- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
دامۋ بارىسىندا قورعادى، قورعاۋ بارىسىندا دامىتتى
2016.05.24 11:20 كەلۋ قاينارى : شينجياڭ گازەتى
12 - مامىر، اۋا تەمپەراتۋراسىنىڭ جوعارىلاۋىمەن كۇن جىلىنىپ، سالقىن سامال ەستى، بار ماڭ كوكوراي شالعىنعا وراندى. اپتا سوڭىندا، ءۇرىمجى دالۇيگۋ ەكولوگيالىق باقشاسىنا سەيىل - سەرۋەنگە باراتىن قالا تۇرعىندارىنىڭ سانى كوبەيە ءتۇستى. «جانعا جايلى اۋا رايى جۇرتتىڭ كوڭىلىن جادىراتتى، جۇمىسقا كەلگەندەر دە وزدەرىن بەينە دەمالىسقا كەلگەندەي سەزىندى» دەپ جولدادى دوستار شەڭبەرىنە قۋانىشتى كوڭىل كۇيىن كوپشىلىكپەن بولىسكەن كەي ادامدار.
ورتالىق قالا ۇرىمجىدە عانا ەمەس، «تارباعاتايدىڭ اشىق اسپانى»، «ىلەنىڭ جاسىل مانات جايلاۋى» سىندى تەڭەۋلەر دوستار شەڭبەرىنە كوپتەپ جولداندى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى اشىلعاننان بەرى، شينجياڭ قورشاعانى ورتانى قورعاۋدى الدىمەن ويلاسۋعا، ەكولوگيالىق رايون قۇرۋعا باستان - اياق تاباندى بولىپ، ەكونوميكانى بارىنشا دامىتۋ بارىسىندا ەكولوگيالىق قۇرىلىس پەن قورشاعان ورتانى قورعاۋدى ۇزدىكسىز كۇشەيتىپ، تابيعاتتى «تازا قالپىنا» قايتاردى.
كوكتەم سوڭىندا التاي قالاسى الاقاق اۋىلى ويماقى قىستاعى جىم - جىرتتىققا شومدى ءارى تاپ - تازا بەينەگە ەندى. «بۇرىندارى قىستاقتا تۇرمىستىق قوقىستار الباتى تاستالاتىن، اۋىز سۋ دا ولشەمگە جەتپەيتىن». قىستاق تۇرعىنى ءمارعۋا وتكەن كۇندەردى ەسكە الا بىلاي دەدى: «2014 - جىلى قىستاقتا <كورىكتى اۋىل - قىستاق> نىسانى قۇرىلىسى اتقارىلعان بولاتىن، ءبىر جىلعا جەتپەيتىن ۋاقىتتا قىستاق كەلبەتىندە زور وزگەرىس تۋىلدى».
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى شينجياڭدى دامىتۋدا قورشاعان ورتانى قورعاۋعا اناعۇرلىم ءمان بەرۋ كەرەكتىگىن العا قويدى. سول جىلى جەلتوقسان ايىندا اۆتونوميالى رايوندىق پارتكوم شينجياڭدى ەڭ تازا جەر ەتىپ قۇرىپ شىعۋعا قۇلشىنۋدى ايقىن العا قويىپ، ەكولوگيالىق قۇرىلىس، قورشاعان ورتانى قورعاۋ ءۇشىن جاڭا نىسانا بەلگىلەدى.
2 جىلدان بەرى اۆتونوميالى رايونداعى ءار دارەجەلى پارتكومداردىڭ، ۇكىمەتتەردىڭ قورشاعان ورتانى قورعاۋ ساناسى مەن جاۋاپكەرشىلىگى كورنەكتى تۇردە كۇشەيدى، «شينجياڭدى ەڭ تازا جەر ەتىپ قۇرۋدى» نىسانا ەتىپ، اتموسفەرا، سۋ، توپىراقتىڭ لاستانۋىن تىزگىندەۋدى اناعۇرلىم كۇشەيتىپ، حالىق بۇقاراسىنىڭ تازا سۋ ىشۋىنە، تازا اۋامەن تىنىستاۋىنا، جاسىل ازىق - تۇلىك تۇتىنۋىنا مۇمكىندىك جاسالىپ، ەكولوگيالىق قۇرىلىس پەن قورشاعان ورتانى قورعاۋ ىستەرىنىڭ دامۋى ەڭ تاماشا كەزەڭگە ءوتتى؛ ءار ۇلت بۇقاراسى دا قورشاعان ورتانى قورعاۋعا ونان ارى كوڭىل ءبولىپ جانە بەلسەنە ات سالىسىپ، تۇتاس قوعامنىڭ قورشاعان ورتاعا كوڭىل ءبولۋ، قولداۋ جانە ات سالىسۋ جاعدايى ونان ارى كۇشەيدى.
ايماق، وبلىس، قالالار بەلسەنە اتتانىسقا كەلىپ، اسپاننىڭ اشىق بولۋىن ءتۇيىن ەتىپ، قورشاعان ورتانى قورعاۋعا ۇسىنىلىمدى ۇزدىكسىز مولايتىپ، ەكولوگيانى قورعاۋدا تىڭ ناتيجەلەرگە قول جەتكىزدى؛ ماڭىزدى وزەندەردىڭ سۋ ساپاسى بۇكىل ەلدىڭ ورتاشا دەڭگەيىنەن الدەقايدا جوعارى بولدى؛ ماڭىزدى وڭاۋ رايوندارىنداعى ەكولوگيالىق جاعداي كورنەكتى جاقساردى، قۇمدى بوراننىڭ زاردابى بىرتىندەپ ازايدى؛ ورمانمەن كومكەرىلۋ سالىستىرماسى ۇزدىكسىز جوعارىلادى، اۋىل - قىستاقتاردىڭ قورشاعان ورتاسىن ۇلاسپالى رەتتەۋدەن ۇلگى كورسەتۋ قىزمەتى ۇزدىكسىز ورىستەتىلدى؛ مەشەۋ ءوندىرىس قۋاتى باتىل كۇشىنەن قالدىرىلىپ، تۇتاس رايونىمىزداعى حيميالىق ادىسپەن ولشەنەتىن سۋداعى توتىقتىرىلۋعا ءتيىستى زاتتار مولشەرى، كۇكىرت قوس توتىعى، ازوتتى اممياك سىندى 3 ءتۇرلى نەگىزگى لاستاۋشى زاتتىڭ شىعارىلۋ مولشەرى تۇگەلدەي مەملەكەت بەلگىلەگەن كورسەتكىش كولەمىندە تىزگىندەلىپ، ازوت قوسىلىستارىنىڭ شىعارىلۋ مولشەرى ارتۋدان تومەندەۋگە بەت الىپ، قالا، اۋىلداردىڭ قونىس ورتاسى كورنەكتى جاقساردى.
ىلە قازاق اۆتونوميالى وبلىسى موڭعۇلكۇرە، تەكەس، توعىزتاراۋ سىندى ەكولوگيالىق وركەنيەت قۇرىلىسىن تۇيىندە سىناق ەتەتىن 3 اۋدان جونىندە GDP مەن ونەركاسىپتىڭ ارتقان قۇنىن ەندىگارى باستى تەكسەرۋ كورسەتكىشىنە ەنگىزبەيتىن بولدى؛ التاي ايماعى شينجياڭ «تۇسەلحاناسىن» بەلسەنە اشىپ، «جاننات مەكەندى» قورعادى؛ ءۇرىمجىنىڭ قىسقى اۋاسىنىڭ ساپاسى جاقساردى؛ شينجياڭنىڭ ورماندىق جەر اۋدانى 5 جىلدىڭ الدىنداعىدان 6 ميلليون 410 مىڭ گەكتار كوبەيدى....
بۇقارا قورشاعان ورتانى وڭاۋدىڭ ناتيجەسىنە كۋا بولىپ جانە بولاشاعىنا ءۇمىت ارتىپ، كورىكتى شينجياڭ قۇرۋداعى سەنىمدەرى مەن بەكىمدەرىن كۇشەيتتى. سوڭعى جىلدارى ىلە وبلىسى قوماقتى قارجى ءبولىپ، ىلە وزەنى توڭىرەگىنىڭ ەكولوگياسىن تۇزەپ، ىرگە تەبەتىن كاسىپورىندارعا قورشاعان ورتا بويىنشا ەڭ قاتاڭ باعالاۋ جۇرگىزىپ، ىلە وزەنىنىڭ ەكولوگيالىق ورتاسىنىڭ ۇزدىكسىز جاقسارۋىنا كەپىلدىك ەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
