- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«اۆتونوميالى رايوننىڭ ۇشقارىلىقتى الاستاۋ ەرەجەسى (جوبا)» العاشقى قاراۋدان ءوتتى
2016.05.27 15:38 كەلۋ قاينارى : شينجياڭ گازەتى
اۆتونوميالى رايوندىق 21 - كەزەكتى حالىق قۇرىلتايى تۇراقتى كوميتەتىنىڭ 22 - رەتكى ماجىلىسىندە «اۆتونوميالى رايوننىڭ ۇشقارىلىقتى الاستاۋ ەرەجەسى (جوبا)» (قىسقاشا «ەرەجە جوباسى» دەپ اتالادى) العاش رەت قاراۋعا ۇسىنىلدى.
اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتىنىڭ مەڭگەرۋشىسى چين ۋي «ەرەجە جوباسىنا» تۇسىنىك جاساعاندا بىلاي دەدى: ورتالىق پەن اۆتونوميالى رايوندىق پارتكوم «ۇشقارىلىقتى الاستاۋ» قىزمەتىنە باسا ءمان بەرىپ، قوعام ورنىقتىلىعى مەن باياندى تىنىشتىقتى قورعاۋ تۇرعىسىنان، «ۇشقارىلىقتى الاستاۋ» قىزمەتىن ىشكەرىلەي ىلگەرىلەتۋ جونىندە ءبىرقاتار ماڭىزدى ورنالاستىرۋ جاساپ، شەشىم قابىلدادى. اۆتونوميالى رايون بەلسەندى ارەكەتكە كەلىپ، ىرىقتىلىقپەن جۇمىس جاساپ، ءبىر تۇتاس جوبالاپ، كەزەڭدىك ناتيجە مەن تارتىمدى ناتيجەلەرگە قول جەتكىزىپ، حالىقتىڭ جان ايقايى مەن تالاپ - تىلەگىن بەلگىلى دەڭگەيدە قاناعاتتاندىردى.
چين ۋي بىلاي دەدى: جەرگىلىكتى زاڭ شىعارۋ مەن قاتىستى زاڭ - ەرەجەلەردىڭ ءونىمدى تۇردە ۇشتاسۋىن، سايكەسۋىن ءبىر تۇتاس جوبالاپ، جەرگىلىكتى زاڭ شىعارۋدىڭ جەتەكتەۋ جانە ىلگەرىلەتۋ رولىن تولىق ساۋلەلەندىرۋ ءۇشىن، اۆتونوميالى رايوننىڭ «ۇشقارىلىقتى الاستاۋ» قىزمەتىنىڭ امالياتى مەن تاجىريبەلەرى نەگىزىندە، بۇكىل شينجياڭداعى جاقسى تاجىريبەلەر مەن ادىستەردى جيناقتاپ، سارالاپ جانە ارناعا ءتۇسىرىپ، جەرگىلىكتى زاڭدىق ەرەجە تۇرىندە بىرىكتىرۋ جانە تۇراقتاندىرۋ − اۆتونوميالى رايوننىڭ قوعام ورنىقتىلىعى مەن باياندى تىنىشتىعىن ىسكە اسىرۋدىڭ، قورعاۋدىڭ قاجەتى، سونداي - اق «ۇشقارىلىقتى الاستاۋ» قىزمەتىنىڭ ۇدايىلانۋ، ارنايىلانۋ، زاڭدانۋىن ىشكەرىلەي ىلگەرىلەتۋ مەن بىرتىندەپ ىسكە اسىرۋدىڭ ناقتى قاجەتى، زاڭمەن جونگە سالىناتىن شينجياڭ قۇرىلىسىنىڭ كوكەي تەستى قاجەتى.
ءتىلشىنىڭ ۇعىسۋىنشا، اۆتونوميالى رايوننىڭ «ۇشقارىلىقتى الاستاۋ» جونىندە زاڭ شىعارۋ قىزمەتى 2015 - جىلدىڭ باسىندا رەسمي باستالعان. بىلتىر ساۋىردە اۆتونوميالى رايوندىق حالىق قۇرىلتايى تۇراقتى كوميتەتىنىڭ مۇرىندىق بولۋىمەن «ۇشقارىلىقتى الاستاۋ» جونىندە زاڭ شىعارۋ قىزمەتىنە باسشىلىق ەتۋ گرۋپپاسى قۇرىلعان، اۆتونوميالى رايوندىق ساياسي - زاڭ كوميتەتى سياقتى 31 تاراۋ مەن ورىن ءوز جۇمىستارىنا سايكەس ناقتى ۇسىنىستار بەرگەن ءسويتىپ، «ۇشقارىلىقتى الاستاۋ» جونىندە زاڭ شىعارۋ جۇمىسى ناقتى جازۋ كەزەڭىنە وتكەن ءارى سول جىلى شىلدە ايىندا العاشقى نۇسقاسى تامامدالعان.
چين ۋي بىلاي دەدى: «ۇشقارىلىقتى الاستاۋ» − جاپالى ءارى كۇردەلى قوعامدىق جۇيەلى ينجەنەريا ءارى ۇزاق ۋاقىتتىق قۇلشىنىستى، ءارى كوكەي تەستىلىك سەزىمدى قاجەت ەتەدى، ءارى باعىت - باعداردى ايقىنداپ، ءارى ءىس جۇزىندىك جاعدايدى تياناق ەتىپ، تۇرلىشە جاعدايدى پارىقتاپ، ساقتانۋ، وڭاۋ مەن تاربيەلەۋ، جەتەكتەۋدى ۇشتاستىرۋ ءتاسىلى بويىنشا ىشكەرىلەي ىلگەرىلەتۋدى قاجەت ەتەدى. سوندىقتان قوعامنىڭ ورنىقتىلىعىن، الەۋمەتتىك ادىلەتتىلىكتى جانە قوعامدىق ءتارتىپتى قورعاپ، ەكسترەميزم مەن ۇشقارىلىقتىڭ ەتەك جايۋىنان ءونىمدى تۇردە ساقتانىپ، ۇعىمداردى انىقتاۋ مەن ناقتى قولدانىسقا قولايلى بولۋ ءۇشىن، «ەرەجە جوباسىندا» ەكسترەميزم مەن ۇشقارىلىق تۋرالى جەكە - جەكە انىقتاما جاسالدى ءارى ەرەجە جوباسىنا ەنگىزىلدى.
ج ك پ اۆتونوميالى رايوندىق 8 - كەزەكتى كوميتەتىنىڭ سەگىزىنشى جالپى (كەڭەيتىلگەن) ماجىلىسىندە: شينجياڭدى زاڭمەن جونگە سالۋ مەن شينجياڭدى مورالمەن جونگە سالۋدى ۇشتاستىرۋعا، ءسوز جوق، تاباندى بولىپ، «بەس كىلتتى» ويداعىداي پايدالانىپ، ءار ۇلت جۇرتشىلىعىن پارتيا مەن ۇكىمەتتىڭ توڭىرەگىنە مەيلىنشە تىعىز ىنتىماقتاستىرۋ كەرەك، - دەپ اتاپ كورسەتىلگەن بولاتىن. سونىمەن بىرگە، اۆتونوميالى رايوندىق پارتكوم «ۇشقارىلىقتى الاستاۋ» قىزمەتىنىڭ ءىس جۇزىندىك جاعدايىنا تىعىز ۇشتاستىرىپ، «ءتورت شارانى قاتار قولدانۋ» دەگەن كەلەلى شەشىمدى العا قويدى. سوندىقتان «بەس كىلت» پەن «ءتورت شارا» «ەرەجە جوباسىنىڭ» جالپى ەرەجە تاراۋىنا ەنگىزىلدى.
سونىمەن بىرگە، اۆتونوميالى رايوننىڭ «ۇشقارىلىقتى الاستاۋ» قىزمەتىنىڭ ناقتى تاجىريبەلەرىنە سايكەس، «ەرەجە جوباسىندا» «ۇشقارىلىقتى الاستاۋ» قىزمەتىنىڭ باسشىلىق قۇرىلىمى مەن قاتىستى تاراۋلاردىڭ قىزمەت جاۋاپكەرشىلىگى جونىندە بەلگىلەمە جاسالىپ، جاۋاپكەرشىلىك پەن جۇمىس ءبولىسى ايقىندالىپ، تاراۋلاردىڭ، قوعامنىڭ ءار سالاسىنىڭ «ۇشقارىلىقتى الاستاۋ» قىزمەتىن جۇمىلا جاقسى ىستەۋىنە دەم بەرىلدى، قاتىستى قوعامدىق - بۇقارالىق ۇيىمدار مەن ازاماتتاردىڭ «ۇشقارىلىقتى الاستاۋ» قىزمەتىندەگى جاۋاپكەرشىلىگى، ۇقىعى جانە وتەۋگە ءتيىستى بورىشتارى تۋراسىندا دا جوبادا ەگجەي - تەگجەيلى بەلگىلەمە جاسالدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
