بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

مەملەكەتتىك ساياسي كەڭەستىڭ تەكسەرۋ - زەرتتەۋ گرۋپپاسى قۇمدى تىزگىندەۋ جانە كەدەيلەردى دالمە - ءدال سۇيەمەلدەۋ جونىندە تەكسەرۋ - زەرتتەۋ جۇرگىزۋ ءۇشىن شينجياڭعا كەلدى

2016.05.11 14:09     كەلۋ قاينارى : ءتاڭىرتاۋ تورابى

  قۇمدى تىزگىندەۋ جانە كەدەيلىكتەن قۇتىلدىرۋدان قامال الۋ شايقاسىن جەڭىسپەن جۇرگىزەيىك

  مەملەكەتتىك ساياسي كەڭەستىڭ ورىنباسار ءتوراعاسى، جۇڭگو دەموكراتيالىق مەملەكەت قۇرۋ قوعامىنىڭ ۇنەمىلىك ىستەرگە جاۋاپتى ورىنباسار ءتوراعاسى ما پەيحۋا باستاعان مەملەكەتتىك ساياسي كەڭەستىڭ تەكسەرۋ - زەرتتەۋ گرۋپپاسى «قۇمدى تىزگىندەۋ جانە كەدەيلەردى دالمە - ءدال سۇيەمەلدەۋ» قىزمەتى جونىندە تەكسەرۋ - زەرتتەۋ جۇرگىزۋ ءۇشىن شينجياڭعا كەلدى. 10 - مامىر تۇستەن كەيىن، تەكسەرۋ - زەرتتەۋ گرۋپپاسىنىڭ مۇشەلەرى اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلىمەن جانە اۆتونوميالى رايوننىڭ قاتىستى تاراۋلارىنىڭ جاۋاپتىلارىمەن كەزدەسىپ اڭگىمە وتكىزدى.

  ما پەيحۋا اۆتونوميالى رايوننىڭ جانە قاتىستى تاراۋلاردىڭ مالىمەتىن تىڭداعاننان كەيىن بىلاي دەدى: ۇزاق ۋاقىتتان بەرى، وتە - موتە، ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى، اۆتونوميالى رايوندىق پارتكوم مەن حالىق ۇكىمەتىنىڭ ايرىقشا ءمان بەرۋىنىڭ، ءار دارەجەلى كادرلار مەن ءار ۇلت حالىق بۇقاراسىنىڭ جابال كىرىسىپ ىستەۋىنىڭ ارقاسىندا، شينجياڭنىڭ اۋىل شارۋاشىلىعى ۇزدىكسىز دامىپ، قۇمدى تىزگىندەۋدە ىلگەرىلەۋشىلىككە قول جەتكىزدى، ەرەكشە كاسىپ سالاسىن دامىتۋ جاعىندا مەملەكەت بويىنشا ەلدەن ەرەك تابىسقا قول جەتكىزدى، كەدەيلەردى دالمە - ءدال سۇيەمەلدەۋدە ءتۇرلى شارالاردى قاتار اتقارىپ، نەداۋىر كورنەكتى ناتيجە جاراتتى.

  ما پەيحۋا شينجياڭنىڭ ءوز ابزالدىلىعىن ساۋلەلەندىرىپ، ەگىنشى - مالشىلاردىڭ كىرىسىن ارتتىرۋدى كوزدەي وتىرىپ، ەرەكشە اۋىل شارۋاشىلىعىن قاجەتكە قاراي تاباندىلىقپەن دامىتۋىن؛ سەنىمدى بەكەمدەپ، ءتۇرلى شارالاردى قاتار قولدانىپ، كەدەيلىكتەن قۇتىلدىرۋدان قامال الۋدىڭ شەشۋشى كەزەڭدەگى شايقاسىنىڭ جەڭىسىنە قول جەتكىزۋىن، جاراتىلىستىق زاڭدىلىققا قۇرمەت ەتىپ، ءونىمدى شارا قولدانىپ، شولەيتتەنۋ مەن قۇمايتتانۋدى تىزگىندەۋدىڭ اياق الىسىن جەدەلدەتۋىن ءۇمىت ەتەتىندىگىن ءبىلدىردى. ول تەكسەرۋ - زەرتتەۋ گرۋپپاسىنىڭ اۆتونوميالى رايوننىڭ ۇسىنىس - پىكىرلەرىن ەگجەي - تەگجەيلى قابىلداپ، جان - جاقتىلى تەكسەرۋ - زەرتتەۋ جۇرگىزۋ نەگىزىندە، ورتالىق پەن مەملەكەتتىڭ قاتىستى مينيسترلىكتەرى مەن كوميتەتتەرىنە ۇسىنىس بەرىپ، شينجياڭنىڭ قۇمدى تىزگىندەۋ جانە كەدەيلىكتەن قۇتىلدىرۋدان قامال الۋ شايقاسىنا قولداۋ كورسەتىپ، دەم بەرەتىندىگىن ايتتى.

  نۇرلان ءابىلماجىن ۇلى بىلاي دەدى: مەملەكەتتىك ساياسي كەڭەس شينجياڭ قىزمەتىنە باستان - اياق وسكەلەڭ نازار اۋدارىپ، شينجياڭعا ەرەكشە قامقورلىق جاساپ كەلەدى. وسى جولعى تەكسەرۋ - زەرتتەۋ قىزمەتى ج ك پ 18 - كەزەكتى ورتالىق كوميتەتىنىڭ بەسىنشى جالپى ءماجىلىسىنىڭ جانە ورتالىقتىڭ كەدەيلەردى سۇيەمەلدەۋ، وركەندەتۋ قىزمەتى ءماجىلىسىنىڭ قاتىستى ورنالاستىرۋلارىن دايەكتى تياناقتاندىرۋ ءۇشىن قولدانعان ناقتىلى شارا بولىپ قالماستان، ول مەملەكەتتىك ساياسي كەڭەس پەن جەرگىلىكتى ساياسي كەڭەس ۇيىمدارىنىڭ ەكولوگيالىق وركەنيەت قۇرىلىسىن تىزە قوسا تياناقتاندىرۋداعى، كەدەيلەردى دالمە - ءدال سۇيەمەلدەۋدىڭ « 5 ءبىر توپ» ينجەنەرياسىن ىلگەرىلەتۋدەگى ناقتى شاراسى. ورىنباسار ءتوراعا ما پەيحۋانىڭ ايگىلى مامان، وقىمىستى رەتىندە العا قويعان ءتۇرلى تالاپتارى ءبىزدىڭ شينجياڭنىڭ قۇمدى تىزگىندەۋ، كەدەيلەردى دالمە - ءدال سۇيەمەلدەۋ قىزمەتىن اناعۇرلىم ويداعىداي ىستەۋىمىز جونىنەن اسا ماڭىزدى جەتەكشىلىك ءمان الادى، ءبىز وسى تالاپتاردى، ءسوز جوق، دەن قويا ۇيرەنۋىمىز، ءمانىن ءتۇسىنۋىمىز، قىزمەتتىڭ ءىس جۇزىندىك جاعدايىمەن ۇشتاستىرا وتىرىپ، دايەكتى تياناقتاندىرۋدى مىقتى يگەرۋىمىز كەرەك.

  ماجىلىستە اۆتونوميالى رايوننىڭ قاتىستى تاراۋلارىنداعى جاۋاپتى جولداستار تەكسەرۋ - زەرتتەۋ گرۋپپاسىنا اۆتونوميالى رايوننىڭ «قۇمدى تىزگىندەۋ جانە كەدەيلەردى دالمە - ءدال سۇيەمەلدەۋ» قىزمەتىن ورىستەتۋ جانە ەرەكشە كاسىپ سالاسىن دامىتۋ جاعدايىن، ەگىن، مال شارۋاشىلىعىن وسىزامانداندىرۋدى بار كۇشپەن ىلگەرىلەتۋ، وسىزاماندانعان كاسىپ سالا جۇيەسىن قالىپتاستىرۋ جاعىنداعى قاتىستى احۋالداردى تانىستىردى.

  مەملەكەتتىك ساياسي كەڭەستىڭ تەكسەرۋ - زەرتتەۋ گرۋپپاسىنىڭ مۇشەلەرى ۋ شۋاڭجان، ليڭ جىنگو، ۋ شياۋچيڭ، ۋاڭ جاۋحاي، لي شاۋجۇن جانە اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى دۇڭ شينگۋاڭ، اۆتونوميالى رايوندىق ساياسي كەڭەستىڭ ورىنباسار ءتوراعاسى كادرقان ميراسقان ۇلى قاتارلىلار اڭگىمە ماجىلىسكە قاتىناستى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.