- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىستاق ساقشىسى − گانگوۋ اۋىلىنداعى مالشىلاردىڭ جان اشىر جاقىنى
سۇي يۇنيان
2016.05.09 14:43 كەلۋ قاينارى : شينجياڭ گازەتى
ءتۇيىن
ءۇرىمجى اۋدانىنىڭ گانگوۋ اۋىلىندا قىستاقتا ساقشى بولىپ ىستەيتىن 4 حانزۋ جاس جىگىت بار. ولار اۋىلدىق ساقشى بولىمشەسىنىڭ ساياسي جەتەكشىسى ورازقانعا سايكەسىپ، قوعام حاۋىپسىزدىگىن قورعاۋ جاعىنداعى كاسىپتىك دەڭگەيىن ءوسىرىپ، ەل جاعدايىن، حالىق جوسىنىن مۇمكىندىگىنشە يگەرىپ، اۋىلداستارعا ەگجەي - تەگجەيلى، تىڭعىلىقتى قىزمەت كورسەتتى. ولار 3 جىلدان استام ۋاقىتتا اتقا ءمىنۋدى، قازاقشا سويلەۋدى ۇيرەنىپ، اۋىلداستارمەن بىرگە مالداس قۇرىپ وتىرا قالىپ، اق شاي ءىشىپ، اڭگىمەنىڭ كورىگىن قىزدىرادى. قيىنشىلىعى بار جانداردى قىسپاقتان قۇتقارىپ، كوپشىلىك قول ۇزە المايتىن جان اشىر جاقىن جاندارعا اينالادى.
تيانشان تاۋىنىڭ بوكتەرىنە ورنالاسقان ءۇرىمجى اۋدانىنىڭ گانگوۋ اۋىلىن قازاق، حانزۋ، حۇيزۋ، ۇيعۇر سياقتى 6 ۇلت وكىلدەرى مەكەن ەتكەن، قازاقتار بۇكىل اۋىل حالقىنىڭ %85ىن ۇستايدى.
«قاراستى رايونداعى 8 اكىمشىلىك قىستاق پەن 3 الەۋمەتتىك رايوننىڭ تۇرعىندارىنا وسى 4 جىگىت قىزمەت كورسەتەدى، مەن ولارعا ابدەن سەنەمىن». 26 - ساۋىردە گانگوۋ اۋىلدىق ساقشى بولىمشەسىنە تىلشىلىك بابىمەن بارعانىمدا، قازاق ۇلتىنان شىققان ساياسي جەتەكشى ورازقان ءوزىنىڭ سەنىمدى 4 شاكىرتىن ماقتانىشپەن تانىستىردى.
لي شياۋشۇي، ليۋ شياۋجۇن، شيە كى جانە لي ياڭدار 2012 - جىلى قازاندا قىستاق ساقشىلىعىنا قابىلدانعان. ولار گانگوۋ اۋىلىنا كەلگەننەن كەيىن، قاراستى رايونداعى ءاربىر تۇرعىنمەن شىنايى دوستاسىپ، قاتىستى كاسىپتىك قىزمەتتەردى تىڭعىلىقتى جاقسى ىستەپ، جاراسىمدىلىقتى، ورنىقتىلىقتى كۇش سالا قورعادى.
جاقسى ۇستاز 4 شاكىرتتى تاربيەلەپ شىقتى
ليۋ شياۋجۇن: العاش كەلگەندە سونداي قيىن سەزىلگەن - تۇعىن. ساقشى بولىمشەمىزدىڭ ۇستىنەن ەشقانداي ارىز - شاعىم تۇسپەۋدەي تاماشا ءداستۇرى بار ەكەن، ەگەر ايتارلىقتاي قىزمەت كورسەتپەي، بۇقارانىڭ ريزالىعىنا يە بولا الماساق، وسى جاقسى اتاعىمىز سەلگە كەتەتىن ەدى، − دەيدى.
4 جىگىتتىڭ كوكەيىندەگىسىن ايتقىزباي بىلگەن ورازقان كۇلىمسىرەپ: الاڭداماڭدار، اسىقپاڭدار، سەندەرگە ءبىر - بىرلەپ ۇيرەتەمىن، − دەيدى. وسىدان كەيىن ول 4 جىگىتكە ۇستازدىق ەتۋگە كىرىسەدى. شاكىرتتەرىن ەرتىپ وتباسىلارىن ارالاپ، ەل جاعدايىن ۇعىسىپ، قىزمەت كورسەتىپ، قوعام اماندىعىن، ەل تىنىشتىعىن قورعايدى.
قىستاق ساقشىسىنىڭ اربىرەۋى بىرنەشە ساقشىحانانىڭ قىزمەتىن قوسىمشا ۇستىنە الادى. مالشىلار بىتىراڭقى قونىستانعاندىقتان، ولار تاۋ - تاستى كەزىپ، وزەندى كەشىپ دەگەندەي، وتباسىلارىن ءبىر - بىردەن ارالاپ شىعۋى كەرەك ەدى.
ۋاقىت وتە كەلە كوڭىل قويا تاربيەلەگەن شاكىرتتەر كاسىپكە بىرتىندەپ توسەلىپ، اۋىلداستاردىڭ نوپوسىن ءبىتىرىپ، ءبىر - بىردەن جەتكىزىپ بەرەدى. وسى ازاماتتاردىڭ قۇلشىنىسىندا جەرگىلىكتى ورىننىڭ جاراسىمدى، ورنىقتى تاماشا جاعدايى ۇزبەي ساقتالىپ كەلەدى.
لي شياۋشۇي: ۇستازىمىز كەڭ قولتىق، ساباز كىسى، بىزگە ادام بولۋدىڭ قاعيداسىن كوپ ۇيرەتتى، تۇرمىستا دا ۇزبەي كوڭىل ءبولىپ، قامقورلىق جاساپ وتىرادى، − دەيدى. ول جانە ليۋ شياۋجۇن، شيە كى ۇشەۋى دە ىشكى ولكەلەردەن كەلگەندىكتەن، دەمالىستى رەتتەگەن كەزدە ورازقان كوپشىلىكپەن بىرگە دەمالۋعا قۇلشىنىپ، ولاردى ۇيىنە ەرتىپ اپارۋشى ەدى. ايەلىنە ارنايى قۋىرماش دايىنداتىپ، كەشىندە ۇيىنە قوندىراتىن. بىرگە تەلەۆيزور كورىپ، اڭگىمە دۇكەن قۇرىپ، ارقا - جارقا كەڭەسىپ، جىرعاپ قالاتىن ەدى.
«ۇستازىمىز وتە قايسار كىسى، ءبىزدىڭ ۇلگىمىز». شاكىرتتەرى ورازقاندى وسىلاي باعالايدى ەكەن. گانگوۋ اۋىلىنا قاراستى رايوننىڭ كورىنىسى كوركەم بولعاندىقتان، جاياۋ سەرۋەنشىلەر كوپ كەلەدى. تاۋ ىشىندە اداسىپ كەتەتىندەر جىل سايىن كەزدەسىپ تۇرادى. مۇندايدا ورازقان شاكىرتتەرىن ەرتىپ، تاۋ اسىپ، تاس باسىپ، اداسقان جۇرتتى قۇتقارۋعا، ىزدەۋگە اتتاناتىن. بىردە ولار تاۋدا بىرنەشە ساعات بويى ادام ىزدەيدى، قاسات قار كۇندىز ەرىگەنىمەن، تۇندە مۇز بولىپ قاتىپ، قۇز - قيالى تاۋ جولى كوك تايعاق بولىپ كەتەدى. قايتار جولدا ابدەن ارىپ - شارشاعان ورازقان باسى اينالىپ جىعىلادى. مۇنى كورىپ قاتتى الاڭداعان شاكىرتتەرى ونى دەرەۋ ارقالاپ الا جونەلمەكشى بولادى. ءبىراق ورازقان بىلاي ىستەۋگە قوسىلمايدى، ءتىسىن - تىسىنە باسىپ شىداپ، شاكىرتتەرىنىڭ سۇيەۋىمەن قالعان جولدى ءوزى باسادى.
قازاق ءتىلىن ۇيرەندى
جاڭادان كەلگەن وسى 4 حانزۋ ساقشىعا بولىمشە باستىعى جاڭ يۇڭدىنى قوسقاندا، گانگوۋ اۋىلدىق ساقشى بولىمشەسىندە جيىنى 5 حانزۋ ساقشى بار. ەندىگى جەردە بولىمشەنىڭ الدىنا قوس ءتىلدى ساقشى بولىمشەسىن قۇرۋ سىندى جاڭا نىسانا قويىلدى.
4 جىگىت قولدارىنا بىردەن كىتاپ الىپ، ءار كۇنى جالىقپاي ۇيرەنۋگە كىرىستى. كوپشىلىك ۋاقىتتى كەلىسىپ الىپ، دەمالىستى رەتتەگەن كەزدە، الدىمەن سول كۇنگى ۇيرەنۋ مازمۇندارىنان الىناتىن ەمتيحاننان وتكەننەن كەيىن عانا دەمالۋعا، بولماسا ارى قاراي ۇيرەنۋگە ۋادەلەسەدى. ولار تاعى قازاق ساقشىلارمەن، كومەكشى ساقشىلارمەن سەلبەسىپ، بىرگە بولا قالعان كەزدە قوس تىلدە سويلەسۋگە قۇلشىنىپ، ءبىر - ءبىر سويلەمنەن جاتتىعىپ، بىرگە ۇيرەنىپ، سۇيىسپەنشىلىكتەرىن تەرەڭدەتتى.
ليۋ شياۋجۇن: بۇل جەردىڭ حالقى سونداي ىزگى نيەتتى كەلەدى، قازاقشا ءبىر اۋىز اماندىق ءسوزدىڭ وزىنە ءدان ريزا بولىپ، قۋانىپ قالادى، − دەيدى. جىگىتتەر كەيدە جۇرتتىڭ اڭگىمەسىن تىڭداپ كورىپ، اڭگىمەدەگى وزدەرى بىلەتىن سوزدەردى جالپى كونتەكسپەن ۇشتاستىرىپ، اڭگىمەنىڭ ۇزىن ىرعاسىن تۇسپالداپ تۇسىنەدى. ءاسىلى قازاق مالشىلارى دا ازىن - اۋلاق حانزۋشا بىلەدى، كەيىن ولار حانزۋشا مەن قازاقشانى ارالاستىرىپ سويلەپ، وعان ميميكا مەن قول يشاراتىن قوسقاندا، سونداي قىزۋ، شىنايى كۇيگە ەنۋشى ەدى.
بىردە لي شاۋشۇي كورشى - قولاڭدار اراسىنداعى داۋ - دامايدى شەشكەلى بارادى، سونىمەن كوپشىلىكپەن بىرگە مالداستى قۇرىپ، شاي ىشە وتىرپ، جاي اڭگىمەلەسەدى. ول: شىنىن ايتقاندا، داۋ - داماي تۋرالى كوپ ەشتەڭە ايتپادىق، تەك بىرگە وتىرىپ اڭگىمەلەسىپ جىرعاپ قالدىق، كەتەرىمدە ولار ماعان ارامىزداعى قايشىلىق شەشىلدى دەپ ءماز بولىستى، - دەدى.
جىگىتتەر: بۇقارامەن ىشكەرىلەي ارالاسۋ ءۇشىن، اۋەلى، قازاق ءتىلىن يگەرۋ كەرەك، − دەسەدى.
ولار بۇقارانىڭ توي - تومالاق، ءولىم - ءجىتىم سياقتى ماڭىزدى ىستەرىنە قالماي قاتىناسىپ وتىردى. «ەسىمىمدى قازاقشا جازۋدى ۇيرەنگەننەن كەيىن، قولتاڭبامدى قازاقشا قوياتىن بولدىم، وتاعاسىلارى دا تاڭ قالىپ، جارايسىڭ، ىلگەرىلەۋشىلىك بار دەپ ماقتايدى»، − دەيدى شيە كى ءماز - ءمايرام بولىپ.
شاپقىلاي الماعانى بولماسا، جىگىتتەر اتقا مىنگەندى دە ۇيرەنىپ، تاۋ جولدارىنىڭ بارىنە قانىق بولىپ الدى. «بۇقارانىڭ تۇرمىسى مىنە وسىنداي، ءبىز ولارمەن بىرگە بولۋ ءۇشىن، وسى ارانىڭ تۇرمىسىنا ابدەن ۇيلەسۋىمىز كەرەك دەيدى»، − جىگىتتەر.
ءبىز بۇقارادان، بۇقارا بىزدەن ايرىلا المايدى
قىستاق ساقشىسى بولىپ العاش ىستەگەن كەزدەرى تۋرالى جىگىتتەر بىلاي دەيدى: ساقشى بولعاننان كەيىن، دەلو اشكەرەلەۋ، قىلمىس كۇماندىلارىن قولعا الۋ سياقتى جۇمىستارمەن اينالىسامىز دەپ ويلاپتىق، ءبىراق ويلاعانىمىزدان مۇلدە باسقاشا بولىپ شىقتى، ءبىز بۇقارانىڭ تۇرمىسىمەن ىشكەرىلەي ارالاسىپ، بارلىق جاعدايلارىنا قانىق بولىپ، قاراستى رايونداعى تۇرعىنداردىڭ قاي جەردە تۇراتىندىعىن، قانشا جىلجىمالى حالىق بارلىعىن، ولاردىڭ قاي جەردى جالعا الىپ تۇراتىندىعىن تولىق يگەرگەندە عانا، بۇقارا ءۇشىن اناعۇرلىم جاقسى قىزمەت كورسەتۋگە بولاتىندىعىن اڭعاردىق.
«بۇقارامەن سۇيىسپەنشىلىك ورناتۋ ءۇشىن، ولارمەن ۇنەمى كەڭەسىپ، مال، جەم - ءشوپ جاعدايىن ۇعىسىپ تۇرۋ كەرەك، ويتپەگەندە ولارمەن ىشكەرىلەي ارالاسا المايسىڭ، جايلىمنىڭ مالشىلار ءۇشىن قانشالىقتى ماڭىزدى ەكەنىن ءتۇسىنۋ قاجەت، ويتپەگەندە جايلىمعا قاتىستى داۋ - شارلاردى شەشۋ تىم قيىنعا سوعادى»، - دەيدى لي ياڭ.
نوپوس جۇمىستارىن ىڭعايلاۋ، اماندىقتى قورعاۋدان سىرت، ولار بۇقارانى جاراستىرۋعا دا جاتىلىپ الىپتى. اۋىلدىڭ اماندىق جاعدايى جاقسى، كورشى - قولاڭدار اراسىنداعى داۋ - داماي، جايلىم تۋرالى ۇرىس - كەرىس بولماسا، بۇل ارادا دەلو دا كوپ تۋىلمايدى.
ساقشى بولىمشەسىنىڭ جۇمىستارى تاۋسىلمايدى، قىستاق ساقشىلارى بىردە تاۋدىڭ باسىندا جۇرسە، بىردە ەتەكتە جۇرەدى، بۇقارادان مالىمەت كەلسە بولدى، ولار مەيلى قاي جەر بولسادا سول اراعا دەر كەزىندە جەتىپ بارادى.
بۇقارانىڭ قيىنشىلىعىن شەشۋ ولاردىڭ مىندەتىنە اينالعان. شيە كى جاۋاپتى بولعان رايوندا 65 جاسقا كەلگەن ءبىر قازاق اجەي بار، بىرگە تۇرعان بالا - شاعاسى بولماعاندىقتان، شيە كى قار جاۋسا بولدى، كومەكشى ساقشىلاردى باستاپ بارىپ، ەسىگىنىڭ الدىنداعى قاردى كۇرەپ تاستايدى. بۇل سياقتى ىستەر ايتا بەرسەك تولىپ جاتىر.
شىلدە، تامىز، قىركۇيەك ايلارى گانگوۋدە ساياحات ورلەۋى كوتەرىلەتىن ەڭ جاقسى مەزگىل، قىستاق ساقشىلارى ساياحاتشىلار مەن مالشىلاردىڭ اراسىنداعى، ساياحاتشىلار مەن ساياحاتشىلار اراسىنداعى داۋ - شاردى ءبىر جايلى ەتۋگە دە جاۋاپتى بولادى. ولار شارلاۋ اترەتىن قۇرىپ، اتقا ءمىنىپ ۇنەمى شارلاۋ جۇرگىزىپ، ساياحات رايونىنىڭ ءتارتىبىن ويداعىداي قورعايدى.
تەپسە تەمىر ۇزەتىن ازاماتتاردى باسقا ساقشى ورىندارى دا قىزىعىپ، اۋىستىرىپ الماقشى بولادى. ءبىراق ولار ۇستازدارى ورازقانعا: ءبىزدى ەشقايدا جىبەرمەڭىز، ءبىز ۇستازىمىزدان، وسى اراداعى اۋىلداستاردان ەكى ەلى ايرىلعىمىز كەلمەيدى، − دەپ تاپسىرىپ قويادى.
سوڭعى جىلدارى، ولار مالشىلاردىڭ تۇرمىسىنا ابدەن قانىق بولىپ، بۇقارامەن تەرەڭ سۇيىسپەنشىلىك ورناتىپ، ولارمەن ەتەنە بولىپ كەتتى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
