- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون مەن وڭتۇستىك اۆياتسيا توبى سەرىكتەستىگى اڭگىمەءماجىلىس وتكىزدى
حالىقارالىق اۆياتسيا تورابىن جەدەل قۇرۋ كەرەك
2016.05.13 14:58 كەلۋ قاينارى : شينجياڭ گازەتى
ءتىلشىمىز ياۋ تۇڭ 12 - مامىردا ۇرىمجىدەن حابارلايدى. اۆتونوميالى رايون مەن وڭتۇستىك اۆياتسيا توبى سەرىكتەستىگى 11 - مامىردا اڭگىمە ءماجىلىس وتكىزدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان، وڭتۇستىك اۆياتسيا توبى سەرىكتەستىگىنىڭ باس مەڭگەرۋشىسى، پارتيا باسشىلىق گرۋپپاسىنىڭ ورىنباسار شۋجيى ۋاڭ چاڭشۇن اڭگىمە ماجىلىسكە قاتىناستى ءارى ءسوز سويلەدى.
مەملەكەتتىڭ «13 - بەسجىلدىق» جوباسىندا، ءۇرىمجى حالىقارالىق اۆياتسيا تورابى قۇرىلىسىن ءتۇيىندى نىساندار قاتارىنا ەنگىزۋ ايقىندالدى، كەزەكتە «ءۇرىمجى حالىقارالىق اۆياتسيا تورابى ستراتەگيالىق جوباسى» تۋرالى زەرتتەۋ تاقىرىبى نەگىزىنەن ورىندالىپ بولدى. تاياۋدا اشىلعان اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى ءۇرىمجى حالىقارالىق اۋەجايىنىڭ امبەباپ قاتىناس تورابى جوباسى جانە جاڭا اۋەجاي عيماراتى جوباسى جونىندەگى مالىمەتتى تىڭداپ، ءۇرىمجى حالىقارالىق اۋەجايىنىڭ مەملەكەتتىڭ 5 ۇلكەن توراپ اۋەجايىنىڭ ءبىرى، حالىقارالىق اۆياتسيا تورابىن قۇرۋ شينجياڭنىڭ ماڭىزدى مىندەتى ەكەندىگىن، جىبەك جولى ەكونوميكالىق بەلدەۋىندەگى وزەكتى رايونىنىڭ «بەس ۇلكەن ورتالىق» قۇرىلىسىندا حالىقارالىق اۆياتسيا تورابىن الدىمەن قۇرۋ كەرەكتىگىن ايقىندادى.
جاڭ چۇنشيان بىلاي دەدى: وڭتۇستىك اۆياتسيا توبى سەرىكتەستىگى شينجياڭنىڭ دامۋىنا ماڭىزدى ۇلەس قوستى، شينجياڭ دا وڭتۇستىك اۆياتسيا توبى سەرىكتەستىگىنىڭ دامۋىنا پارمەندى تىرەك بولدى. ورتالىقتىڭ شينجياڭ قىزمەتى جونىندەگى 1 - رەتكى اڭگىمە ماجىلىسىنەن بەرى، وڭتۇستىك اۆياتسيا توبى سەرىكتەستىگى ءتۇرلى ستراتەگيالىق سەلبەستىك كەلىسىمدەرىن باتىل تياناقتاندىرىپ، ۋادەسىن مۇقيات ورىنداپ، ۇشاق قۇرامالارىن جاڭالاپ، وتكەرمەلەپ تاسىمالداۋ قابىلەتىن تىڭ دەڭگەيگە جەتكىزىپ، جۇڭگو − ازيا - ەۆروپا كورمەسى، اۆتونوميالى رايون قۇرىلعاندىعىنىڭ 60 جىلدىعى سياقتى كەزدەردەگى ماڭىزدى اۆياتسيالىق تاسىمال مىندەتتەرىن ورىنداپ، كورنەكتى ناتيجەلەرگە قول جەتكىزدى. ورتالىقتىڭ شينجياڭ قىزمەتى جونىندەگى اڭگىمە ماجىلىسىتەرىنەن بەرى، شينجياڭنىڭ ەكونوميكاسى باياندى، اقاۋسىز دامىدى، قوعامدىق جالپى جاعدايى ورنىقتى بولدى، 2009 - جىلدان 2015 - جىلعا دەيىنگى 6 جىلدا، شينجياڭ بويىنشا اۋەجايلاردىڭ جولاۋشى قابىلداۋ - جونەلتۋ مولشەرى 6 ميلليوننان استام ادامنان (رەت) 25 ميلليوننان استام ادامعا (رەت) جەتىپ، اۋە جەلىسىنىڭ سانى 116دان 213كە كوبەيىپ، وڭتۇستىك اۆياتسيا توبى سەرىكتەستىگىنىڭ دامۋىن پارمەندى دەمەدى.
جاڭ چۇنشيان بىلاي دەپ اتاپ كورسەتتى: شينجياڭ اۆياتسيا كاسىبىنىڭ دامۋىنا ەڭ ۇيلەسىمدى رايون، سوندىقتان حالىقارالىق اۆياتسيا تورابىن جەدەل قۇرۋ كەرەك. شينجياڭدا اۆياتسيا جەردىڭ كەڭ، ارالىقتىڭ شالعاي بولۋىنىڭ شەكتەۋىن ءونىمدى تۇردە شەشە الادى، سونداي - اق شينجياڭ ازيا قۇرلىعىنىڭ جاعراپيالىق سەنترى، حالىقارادا ءبىر ميلليارد 300 ميلليون، ەل ىشىندە ءبىر ميلليارد 300 ميلليون ادامدىق ۇلكەن بازار بار. مەملەكەت «13 - بەسجىلدىق» جوبا پروگرامماسىندا شينجياڭعا كىرۋ - شىعۋ ارنالارى قۇرىلىسىن كۇشەيتۋدى، ءۇرىمجى اۋەجايىنىڭ حالىقارالىق توراپ يقۋاتىن جوعارىلاتۋدى العا قويدى، بۇل − شينجياڭنىڭ حالىقارالىق اۆياتسيا تورابىن قۇرۋىنىڭ ماڭىزدى نەگىزى. اۆتونوميالى رايوندىق پارتكوم جىبەك جولى ەكونوميكالىق بەلدەۋىندەگى وزەكتى رايونىنىڭ «بەس ۇلكەن ورتالىق» قۇرىلىسىندا حالىقارالىق اۆياتسيا تورابىن الدىمەن قۇرۋدى ايقىندادى، شينجياڭ اسا تاماشا جاعداي ازىرلەپ وتىر، تەز ىلگەرىلەتىپ، نىسانانى ەرتەرەك ىسكە اسىرۋعا مۇمكىندىگى ابدەن جەتەدى.
جاڭ چۇنشيان وڭتۇستىك اۆياتسيا توبى سەرىكتەستىگىنىڭ شينجياڭعا تەرەڭدەي تامىر تارتىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىنىڭ كوشباسشىسى، سەركەسى بولۋى كەرەكتىگىن باسا دارىپتەدى ءارى ونىڭ وزەكتى رايون قۇرىلىسىندا جانە حالىقارالىق اۆياتسيا تورابى قۇرىلىسىندا ماڭىزدى رولىن ساۋلەلەندىرۋ جونىندە مىناداي 4 ءتۇرلى ءۇمىتىن العا قويدى:
ءبىرىنشى، شينجياڭنىڭ تاسىمال قۋاتىنا ۇسىنىلىمدى ارتتىرۋ. نەعۇرلىم ۇلكەن، جاقسى، نەعۇرلىم ۇيلەسىمدى ۇشاقتاردى شينجياڭ بازارىنا سالىپ، شينجياڭنىڭ جەدەل ارتىپ كەلە جاتقان اۆياتسيالىق قاجەتىن قاناعاتتاندىرۋ.
ەكىنشى، اناعۇرلىم كوپ حالىقارالىق جاڭا اۋە جەلىسىن اشۋ. ورتا، باتىس ازيا بازارىن اشۋ سەرپىنىن اناعۇرلىم كۇشەيتىپ، حالىقارالىق باتىس اۆياتسيا جەلىسىنىڭ قامتۋ كولەمىن كەڭەيتۋ.
ءۇشىنشى، ءۇرىمجى جاڭا اۋەجاي قۇرىلىسىن قولداۋ. اۋەجاي قۇرىلىسىن جۇرگىزۋشى جاقپەن سايكەسىپ، وڭتۇستىك اۆياتسيا توبى سەرىكتەستىگىنىڭ سايكەستى قارجى قوسۋ جانە قۇرىلىس جوباسىن تەزىرەك بەلگىلەپ، اۋەجايدى كەڭەيتىپ سالۋ ينجەنەرياسىمەن بىرگە جۇرگىزىپ، جاڭا اۋەجايمەن بىرگە سالىنىپ بولۋىنا ءارى ىسكە قوسىلۋىنا قول جەتكىزۋ.
ءتورتىنشى، ساپالى، ارزان اۆياتسيالىق قىزمەت كورسەتۋ. بۇقارانىڭ جولاۋشىلاۋ نارقىن جانە جولاۋشىلاردىڭ قاتىناس وزىندىك قۇنىن تومەندەتىپ، بۇقارانىڭ ۇشاقپەن ساپارلاي الۋىنا مۇمكىندىك جاساۋ. بۇل قامداۋ جاعىنداعى قۇرىلىمدىق رەفورمانىڭ تالابى، سونداي - اق ول شينجياڭ بازارىن جەتىلدىرىپ، وڭتۇستىك اۆياتسيا توبى سەرىكتەستىگىنىڭ اناعۇرلىم جاقسى دامۋىنا ءتيىمدى.
ۋاڭ چاڭشۇن بىلاي دەدى: ءۇرىمجى اۋەجايى − وڭتۇستىك اۆياتسيا توبى سەرىكتەستىگىنىڭ ەلىمىزدەگى 4 ۇلكەن تورابىنىڭ ءبىرى، شينجياڭ بولىمشە سەرىكتەستىگى وڭتۇستىك اۆياتسيا توبى سەرىكتەستىگىنىڭ كولەمى ەڭ ۇلكەن بولىمشە سەرىكتەستىگى، ونىڭ ەرەكشە ورنى، ماڭىزدى رولى بار. ۇزاق ۋاقىتتان بەرى، اۆتونوميالى رايوندىق پارتكومنىڭ، حالىق ۇكىمەتىنىڭ قولداۋى مەن كومەگىندە، وڭتۇستىك اۆياتسيا توبى سەرىكتەستىگىنىڭ شينجياڭ بولىمشە سەرىكتەستىگى تاماشا دامۋ اۋقىمىن ساقتاپ، كولەمى ۇزدىكسىز كەڭەيىپ، جالپىلىق باسەكەلىك قابىلەتى ۇزدىكسىز ارتا ءتۇستى. وڭتۇستىك اۆياتسيا توبى سەرىكتەستىگىنىڭ شينجياڭداعى دامۋىن تەزدەتۋ − مەملەكەت ستراتەگياسىنىڭ قاجەتى، شينجياڭنىڭ دامۋىنىڭ قاجەتى ءارى وڭتۇستىك اۆياتسيا توبى سەرىكتەستىگىنىڭ دە دامۋ قاجەتى. شينجياڭ − جىبەك جولى ەكونوميكالىق بەلدەۋىندەگى وزەكتى رايون، «بەس ۇلكەن ورتالىق» قۇرىلىسى نەگىزىندە حالىقارالىق اۆياتسيا تورابىن الدىمەن قۇرۋ وڭتۇستىك اۆياتسيا توبى سەرىكتەستىگىنىڭ باس تارتۋعا بولمايتىن بورىشى. وڭتۇستىك اۆياتسيا توبى سەرىكتەستىگى اۆتونوميالى رايوندىق پارتكوممەن، حالىق ۇكىمەتىمەن تىعىز سەلبەسىپ، ءوز باسىمدىعىن تولىق ساۋلەلەندىرىپ، ۇشاق سەپتەۋ سياقتى ءتۇرلى ۇسىنىلىمداردى ۇزدىكسىز ارتتىرىپ، اۋە جەلىسى تورىنىڭ ورنالاسۋىن ساپالىلاندىرادى. نەگىزگى بازالىق اۆياتسيا سەرىكتەستىگىنىڭ رولىن ساۋلەلەندىرىپ، ءۇرىمجى حالىقارالىق اۆياتسيا تورابىن ەۆروپا مەن ازياداعى حالىقارالىق وزەكتى توراپ ەتىپ قۇرۋدى تەزدەتىپ، «ءبىر بەلدەۋ، ءبىر جول» ستراتەگياسىنا پارمەندى قولداۋ كورسەتەدى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي اڭگىمە ءماجىلىستى باسقاردى. وڭتۇستىك اۆياتسيا توبى سەرىكتەستىگى پارتيا باسشىلىق گرۋپپاسىنىڭ شۋجيى، جارنا سەرىكتەستىگىنىڭ باس مەڭگەرۋشىسى تان ۋانگىڭ وڭتۇستىك اۆياتسيا توبى سەرىكتەستىگىنىڭ شينجياڭداعى دامۋ جاعدايىن تانىستىردى.
اۆتونوميالى رايون باسشىلارىنان لي شۋەجۇن، پىڭ جيارۇي اڭگىمە ماجىلىسكە قاتىناستى.
شينجياڭداعى ەڭ ۇلكەن بازالىق اۆياتسيا سەرىكتەستىگى ساناتىندا وڭتۇستىك اۆياتسيا توبى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن كەيىن ءۇرىمجى باتىس بولەك اۆياتسيا تورابى قۇرىلىسىن بەلسەنە باستاپ، ىلگەرىندى - كەيىندى شينجياڭعا 30 ۇشاق اكەلىپ، ەل ىشىندە 44 قالامەن، شينجياڭدا 13 قالامەن، حالىقارادا 20 رايونمەن، قالامەن تۇتاسقان تور جۇيەسىن قالىپتاستىردى. 2015 - جىلى وڭتۇستىك اۆياتسيا توبى سەرىكتەستىگىنىڭ شينجياڭ بولىمشە سەرىكتەستىگىنىڭ جولاۋشى تاسىمال مولشەرى 7 ميلليون 570 مىڭ ادامعا (رەت) جەتىپ، شينجياڭنىڭ اۆياتسيالىق تاسىمال بازارى ۇلەسىنىڭ %40.9ىن ۇستادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
