بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ءۇرىمجى حالىقارالىق اۆياتسيا تورابى قۇرىلىسىن جەدەلدەتۋ كەرەك

2016.05.26 10:39     كەلۋ قاينارى : شينجياڭ گازەتى

  23 - مامىر كۇنى تۇستەن كەيىن، اۆتونوميالى رايون جۇڭگو حالىقتىق اۆياتسيا مەكەمەسىنىڭ تەكسەرۋ - زەرتتەۋ گرۋپپاسىمەن اڭگىمە وتكىزدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان، جۇڭگو حالىقتىق اۆياتسيا مەكەمەسى پارتيا باسشىلىق گرۋپپاسىنىڭ شۋجيى، مەكەمە باستىعى فىڭ جىڭلين اڭگىمە ماجىلىسكە قاتىناستى ءارى ءسوز سويلەدى.

  بيىل ناۋرىزدا، اۆتونوميالى رايونىمىز بەن جۇڭگو حالىقتىق اۆياتسيا مەكەمەسى شينجياڭنىڭ حالىقتىق اۆياتسيا ىستەرىنىڭ دامۋىن جەبەۋ جونىندە ىشكەرىلەي پىكىر اۋىستىرىپ، ءۇرىمجى حالىقارالىق اۆياتسيا تورابى قۇرىلىسىنىڭ جوباسىن جاساۋدى العا قويعان بولاتىن. ىلە - شالا جۇڭگو حالىقتىق اۆياتسيا مەكەمەسى قىزمەت گرۋپپاسىن، ماماندار گرۋپپاسىن ۇيىمداستىرىپ جوبا جاساۋ قىزمەتىن ورىستەتتى ءارى 2 رەت شينجياڭعا كەلىپ تەكسەرۋ - زەرتتەۋ جۇرگىزىپ، بىرنەشە رەت اۆتونوميالى رايونداعى قاتىستى تاراۋلارمەن سويلەسكەن سوڭ، ءۇرىمجى حالىقارالىق اۆياتسيا تورابى قۇرىلىسى جوباسىن دايىندادى. جوبادا ءۇرىمجى حالىقارالىق اۆياتسيا تورابىن دامىتۋدىڭ جالپى وي جەلىسى، نەگىزگى پرينسيبى، فۋنكتسيالىق ورنى، دامۋ نىساناسى، ستراتەگيالىق شاراسى ەگجەي - تەگجەيلى باياندالدى. جوباعا سايكەس، 2020 - جىلعا دەيىن ءۇرىمجى اۋەجايىن وزەك ەتكەن «باتىس پەن شىعىسقا قانات جايعان، شينجياڭ كولەمىندە توراپتاسقان، شار تاراپتى تۇتاستىراتىن» اۋە جەلىسى تورى العاشقى قادامدا قالىپتاسادى، جولاۋشى قابىلداۋ - جونەلتۋ مولشەرى 32 ميلليون ادامنان (رەت) اسادى، ۇشاق قاتىنايتىن قالا سانى 120دان اسادى، امبەباپ قاتىناس تورابى قۇرىلىسىندا تىڭ سەرپىلىس جاسالادى.

  جاڭ چۇنشيان بىلاي دەدى: ءۇرىمجى حالىقارالىق اۆياتسيا تورابىن قۇرۋ ستراتەگياسى جوعارى دەڭگەيدە جوبالانعان، كاسىپتىك دەڭگەيى جوعارى، ناقتى شارالارى ءىس جۇزىندىك جاعدايعا ۇيلەسەدى، ولءۇرىمجىنىڭ حالىقارالىق اۆياتسيا تورابىن قۇرۋدىڭ ارەكەت باعدارلاماسى سانالىپ، شينجياڭنىڭ جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن جەدەلدەتىپ، اۆياتسيا ىستەرىنىڭ دامۋىن ىلگەرىلەتۋدە كەلەلى جەبەۋ رولىن اتقارادى.

  جاڭ چۇنشيان بىلاي دەدى: ۇزاقتان بەرى حالىقتىق اۆياتسيا مەكەمەسى شينجياڭنىڭ حالىقتىق اۆياتسيا ىستەرىنىڭ دامۋىنا ايرىقشا ءمان بەرىپ، كاسىپ سالاسى بويىنشا جابال كۇش سالىپ، جان - جاقتى قولداۋ كورسەتتى. سوڭعى جىلداردا شينجياڭنىڭ حالىقتىق اۆياتسياسى وتە تەز دامىپ، قوعامدىق ونىمدىلىگى، باسقارۋ، قىزمەت وتەۋ ورەسى ايتارلىقتاي جوعارىلادى. جاڭ چۇنشيان ءۇرىمجى حالىقارالىق اۆياتسيا تورابىن جەدەل قۇرىپ، ءار جاقتاعى قىزمەتتەردى ونان ارى بىرلەسىپ جاقسى ىستەۋ جونىندە مىناداي 4 تالاپ قويدى:

  ءبىرىنشى، ءۇرىمجى حالىقارالىق اۆياتسيا تورابىن بىرلەسىپ قۇرۋ. ءۇرىمجى حالىقارالىق اۆياتسيا تورابىن قۇرۋ − شينجياڭنىڭ مەملەكەتتىڭ «ءبىر بەلدەۋ، ءبىر جول» ستراتەگياسىن دايەكتىلەندىرىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەدەلدەتۋدەگى ەڭ ۇتىمدى جول. اۆياتسيا جاعراپيالىق شەكتەمەدەن اسا تەز ءارى يكەمدى تۇردە ارىلتىپ، وزەكتى رايون قۇرىلىسىندا جەتەكتەۋ رولىن اتقارادى. اۆتونوميالى رايون مەن قاتىستى كاسىپ سالالارى زاڭدى، ەرەجەنى نەگىزگە الۋ العى شارتىندا جان - جاقتى قۇلشىنىپ، حالىقارالىق اۆياتسيا تورابىن تەزىرەك بىرلەسىپ قۇرىپ، كۇن سايىن ارتىپ كەلە جاتقان جولاۋشى قابىلداۋ، جونەلتۋ مولشەرى جاعىنداعى قاجەتتى قاناعاتتاندىرۋى كەرەك.

  ەكىنشى، اناعۇرلىم كوپ حالىقارالىق اۋە جەلىلەرىن اشىپ، اۆياتسيا جەلىلەرىنىڭ تۇتاسۋ دەڭگەيىن جوعارىلاتۋ. شينجياڭنىڭ جاعراپيالىق ورنى وزگەشە، ۇرىمجىدەن ورتا، باتىس، وڭتۇستىك ازياعا، رەسەيگە، ەۆروپاعا باراتىن اۋە جەلىلەرى «ءبىر بەلدەۋ، ءبىر جول» ستراتەگياسىمەن بارىنشا سايكەسىپ، قابىسا تۇسكەن، حالىقارامەن جالعاسۋ جاعىندا كورنەكتى باسىمدىعى بار، بولاشاقتاعى دامۋ مۇمكىندىگى مەن ءورىسى وراسان زور. اۆياتسيا سەرىكتەستىكتەرىن اناعۇرلىم كوپ حالىقارالىق اۋە جەلىلەرىن اشۋعا جەتەكتەپ جانە ونى قولداپ، بازار اشۋدى جانە اۋە جولى قۇرىلىسىن كۇشەيتىپ، ەۆروپا، ازيا اۋە جولىنىڭ ىركىلىسسىزدىگىن جانە قامتاماسىز ەتۋ قابىلەتىن جوعارىلاتۋ كەرەك.

  ءۇشىنشى، تۇرپان، قارامايلى، شىحىزى اۋەجايلارى شوعىرى قۇرىلىسىن تەزدەتۋ. كوز الداعى ماسەلەلەر مەن ۇزاق بولاشاقتىق ماسەلەلەردى شەشۋدى ۇشتاستىرىپ، قازىرگى اۋەجايلاردىڭ ۇشاق ايالدامالارىن جاڭالاۋ، ءۇرىمجى اۋەجايىنىڭ ەكىنشى، ءۇشىنشى ۇشاق سىرعىما جولدارىن ەرتەرەك سالۋعا قول جەتكىزۋ كەرەك.

  ءتورتىنشى، ورتاق پايدالانىلاتىن اۆياتسيا ىستەرىن كۇشەيتۋ جانە دامىتۋ. شينجياڭنىڭ جەرى دە، اۋە كەڭىستىگى دە كەڭ، بۇكىل ەلدە ورتاق پايدالانىلاتىن اۆياتسيانى دامىتۋداعى شارت - جاعدايى ەڭ تاماشا رايوننىڭ ءبىرى. ءۇرىمجى حالىقارالىق اۆياتسيا تورابىن قۇرۋمەن ۇشتاستىرىپ، شينجياڭدى ەلىمىزدەگى ورتاق پايدالانىلاتىن اۆياتسيانى دامىتۋدىڭ سىناق ءتۇيىنى ەتىپ قۇرىپ شىعۋعا كۇش سالۋ كەرەك.

  فىڭ جىڭلين بىلاي دەدى: ءۇرىمجى حالىقارالىق اۆياتسيا تورابى ستراتەگياسىن بەلگىلەۋ − حالىقتىق اۆياتسيا مەكەمەسىنىڭ مەملەكەتتىڭ «ءبىر بەلدەۋ، ءبىر جول» ستراتەگياسىن تياناقتاندىرۋداعى جانە دامىتۋداعى، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىنىڭ رۋحىن دايەكتى تياناقتاندىرۋداعى ناقتى شاراسى. شينجياڭ جىبەك جولى ەكونوميكالىق بەلدەۋىنىڭ وزەكتى رايونى، جاعراپيالىق ورتا، رايوندىق ورىن جاعىندا كورنەكتى باسىمدىعى بار، مەملەكەتتىڭ باتىسقا ەسىك اشۋداعى ماڭىزدى قاقپاسى ءارى «ءبىر بەلدەۋ، ءبىر جول» قۇرىلىسىندا حالىقتىق اۆياتسيانى سۇيەنىش ەتۋدەگى مۇمكىندىگى ەڭ زور ستراتەگيالىق اشۋ رايونى. حالىقتىق اۆياتسيا مەكەمەسى ءۇرىمجى حالىقارالىق اۆياتسيا تورابىن «ءبىر بەلدەۋ، ءبىر جول» ستراتەگياسىنىڭ تىرەگى جانە جەتەكشىسى ەتىپ، وتكەلەك تورابىندىق اۋەجاي قۇرىلىسىن بەلسەندى تۇردە مەملەكەتتىك دەڭگەيدە ىلگەرىلەتىپ، اۋە جەلىسى بايلىعى، قوسىمشا قاراجات، وتە - موتە، ورتا، باتىس ازيا ەلدەرىنىڭ اۆياتسيا ۇقىعىن، اۋە جەلىسىن ورتاق پايدالانۋ ءارى ۋاقىتتى بولىسكە سالۋ، ورتاق پايدالانىلاتىن اۆياتسيانى دامىتۋ جاقتارىندا شينجياڭعا ساياساتتىق بەيىمدىلىك بەرىپ جانە قولداۋ كورسەتىپ، جوبانى اناعۇرلىم اشالاپ، بۇكىل كاسىپ سالاسى بويىنشا شينجياڭدى قولداپ، جوبانىڭ تەزىرەك اتقارىلىپ تياناقتاندىرىلۋىنا مۇمكىندىك جاساپ، شينجياڭنىڭ اۆياتسيا شارت - جاعدايىن ونان ارى جاقسارتىپ، شينجياڭنىڭ ەكونوميكاسىنىڭ، قوعامىنىڭ جان - جاقتى دامۋىنا قىزمەت ەتەدى.

  اۆتونوميالى رايون باسشىلارىنان شوكىرات زاكىر، نايىم ياسىن، نۇرلان ءابىلماجىن ۇلى، لي شۋەجۇن، پىڭ جيارۇي، ءمۇتالىپ قاسىم، ليۋ جيانشين، حالىقتىق اۆياتسيا مەكەمەسىنىڭ ورىنباسار باستىعى دۇڭ جى - ي اڭگىمە ماجىلىسكە قاتىناستى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي اڭگىمە ءماجىلىستى باسقاردى. جۇڭگو حالىقتىق اۆياتسيا مەكەمەسىندەگى قاتىستى جولداستار ءۇرىمجى حالىقارالىق اۆياتسيا تورابىنىڭ ستراتەگيالىق جوباسى جونىندە ارناۋلى مالىمەت بەردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.