- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايوننىڭ تاسقىن مەزگىلىندەگى گەولوگيالىق اپاتتان ساقتانۋ قىزمەتى جونىندەگى تەلەۆيزور - تەلەفون ءماجىلىسى گەولوگيالىق اپاتتان ساقتانۋ قىزمەتىن ىشكەرىلەي، جان - جاقتى، دەن قويا ىستەۋدى تالاپ ەتتى
2016.05.16 16:00 كەلۋ قاينارى : شينجياڭ گازەتى
11 - مامىر كۇنى اۆتونوميالى رايون 2016 - جىلعى تاسقىن مەزگىلىندەگى گەولوگيالىق اپاتتان ساقتانۋ قىزمەتى جونىندەگى تەلەۆيزور - تەلەفون ءماجىلىسىن اشىپ، جەر - جەردەن ەرتە باستان اتتانىسقا كەلۋ، الدىن الا ورنالاستىرۋ، ەرتەرەك ساقتانۋ، ەرتە باستان قامدانۋ تالابى بويىنشا گەولوگيالىق اپاتتان ساقتانۋ قىزمەتىن ىشكەرىلەي، جان - جاقتى، دەن قويا ىستەپ، گەولوگيالىق اپاتتىڭ زيانىنان بارىنشا ساقتانۋدى جانە اپات زيانىن ازايتۋدى تالاپ ەتتى.
بيىل سولتۇستىك شينجياڭنىڭ كوپ ساندى وڭىرلەرىندە، تيانشان تاۋلى وڭىرلەرىندە جانە بوكتەرلەرىندە جىلدىق جاۋىن - شاشىن مولشەرى كوپ بولاتىندىقتان، گەولوگيالىق اپاتتان ساقتانۋ جاعدايى ەرەكشە قاتاڭ كۇيگە وتەدى. ءماجىلىس گەولوگيالىق اپات كوپ تۋىلاتىن، وڭاي تۋىلاتىن وڭىرلەردە ءار دارەجەلى مەملەكەت جەر بايلىعى تاراۋلارىنان جاۋاپتى جولداستاردى قاراستىلىعىنداعى وڭىرلەرمەن بايلانىس جاساتتىرۋ، ەلەۋلى، كومەسكى حاۋىپتەردى ادامعا تياناقتاندىرۋ سياقتى جاقسى تاجىريبەلەر مەن ۇتىمدى ادىستەردى جالعاستىرىپ، قىزمەتتى دەن قويا ىستەپ، نەگىزگى ساتىدا تياناقتاندىرۋدى تالاپ ەتتى.
ءماجىلىس مىنانى باسا دارىپتەدى: جەر - جەر گەولوگيالىق اپاتتان جاپپاي ساقتانۋ جۇيەسى قۇرىلىسىن بار كۇشپەن ىلگەرىلەتۋى، ءار دارەجەلى مەملەكەت جەر بايلىعى تاراۋلارى تەكسەرۋ، باعالاۋ، باقىلاۋ، ەسكەرتۋ سياقتى 4 ۇلكەن جۇيە قۇرىلىسىن ۇزدىكسىز تەرەڭدەتۋى، اقاۋسىزداندىرۋى، كەمەلدەندىرۋى كەرەك. جەرگىلىكتى ءار دارەجەلى حالىق ۇكىمەتتەرى ساقتانۋ قىزمەتىنىڭ باسشىلىق جاۋاپكەرشىلىگىن شىنايى اتقارىپ، ساقتانۋ مىندەتتەرىن عىلمي ورنالاستىرۋلارى كەرەك.
ءماجىلىس مىنالاردى تالاپ ەتتى: جەر - جەر تاسقىن مەزگىلىندەگى اپاتتان ساقتانۋدىڭ ءتۇرلى شارالارىن قاتاڭ تياناقتاندىرىپ، كومەسكى حاۋىپتەردى ءبىر - بىرلەپ تەكسەرۋ قيمىلىن ورىستەتىپ، جاۋىننىڭ الدىندا جاپپاي تەكسەرۋ، جاڭبىر جاۋعاندا شارلاۋ جۇرگىزۋ، جاڭبىردان سوڭ قايتالاي تەكسەرۋ ادىسىنەن جازباي، بۇقارانىڭ مال - مۇلىك حاۋىپسىزدىگىنە قاتەر توندىرەتىن كومەسكى قاتەرى بار جەرلەردىڭ وزگەرىس جاعدايىن ۇنەمىلىك باقىلاپ، تىزگىندەۋى؛ ساقتىق كورۋ، الدىن الۋ ينفورماتسيالارىن دەر كەزىندە جاريالاۋى؛ باقىلاۋ - تەكسەرۋ قيمىلىن جاپپاي ورىستەتىپ، قاتىستى باسقارۋ تاراۋلارى مەن ساقتانۋ سۋبيەكتىنىڭ اپاتتان ساقتانۋ جاۋاپكەرشىلىگى مەن ساقتانۋ شارالارىن ىلگەرىلەتۋى؛ ينجەنەريا قۇرىلىسى بارىسىندا گەولوگيالىق اپاتتىڭ حاۋىپ - قاتەرىن باعالاۋ ءتۇزىمى مەن «ۇشتە ءبىر ۋاقىتتا» ءتۇزىمىن قاتاڭ تياناقتاندىرىپ، ادامداردىڭ قيمىلىنان تۋىلاتىن گەولوگيالىق اپاتتان باتىل ساقتانۋ كەرەك.
ءماجىلىس مىنانى تالاپ ەتتى: جەر - جەر تاسقىن مەزگىلىن ءتۇيىندى كەزەڭ ەتىپ، ءتۇيىندى وڭىرلەردە، ءتۇيىندى مەزگىلدەردە تاسقىننان ساقتانۋ قىزمەتىن كۇشەيتىپ، اپات كوپ تۋىلاتىن وڭىرلەردە، اسىرەسە، سۋ يگىلىگى، سۋ ەلەكتر سياقتى نەگىزدىك قۇرىلعىلار سالىنىپ جاتقان جانە ساياحات كورىنىس رايونى سياقتى ادام كوپ باراتىن جەرلەردە قاتىستى تاراۋلارمەن جانە قۇرىلىس ورىندارىمەن بىرگە جاڭالىق اشۋ مەحانيزمىن ورناتىپ، جاۋاپكەرشىلىكتى تياناقتاندىرۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
