- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جياڭسۋ مەن ىلەنىڭ باعىتتامالى كومەك بەرۋ قىزمەتى جونىندەگى اڭگىمە ءماجىلىسى نانجيڭدە وتكىزىلدى
2016.05.25 11:01
ءتىلشىمىز لي شين–ان حابارلايدى. جياڭسۋ مەن ىلەنىڭ باعىتتامالى كومەك بەرۋ قىزمەتى جونىندەگى اڭگىمە ءماجىلىسى مامىردىڭ 20–كۇنى تۇستەن بۇرىن نانجيڭ قالاسىندا وتكىزىلدى. جياڭسۋ ولكەلىك حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى شى حىپيڭ جانە قاتىستى تاراۋلاردىڭ جاۋاپتىلارى نانجيڭ قالاسىندا تەكسەرۋ–زەرتتەۋدە جۇرگەن ىلە وبلىستىق پارتكومنىڭ شۋجيى حۋاڭ سانپيڭ ۇيىرمە باستىعى بولعان ىلە وبلىسىنىڭ پارتيا–ۇكىمەت ۋاكىلدەر ۇيىرمەسىندەگىلەرمەن شينجياڭعا باعىتتامالى كومەك بەرۋ قىزمەتىن ويداعىداي ىستەۋ جونىندە ىشكەرىلەي پىكىر اۋىستىردى ءارى كەلەسى باسقىشتاعى قىزمەتتەردى تالقىلادى.
اڭگىمە ماجىلىسىندە حۋاڭ سانپيڭ وبلىستىق پارتكوم مەن ۇكىمەت جانە وبلىستاعى ءار ۇلت حالقى اتىنان ۇزاق ۋاقىتتان بەرى ىلەگە قالتقىسىز كومەك بەرىپ، قولداۋ كورسەتىپ كەلە جاتقان جياڭسۋ ولكەلىك پارتكوم مەن ۇكىمەتكە جانە جياڭسۋ حالقىنا شىنايى العىس ايتىپ، شينجياڭعا باعىتتامالى كومەك بەرۋگە كادرلارىن جىبەرگەن ورىندار مەن ولاردىڭ وتباسىنداعىلارعا وسكەلەڭ قۇرمەت ءبىلدىردى.
حۋاڭ سانپيڭ بىلاي دەدى: ىلە وبلىسىنىڭ پارتيا–ۇكىمەت ۋاكىلدەر ۇيىرمەسى بۇل جولى سۋجوۋ، ۋ–شي، چاڭجوۋ سياقتى جەرلەردى ەكسكۋرسيالاپ، جياڭسۋدىڭ عىلمي دامۋ بارىسىنداعى تابىسى مەن وزگەرىستەرىن كورىپ، جياڭسۋدىڭ رەفورما، ەسىك اشۋداعى ارىنى مەن تەبىنىن سەزىندى.
ىلەنىڭ ەكونوميكاسى مەن قوعامىنىڭ دامۋ جاعدايىن جانە شينجياڭعا كومەك بەرۋ قىزمەتىن ورىستەتۋ جاعدايىن تانىستىرعاننان كەيىن حۋاڭ سانپيڭ بىلاي دەدى: بيىلعى جىل _ جياڭسۋ ولكەسىنىڭ 8–توپتا ىلەگە باعىتتامالى كومەك بەرۋ قىزمەتىنىڭ سىرگە جيار جىلى ءارى جياڭسۋ ولكەسىنىڭ ىلەگە كومەك بەرۋ جاعىندا «13–بەس جىلدىق» جوبانى ىلەنىڭ بايتاق دالاسىندا جالپىلاستىراتىن، تياناقتاندىراتىن شەشۋشى جىل. جياڭسۋ ولكەلىك پارتكوم مەن ۇكىمەتتىڭ جاڭا كەزەكتى ىلەگە كومەك بەرۋ قىزمەتىنىڭ تەبىنىن ۇزدىكسىز ارتتىرىپ، ىلەنىڭ دامۋىنا نازار اۋدارۋىن، قولداۋ كورسەتۋىن ءۇمىت ەتەمىز. كەلەسى ساتىداعى ىلەگە كومەك بەرۋ قىزمەتىندە كاسىپ، دارىندى جاعىنان كومەك بەرۋ تەبىنىن اناعۇرلىم ارتتىرىپ، جياڭسۋ مەن ىلەنىڭ بارىس–كەلىسىن، قارىم–قاتىناسىن اناعۇرلىم نىعايتىپ، ىلەنىڭ رەفورما، دامۋى، ورنىقتىلىق ىستەرى ءۇشىن اناعۇرلىم كوپ جەتەكشىلىك ەتۋىن جانە كومەكتەسۋىن ءۇمىت ەتەمىز.
حۋاڭ سانپيڭ مىنانى ءبىلدىردى: جياڭسۋ ولكەلىك پارتكوم مەن ۇكىمەتتىڭ شىنايى ىقىلاسى، پارمەندى قولداۋى ارقىلى جياڭسۋ ولكەسىنەن ىلەگە كومەككە كەلگەن كادرلاردىڭ جانە ىلەدەگى ءار ۇلت كادر–جۇرتشىلىعىنىڭ ورتاق قۇلشىنۋىندا ىلەنىڭ قوعام ورنىقتىلىعى مەن باياندى تىنىشتىقتى، ءسوزسىز، جۇزەگە اسىرا الاتىندىعىنا، بۇكىل شينجياڭمەن، بۇكىل ەلمەن بىرلىكتە دوڭگەلەك داۋلەتتىلىككە قادام تاستايتىندىعىنا كامىل سەنەمىز. شى حىپيڭ ىلە وبلىسىنىڭ اۆتونوميالى رايوندىق پارتكوم مەن ۇكىمەتتىڭ باسشىلىعىندا قول جەتكىزگەن تابىستارىن قۇتتىقتادى. ول بىلاي دەدى: ىلە وبلىستىق پارتكوم مەن ۇكىمەتتىڭ باسشىلىعىندا، شينجياڭعا كومەك بەرۋشى بارلىق كادرلاردىڭ ورتاق قۇلشىنۋىندا جياڭسۋدىڭ ىلەگە باعىتتامالى كومەك بەرۋ قىزمەتى «12–بەس جىلدىق» مەزگىلىندە كورنەكتى ناتيجەگە قول جەتكىزىپ، جوبانى، مىندەتتى ءساتتى ورىندادى، شينجياڭعا كومەك بەرۋ قىزمەتى ىلە وبلىسىنىڭ ەكونوميكاسى مەن قوعامىنىڭ دامۋىندا كەم بولسا بولمايتىن رول اتقاردى.
شى حىپيڭ بىلاي دەپ قارادى: بيىلعى جىل _ شينجياڭعا كومەك بەرۋ قىزمەتى جونىنەن شەشۋشى ءبىر جىل، «13–بەس جىلدىقتىڭ» باستاما جىلى، 8 –، 9–توپتاعى شينجياڭعا كومەك بەرۋ قىزمەتى الماساتىن جىل. ورتالىق «13–بەس جىلدىق» مەزگىلىندەگى شينجياڭعا باعىتتامالى كومەك بەرۋ قىزمەتى جونىندە ايقىن تالاپ قويدى. جياڭسۋ ولكەلىك پارتكوم مەن ۇكىمەت بۇعان وسكەلەڭ ءمان بەرىپ، شينجياڭعا باعىتتامالى كومەك بەرۋ قىزمەتى جونىندە ارناۋلى ءماجىلىس اشتى، بەلگىلەنۋ ۇستىندەگى شينجياڭعا كومەك بەرۋ «13–بەس جىلدىق» جوباسىندا ورتالىقتىڭ تالابىنىڭ دايەكتىلەنەتىنىنە، ىلە وبلىسىنىڭ پىكىرىنىڭ قابىلداناتىنىنا سەنەمىز. جوبا ورتالىقتىڭ شينجياڭ قىزمەتى جونىندەگى نازار اۋدارۋ ءتۇيىنى مەن كۇش سالۋ ءتۇيىنى تالابىنا اناعۇرلىم جۋىقتاتىپ، ىلە وبلىسىنىڭ رەفورما جاساۋى، دامۋى، ورنىقتىلىعى قىزمەتىنە، بۇقارانى اۋقاتتاندىرۋ تالابىنا اناعۇرلىم ۇيلەسەتىن بولادى.
ەكى جاق شينجياڭعا كومەك بەرۋ قىزمەتىن اناعۇرلىم ويداعىداي ىلگەرىلەتۋ جونىندە ىشكەرىلەي تالقى ورىستەتتى ءارى ورتاق تانىمعا كەلدى.
جياڭسۋ ولكەسىنىڭ قاتىستى تاراۋلارىنىڭ جاۋاپتىلارى، وبلىس باسشىلارىنان يۇي چيڭشان، تيان حۇڭ، جاۋ تيانجيە، ۋ فىڭجۇن جانە ۋاكىلدەر ۇيىرمەسىنىڭ بارلىق مۇشەسى اڭگىمە ماجىلىسىنە قاتىناستى.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
