بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شوكىرات زاكىر ءۇرىمجى قالاسىندا تەكسەرۋ − زەرتتەۋ جۇرگىزگەندە ناقتى ىستەر ىستەپ، الدىڭعى لەكتە ءجۇرۋدى تالاپ ەتتى

2016.05.06 14:48     كەلۋ قاينارى : ءتاڭىرتاۋ تورابى

  ءۇرىمجى قالاسىنىڭ ەكونوميكاسىنىڭ، قوعامىنىڭ ءارى جاقسى، ءارى تەز دامۋىن ىلگەرىلەتەيىك

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر 5 - مامىردا ءۇرىمجى قالاسىنىڭ ەكونوميكالىق، قوعامدىق ىستەرىنىڭ دامۋ جاعدايىنا تەكسەرۋ - زەرتتەۋ جۇرگىزدى. شوكىرات زاكىر مىنانى باسا دارىپتەدى: ءۇرىمجى قالاسى ورتالىق پەن اۆتونوميالى رايوندىق پارتكومنىڭ شەشىمدەرىن، ورنالاستىرۋلارىن جانە تالاپتارىن، دايەكتى تياناقتاندىرۋدى مىقتاپ ۇستاپ، ناقتى ىستەر ىستەپ، الدىڭعى لەكتە جۇرۋدەن جازباي، ءۇرىمجى قالاسى ەكونوميكاسىنىڭ، قوعامىنىڭ ءارى جاقسى، ءارى تەز دامۋىن قۇلشىنا ىلگەرىلەتۋ كەرەك.

  ءبىر كۇن ىشىندە شوكىرات زاكىر ءۇرىمجى قالاسىنىڭ تيانشان رايونىنا، ەكونوميكالىق - تەحنيكالىق اشۋ رايونىنا (توۋتۇنحى رايونى) بارىپ، الەۋمەتتىك اۋماق، كاسىپورىن، قۇرىلىس ورنى، قالا جاڭا راي−ونى سياقتى ورىنداردى ارالاپ، ءۇرىمجى قالاسىنىڭ ەكونوميكالىق دامۋ، حالىق تۇرمىسىن جاقسارتۋ، ۇلتتار ىنتىماعى، نەگىزگى ساتى نەگىزدىك قۇرىلعىلار قۇرىلىسى سياقتى قىزمەتتەرىنە تەكسەرۋ - زەرتتەۋ جۇرگىزدى.

  شوكىرات زاكىر الدىمەن تيانشان رايونى يان - ان كوشەسى اۋماعىن باسقارۋ كوميتەتىنە قاراستى جيشۇن كوشەسى سولتۇستىك الەۋمەتتىك اۋماعىنا باردى، «ۇلتتار ىنتىماعى، العاباسارلىعى جىلى» قيمىلىن ورىستەتۋدە بۇل الەۋمەتتىك اۋماق كىرىكپەلى قونىستانۋ الەۋمەتتىك اۋماعىن بەلسەنە قۇرىپ، ءار ۇلت حالقىنىڭ جاراسىمدى تۇرمىس ورتاسىن قالىپتاستىردى. بىلتىر بۇل الەۋمەتتىك اۋماق قالا بويىنشا «ۇلتتار ىنتىماعىنداعى ۇلگىلى الەۋمەتتىك اۋماق» اتاعىنا يە بولدى.

  شوكىرات زاكىر تۇرعىنداردىڭ اراسىنا بارىپ، ولارمەن ىستىق ىقىلاستى اڭگىمەلەستى، ولاردىڭ قىزمەت، تۇرمىس جاعدايىن ۇعىستى جانە الەۋمەتتىك اۋماقتىڭ قىزمەتى جونىندەگى باعاسىن سۇرادى، جۇرتشىلىق «جاقسى»، «ايتار جوق» دەپ وزدەرىنىڭ ورتاق ويىن ءبىلدىردى. شوكىرات زاكىر الەۋمەتتىك اۋماقتىڭ ۇلتتار ىنتىماعى قىزمەتىن تولىق تۇراقتاندىردى. ول بىلاي دەدى: ءار ۇلت كادرلارى تاجىريبەلەردى ويداعىداي قورىتىندىلاپ، ناقتى دا جارامدى باياندى مەحانيزمدى بەلسەنە قاراستىرىپ، ۇلتتار ىنتىماعىن، العاباسارلىعىن ىلگەرىلەتىپ، ءار ۇلت حالقىنىڭ ارالاسۋىن، ىشتەسۋىن، توعىسۋىن جەدەلدەتىپ، ۇلتتار ىنتىماعى، العاباسارلىعى ىستەرىن جەبەۋگە ۇلەس قوسۋى كەرەك.

  ەكونوميكالىق - تەحنيكالىق اشۋ رايونىنىڭ (توۋتۇنحى رايونى) جوعارى قارقىندى تەمىر جول اۋماعىندا، شوكىرات زاكىر جاڭا رايوننىڭ جوبا قۇرىلىسىنىڭ جاعدايىن تەكسەرگەننەن كەيىن مىنانى اتاپ كورسەتتى: جوعارى قارقىندى تەمىر جول اۋماعى قۇرىلىسىن وراي ەتىپ، جاڭا رايون قۇرىلىسىنىڭ اياق الىسىن جەدەلدەتىپ، ساۋدا، فينانس، ينفورماتسيا، قاتىناس سياقتى وسى زامانعى قىزمەت وتەۋ كاسىبىن زور كۇشپەن دامىتىپ، جىبەك جولى ەكونوميكالىق بەلدەۋى وزەكتى رايونىنداعى «بەس ورتالىق» قۇرىلىسىنىڭ اياق الىسىن جەدەلدەتۋ كەرەك.

  تۇستەن كەيىن ءۇرىمجى قالاسىنىڭ ەكونوميكالىق، قوعامدىق دامۋ جاعدايى جونىندەگى مالىمەتتى تىڭداعاننان كەيىن، شوكىرات زاكىر مىنانى اتاپ كورسەتتى: ءۇرىمجى قالالىق پارتكوم، قالالىق ۇكىمەت اۆتونوميالى رايوندىق پارتكومنىڭ پارمەندى باسشىلىعىندا، تىزە قوسا سەلبەسىپ، شىنايى يگەرىپ، تىڭعىلىقتى ىستەپ، نەگىزگى ساتىنىڭ نەگىزىن ۇزدىكسىز بەكەمدەدى، جالپىلىق ەكونوميكالىق قۋاتى ۇزدىكسىز كۇشەيدى، ءار ۇلت جۇرتشىلىعىنىڭ تۇرمىس ورەسى دە كورنەكتى دارەجەدە جوعارىلادى، قوعامدى جونگە سالۋ ورەسى دە جاپپاي كوتەرىلدى، ءتۇرلى جاقتارداعى قىزمەتتە كورنەكتى ونىمدىلىككە قول جەتكىزدى، ماڭىزدى ونەگەلىك، جەتەكشىلىك رولىن ساۋلەلەندىردى.

  شوكىرات زاكىر مىنانى باسا دارىپتەدى: ورنىقتىلىق قىزمەتىن تيتتەي دە بوساڭسىماي مىقتاپ ۇستاپ، ورنىقتىلىقتى قورعاۋ شارالارىن تىڭعىلىقتى تياناقتاندىرۋ، جۇرتشىلىقتى الاڭسىز ەتۋ، تۇتاس شينجياڭنىڭ ورنىقتىلىق جالپى جاعدايىنا ءتيىستى ۇلەس قوسۋ؛ بەس ۇلكەن دامۋ يدەياسىن مىقتاپ ورناتىپ، ەكونوميكا تيبىن وزگەرتۋ مەن رەفورمانى تەرەڭدەتۋدى ءبىر تۇتاس جوسپارلاپ، تاباندىلىقپەن ورنىقتى ارتتىرۋ، قۇرىلىمدى رەتتەۋ، حالىق تۇرمىسىنا تيىمدىلىك جەتكىزۋ، ەكونوميكانىڭ ورنىقتى دا اقاۋسىز دامۋىن جەبەۋ، تۇتاس رايونىمىز ەكونوميكاسىنىڭ باياندى، اقاۋسىز دامۋىن ىلگەرىلەتۋ ءۇشىن اناعۇرلىم زور ۇلەس قوسۋ؛ جىبەك جولى ەكونوميكالىق بەلدەۋىندەگى وزەكتى رايون قۇرىلىسىن ارقاۋ ەتىپ، گۋمانيتارلىق سالا، عىلىم - تەحنيكا، قاتىناس تورابى سياقتى جاقتارداعى ەرەكشە باسىمدىقتارىن ساۋلەلەندىرىپ، سىرتقا ەسىك اشۋدى جاپپاي كەڭەيتىپ، «بەس ۇلكەن ورتالىق» قۇرىلىسىن جەدەلدەتۋ، سونىمەن قاتار كاسىپورىننىڭ سىرتقا ءورىس اشۋىن قولداۋ، ورتا، باتىس ازيا مەن ەۆروپا بازارىن نىسانا ەتكەن كاسىپتەردى دامىتىپ، حالىقارالىق باسەكەلىك قۋاتىن كۇشەيتۋ؛ حالىق تۇرمىسىن ءۇرتىس جاقسارتىپ، ءار ۇلت جۇرتشىلىعىنىڭ تۇرمىس ورەسىن ۇزدىكسىز جوعارىلاتۋ كەرەك. 7 - رەتكى حالىق تۇرمىسى قۇرىلىسى جىلىن اتقارۋدى ارقاۋ ەتىپ، ءتۇيىندى حالىق تۇرمىسى ينجەنەريالارىن زور كۇشپەن اتقارىپ، حالىق تۇرمىسىن جاقسارتاتىن ناقتى ىستەردى تياناقتاندىرىپ، بۇقارانىڭ باقىت سەزىمىن بارعان سايىن كۇشەيتۋ كەرەك؛ ءۇرىمجى قالاسى تۇتاس شينجياڭنىڭ تەرەزەسى، رايونىمىزدىڭ ساياسي، ەكونوميكالىق ورتالىعى ساناتىندا، ورتالىقتىڭ قالا قىزمەتى ءماجىلىسىنىڭ رۋحىن دەن قويا دايەكتىلەندىرىپ، وسىزاماندانعان قالا قۇرىلىسى اياق الىسىن جەدەلدەتىپ، ورتالىق قالانىڭ ىقپال جاساۋ، جەتەكتەۋ رولىن ويداعىداي ساۋلەلەندىرۋ قاجەت.

  شوكىرات زاكىر مىنانى اتاپ كورسەتتى: اۆتونوميالى رايوننىڭ «ۇلتتار ىنتىماعى، العاباسارلىعى جىلىنداعى» ورنالاستىرۋلارى بويىنشا، «ۇلتتار ىنتىماعى، العاباسارلىعى جىلى» قيمىلىن ىشكەرىلەي، تىڭعىلىقتى ورىستەتىپ، ۇلتتار ىنتىماعى مەن ءدىن جاراسىمدىلىعى قىزمەتىن دەن قويا ويداعىداي ىستەپ، ۇلتتار ىنتىماعى، العاباسارلىعى ىستەرىن جاپپاي ىلگەرىلەتۋ؛ نەگىزگى ساتىنىڭ پارتيا قۇرىلىسىن كۇشەيتىپ، نەگىزگى ساتىنىڭ نەگىزدىك قىزمەتىن اناعۇرلىم بەكەمدەۋ كەرەك.

  اۆتونوميالى رايوندىق پارتكومنىڭ ورىنباسار شۋجيى، ءۇرىمجى - سانجى پارتكومىنىڭ شۋجيى، ءۇرىمجى قالالىق پارتكومنىڭ شۋجيى جۋ حايلۇن، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي تەكسەرىپ، زەرتتەۋدە بىرگە بولدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.