بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايونىمىزدا مەملەكەت دارەجەلى جاراتىلىستىق قورىق كوبەيدى

2016.05.23 11:13    

  ءتىلشىنىڭ اۆتونوميالى رايوندىق ورمان شارۋاشىلىق مەڭگەرمەسىنەن ۇعىسۋىنشا، اۆتونوميالى رايونىمىزدا مەملەكەت دارەجەلى جاراتىلىستىق قورىق كوبەيىپ، تاعى ەكەۋى قوسىلعان. مەملەكەتتىك كەڭەس كەڭسەسى تاياۋدا جاريالاعان مەملەكەت دارەجەلى جاڭادان قۇرىلعان 18 جاراتىلىستىق قورىقتىڭ تىزىمدىگىندە شينجياڭ ىلە اق بالاۋىز اعاشى جاراتىلىستىق قورىعى، قورعاس ءتورت باقايلى تاسباقا جاراتىلىستىق قورىعى «مەملەكەتتىك» جاراتىلىستىق قورىق قاتارىنا جاڭادان قوسىلعان. قازىرگە دەيىن اۆتونوميالى رايونىمىزداعى مەملەكەت دارەجەلى جاراتىلىستىق قورىق 13كە جەتكەن.

  اق بالاۋىز اعاشى __ جەر شارىنداعى مۇز ءداۋىرىنىڭ سوڭعى مەزگىلىندە ساقتالىپ قالعان از سانداعى كەڭ جاپىراقتى بايىرعى اعاشتىڭ ءبىر ءتۇرى، ونىڭ «كەڭ جاپىراقتى اعاشتىڭ تاسقا اينالعان قالدىعى» دەگەن ادەمى اتى بار، ونىڭ جاپىراعىنا بالاۋىز جاققان ىسپەتتى جارقىراپ تۇرادى، اعاشتىڭ ءپىشىنى ۇلكەن، كۇلتەسى ادەمى. ىلە اق بالاۋىز اعاشى مەملەكەتتىك جاراتىلىستىق قورىعى ىلە قازاق اۆتونوميالى وبلىسى قۇلجا اۋدانىنىڭ شىعىسىنا ورنالاسقان، مۇندا ورگانيزمدەردىڭ ءتۇرى مول، 70 ميلليون دا ءبىر ميلليون جىل بۇرىنعى 3 - ءداۋىر قوڭىرجاي بەلدەۋلىك جاپىراق تاستايتىن كەڭ جاپىراقتى ورمان وسىمدىگى − اق بالاۋىز تابيعي ورمانى بار. بۇل رايونىمىزداعى بىردەن - ءبىر شوعىرلى تارالىپ، تابيعي قالىپتاسقان اق بالاۋىز اعاش شوعىرىنا جاتادى، مۇنىڭ تابيعاتتى قورعاۋ قۇنى جانە عىلمي زەرتتەۋ قۇنى اسا جوعارى.

  قورعاس ءتورت باقايلى تاسباقا مەملەكەتتىك جاراتىلىستىق قورىعىءتورت باقايلى تاسباقانى جانە ونىڭ مەكەنىن قورعايدى. ءتورت باقايلى تاسباقا __ ورتا ازيا وڭىرىندەگى ەرەكشە حايۋانات ءتۇرى، ەلىمىزدە سۇيدىڭ قالاشىعىنىڭ سولتۇستىگىندەگى شامامەن 150 شارشى كيلومەتر ءشولدى، ادىرلى جەرگە تارالعان، دۇنيە جۇزىندەگى 3 ءتۇرلى قۇرلىق تاسباقاسىنىڭ ءبىرى، مەملەكەتتىك 1 - دارەجەلى قورعالاتىن جانۋار، ەلىمىزدە ەرەكشە جابايى حايۋاناتتار بايلىعىنىڭ ءبىرى، اسا جوعارى قورعاۋ، پايدالانۋ قۇنىنا يە.

  اۆتونوميالى رايوندىق ورمان شارۋاشىلىق مەڭگەرمەسىنىڭ قاتىستى جاۋاپتىسىنىڭ تانىستىرۋىنشا، قازىر ءتۇر شوعىرىنىڭ اۋىر دارەجەدە كەمىپ كەتۋىنەن ەلىمىزدەگى سيرەك كەزدەسەتىن باعالى حايۋاناتتار اۋىر دارەجەدە ىقپالعا ۇشىراعان، سوندىقتان حايۋانات تۇرلەرىن قورعاۋ جانە ونى دامىتۋ ەكولوگيانىڭ تەپە - تەڭدىگى جونىنەن اسا ماڭىزدى مانگە يە. ءتورت باقايلى تاسباقانى قورعاۋ ەرتەدەگى باۋىرىمەن جورعالاۋشىلاردىڭ تارالۋى، ءتۇرى، تابيعي ءومىر ءسۇرۋى، بىرتىندەپ دامۋى مەن قۇرىپ - جوعالۋ سەبەبى، ەرتە زامانعى جاعراپيا، كليمات سياقتى جاقتاردى زەرتتەۋدى ماڭىزدى عىلىم - تەحنيكا ماتەريالدارىمەن قامدايدى، بۇل ەلىمىزدىڭ تۇقىمى قۇرىپ - جوعالۋعا تاياعان ءتۇرلى ورگانيزمدەردى قورعاۋ، قۇتقارۋ قىزمەتىنە ونەگە بولادى.

  ۇعىسۋعا قاراعاندا، «13 - بەس جىلدىق» جوبا كەزىندە اۆتونوميالى رايونىمىز جاراتىلىستىق قورىق جۇيەسى قۇرىلىسىن ءۇرتىس كەمەلدەندىرىپ، اۆتونوميالى رايون دارەجەلى ءتۇرلى تيپتەگى جاراتىلىستىق قورىقتان التاۋىن قۇرىپ، اۆتونوميالى رايونىمىزدىڭ ورماندى جاراتىلىستىق قورىعىن 48گە، كولەمىن 188 ميلليون مۋعا جەتكىزەدى ەكەن؛ سونىمەن بىرگە جاراتىلىستىق قورىقتىڭ نەگىزدىك قۇرىلعى قۇرىلىسىن اناعۇرلىم كۇشەيتىپ، جاراتىلىستىق قورىقتىڭ باسقارۋ قۇرىلىمدارىن اقاۋسىزداندىرىپ، باسقارۋ دەڭگەيىن جوعارىلاتادى ەكەن؛ 5 جاراتىلىستىق قورىقتى مەملەكەتتىك جاراتىلىستىق قورىق ەتىپ قۇرىپ شىعۋ قىزمەتىن ورىنداۋعا قۇلشىنادى ەكەن.

  كەلۋ قاينارى: ىلە كەشى گازەتى

  («شينجياڭ گازەتىنەن»)
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.