بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

چى جۇن قۇمىل قالاسىندا قىزمەت تەكسەرگەندە پارتيا قۇرىلىسىن يگەرۋدى، نەگىزدى كۇشەيتۋدى، كەدەيلىكتەن قۇتىلۋدى جەدەلدەتۋدى باسا دارىپتەدى

2016.05.09 14:09     كەلۋ قاينارى : ءتاڭىرتاۋ تورابى

  اۆتونوميالى رايوندىق پارتكومنىڭ ورىنباسار شۋجيى چى جۇن اۆتونوميالى رايوندىق پارتكومنىڭ ۇيىمداستىرۋ ءبولىمى، اۋىل - قىستاق قىزمەت كەڭسەسى، نەگىزگى ساتى كەڭسەسى جانە اۆتونوميالى رايوننىڭ كەدەيلىكتەن قۇتىلدىرۋ كەڭسەسى سياقتى تاراۋلاردىڭ قاتىستى ادامدارىن باستاپ، 3 - ، 4 - مامىر كۇندەرى قۇمىل قالاسىنىڭ اراتۇرىك اۋدانىنداعى، باركول قازاق اۆتونوميالى اۋدانىنداعى اۋىل، قالاشىق، قىستاق جانە مال شارۋاشىلىق رايوندارىنا بارىپ، كەزەك اۋىستىرىپ سايلاۋ، ءالسىز، بىتىراڭقى نەگىزگى ساتى پارتيا ۇيىمدارىن رەتتەۋ، وڭاۋ، «پارتيا ۋستاۆىن، پارتيا قاعيداسىن ۇيرەنۋ، جەلىلەس سوزدەردى ۇيرەنۋ، تولىمدى پارتيا مۇشەسى بولۋ» ۇيرەنۋ تاربيەسى، كەدەيلىكتەن قۇتىلدىرۋدان قامال الۋ سياقتى قىزمەتتەردىڭ جاعدايىن تەكسەردى، نەگىزگى ساتىداعى ءار ۇلت كادرلارىمەن جانە جۇرتشىلىقپەن اڭگىمە ءماجىلىس وتكىزىپ، پىكىر اۋىستىردى، نەگىزگى ساتىنىڭ ۇيىمدىق قۇرىلىسىن كۇشەيتۋدىڭ، ەگىنشى - مالشىلاردىڭ كەدەيلىكتەن قۇتىلىپ، اۋقاتتانۋىن جەدەلدەتۋدىڭ، اۋىل شارۋاشىلىعى، اۋىل - قىستاق، شارۋالار قىزمەتىن جاقسى ىستەۋدىڭ شارالارىن بىرگە اقىلداستى.

  چى جۇن مىنانى باسا دارىپتەدى: قازىر ءار دارەجەلى پارتيا، ۇكىمەت ورىندارى تومەندەگى بىرنەشە جاقتاعى قىزمەتتى مىقتاپ ۇستاۋ كەرەك: ءبىرىنشى، كەزەك اۋىستىرىپ سايلاۋعا ۇشتاستىرىپ، نەگىزگى ساتىنىڭ نەگىزىن بەكەمدەۋ قىزمەتى. ءالسىز، بىتىراڭقى نەگىزگى ساتى پارتيا ۇيىمدارىن اناعۇرلىم رەتتەپ، وڭاپ، ءار دارەجەلى باسشىلىق القانى ساپالىلاندىرىپ، قۇرىلىمىن اناعۇرلىم جاقسارتىپ، ساپاسىن اناعۇرلىم جوعارىلاتىپ، سيتىلىن اناعۇرلىم نىعايتىپ، جاۋىنگەرلىك قۋاتىن اناعۇرلىمدى كۇشەيتىپ، ءتۇرلى قىزمەتتەردىڭ ورىستەتىلۋىن ۇيىمدىق جاقتان پارمەندى قامتاماسىز ەتۋ كەرەك. ەكىنشى، «پارتيا ۋستاۆىن، پارتيا قاعيداسىن ۇيرەنۋ، جەلىلەس سوزدەردى ۇيرەنۋ، تولىمدى پارتيا مۇشەسى بولۋ» ۇيرەنۋ تاربيەسىنە ۇشتاستىرىپ، پارتيالى كادرلار قوسىنى قۇرىلىسىن كۇشەيتۋ. ماسەلەنى نىشان ەتۋدەن جازباي، پارتيالى كادرلاردى تاربيەلەۋدى، باسقارۋدى كۇشەيتىپ، «ءتورت ءتۇرلى بۇرىس ستيل» ماسەلەسىن ىشكەرىلەي، تاباندىلىقپەن جونگە سالۋ، ستيلى جاقسى تاماشا قوسىن وبرازىن ورناتۋ؛ ۇيرەنۋ ارقىلى ىستەۋ ىنتاسىن جەبەۋدەن جازباي، وزەكتى قىزمەتتى مىقتاپ ارقاۋ ەتىپ، ءوز قىزمەت ورنىندا ۇيرەنۋ تاربيەسىن ورىستەتىپ، ونىڭ ناتيجەسىن قىزمەتتى تياناقتاندىرۋدى جەدەلدەتۋ، ورنىقتى دامۋدى جەبەۋ، ءار ۇلت جۇرتشىلىعىنا قىزمەت وتەۋ جاقتارىندا بەينەلەۋ قاجەت. ءۇشىنشى، جەر - جەردىڭ ءىس جۇزىندىك جاعدايىنا ۇشتاستىرىپ، كەدەيلىكتەن قۇتىلدىرۋدان قامال الۋ شايقاسىندا جەڭىسكە جەتۋ. ۇيىمدىق باسشىلىقتى شىنايى كۇشەيتىپ، قىزمەت مەحانيزمىن اقاۋسىزداندىرىپ، نىسانالار مەن مىندەتتەردى ايقىنداپ، ءتۇرلى بايلىقتار مەن كۇشتەردى ءبىر تۇتاس جوسپارلاپ، جاۋاپكەرلىكتى تياناقتاندىرۋدى ساتى - ساتى بويىنشا مىقتاپ ۇستاۋ؛ كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ، ءار جەردىڭ جاعدايىنا قاراي، تۇرگە ايىرىپ شارا قولدانۋ، جەكە ادامعا دەيىن سۇيەمەلدەۋ، سۇيەمەلدەۋمەن بىرگە، ءوز كۇشىنە سۇيەنۋگە دە ، اقىل - پاراساتىن ساۋلەلەندىرۋگە دە دەم بەرۋ، كەدەي جۇرتشىلىقتىڭ ءوز - ءوزىن دامىتۋ قابىلەتىن شىنايى كۇشەيتۋ؛ قىزمەت وتەۋدى، جەتەكتەۋدى جانە تەكسەرۋدى كۇشەيتىپ، كەدەيلەردى سۇيەمەلدەۋدىڭ باياندى مەحانيزمىن ورناتىپ، كەدەيلىكتەن شىنايى قۇتىلۋعا، قايتا كەدەيلەسپەۋگە كەپىلدىك ەتۋ كەرەك. ءتورتىنشى، «ۇلتتار ىنتىماعى، العاباسارلىعى جىلىنا» ۇشتاستىرىپ، جاراسىمدى دامۋدى اناعۇرلىم جەبەۋ. اۆتونوميالى رايوندىق پارتكومنىڭ «ۇلتتار ىنتىماعى، العاباسارلىعى جىلى» جونىندەگى شەشىمدەرى مەن ورنالاستىرۋلارىن دايەكتى تياناقتاندىرىپ، ءار ۇلت حالقىنىڭ ارالاسۋىن، ىشتەسۋىن، توعىسۋىن اناعۇرلىم كۇشەيتۋ، ۇلتتار ىنتىماعى، العاباسارلىعىندا ۇلگىلى ورىن قۇرۋ، كىرىكپەلى قونىستانۋ، ءار ۇلت حالقىنىڭ توعىسپالى دامۋى سياقتى جاقتاردا كوبىرەك قىزمەت ىستەپ، كوبىرەك ناتيجە جاراتىپ، شينجياڭنىڭ ۇلتتار ىنتىماعى، العاباسارلىعى ىستەرىنىڭ جاڭا جاعدايىن اشۋعا بەلسەندى ۇلەس قوسۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.