- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ءبىز سياقتى ادامدار شينجياڭدا ءتىپتى كوپ»
− ىزگى نيەتپەن ادام قۇتقارعان شينجياڭدىق 4 ازاماتتىڭ «جۇڭگوداعى ىزگى جاندار» ەسىمدىگىنە تاڭدالعاندىعى جونىندەگى جەلىلەس حابار
چاۋ جين
2016.05.09 14:54 كەلۋ قاينارى : شينجياڭ گازەتى
قانداي ادام «جاقسى ادام» ساناتىنا قوسىلادى؟ دەگەن سۇراۋعا اركىمنىڭ وزىندىك جاۋابى دايىن بولۋى مۇمكىن. ءبىراق، كوكەيىندە ىزگىلىكتىڭ ۇشقىنى بولۋ، ىسكە كەز بولعاندا قول ۇشىن بەرۋ، قادارىنشا كومەك كورسەتۋ، ءسوز جوق، «جاقسى ادام» بولۋدىڭ ماڭىزدى مازمۇنى بولۋعا ءتيىس.
جۋىردا كولىك اپاتىنا ۇشىراعان بەيتانىس ادامدى قۇتقارۋمەن جۇرت نازارىن اۋدارعان شينجياڭدىق 4 ازامات ابدۇبىلال وسمان، يليار وسمان، يلياز وسمان جانە ەلشات اسەنجان سياقتى 4 ازامات «جۇڭگوداعى ىزگى جاندار» ەسىمدىگىنە تاڭدالدى.
شينجياڭدىق وسى 4 ازاماتتىڭ اۋزىنا «سولاي بولۋعا ءتيىس»، «ەشتەڭە ەمەس» دەگەن سوزدەر ەڭ كوپ ءتۇسىپتى، مىنە ءدال وسىنداي قاراپايىم، ىزگى ارەكەت شينجياڭ جاستارىنىڭ ءون - بويىنداعى وڭ ەنەرگيانى الىستارعا جەتكىزدى.
ولاردى تاۋىپ، ءوز اۋزىممەن راقىمەت ايتامىن
«وسى ىزگى نيەتتى جانداردى تابۋىما كومەك قولىن سوزساڭىزدار ەكەن»! 23 - اقپاندا ۋاڭ جىگاڭ وتباسى شاڭحاي - شانشي جوعارى جىلدامدىقتى تاس جولىنىڭ حىنان ولكەسىنىڭ لوشان اۋدانىنداعى بولىگىنەن ءوتىپ بارا جاتقاندا كولىك اپاتىنا ۇشىرايدى. مىنە وسىنداي قىسىلتاياڭ كەزدە تاعى ءبىر كولىكپەن كەتىپ بارا جاتقان 4 ازامات اۆتوكولىكتەرىنەن ءتۇسىپ كومەك كورسەتەدى. ۋاڭ جىگاڭ وسى ازاماتتارمەن كەزدەسىپ، ءوز اۋزىمەن راقىمەت ايتۋعا بەل بۋىپتى. ول: بويى 75.1 مەتر شاماسىنداعى شينجياڭدىق جىگىتتەر بولاتىن، - دەيدى.
ادام ىزدەۋ ينفورماتسياسى ورتالىق تەلەۆيزياسىنىڭ رەسمي ميكرو بلوگىندا بىرنەشە سۋرەتپەن قوسا جاريالاندى.
25 - اقپاندا شينجياڭدىق ينتەرنەت تۇتىنۋشىلار وسى ينفورماتسيانى ۋيچاتتىڭ دوستىق شەڭبەرلەرىندە تالاسا - تارماسا جالعاپ تاراتىپ، «مىنا جىگىتتەردى تانيتىندار بار ما؟ ولاردى CCTV ىزدەپ جاتىر!»، «تانيتىندار لەبىز قالدىرىپ، تانىمايتىندار جالعاپ تاراتسىن!»، «تابىلمايتىنىنا سەنبەيمىز»، «قامقورشىنى ىزدەيدى، شينجياڭدىق ىزگى جانداردى ىزدەيدى» دەپ لەبىز قالدىرىپ جاتتى.
«راقىمەت ايتۋدىڭ قاجەتى جوق، قيىنشىلىق قىسپاعىندا قالعاندارعا قول ۇشىن بەرۋ، قۇتقارۋ − ادامنىڭ تابيعاتى»
ۋاڭ جىگاڭنىڭ وتباسىنداعىلاردىڭ وزدەرىن ىزدەپ جاتقانىنان شينجياڭدىق 4 ازامات مۇلدە بەيحابار ەدى. ءبىراق ولار اۆتوكولىكتەرىمەن ۇيىنە جەتىپ العان كۇننىڭ ەرتەسىندە جاعدايدان حابار تاپقان اقپارات قۇرالدارى ولاردى ادەيى ىزدەپ كەلىپتى.
شىرعالاڭعا تاپ بولعان اۆتوكولىكتىڭ يەسىنىڭ وزدەرىن ىزدەپ جاتقانىنان حابار تاپقان ابدۇبىلال وسىمان ولار امان - ەسەن بە ەكەن؟ - دەدى.
ول: سول كەزدە جاراقاتتانعان ۇل بالا شىرىلداپ جىلاپ ءجۇر ەكەن. ونى كورگەندە ءوزىمنىڭ ۇلىم ەسىمە ءتۇسىپ، جۇرەگىم ەزىلىپ كەتتى. دەرەۋ قۇتقارۋعا ۇمتىلدىم. قازىر ويلاسام، سول كەزدە جاعداي قانشالىقتى قاتەرلى بولسا دا باسىما تونگەن قاتەرگە قاراماي ولاردى قۇتقاراتىن ەدىم، ويتكەنى ءبارىمىز دە وتباسىمىز، تۋىس - تۋعاندارىمىز بار ەمەس پە، - دەيدى.
قامقورشىسىن ىزدەپ جۇرگەن ۋاڭ جىگاڭ تەلەفون جالعاپ: سەندەردىڭ قاتەرلى ساتتە كومەك قولدارىڭدى سوزعاندارىڭا مىڭ العىس، اۋىلىما كەلىپ قوناق بولىپ قايتۋلارىڭدى شىن جۇرەكتەن وتىنەمىن، - دەيدى. ۋاڭ جىگاڭ وتباسىنىڭ قاتەردەن امان قالعانىن بىلگەن شينجياڭدىق 4 ازامات: راقىمەت ايتۋدىڭ قاجەتى جوق، قيىنشىلىق قىسپاعىندا قالعاندارعا قول ۇشىن بەرۋ، قۇتقارۋ − ادامنىڭ تابيعاتى، - دەپ جاۋاپ قايتاردى.
300 مىڭ ينتەرنەت تۇتىنۋشى وڭ ەنەرگياعا مۇرىندىق بولدى
جاقسىلىق جەردە قالمايدى. 8 - ءساۋىر تۇستەن كەيىن، حالىق گازەتىنىڭ كليەنتى سۋرەت جانە سايكەستى تۇسىنىكتەر ارقىلى شينجياڭدىق 4 ازاماتتىڭ ادامدى قۇتقارۋ بارىسىن جاندى تۇردە بەينەلەپ، بۇكىل ەلدەگى ينتەرنەت تۇتىنۋشىلاردىڭ نازارىن تاعى دا اۋداردى.
«ءار ۇلت حالقى ءبىر ءۇيلى جاندارداي». ينتەرنەت تۇتىنۋشىلار شينجياڭدىق 4 جىگىتكە قولداۋ كورسەتۋ رەتىندە ۇناتۋ تەتىگىن باسىپ، قىسقا ۋاقىتتىڭ ىشىندە ۇناتۋ تەتىگىن باسقاندار 300 مىڭ ادامنان استى.
«كوپشىلىك جالعاپ تاراتىڭدار، شينجياڭدىقتار ءۇشىن ۇناتۋ تەتىگىن باسايىق، جارايسىڭدار، شينجياڭدىقتار». بۇل ينتەرنەت تۇتىنۋشىسى «شياۋيۇيدىڭ» جالعاپ تاراتقان كەزدە جازعان باعاسى. ىشكى ولكەدەن «جىنجىن» ەسىمدى ينتەرنەت تۇتىنۋشىسى: «شينجياڭعا بارعام، وتە تاماشا جەر، جارايسىڭدار، شينجياڭدىقتار!» دەسە، «مىنە بۇل ناعىز جۇڭحۋانىڭ كەلبەتى، بۇكىل ەلىمىزدەگى ءار ۇلت حالقىنىڭ ۇلى ىنتىماعى جاساسىن!»، - دەدى تاعى ءبىر ينتەرنەت تۇتىنۋشىسى.
«شىنتۋايتىندا، وسى ءىس تۋىلعاننان كەيىن، ءبىز ارناۋلى تىلشىلىك سۇحبات وتكىزىپ، حابارلاعان بولاتىنبىز، قايتالاي دارىپتەۋىمىزگە وسى جاعدايداعى وڭ ەنەرگيا مۇرىندىق بولدى. ءبىز وسىنداي جاڭا ءتاسىل ارقىلى ينتەرنەت تۇتىنۋشىلارىنىڭ وڭ ەنەرگيانى جالپىلاستىرۋعا ات سالىسۋىن جەبەدىك»، - دەدى حالىق گازەتى جاڭا مەديالار ءبولىمىنىڭ ورىنباسار مەڭگەرۋشىسى ليۋ شياۋپىڭ.
«شامامىزدىڭ جەتىسىنشە جاقسى ادام بولۋعا، يگى ءىس ىستەۋگە قۇلشىنامىز»
«كومەككە مۇقتاج ادامعا قول ۇشىن بەرۋ − ءبىزدىڭ قارشادايدان العان تاربيەمىز». يلياز وسماننىڭ اكەسى ەڭبەكقور كىسى، وتباسىن ىشەر اس، كيەر كيىمنەن تارىقتىرىپ كورگەن ەمەس؛ شەشەسى وتباسى ادامى، اق كوڭىل، ادال جان. «اكە - شەشەم ءسوز - ارەكەتىمەن بىزگە ءالى كۇنگە دەيىن ۇلگى بولىپ كەلەدى، مەن وسىنداي وتباسىندا ەرجەتكەم»، - دەيدى يلياز. ول قاتەردە قالعان ادامعا قول ۇشىن بەرىپ قۇتقارۋ ابدەن ورىندى ءىس دەپ سانايدى.
«سىرتتا جۇرگەن ادام قيىنشىلىققا تاپ بولمايمىن دەپ ايتا الا ما»، ابدۇبىلال وسمان ساۋدا جۇمىسىمەن ىشكى ولكەگە ۇنەمى بارىپ - كەلىپ تۇرادى. بىلتىر ول گۋاڭدۇڭنان تاۋار الىپ، اۋە تاسىمالى ارقىلى جىبەرمەكشى بولعاندا، جۇك اقىسى 8000 يۋانداي بولادى، ءبىراق جانىندا ونشا كوپ اقشا جوق ەدى، سونىمەن اۋەجايدا بۇرىن بىرەر رەت بەت كورىسكەن گۋاڭدۇڭدىق دوسىنا تەلەفون جالعاپ جاعدايدى ايتادى. الگى دوسى اۋەجايعا دەرەۋ جەتىپ كەلىپ، بارلىق زاتىن اۋەجايدان الىپ كەتەدى، سونداي - اق باسقا جولمەن وعان بىرەۋىن دە كەمىتپەي جىبەرىپ بەرەدى.
سول جولعى ىستەن ابدۇبىلال وسمان مەيلى قايسى ۇلت بولسىن، بىرەۋ كومەككە مۇقتاج بولعان كەزدە دەر كەزىندە كومەك كورسەتۋدىڭ، سونداي - اق ءوزارا سەنىم ارتۋدىڭ قانشالىقتى ماڭىزدى ەكەندىگىن اڭعارادى.
يليار وسمان: مەيلى وزگەلەر ماعان كومەكتەسسىن، الدە مەن باسقالارعا كومەكتەسەيىن، بارلىعى دا ۇلتتاردىڭ ىنتىماقتىلىعى ءۇشىن. ءبىز سياقتىلاردان شينجياڭدا تالايلاعان جاننىڭ بار ەكەنىنە سەنەمىن، شينجياڭ سۇيىسپەنشىلىككە، وڭ ەنەرگياعا تولى مەكەن عوي، - دەدى.
«شىنىن ايتساق، ءبىزدىڭ ىستەگەنىمىز ەڭ ادەتتەگى ءىس، ءبىراق سونشاما كوپ ادامنىڭ القاۋىنا يە بولدىق. ءبىز كوپشىلىكتىڭ القاۋىن قوزعاۋشى كۇشكە اينالدىرىپ، شامامىزدىڭ جەتىسىنشە جاقسى ادام بولۋعا، يگى ىستەر ىستەۋگە قۇلشىنامىز»، - دەدى ابدۇبىلال.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
