بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

جاڭ چۇنشيان جينشىڭ ساۋدا - ونەركاسىپ شەكتى جارنا سەرىكتەستىگىنىڭ باس جوراسى پان شۋەپيڭمەن كەزدەستى

40 ميلليارد يۋان قارجى قوسىپ، شينجياڭنىڭ توقىماشىلىق، كيىم - كەشەك كاسىبىنىڭ دامۋىن جەبەيدى

 ياۋ تۇڭ

2016.05.18 16:11     كەلۋ قاينارى : شينجياڭ گازەتى

  ءتىلشىمىز ياۋ تۇڭ 16 - مامىردا ۇرىمجىدەن حابارلايدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 16 - مامىر تۇستەن كەيىن ۇرىمجىدە جياڭسۋ ولكەسى جينشىڭ ساۋدا - ونەركاسىپ شەكتى جارنا سەرىكتەستىگىنىڭ باس جوراسى پان شۋەپيڭمەن كەزدەستى.

  بىلتىر مامىردا جاڭ چۇنشيان اۆتونوميالى رايوندىق پارتكومنىڭ (كەڭەيتىلگەن) ءماجىلىسىن باسقارىپ اشقاندا، توقىماشىلىق، كيىم - كەشەك كاسىبىنىڭ دامۋىن ارناۋلى زەرتتەپ، توقىماشىلىق، كيىم - كەشەك كاسىبى تىزبەگىنىڭ دامۋىن ارقاۋ ەتىپ، ساۋداگەر تاڭداۋدى، ساۋداگەر شاقىرۋدى توقىماشىلىق، كيىم - كەشەك كاسىبىن دامىتۋداعى شەشۋشى تۇيىندەردىڭ ءبىرى ەتىپ تۇراقتاندىردى. ءبىر جىلدان بەرگى قۇلشىنىستىڭ ناتيجەسىندە، اۆتونوميالى رايون جينشىڭ ساۋدا - ونەركاسىپ شەكتى جارنا سەرىكتەستىگىمەن ءبىر قىدىرۋ سەلبەستىك كەلىسىمىنە قول قويدى. توقىماشىلىق، كيىم - كەشەكتى، جابدىق جاساۋدى، اينالمالى ەكونوميكانى ارقاۋ ەتىپ، جينشىڭ سەرىكتەستىگى وڭتۇستىك، سولتۇستىك شينجياڭدا 40 ميلليارد يۋان قارجى قوسىپ، «ءبىر ورتالىق، ءۇش باقشانى»، ياعني جينشىڭ سەرىكتەستىگىنىڭ اكىمشىلىك، قىزمەت وتەۋ، جاڭالىق اشۋ ورتالىعىن، وسىمدىك پيگىمەنتىنەن پايدالانىپ بوياۋ جاساۋ سياقتى بيولوگيالىق تەحنيكانى تىرەك ەتكەن جاسىل ەكولوگيالىق ءجىپ ءيىرۋ ۇلگى باقشاسىن، اينالمالى ەكونوميكا ارقىلى 50 مىڭ ادامدى كاسىپتەندىرەتىن قايتا تۋىندايتىن تالشىق ونەركاسىپ باقشاسىن، ساندىق باعدارلامامەن باسقارىلاتىن ستانوكتى، كيىم - كەشەكتى 3D ارقىلى باسۋدى، قوراپتاۋ ماشيناسىن نەگىز ەتكەن اقىلدىق جوعارى دەڭگەيلى جابدىق جاساۋ ونەركاسىپ باقشاسىن قۇرىپ، 2025 - جىلعا جەتكەندە شينجياڭداعى جىلدىق ساۋدا سوماسىن 100 ميلليارد يۋانعا جەتكىزۋدى جوسپارلادى.

  جاڭ چۇنشيان كەزدەسۋدە بىلاي دەدى: «ءبىر بەلدەۋ، ءبىر جول» قۇرىلىسىنىڭ ماڭىزدى ستراتەگيالىق ورايىن مىقتاپ يگەرىپ، قامداۋ جاعىنداعى قۇرىلىمدىق رەفورمانى ارقاۋ ەتىپ، جىبەك جولى ەكونوميكالىق بەلدەۋىنىڭ وزەكتى رايونىنان «بەس ۇلكەن ورتالىق» قۇرىپ، ناقتى تۇلعالىق ەكونوميكانى ويداعىداي دامىتۋ كەرەك. جەر شارى بازارىن كوزدەپ، شينجياڭنىڭ ەرەكشەلىگىن، جىبەك جولى ەكونوميكالىق بەلدەۋىنىڭ بويىنداعى ەلدەردىڭ سۇرانىسىن ارقاۋ ەتىپ، توقىماشىلىق، كيىم - كەشەك، جابدىق جاساۋ، اينالمالى ەكونوميكا سياقتى كاسىپ سالالارىنىڭ دامۋىن جوعارى باستامامەن، جوعارى دەڭگەيدە جوسپارلاۋ قاجەت. ماقتا، جەمىس - جيدەك سياقتى ەرەكشە اۋىل شارۋاشىلىق ونىمدەرى شينجياڭنىڭ باسىمدىعى، وزىق بيولوگيالىق تەحنيكادان پايدالانىپ، توقىماشىلىقتاعى بوياۋدى اناعۇرلىم زالالسىز، ورتانى قورعايتىن ەتىپ ءوندىرۋ كەرەك؛ جابدىق جاساۋ كاسىبى ءبىر ءوڭىردىڭ ونەركاسىپتەنۋ ورەسىنە ۋاكىلدىك ەتەدى، شينجياڭنىڭ تالاي جىلدان بەرگى قۇرىلىمدى تاباندىلىقپەن رەتتەۋىنىڭ ونىمدىلىكتەرىنە ۇشتاستىرىپ، عىلىم - تەحنيكادا جاڭالىق اشۋدى كۇشەيتىپ، جوعارى دەڭگەيدەگى بازارعا قادام تاستاۋ، جەر شارى كولەمىندە شينجياڭنىڭ جابدىق جاساۋ جاعىنداعى ماركاسىن ايگىلەۋ؛ شينجياڭنىڭ كورىنىسى كوركەم، ايتسە دە ەكولوگيالىق ورتاسى ءالى دە ەرەكشە ءالسىز، ەكولوگيالىق ورتانى قورعاۋعا، اينالمالى ەكونوميكانى دامىتۋعا ءمان بەرىپ، ەسكى - قۇسقى توقىماشىلىق بۇيىمدارىنان جالپىلىق پايدالانىپ، جاڭا تەحنيكا قولدانىپ، قايتا تۋىندايتىن تالشىق كاسىبىن ويداعىداي دامىتۋ كەرەك. جينشىڭ توبىنىڭ ورايدى مىقتى يگەرىپ، شينجياڭنىڭ باسىمدىعىنا سۇيەنىپ، ۇزدىكسىز كەمەلدەنىپ، دامۋىن، جاڭالىق اشا دامۋ ارقىلى كاسىپتەنۋدى جەبەۋىن، شينجياڭنىڭ قوعام ورنىقتىلىعى مەن باياندى تىنىشتىعىنا ءوز ۇلەسىن قوسۋىن ءۇمىت ەتەمىن.

  پان شۋەپيڭ اۆتونوميالى رايوندىق پارتكومنىڭ، ۇكىمەتتىڭ جينشىڭ سەرىكتەستىگىنىڭ شينجياڭعا ىرگە تەبۋىنە ءمان بەرگەنىنە جانە قولداۋ كورسەتكەنىنە العىس ايتتى. ول بىلاي دەدى: سەرىكتەستىگىمىز «ءبىر ورتالىق، ءۇش باقشا» كاسىپ قۇرىلىمىن بەلسەنە تياناقتاندىرىپ، شينجياڭدى توبىمىزدىڭ ەڭ ماڭىزدى بازاسى ەتىپ قۇرادى، جەر شارىنداعى ەڭ جاڭا، ەڭ وزىق تەحنيكانى شينجياڭعا ەنگىزەدى، شينجياڭنىڭ توقىماشىلىق، كيىم - كەشەك، جابدىق جاساۋ، اينالمالى ەكونوميكا سياقتى كاسىپ سالالارىنىڭ دامۋىن دەمەيدى، ءار ۇلت جۇرتشىلىعىءۇشىن اناعۇرلىم كوپ كاسىپتەنۋ ورايىن ازىرلەيدى، شينجياڭدى كوركەيتۋگە وزىندىك ۇلەس قوسادى.

  اۆتونوميالى رايوننىڭ باسشىلارىنان شوكىرات زاكىر، حۋاڭ ۋي، پىڭ جيارۇي، ليۋ جيانشيندەر كەزدەسۋدە بىرگە بولدى.

  ۇعىسۋعا قاراعاندا، جينشىڭ توبى 2000 - جىلى قۇرىلعان، جوعارى دەڭگەيدەگى جابدىق جاساۋدى نەگىز ەتكەن، اينالمالى، جاسىل ەكونوميكاعا كۇش سالاتىن جەر شارىندىق كاسىپتىك توپ، ماشينا جاساۋ، توقىماشىلىق ينجەنەرياسى، بيوينجەنەريا سياقتى سالالارمەن اينالىسادى، ەلىمىزدەگى ءتۇيىندى جوعارى تەحنيكا كاسىپورنى، ەلىمىزدەگى توقىماشىلىق ماشينالارى سالاسىنداعى ءتۇيىندى تىرەكتى كاسىپورىن.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.