- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلتتار ىنتىماعى، العاباسارلىعى جىلىنداعى جاستار مەن ورەندەردىڭ «قوس ءتىل» جارىسى رەسمي باستالدى
2016.05.27 15:39 كەلۋ قاينارى : شينجياڭ گازەتى
اۆتونوميالى رايوننىڭ ۇلتتار ىنتىماعى، العاباسارلىعى جىلىنداعى جاستار مەن ورەندەردىڭ «قوس ءتىل» جارىسى 24 - مامىردا رەسمي باستالدى. تۇتاس شينجياڭدا 196 جارىس رايونى قۇرىلدى، جارىسقا قاتىناسۋشىلاردىڭ سانى مولشەرمەن 2 ميلليون ادامنان اساتىنى مەجەلەندى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناسىپ، مىنالاردى تالاپ ەتتى: جەر - جەر، تاراۋلار جارىستى جاقسى ۇيىمداستىرۋعا بار كۇشىن سالۋى كەرەك؛ جان - جاقتى دەن قويا ورنالاستىرۋ جاساپ، ناقتى اتقارۋ جوباسىن اقىلداسىپ بەلگىلەپ، جارىستى ۇيىمداستىرۋ كوميسسياسى ورنالاستىرعان قىزمەت مىندەتتەرىن بار كۇشپەن جاقسى ورىنداۋ ءتيىس؛ قىزمەت بولىسىندەگى سەلبەستىكتى كۇشەيتىپ، تانىمدى، جاۋاپكەرشىلىكتى، قىزمەتتى تياناقتاندىرىپ، ءبىرىن - ءبىرى قولداپ - قۋاتتاۋ؛ جارىستى باسقارۋدى كۇشەيتىپ، ءار ۇلت جاستارى مەن ورەندەرىن جارىسقا بەلسەنە قاتىناسۋعا ۇيىمداستىرۋ، جارىسقا قاتىناسۋشىلاردىڭ تولىمدىلىعىن تەكسەرۋ قىزمەتىن جاقسى ىستەۋ، تاربيەلەۋ، جەتەكتەۋدى كۇشەيتىپ، جارىستى باعالاۋ كوميسسياسىنىڭ ماماندار قامباسىن قۇرىپ جانە ونى كەمەلدەندىرىپ، جارىستىڭ ءادىل بولۋىن شىنايى قامتاماسىز ەتۋ؛ سونداي - اق «ءبىر قىزمەت ورنىندا ەكى جاۋاپكەرشىلىك» ءتۇزىمىن ناقتى تياناقتاندىرىپ، جارىستىڭ حاۋىپسىز، ءتارتىپتى جۇرىلۋىنە كەپىلدىك ەتۋ كەرەك.
ۇعىسۋعا قاراعاندا، بۇرىنعى جارىستارمەن سالىستىرعاندا، جاستار مەن ورەندەردىڭ بيىلعى «قوس ءتىل» جارىسىنىڭ مىناداي 7 جاقتا كورنەكتى ەرەكشەلىگى بار ەكەن: جارىستىڭ قامتىمى مەن ىقپالى تاريحتاعى جاڭا ورەنى جاراتقان، جارىس تۇڭعىش ءبىر ۋاقىتتا تۇتاس رايونداعى ءار دارەجەلى، ءار ءتۇرلى مەكتەپتەردە وتكىزىلەدى، مەملەكەتتىك ورتاق ءتىلدى قولداناتىن جانە شينجياڭداعى از ۇلت تىلىندە پىكىر اۋىستىرا الاتىن قابىلەتتى ازىرلەگەن تولىق كۇندىك تۇزىمدەگى مەكتەپتەردەگى ستۋدەنتتەردىڭ بارلىعىنىڭ جارىسقا قاتىناسۋىنا بولادى، جارىسقا قاتىناساتىندار سانى 2 ميلليوننان اساتىندىعى مەجەلەندى؛ جارىس جوباسىن جاساۋدا رەفورما مەن جاڭالىق اشۋ كورنەكتىلەندىرىلدى؛ جارىستى ۇيىمداستىرۋ قىزمەتىندە جوعارى ونىمدىلىككە، كاسىبيلىككە كۇش سالىندى؛ جارىس بۋىندارىندا ءادىل بولۋ كورنەكتىلەندى؛ جارىس كەزەڭدەرىنىڭ ورنالاسۋى ىقشام دا ۇيلەسىمدى؛ سيلاۋ شارالارى ءتيىمدى؛ جارىستى ۇگىتتەۋ فورماسى الۋان ءتۇرلى بولدى.
بۇل رەتكى جارىسقا قاتىناساتىنداردى تىزىمدەۋ جۇمىسى مامىردىڭ ورتا شەنىنەن باستالعان، 26 - مامىردان 10 - ماۋسىمعا دەيىن العاشقى جارىس كەزەڭى، 11 - ماۋسىمنان 30 - ماۋسىمعا دەيىن قوسالقى جارىس كەزەڭى، قىركۇيەكتەن 10 - قاراشاعا دەيىن ءار تۇردەگى ارناۋلى قوسالقى جارىس پەن اۆتونوميالى رايون دارەجەلى شەشۋشى جارىس وتەدى. جارىسقا قاتىناسۋشىلاردىڭ تاماشا ناتيجەگە قول جەتكىزۋى، جوعارى ورەدە باسەكەلەسۋى ءۇشىن، اۆتونوميالى رايون باستاۋىش مەكتەپتەردىڭ تومەن بولىك گرۋپپاسىندا، باستاۋىش مەكتەپتەردىڭ جوعارى بولىك گرۋپپاسىندا، ورتالاۋ مەكتەپ گرۋپپاسىندا قوسىمشا جارىسقا قاتىناسقان ءارى سول جارىس رايونىنىڭ الدىڭعى ۇشتىگىنە ىلىنگەندەرگە، رايون ىشىندە ورتالاۋ مەكتەپ كلاسىنا، ىشكى ولكەلەردەگى تولىق ورتا كلاستارىنا ەمتيحانعا تىزىمدەلگەندە 5 ءنومىر قوسىپ شابىتتاندىرۋدى، اۆتونوميالى رايون دارەجەلى شەشۋشى جارىستا سيلىققا يە بولعاندارعا 51 ءنومىر قوسىپ شابىتتاندىرۋدى، جوعارى مەكتەپ گرۋپپاسىندا اۆتونوميالى رايون دارەجەلى شەشۋشى جارىسقا قاتىناسقان ءارى سيلىققا يە بولعاندار اۆتونوميالى رايونداعى ەرەكشە ورىنداعى مۇعالىمدىققا قابىلداۋ ەمتيحانىنا قاتىناسقاندا ۇقساس شارت - جاعدايدا الدىمەن قابىلداۋدى ۇيعاردى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
