سۋ ەلەكتر ستانسياسى نىساندارى جونىندە سەلبەستىك كەلىسىمىنە، اقمولا وبلىسىمەن جىلۋ ەلەكترمەن بىرلەسىپ قامداۋ سەلبەستىك كەلىسىمىنە قول قويدى، شينجياڭ جيرۇيشياڭ توبى ACCM—01 شەكتى جاۋاپكەرشىلىك سەرىكتەستىگىمەن استانا اۋىل شارۋاشىلىق سەلبەستىك بازاسى نىساندارى جانە ونەركاسىپ باقشا نىساندارى جونىندەگى سەلبەستىك كەلىسىمىنە قول قويدى. وسى 5 نىسانعا قوسىلاتىن جالپى قارجى 2 ميلليارد دوللار.
ءار سالاداعى اۋقىمدى اۋىس - كۇيىس، سەلبەستىك بارىنشا تەرەڭدەدى
جۇڭگو مەن قازاقستاننىڭ دوستىعى ۇزاقتان جالعاسىپ كەلەدى، جۇڭگونىڭ شينجياڭى مەن قازاقستان ىرگەلەس كورشى، گۋمانيتارلىق قارىم - قاتىناسى، دوستىق سۇيىسپەنشىلىگى تەرەڭ، مادەنيەت سالاسىنداعى اۋقىمدى اۋىس - كۇيىس ەكى جاقتىڭ ءار سالاداعى سەلبەستىگىنە تاماشا قوعامدىق نەگىز قالادى.
ءوزارا ءتۇسىنىسۋدى تەرەڭدەتۋ ءۇشىن، جاڭ چۇنشيان استاناداعى بەيبىتشىلىك جانە كەلىسىم سارايىندا قازاقستان حالىق اسسامبلەياسى ءتوراعاسىنىڭ ءبىرىنشى ورىنباسارى ەرالى لۇقپان ۇلى توعجانوۆپەن كەزدەستى. ەكى جاق ۇلتتار ىنتىماعى، العاباسارلىعى، ءدىن ىستەرىن باسقارۋ جونىندە پىكىر اۋىستىردى.
وقۋ - اعارتۋ، عىلمي زەرتتەۋ سالاسىندا، جۇڭگونىڭ شينجياڭى مەن قازاقستان جاقسى سەلبەسىپ كەلەدى. جاڭ چۇنشيان شيجياڭ اۋىل شارۋاشىلىق ۋنيۆەرسيتەتى مەن قازاقستان سەيفۋلين اتىنداعى اگرو تەحنيكا ۋنيۆەرسيتەتى سەلبەسىپ قۇرعان جۇڭگو - قازاقستان عىلىم - تەحنيكا، وقۋ - اعارتۋ اۋىس - كۇيىس ورتالىعىنا كەلىپ، اۋىل شارۋاشىلىق ماشينالارىن زەرتتەۋ ورنى مەن حانزۋ ءتىلى ورتالىعىن تەكسەردى. جاڭ چۇنشيان 2 مەكتەپتىڭ سەلبەستىك، اۋىس - كۇيىس جاساۋدا قول جەتكىزگەن جەتىستىكتەرىن تۇراقتاندىرىپ، ولاردى ىشكەرىلەي سەلبەسىپ، ەكى جاقتاعى ەگىنشى - مالشىلاردى بارىنشا يگىلىككە كەنەلدىرۋگە شابىتتاندىردى.
وسى رەتكى ساپارىندا جاڭ چۇنشيان استانا قالاسىنداعى ەسىلەسىك ۇكىمەتىنىڭ قىزمەت كورسەتۋ ورتالىعىن كوزدەن كەشىرىپ، قىزمەت كورسەتۋ ورتالىعىنىڭ جۇمىس جاعدايىن ەگجەي - تەگجەيلى ۇعىستى؛ اۋليە - ۆوزنەسەنسكي شىركەۋى مەن قازىرەت سۇلتان مەشىتىنە بارىپ، قازاقستاننىڭ ءدىن ىستەرىن باسقارۋ جاعىنداعى ادىستەرىن تەرەڭدەي ۇعىستى؛ استانا قالاسىنىڭ جوبا قۇرىلىسى جاعدايىن ۇعىسىپ، ەلىمىزدىڭ قازاقستاندا تۇراتىن ەلشىلىگىندەگى قىزمەتكەرلەردىڭ، جۇڭگو قارجىلاندىرعان كاسىپورىندارداعى قىزمەتكەرلەردىڭ جانە قازاقستاندا وقىپ جاتقان وقۋشىلاردىڭ ۋاكىلدەرىمەن كەزدەستى.
اۆتونوميالى رايوندىق پارتكومنىڭ تۇراقتى مۇشەسى عانيبات سابىكەي ۇلى بىرگە ساپارلاي باردى. ەلىمىزدىڭ قازاقستانداعى باس ەلشىسى جاڭ حانحۇي ساپاردا بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
