- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشتى
2016.05.06 14:49 كەلۋ قاينارى : ءتاڭىرتاۋ تورابى
ساياسي كەڭەستىڭ فۋنكتسياسىن اتقارۋدى ارقاۋ ەتە وتىرىپ، ءدىن قىزمەتىن ويداعىداي ىستەۋ كەرەك
اۆتونوميالى رايوندىق ساياسي كەڭەس 5 - مامىردا پارتيا باسشىلىق گرۋپپاسىنىڭ (كەڭەيتىلگەن) ءماجىلىسىن اشىپ، وزەكتى گرۋپپانىڭ توپتىق ۇيرەنۋىن وتكىزىپ، مەملەكەتتىك ءدىن قىزمەتى ءماجىلىسىنىڭ رۋحىن جەتكىزدى، ۇيرەندى.
اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ماجىلىسكە قاتىناستى ءارى ءسوز سويلەدى. ول مىنانى اتاپ كورسەتتى: باس شۋجي شي جينپيڭنىڭ ماڭىزدى ءسوزى − پارتيا مەن مەملەكەت ىستەرىن دامىتۋ جالپى جاعدايى ستىراتەگيالىق تۇرعىسىندا سويلەنگەن، ءدىن قىزمەتى ءدوپ كەلگەن جاعدايلار مەن مىندەتتەرگە عىلمي تالداۋ جاساپ، جۇڭگوشا سوتسياليزمنىڭ ءدىن نازارياسىن ايقىن ورتاعا قويىپ، ءدىن قىزمەتىنە قاتىستى ءبىر قىدىرۋ كەلەلى نازاريالىق جانە امالياتتىق ماسەلەلەرگە ىشكەرىلەي تۇسىنىك جاساعان، ءبىزدىڭ جاڭا جاعدايداعى ءدىن قىزمەتىنە جەتەكشىلىك ەتەتىن پروگراممالىق حۇجات. ساياسي كەڭەستىڭ ءار دارەجەلى ۇيىمدارى، ساياسي كەڭەسكە قاتىناسۋشى ورىندار جانە ءار ۇلت، ءار سالا قايراتكەرلەرى يدەيالىق تانىمدارىن اناعۇرلىم جوعارىلاتىپ، ىشكەرىلەي ۇيرەنىپ، ءتۇسىنىپ، ءدىن قىزمەتى نەگىزگى باعىتىنىڭ شەشۋشى ءتۇيىنىن ءداپ باسىپ مەڭگەرىپ، يدەيا مەن ارەكەتتى مەملەكەتتىك ءدىن قىزمەتى ءماجىلىسىنىڭ رۋحىمەن، اۆتونوميالى رايوندىق پارتكومنىڭ جاڭا جاعدايداعى شينجياڭنىڭ ءدىن قىزمەتىنە جاساعان ورنالاستىرۋلارىمەن شىنايى بىرلىككە كەلتىرۋلەرى كەرەك.
نۇرلان ءابىلماجىن ۇلى مىنانى باسا دارىپتەدى: ساياسي كەڭەس فۋنكتسياسىن اتقارۋدى ارقاۋ ەتە وتىرىپ، ءدىن قىزمەتىن ويداعىداي ىستەۋ كەرەك. ءار دارەجەلى ساياسي كەڭەس ىنتىماق، دەموكراتيا سىندى ەكى ۇلكەن تاقىرىپتى ارقاۋ ەتىپ، ساياسي كەڭەستىڭ ەڭ كەڭ كولەمدى وتانشىلدىق بىرلىكساپ ۇيىمى بولۋداي ابزالدىلىعىن تولىق ساۋلەلەندىرىپ، «ساياسي جاقتا ىنتىماقتى بولۋدان، سەلبەسۋدەن، سەنىم جاعىندا ءوزارا قۇرمەت ەتۋدەن» جازباي، ءدىني سەنىم بوستاندىعىنا قۇرمەت ەتىپ جانە ونى قورعاپ، دىنگە سەنەتىن بۇقارا مەن دىنگە سەنبەيتىن بۇقارانى ءبىر - بىرىنە تەڭ مامىلە جاساۋعا، ءوزارا قۇرمەت ەتۋگە، ىنتىماقتاسۋعا جەتەكتەپ، ءدىني قايراتكەرلەر مەن جالپى دىنگە سەنەتىن بۇقارانى پارتيا مەن ۇكىمەتتىڭ توڭىرەگىنە تىعىز ىنتىماقتاستىرىپ، ءدىن قىزمەتىن جابال جاقسى ىستەيتىن تاماشا ورتا قالىپتاستىرۋ كەرەك. ماسەلەنى نىشان ەتۋدەن جازباي، پارتيانىڭ ءدىن ساياساتىنىڭ دايەكتى اتقارىلۋ احۋالى، ءدىن قىزمەتىندەگى ماڭىزدى ماسەلەلەر، ءار ۇلت كادرلارى، بۇقاراسى جانە دىنگە سەنەتىن بۇقارا جاپپاي كوڭىل بولەتىن ماسەلەلەر توڭىرەگىندە تەكسەرۋ - زەرتتەۋ جۇرگىزىپ، ۇسىنىس - پىكىر قويىپ، پارتكوم مەن ۇكىمەتكە سەلبەسىپ، جاڭا جاعدايداعى ءدىن قىزمەتىن جاقسى ىستەۋ كەرەك. «ەكىنى ۇيرەنۋ، ءبىر بولۋ» ۇيرەنۋ، تاربيەسىمەن ۇشتاستىرىپ، جالپى پارتيا مۇشەلەرىن ماركسيزمدىك اتەيستەردەن بولۋعا تاربيەلەۋ كەرەك.
نۇرلان ءابىلماجىن ۇلى مىنانى تالاپ ەتتى: ساياسي كەڭەس ۇيىمدارىنىڭ ءدىني قايراتكەرلەرمەن بايلانىسىن كۇشەيتۋ كەرەك. ۇلت جانە ءدىن كوميتەتى ءدىن قىزمەتىنە قاتىستى قىزمەت فۋنكتسياسىن اتقارۋ جونىندە زەرتتەۋ جۇرگىزۋدى جانە جوبا جاساۋدى ونان ارى كۇشەيتىپ، ءدىن قىزمەتىن جاقسى ىستەۋگە قاجەتتى قابىلەت پەن دەڭگەيىن جوعارىلاتۋعا كۇش سالۋ كەرەك. ءدىن سالاسىنداعى ۋاكىلدىك قايراتكەرلەرمەن جانە دىنگە سەنەتىن بۇقارامەن ىنتىماقتى قارىم - قاتىناستى اناعۇرلىم ويداعىداي ساقتاپ، ولاردىڭ اۆتونوميالى رايوننىڭ رەفورما، دامۋ، ورنىقتىلىق ىستەرىندەگى بەلسەندى رولىن تولىق ساۋلەلەندىرىپ، شينجياڭنىڭ ءدىن قىزمەتىن جاقسى ىستەۋگە ءتيىستى ۇلەستەر قوسۋ كەرەك.
اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ مۇشەسى، اۆتونوميالى رايوندىق ساياسي كەڭەستىڭ ورىنباسار ءتوراعاسى، اۆتونوميالى رايوندىق پارتكوم بىرلىكساپ ءبولىمىنىڭ باستىعى چىڭ جىنشان مەملەكەتتىك ءدىن قىزمەتى ءماجىلىسىنىڭ رۋحىنا تۇسىنىك جاسادى.
اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، اۆتونوميالى رايوندىق ساياسي كەڭەستىڭ ورىنباسار ءتوراعاسى باي جىجيە، اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ مۇشەسى، اۆتونوميالى رايوندىق ساياسي كەڭەستىڭ ورىنباسار ءتوراعالارى ريزۋان ابەي، ليۋ جىيۇڭ، ۋان حايچۋان ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
