- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قىستاق تۇرعىندارى − مەنىڭ تۋىسىم
وتكىر نيجات
2016.05.09 14:47 كەلۋ قاينارى : شينجياڭ گازەتى
تاۋلى وڭىرگە كوكتەم كەش كەلەدى. ءساۋىر ايىنىڭ اياعى. اقشي اۋدانى قۇلانسارىق اۋىلى اقتەكتىر قىستاعىندا ورىك گۇلى ەندى اشىلا باستادى.
قىستاق تۇرعىندار كوميتەتىنىڭ ماڭىنداعى كوللەكتيۆ اتىزدا قىستاق تۇرعىندارى قاربالاس جۇمىستا. ولار اتىزداعى سۋلياۋ جارعاقتاردى اشىپ كورىپ، ۋسارىمساق مايسالارىنىڭ ءوسۋ جاعدايىن تەكسەرىپ كورمەكشى.
قىستاق تۇرعىندارىمەن بىرگە قاربالاستانىپ جۇرگەن قىستاق پارتيا ياچەيكاسىنىڭ ورىنباسار شۋجيى حى لينجۇڭ سۋلياۋ جارعاقتاردى شۇقىلاپ وتىرىپ، اۋىلداستارىنا جاپ - جاتىق قىرعىز تىلىندە: ۋسارىمساقتى باپتاۋدىڭ بيدايعا قاراعاندا جاپاسى كوپ ەكەنىن ايتا بەرمەيىك، قانشا تەر توكسەڭ، سونشا تابىس تاباسىڭ، ءبىر مۋ جەردەگى ۋسارىمساقتان تۇسەتىن پايدا 2 مۋ جەردەگى ءبيدايدان تۇسەتىن كىرىسكە تايايدى. وسىنداعى 13 مۋ جەردەگى ۋسارىمساق اتىزى كوللەكتيۆكە تاماشا تابىس سيلايتىن بولادى، − دەدى. 70 جاستان اسقان ابدىرەيىم كۇلە جاۋاپ قاتتى: «الاڭسىز بولىڭىز، مۇنى ءتۇسىنىپ وتىرمىز، لاۋحىعا ەرىپ ەڭبەكتەنسەك، تابىسقا جەتەتىنىمىز مۇندا تۇر».
1982 - جىلى حى لينجۇڭ حىنان ولكەسىنەن وسىنداعى اقتەكتىر قىستاعىنا كەلىپ قونىستانعان، ونان بەرى 34 جىل وتە شىقتى. قىستاققا العاش كەلگەندە حى لينجۇڭنىڭ تۇگى جوق ەدى. اۋىلداستار وعان ۇن، ماي جەتكىزىپ بەردى، حى لينجۇڭ تاۋقىمەتتى قيىن كۇندەردى وتكەردى. سول كەزدەگى اۋىلداستاردىڭ شىنايى كومەگىنىڭ اسەرىندە، حى لينجۇڭ اۋىلداستارمەن تەرەڭ سۇيىسپەنشىلىك ورناتتى.
2005 - جىلى اۋىل قىستاق تۇرعىندارىن سىرتقا شىعىپ ماقتا تەرۋگە ۇيىمداستىردى. حى لينجۇڭ بۇل قيمىلعا ەڭ الدىمەن تىزىمدەلىپ، سول جىلدىڭ وزىندە 10 مىڭ يۋان كىرىس تاپتى. حى لينجۇڭ ءوزىنىڭ «مەن اۋىلداستاردى اۋقاتتانۋعا باستايمىن» دەگەنىنە جەتتى. اۋىلدىق ۇكىمەتتىڭ قولداۋىنا يە بولعاننان كەيىن، كەلەسى جىلىندا حى لينجۇڭ 53 ديقاندى باستاپ، اقسۋ ايماعىنا ماقتا تەرۋگە كەتتى. حى لينجۇڭمەن بىرگە ەڭبەك ىستەگەن نۇرمۇقاش ماكەن بىلاي دەدى: «لاۋحى ءار كۇنى قۇزعىن سارىدەن ويانادى، ەلدىڭ سوڭىندا ۇيقىعا باس قويادى، ءبىر شاڭىراقتىڭ وتاعاسى ىسپەتتى، بارىمىزگە ەرەكشە كوڭىل بولەدى. سول جىلى ءاربىرىمىز 7000 يۋانعا تاياۋ كىرىس تاپتىق. سونان باستاپ ءبىز لاۋحىمەن بىرگە جۇمىس ىستەپ، وتباسى كىرىسىمىزدى مولايتۋعا بەل بۋدىق».
2013 - جىلى حى لينجۇڭ اقتەكتىر قىستاعى پارتيا ياچەيكاسىنىڭ ورىنباسار شۋجيلىگىنە تاعايىندالدى. سونان باستاپ ەرەكشە قاربالاستىققا ءتۇستى، كىمنىڭ مالى ازايدى، قايسى وتباسىنداعى جۇبايلار ۇرسىسىپ قالدى، كىمنىڭ بالاسى مەكتەپكە وقۋعا اقشا تابا الماي قالدى، وسى تەكتەس ماسەلەلەردى دەر كەزىندە شەشىپ جاراستىرۋعا كۇش سالدى.
كوپ جىلدان بەرى، حى لينجۇڭ ۇلتتار ىنتىماعىن ناقتى ءىس - ارەكەتىمەن ايگىلەدى. ول ىلگەرىندى - كەيىندى قىزىلسۋ قىرعىز اۆتونوميالى وبلىسىنىڭ ءمورال ۇلگىسى، ۇلتتار ىنتىماعىنداعى وزات جەكە دەپ ماراپاتتالدى. 2015 - جىلى حى لينجۇڭ 7 - كەزەكتى اۆتونوميالى رايوندىق ۇلتتار ىنتىماعىنداعى وزات جەكەگە كورسەتىلدى. وسىنداي ماراپاتتار جونىندە حى لينجۇڭ ءوزىنىڭ ارتىنداعى ءۇيدى نۇسقاپ تۇرىپ: ءوز كەزىندە مەن ءۇي سالعانىمدا، قىستاقتاعىلار جاپا - تارماعاي كومەكتەستى، ولار مەنى ءوزىنىڭ جاقىن تۋىسىنداي كوردى. مەنىڭ ىستەگەن ىستەرىم دە ءبىر شاڭىراقتىڭ ادامدارى ىستەۋگە ءتيىستى ءىس دەپ قارايمىن. اقتەكتىر قىستاعى مەنىڭ اتا مەكەنىم، مۇنداعى اۋىلداستار مەنىڭ تۋىستارىم، − دەدى.
20 - ساۋىردە حى لينجۇڭ (سولدان ەكىنشى) قىستاق تۇرعىندارىنا ۋسارىمساقتى باپتاۋ، باسقارۋ تەحنيكاسىن تۇسىندىرۋدە.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
