بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

وسى زامانعى مادەنيەت شينجياڭدىقتاردى وركەنيەتتى ومىرگە جەتەلەدى

2016.05.24 11:20     كەلۋ قاينارى : شينجياڭ گازەتى

  بيىل مامىر ايىندا يوپۇرعا اۋدانىنداعى جاڭادان سالىنعان دەنە تاربيە ورتالىعىندا وتكەن اۆتونوميالى رايوننىڭ تۇڭعىش كەزەكتى «ەر ازامات» اتىنداعى ۇلتتىق كۇرەس جارىسىن تاماشالاعان كورەرمەن سانى 15 مىڭ ادام - رەتتەن اسىپ كەتتى. جارىستىڭ باستالۋ سالتىنا 3000نان استام جاي بۇقارا مەرەكەلىك كيىمدەرىن كيىپ كەلدى. مىڭ ادامدىق ءماشىراپ، مىڭ ادامدىق دولان ءبيى، مىڭ ادامدىق شياۋپيڭگو ءبيى سياقتى باي مازمۇندى ءان - ءبي ورىندالىپ، يوپۇرعانىڭ رۋحاني بەت - بەينەسىن ءار قىرىنان ايگىلەدى.

  مۇنداي اسەرلى كورىنىستەردى بۇگىنگى شينجياڭنىڭ جەر - جەرىنەن كەزدەستىرۋگە بولادى. بۇگىندە وسى زامانعى مادەنيەت شينجياڭدىقتاردى وركەنيەتتى ومىرگە جەتەلەۋدە.

  2010 - جىلى 26 - مامىردا ج ك پ اۆتونوميالى رايوندىق 7 - كەزەكتى كوميتەتىنىڭ توعىزىنشى جالپى (كەڭەيتىلگەن) ماجىلىسىندە جاڭ چۇنشيان شۋجي «وسى زامانعى مادەنيەتتى جەتەكشى ەتۋ» سىندى ستراتەگيالىق تالعامدى العا قويدى. وتە - موتە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان بەرى، اۆتونوميالى رايونىمىزداعى ءار ۇلت كادرلارى مەن جۇرتشىلىعى «وسى زامانعى مادەنيەتتى جەتەكشى ەتۋدى» وي - ساناسىنا ءسىڭىرىپ، سانالى ارەكەتىنە اينالدىردى.

  وسى زامانعى مادەنيەتتى جەتەكشى ەتۋدىڭ جاندى امالياتىندا «ءبىر تۇلعالى، كوپ نەگىزدىلىكتى» ەرەكشەلىك ەتكەن شينجياڭنىڭ وسى زامانعى مادەنيەتى نەگىزگى اۋەندى اسقاقتاتىپ، جۇرت تىلەگىن ۇيىستىرىپ، جالىندى ومىرشەڭدىك كۇشىن ايگىلەدى. سوتسياليستىك وزەكتى قۇن كوزقاراسى شينجياڭدىقتاردىڭ كوكەيىندەگى ءمورالدىق جانە قۇندىلىق ولشەمىنە، شينجياڭ رۋحى شينجياڭدىقتاردىڭ رۋحاني قاسيەتىنە اينالدى؛ تيانشان تاۋىنىڭ تۇستىگى مەن تەرىستىگىندە قانشالاعان ءمورال ۇلگىلەرى جارىققا شىقتى؛ قالالاردا، اۋىل - قىستاقتاردا جاي ادام، جارقىن ىستەر، قاراپايىم جانداردىڭ ىزگىلىكتەرى ءجيى - ءجيى كوزگە ءتۇسىپ وتىردى...

  وسى زامانعى مادەنيەتتىڭ تارالۋى اۆتونوميالى رايوننىڭ نەگىزگى ساتى مادەنيەت قۇرىلىسىنا كۇشتى سەرپىن بەردى. بۇكىل شينجياڭداعى 923 اۋىل - قالاشىقتا يقۋاتى ءبىرشاما كەمەلدى، قۇرىلعىلارى تولىق ۋنيۆەرسال مادەنيەت پۋنكتتەرى، وڭتۇستىك شينجياڭداعى 4151 قىستاقتا (الەۋمەتتىك اۋماق) 1083 مادەنيەت ءۇيى سالىنىپ بولدى؛ مىڭعا جۋىق اۋىل - قالاشىققا ارناۋلى ۇگىت جوراسى تاعايىندالىپ، ەگىن، مال شارۋاشىلىق رايوندارىنداعى نەگىزگى ساتى مادەنيەت شەبەرلەرىن، حالىق ۇگىتشىلەرىن، حالىق ونەرپازدارىن تاربيەلەۋ قيمىلى ۇيىمداستىرىلدى؛ ۇكىمەتتىڭ تولىقتاما قاراجات بەرۋ فورماسى قولدانىلىپ، ءتۇرلى ويىن - ساۋىق ۇيىرمەلەرى نەگىزگى ساتىعا، اۋىل - قىستاققا بارىپ ويىن كورسەتۋگە شابىتتاندىرىلدى جانە ۇيىمداستىرىلدى...

  سونىمەن بىرگە، وسى زامانعى مادەنيەت «ۇشقارىلىقتى الاستاۋدىڭ» پارمەندى قارۋىنا اينالدى. 2014 - جىلى بۇكىل شينجياڭدا ۇشقارىلىقتى الاستاۋ اتىنداعى تۇڭعىش كەزەكتى شارۋالار سۋرەت جارىسى مەن كومەديا جارىسى وزدىرىلدى، وعان مىڭداعان «شارۋا سۋرەتشى» مەن «حالىق ونەرپازى» ات سالىستى. ولار ماڭايىنداعى ادامداردىڭ ءىس - ارەكەتىن سۋرەت ارقىلى بەينەلەپ، توڭىرەگىندە بولعان ىستەردى ساحناعا الىپ شىقتى، مۇنداي دۇنيەلەر قاراپايىم بولسا دا ايرىقشا اسەرلى بولىپ، ءار ۇلت جۇرتشىلىعىنىڭ ءدىني ۇشقارى يدەيانىڭ، «ءۇش ءتۇرلى كۇشتىڭ» زالالىن جىعا تانۋىنا مۇمكىندىك جاسادى؛ 2014 - جىلى وڭتۇستىك شينجياڭداعى ءۇش ايماق، ءبىر وبلىستا «تاكلاماكانداعى توي» قيمىلى وزدىرىلىپ، توپتىق توي فورماسى قولدانىلىپ، نەكەلەنۋ تويىنداعى جاڭا سالت دارىپتەلىپ، ءار ۇلت جۇرتشىلىعىنىڭ قىزۋ قارسى الۋىنا يە بولدى.

  «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» ماقساتىندا قىستاقتارعا تۇسكەن 200 مىڭ كادر ءار ۇلت جۇرتشىلىعىنىڭ قيىنشىلىقتارىن شەشۋىنە كومەكتەسۋمەن بىرگە، وسى زامانعى مادەنيەت تانىمىن جەرگىلىكتى ورىننىڭ جاعدايىمەن ۇشتاستىرا وتىرىپ تاراتتى.

  وسى زامانعى مادەنيەت شينجياڭداعى ءار ۇلت حالقىنا ورتاق رۋحاني ءورىس ازىرلەپ بەردى. «بەس ورتاق تانىم» ادامداردىڭ كوكەيىنە تەرەڭ ۇيالاپ، ىنتىماق، جاراسىمدىلىق، باقىت، العاباسارلىق شينجياڭداعى ەڭ كوركەم كورىنىسكە اينالدى.

  جۋىردا كۇشار اۋدانى تاجىريبە ورتا مەكتەبى «شينجياڭدى كوركەيتىپ، وتان ارمانىن بىرگە جۇزەگە اسىرايىق» تاقىرىبىندا بالالاردىڭ 6 - كەزەكتى قوس تىلدە سويلەۋ جارىسىن وتكىزدى، اۋداننىڭ جەر - جەرىنەن كەلگەن 12 بالا جارىسقا قاتىناستى. جارىس ءوزىن تانىستىرۋ، كىندىك ءسوز جانە ونەر كورسەتۋ سياقتى ساتىلار بويىنشا وتكىزىلىپ، بالالار جارىستان شاتتىق سەزىمگە بولەندى، سىرلاسىپ، ىشتەسىپ، كوڭىل كۇيلەرىن توعىستىردى.سۋرەتتى دىڭ ي تۇسىرگەن
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.