- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوندىق ءتارتىپ تەكسەرۋ كوميتەتى «ەكى جاۋاپكەرلىكتى» تياناقتاندىرۋدا دارمەنسىزدىك كورسەتىپ، جاۋاپكەرلىگى قۋزاستىرىلعان تيپتىك 4 ماسەلە جونىندە حابارلاندىرۋ تاراتتى
2016.05.06 14:51 كەلۋ قاينارى : ءتاڭىرتاۋ تورابى
جۋىقتا، اۆتونوميالى رايوندىق ءتارتىپ تەكسەرۋ كوميتەتى پارتيانى جاپپاي، قاتاڭ جونگە سالۋدا سۋبيەكتيۆتىك جاۋاپكەرلىك پەن باقىلاۋ جاۋاپكەرلىگىن تياناقتاندىرۋدا دارمەنسىزدىك كورسەتىپ، جاۋاپكەرلىگى قۋزاستىرىلعان تيپتىك 4 ماسەلەنى حابارلاندىردى. بۇل تيپتىك 4 ماسەلە:
باسقارۋ كولەمىندەگى قىزمەتكەردىڭ تارتىپكە قايشىلىق جاساعاندىعى سەبەپتى، ىلە قازاق اۆتونوميالى وبلىسى قۇلجا قالاسىنىڭ قول جەتىمدى تۇرعىن ۇيگە قارجى قوسۋ جانە باسقارۋ سەرىكتەستىگىنىڭ باس جوراسى شۇي جىڭنىڭ جاۋاپكەرلىگى قۋزالدى. 2015 - جىلى 20 - قاراشادا قۇلجا قالاسىنىڭ قول جەتىمدى تۇرعىن ۇيگە قارجى قوسۋ جانە باسقارۋ سەرىكتەستىگىنىڭ قىزمەتكەرى ۋاڭ ۋي سەرىكتەستىكتىڭ كولىگىمەن ۇيىنە قايتقان، جولدا كولىك اپاتىنا ۇشىراپ، ءبىر ادامدى جاراقاتتاپ، كولىكتى زاقىمداعان. 2016 - جىلى ناۋرىز ايىندا سۋبيەكتيۆتىك جاۋاپكەرلىگىن تياناقتاندىرۋدا دارمەنسىزدىك كورسەتكەندىگى سەبەپتى، شۇي جىڭعا پارتيا ىشىندە ەسكەرتۋ جازاسى بەرىلدى.
باسقارۋ كولەمىندەگى قىزمەتكەردىڭ تارتىپكە قايشىلىق جاساعاندىعى سەبەپتى، سانجى حۇيزۋ اۆتونوميالى وبلىسى سانجى قالاسى نيڭبيان ءمالى باسقارماسى پارتيا قىزمەت كوميتەتىنىڭ شۋجيى حى كايچۇننىڭ جاۋاپكەرلىگى قۋزاستىرىلدى. 2015 - جىلى اقپان ايىندا نيڭبيانءمالى باسقارماسى ساياحات كاسىپورنىنىڭ ورنالاستىرۋى ارقىلى سىچۋانعا بارىپ ۇيرەنۋگە، ەكسكۋرسياعا قاتىسقان سوڭ، ىزىنشە يۇنناننىڭ دالي، ليجياڭ بايىرعى قالاشىعى سياقتى ساياحات ورىندارىن ارالاعان، ساياحات ءۇشىن ۇكىمەت اقشاسىنان 95 مىڭ يۋاننان استام جۇمساعان. ۇيىرمە باستاپ بارعان جانە ۇكىمەت اقشاسىمەن ساياحاتتاۋعا قاتىسقان پارتيا قىزمەت كوميتەتىنىڭ ورىنباسار شۋجيى، مەڭگەرۋشى جاڭ يشىڭگە پارتيا ىشىندە قاتاڭ ەسكەرتۋ جازاسى بەرىلدى. 2015 - جىلى جەلتوقسان ايىندا سۋبيەكتيۆتىك جاۋاپكەرلىگىن تياناقتاندىرۋدا دارمەنسىزدىك كورسەتكەندىگى سەبەپتى، حى كايچۇنگە پارتيا ىشىندە ەسكەرتۋ جازاسى بەرىلدى.
باسقارۋ كولەمىندەگى قىزمەتكەردىڭ تارتىپكە، زاڭعا قايشى ماسەلەسى ءۇشىن، قۇمىل ايماعى باركول قازاق اۆتونوميالى اۋداندىق قاتىناس - تاسىمال مەكەمەسىنىڭ باستىعى جالەل قالەل ۇلى سياقتى ادامداردىڭ جاۋاپكەرلىگى قۋزاستىرىلدى. 2013 - جىلى تامىز ايىنان 2015 - جىلى ناۋرىز ايىنا دەيىن، باركول قازاق اۆتونوميالى اۋدانى قاتىناس - تاسىمال مەكەمەسىنىڭ كاسسىرى دىڭ حاۋيان قىزمەت قولايلىلىعىنان پايدالانىپ، مەكەمەنىڭ جانار ماي كارتچكاسىنىڭ قوسالقى كارتچكاسىن جاساپ الىپ، ءوزىنىڭ جانە باسقالاردىڭ كولىگىنە ماي قۇيۋ ءۇشىن 3000 يۋاننان استام اقشا جۇمساعان؛ كارتچكامەن ماي قۇيىپ بەرىپ، اقشاسىن الۋ تاسىلىمەن 83 مىڭ يۋاننان استام ۇكىمەت اقشاسىن قىمقىرعان، ونى پروكۋراتۋرا ورگاندارى جەمقورلىق قىلمىسى بويىنشا ايىپتادى. 2016 - جىلى ناۋرىز ايىندا سۋبيەكتيۆتىك جاۋاپكەرلىگىن تياناقتاندىرۋدا دارمەنسىزدىك كورسەتكەندىگى سەبەپتى، جالەل قالەل ۇلىنا پارتيا ىشىندە ەسكەرتۋ جازاسى، ورىنباسار مەكەمە باستىعى ي جيانشينگە (مەكەمەنىڭ قازىنا قىزمەتىنە جاۋاپتى) پارتيا ىشىندە قاتاڭ ەسكەرتۋ جازاسى بەرىلدى.
باسشىلىق القا مۇشەلەرىنىڭ تارتىپكە قايشىلىق جاساعان ماسەلەسى ءۇشىن، بايىنعولين موڭعۇل اۆتونوميالى وبلىسى چەرشەن اۋداندىق جەرگىلىكتى سالىق مەكەمەسى پارتگرۋپپاسىنىڭ شۋجيى، مەكەمە باستىعى ان جۇن سياقتى ادامداردىڭ جاۋاپكەرلىگى قۋزاستىرىلدى. 2015 - جىلى 19 - قىركۇيەكتە چەرشەن اۋدانى جەرگىلىكتى سالىق مەكەمەسى پارتگرۋپپاسىنىڭ مۇشەسى، ورىنباسار مەكەمە باستىعى ياڭ جو ۇكىمەت جۇمىسىن ءبىتىرۋ ءۇشىن ۇكىمەت كولىگىن پايدالانىپ، قايتار جولدا ءوزىنىڭ جەكە جۇمىسىنا بارعان. 2015 - جىلى جەلتوقساندا ياڭ جوعا اكىمشىلىك ەسكەرتۋ جازاسى بەرىلدى. سۋبيەكتيۆتىك جاۋاپكەرلىگىن تياناقتاندىرۋدا دارمەنسىزدىك كورسەتكەندىگى سەبەپتى، ان جۇنعا اكىمشىلىك ەسكەرتۋ جازاسى بەرىلدى؛ باقىلاۋ جاۋاپكەرلىگىن تياناقتاندىرۋدا دارمەنسىزدىك كورسەتكەندىگى سەبەپتى، مەكەمە پارتگرۋپپاسىنىڭ مۇشەسى، ءتارتىپ تەكسەرۋ گرۋپپاسىنىڭ باستىعى رەيىم ازەز حابارلاندىرۋ شىعارىپ سىندالدى.
حابارلاندىرۋدا مىنالار تالاپ ەتىلدى: بۇكىل رايونداعى ءار دارەجەلى پارتيا ۇيىمدارى، ءتارتىپ تەكسەرۋ، باقىلاۋ - تەكسەرۋ ۇيىمدارى جانە پارتيالى باسشى كادرلار بۇدان ساباق، شىنايى عيبىرات الىپ، جاۋاپكەرلىكتى كۇشەيتىپ، جاۋاپكەرلىكتى ادا ەتۋى كەرەك. ءتارتىپ قۇرىلىسىن تۇبىرىنەن وڭاۋ شاراسى ەتىپ، پارتيالى كادرلاردى تاربيەلەۋ، باسقارۋ، باقىلاۋدى كۇشەيتىپ، ءتارتىپ پەن قاعيدانى الدىڭعى ورىنعا قويىپ، باقىلاۋدىڭ، ءتارتىپ اتقارۋدىڭ «ءتورت ءتۇرلى فورماسىنان» جاقسى پايدالانىپ، نىسايلىق، بەتالىستىق ماسەلەلەردى ەرتە باستان، كىشكەنەسىنەن باستاپ مىقتى ۇستاپ، قىلپ ەتكەنىن قيىپ ءتۇسىرۋ، ءتارتىپ پەن قاعيدا ورناتۋ، قاتايتۋ، ناقتاپ اتقارۋ كەرەك. جاۋاپكەرلىكتى قۋزاستىرۋدى پارتيانى جاپپاي، قاتاڭ جونگە سالۋدىڭ شەشۋشى بۋىنى ەتىپ، جاۋاپكەرلىكتى قاتاڭ قۋزاستىرۋعا تاباندى بولۋ، جاۋاپكەرلىگىن وتەمەگەندەردى، ءسوز جوق، قۋزاستىرۋ، جاۋاپكەرلىكتى، ءسوز جوق، قاتاڭ قۋزاستىرۋ، پارتيانى جاپپاي، قاتاڭ جونگە سالۋدىڭ سۋبيەكتيۆتىك جاۋاپكەرلىگى مەن باقىلاۋ جاۋاپكەرلىگىن ناقتاپ تياناقتاندىرۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
