بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اشىق ويلى، العاباسار، جاراسىمدى شينجياڭ قۇرۋدى ءىس جۇزىندىك ارەكەتىمىزبەن ايگىلەيىك

2016.05.13 15:34    

  ءتىلشىمىز شى شۋەحۇڭ حابارلايدى. مامىردىڭ 8 – كۇنىنەن 13 – كۇنىنە دەيىن اۆتونوميالى رايوننىڭ نەگىزگى ساتى كادرلارىنىڭ 2 – كەزەكتى قوس تىلدە سويلەۋ باسەكەسى شينجياڭ تەلەۆيزياسىنىڭ حانزۋشا، ۇيعۇرشا، قازاقشا ارنالارىندا تاراتىلعاننان كەيىن ىلەدەگى ءار ۇلت كورەرمەندەرىنىڭ قىزۋ اڭىسىن قوزعادى. كوپشىلىك مىنانى ءبىلدىردى: مايتالماندار ماڭايىنداعى ۇلتتار ىنتىماعى جونىندەگى اڭگىمەلەردى قوس تىلدە بەينەلەۋمەن بىرگە، نەگىزگى ساتى كادرلارىنىڭ قوس ءتىل ۇيرەنۋ ورلەۋىن كوتەردى. ولار اشىق ويلى، العاباسار، جاراسىمدى شينجياڭ قۇرۋدى ءىس جۇزىندىك ارەكەتتەرى ارقىلى ايگىلەپ، نەگىزگى ساتى كادرلارىنىڭ ءار ۇلت حالىق جۇرتشىلىعىنا قىزمەت وتەۋ نەگىزىن اناعۇرلىم بەكەمدەدى.

  كەزەكتە ىلەدەگى ءار ۇلت كادرلارى اراسىندا قوس ءتىلدى كۇش سالا ۇيرەنۋ، جاتىق يگەرۋ جانە پايدالانۋ ورلەۋى كوتەرىلۋدە. بۇل قوس ءتىلدىڭ قىزمەت، «ۇشقارىلىقتى الاستاۋ» ۇگىت – لەكسياسى جاعىنداعى بەلسەندى رولىن ساۋلەلەندىرىپ، قوعام ورنىقتىلىعى مەن باياندى تىنىشتىقتى قورعاۋ ءۇشىن ۇلەس قوسۋدى جەبەدى.

  «بۇقارا قايدا بولسا، ۇگىت – لەكسيا سوندا؛ قاي جەردە بۇقارا بولسا، ۇگىت – لەكسيا سوندا»، - دەدى قۇلجا قالاسى ىلە وزەنى داڭعىلى كوشە ءىس باسقارماسى ءادىليا بولىمشەسىنىڭ باستىعى ميھىرنيسا توقتى. ول تاعى اۆتونوميالى رايوننىڭ نەگىزگى ساتى كادرلارىنىڭ 2 – كەزەكتى قوس تىلدە سويلەۋ باسەكەسى حانزۋ، ۇيعۇر، قازاق ءۇش تىلدەگى ارنالاردا تاراتىلعاننان كەيىن ءوزىنىڭ نەگىزگى ساتى ۇگىت – لەكسياشىسى بولۋ سەنىمى مەن بەكىمىنىڭ ونان ارى كۇشەيگەنىن، بىلتىر ءساۋىر ايىندا اۆتونوميالى رايوننىڭ تۇڭعىش كەزەكتى نەگىزگى ساتى ۇگىت – لەكسياشىلار باسەكەسىنە قاتىناسىپ، ۇيعۇر ءتىلى گرۋپپاسى بويىنشا بىرىنشىلىكتى ەنشىلەگەنىن، نەگىزگى ساتى ۇگىت – لەكسياشىسى بولۋ سالاۋاتىمەن «ۇشقارىلىقتى الاستاۋعا» قاتىناسىپ، ۇلتتار ىنتىماعى ۇگىت – لەكسياسىن جاساعالى بەرى وبلىسقا توتە قاراستى سەگىز اۋدان، ەكى قالادان سىرت، ءۇرىمجى قالاسى، تارباعاتاي ايماعى، بۇراتالا قالاسى سياقتى جەرلەرگە ۇگىت – لەكسيا جاساۋعا ۇسىنىسپەن قاتىناسىپ، ۇگىت - لەكسياسىنىڭ شينجياڭنىڭ جەر - جەرىنە تارالعانىن، ۇگىت – لەكسيا جاساعان 18 جىلدا 94 ءتۇيىندى ادامنىڭ وزگەرۋىنە كومەكتەسكەنىن ايتتى. ول تاعى بىلاي دەدى: شينجياڭ كوپ ۇلت شوعىرلى قونىستانعان ءوڭىر. قوس تىلدە سويلەسۋ باسەكەسىن وتكىزىپ، نەگىزگى ساتى كادرلارىنا قوس ءتىلدى يگەرتۋ ارقىلى قىزمەتتى ويداعىداي ورىستەتۋمەن بىرگە، «ۇشقارىلىقتى الاستاۋ» قىزمەتىن ءتىپتى دە ويداعىداي ىستەۋگە، شينجياڭنىڭ قوعام ورنىقتىلىعى مەن باياندى تىنىشتىعىن ساقتاۋعا، ءار ۇلت جۇرتشىلىعى اراسىنداعى ىنتىماقتىلىقتى ونان ارى جەبەۋگە بولادى. وسى رەتكى باسەكە ارقىلى ءتىپتى دە كوپ جۇرتشىلىقتى نەگىزگى ساتى كادرلارىنىڭ باستاماشىلىعىندا وسى زامانعى مادەنيەتتى جەتەكشى ەتىپ، «ۇشقارىلىقتى الاستاۋ» سىندى ءتۇرلى جاقتاعى قىزمەتتى ويداعىداي ىستەۋگە، بەتپە – بەت ۇگىت – لەكسيا جاساۋ ارقىلى ءتىپتى دە مول جۇرتشىلىقتى اق پەن قارانى ايىرىپ، وي سانانى سەرگەك ۇستاۋعا جەبەۋگە بولادى. بۇدان كەيىن مەن نەگىزگى ساتى ۇگىت – لەكسياشىسى بولۋ رولىمدى ونان ارى ساۋلەلەندىرىپ، قوس ءتىل يگەرگەن ءتىپتى دە مول نەگىزگى ساتى كادرلارىنىڭ ۇگىت – لەكسيا قىزمەتىن ىرىقتىلىقپەن ويداعىداي ىستەۋىنە ۇلگى بولىپ جانە ولاردى باستاپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن ۇلەس قوسامىن. «نەگىزگى ساتى كادرلارىنىڭ قوس ءتىلدى جاتىق يگەرۋى - نەگىزگى ساتى قىزمەتىن ويداعىداي ورىستەتۋدە زور رول اتقارادى»، – دەدى قۇلجا قالاسى قازانشى كوشە ءىس باسقارماسى مويكى الەۋمەتتىك اۋماعىنىڭ مەڭگەرۋشىسى جيا حۇڭمەي. مەن تۇرعان الەۋمەتتىك اۋماقتاعى ءبىر مىڭ 300 وتباسىندا 4 مىڭىنان استام تۇرعىن بار، مۇنداعى از ۇلت %90 تەن جوعارى سالىستىرمانى ۇستايدى. الەۋمەتتىك اۋماققا جۇمىس بىتىرە كەلەتىندەر دەرلىكتەي از ۇلت جۇرتشىلىعى، ال ءار ۇلت جۇرتشىلىعى قوس ءتىلدى جەتىك يگەرگەن نەگىزگى ساتى كادرلارىنا وتە ءتانتى، نەندەي ىستەرى بولسا سولارعا ايتادى. بۇل نەگىزگى ساتى كادرلارىنىڭ بۇقارانىڭ يدەيالىق جاعدايىن ۋاعىندا يگەرۋىنە جانە تۇسىنۋىنە قولايلى بولدى. مەن كىشكەنەمنەن ءار ۇلت سەرىكتەرىممەن بىرگە ەسەيدىم، از ۇلت ءتىلىن جاتىق سويلەي الامىن. قوس ءتىلدى يگەرسەڭىز نەگىزگى ساتى قىزمەتىن ورىستەتۋگە كومەگى توتەنشە زور، كوپتەگەن الەۋمەتتىك اۋماق تۇرعىندارى مەنىمەن اڭگىمەلەسۋدى ۇناتادى. قوس ءتىل ءبىلۋىم باسقا ۇلتتارمەن پىكىر اۋىستىرۋىمدا كوپىرلىك رول اتقارىپ، نەگىزگى ساتى بۇقاراسى ءۇشىن ويداعىداي قىزمەت وتەۋىمە مۇمكىندىك تۋدىردى.

  «قوس ءتىل يگەرۋىم __ قىزمەتىم مەن تۇرمىسىما كوپتەگەن قولايلىلىقتار تۋدىردى»، - دەدى مەملەكەتتىك ۇلتتار ىنتىماعى العاباسارلىعى ۇلگىسى، ەڭ تاڭداۋلى اۋىل – قىستاق شيپاگەرى، تەكەس اۋدانى بوزادر مال شارۋاشىلىق ەمحاناسىنىڭ شيپاگەرى جۇماتاي اۋباكىر ۇلى. ول تاعى بىلاي دەدى: «مەنىڭ انا ءتىلىم قازاق ءتىلى، كۇندەلىكتى قىزمەت بارىسىندا ءار ۇلت ناۋقاستارىمەن پىكىر اۋىستىرۋىما ءتىپتى دە قولايلى بولۋ ءۇشىن حانزۋ ءتىلىن ۇيرەنۋ بەكىمىنە كەلدىم. قازىر قوس تىلدە مۇدىرمەي سويلەي الاتىن بولدىم، بۇل ناۋقاستارمەن پىكىرلەسۋىمە توتەنشە قولايلى بولدى.

  كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.