- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشيان اۋعانستاننىڭ باس اتقارۋشى ۇلىعى ابدۇللامەن كەزدەستى
ياۋ تۇڭ
2016.05.19 14:35 كەلۋ قاينارى : شينجياڭ گازەتى
ءتىلشىمىز ياۋ تۇڭ 18 - مامىردا ۇرىمجىدەن حابارلايدى. 18 - مامىر كۇنى تۇستەن بۇرىن ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ۇرىمجىدە اۋعانستاننىڭ باس اتقارۋشى ۇلىعى ابدۇللامەن جانە ونىڭ ساپارلاستارىمەن كەزدەستى.
جاڭ چۇنشيان ابدۇللانىڭ جۇڭگوعا رەسمي ساپارلاي كەلگەنىن قۇتتىقتاي كەلىپ بىلاي دەدى: جۇڭگو مەن اۋعانستان تاتۋ كورشى، جاقسى دوس، سەنىمدى سەرىك. شينجياڭ − جۇڭگوداعى اۋعانستانمەن شەكارالاسقان بىردەن - ءبىر رايون. مارتەبەلى مىرزانىڭ وسى رەتكى ساپارى ارقىلى جۇڭگو − اۋعانستان ەلدەرىنىڭ باسشىلارى قالىپتاستىرعان ماڭىزدى تانىم بىرلىگىن تياناقتاندىرىپ، اۋعانستانمەن ىشكەرىلەي پىكىر اۋىستىرىپ، سەلبەسىپ، ارامىزداعى دوستىقتى نىعايتا ءتۇسۋدى ءۇمىت ەتەمىن.
جاڭ چۇنشيان بىلاي دەدى: شينجياڭ جۇڭگوداعى ەڭ ۇلكەن اۆتونوميالى رايون، كوپ ۇلتتى، كوپ ءدىندى، كوپ نەگىزدى مادەنيەتى بار ءوڭىر. سوڭعى جىلدارى پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ ىستەرىندە كورنەكتى جەتىستىكتەر جارىققا شىعىپ، ەكونوميكاسى تەز، اقاۋسىز دامىپ، حالىق تۇرمىسى ۇزبەي جاقسارىپ، ۇلتتار ىنتىماعى كۇشەيىپ، ءدىن جاراسىمدىلىعى نىعايىپ، قوعامنىڭ جالپى جاعدايى بەرەكەلى، ورنىقتى بولدى.
جاڭ چۇنشيان مىنانى باسا دارىپتەدى: 2013 - جىلى ءتوراعا شي جينپيڭ جىبەك جولى ەكونوميكالىق بەلدەۋىن بىرگە قۇرۋ ستراتەگيالىق وي جەلىسىن ورتاعا قويدى، شينجياڭ − ەلىمىزدىڭ جىبەك جولى ەكونوميكالىق بەلدەۋىندەگى وزەكتى رايونى، وزەكتى رايوندا «بەس ۇلكەن ورتالىقتى» كۇش سالا قۇرۋ بارىسىندا شينجياڭ اۋعانستانمەن ستراتەگيالىق سەلبەستىك، سەرىكتەستىك قاتىناسىن دامىتۋعا ءمان بەردى. شينجياڭ استىق، ماقتا، اۋىل شارۋاشىلىق ونىمدەرى، تۇقىم ساپالىلاندىرۋ سياقتى جاقتاردا وزىق تەحنيكاعا جانە كەمەلدى تاجىريبەگە يە، اۋعانستانمەن وسى زامانعى اۋىل شارۋاشىلىعىن دامىتۋ جاعىندا سەلبەستىك جاساۋ اياسى كەڭ. تاراپتار ەكونوميكا - ساۋدا، گۋمانيستيكا، وقۋ - اعارتۋ، ەمدەۋ سىندى سالالاردا اۋىس - كۇيىستى كۇشەيتىپ، ءبىر - بىرىنە پايدا جەتكىزىپ، ورتاق يگىلىككە كەنەلىپ، جىبەك جولى بويىنداعى ەلدەردى جىبەك جولى ەكونوميكالىق بەلدەۋى قۇرىلىسىنىڭ تابىستارىنان يگىلىكتەندىرۋ كەرەك. جۇڭگو مەن اۋعانستاننىڭ ءداستۇرلى دوستىعىنىڭ اناعۇرلىم نىعايىپ، ەكى ەلدىڭ جان - جاقتى سەلبەستىگىنەن تىڭ تەبىن جارىققا شىعاتىنىنا كامىل سەنەمىن.
جاڭ چۇنشيان مىنانى باسا دارىپتەدى: شينجياڭ اۋعانستاننىڭ لاڭكەستىككە، ۇشقارىلىققا سوققى بەرۋىن باتىل قولدايدى. جۇڭگو مەن اۋعانستاننىڭ حاۋىپسىزدىكتى ساقتاۋ سەلبەستىگى اياسىندا ىنتىماقتاستىقتى كۇشەيتىپ، لاڭكەستىككە، ۇشقارىلىققا بىرلەسىپ سوققى بەرىپ، وڭىرلەردىڭ جاراسىمدىلىعىنا، ورنىقتىلىعىنا ۇلەس قوسۋدى ءۇمىت ەتەمىن.
ابدۇللا بىلاي دەدى: جۇڭگو مەن اۋعانستاننىڭ دوستىعى ۇزاقتان بەرى جالعاسىپ كەلەدى، ەكى ەل ۇكىمەتى مەن حالقى اراسىنداعى دوستىق بايلانىس ءۇرتىس اقاۋسىز دامىدى. جۇڭگونىڭ شينجياڭى اۋعانستاننىڭ ماڭىزدى كورشىسى جانە دوسى، ۇرىمجىگە زور ۇمىتپەن كەلدىك، شينجياڭدى ارالاپ تەكسەرگەننەن كەيىن، بۇل ارانىڭ گۇلدەنىپ - كوركەيگەن كورىنىسى ءبىزدى ءتانتى ەتتى، اسىرەسە، وڭىرلىك قۇرىلىس جاعىندا قول جەتكىزگەن تابىستارى مەن وراسان زور دامۋ كومەسكى كۇشى تاراپتاردىڭ شىنايى سەلبەستىك جاساۋىنا تاماشا نەگىز قالادى، سونداي - اق سەنىمىمىزدى بەكەمدەي ءتۇستى. اۋعانستان بەلسەنە سايكەسىپ، تاراپتاردىڭ ءار سالاداعى سەلبەستىك نيەتى جونىندە ىشكەرىلەي اڭگىمەلەسىپ، اۋىل شارۋاشىلىعى، وقۋ - اعارتۋ، ەمدەۋ جاقتارىندا ماڭىزدى سەلبەسۋ تۇيىندەرىن تاۋىپ، تاراپتاردىڭ ناقتى سەلبەستىگىن تىڭ ساتىعا كوتەرۋدى قالايدى. سونىمەن بىرگە جۇڭگونىڭ شينجياڭىمەن حاۋىپسىزدىك سالاسىنداعى سەلبەستىكتى كۇشەيتىپ، لاڭكەستىككە، ۇشقارىلىققا بىرگە سوققى بەرىپ، ەكى جاقتىڭ سەلبەستىگى مەن وڭىرلەردىڭ حاۋىپسىزدىگىن قورعاۋدى قامتاماسىز ەتۋدى قالايدى.
اۆتونوميالى رايوننىڭ باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، جۋ حايلۇن، لي شۋەجۇن، پىڭ جيارۇي، ەلىمىزدىڭ اۋعانستانداعى باس ەلشىسى ياۋ جيڭ قاتارلىلار كەزدەسۋدە بىرگە بولدى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ۇرىمجىدە اۋعانستاننىڭ باس اتقارۋشى ۇلىعى ابدۇللامەن كەزدەستى.سۋرەتتى ءتىلشىمىز لۋ مين - ي تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
