- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايونىمىزدىڭ قىزمەت وتەۋ ساۋداسى قارىشتاپ دامىدى
2016.05.30 13:19 كەلۋ قاينارى : شينجياڭ گازەتى
4 - كەزەكتى جۇڭگو (بەيجيڭ) حالىقارالىق قىزمەت وتەۋ ساۋدا جارمەڭكەسى 28 - مامىردا بەيجيڭدە اشىلدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر جارمەڭكەگە قاتىناستى ءارى اۆتونوميالى رايونىمىزدان جارمەڭكەگە قاتىناسقان كاسىپورىنداردىڭ كورمە ورنىنا بارىپ، ولاردىڭ احۋالىن ۇعىستى.
جۇڭگو (بەيجيڭ) حالىقارالىق قىزمەت وتەۋ ساۋدا جارمەڭكەسى ساۋدا مينيسترلىگى، بەيجيڭ قالالىق حالىق ۇكىمەتى ۇيىمداستىرعان كولەمدى ساۋدا جارمەڭكەسى قازىر دۇنيە ءجۇزى بويىنشا قىزمەت وتەۋ ساۋداسىنداعى 12 ءىرى سالانى قامتيتىن بىردەن - ءبىر امبەباپ قىزمەت وتەۋ ساۋدا جارمەڭكەسى. ينفورماتسيا تەحنيكاسى، ەلەكتروندىق ساۋدا، باسپا ءسوز، جاڭا اقپارات مەدياسى تورابىن جاساۋ سياقتى كاسىپتەرمەن شۇعىلداناتىن شينجياڭ عارىش ينفورماتسياسى شەكتى سەرىكتەستىگى، شينجياڭ كارلو اقپارات مەدياسى عىلىم - تەحنيكا شەكتى سەرىكتەستىگى، گاۋدى باسقارۋ، كەڭەس بەرۋ شەكتى سەرىكتەستىگى سياقتى قىزمەت وتەۋ ساۋداسى سالاسىنان كەلگەن 10 كاسىپورىن اتالعان جارمەڭكەگە قاتىناستى.
الەمدىك قىزمەت وتەۋ ساۋداسى باسشىلار كەڭەسىنە قاتىناسقاننان كەيىن، شوكىرات زاكىر شينجياڭ جارمەڭكە رايونىنا كەلىپ، جارمەڭكەگە قاتىناسقان 10 كاسىپورىننىڭ جاۋاپتىلارىنان كاسىپورىننىڭ دامۋ احۋالى جونىندەگى تانىستىرۋىن تىڭدادى. ول بىلاي دەدى: اۆتونوميالى رايوندىق پارتكوم مەن ۇكىمەت قىزمەت وتەۋ ساۋداسىنىڭ دامۋىنا ەرەكشە ءمان بەرەدى، قىزمەت وتەۋ ساۋداسىن شاپشاڭ دامىتۋدى الداعى ءبىر مەزگىلدەگى دامۋدىڭ ءتۇيىنى رەتىندە قاراپ، دارىندىلاردى باۋراۋ جانە تاربيەلەۋ، قاتىستى نەگىزدىك قۇرىلىس، ونىمدەردىڭ پايدالانىلۋى جانە ساتىلۋى سياقتى جاقتاردا پارمەندى قولداۋ كورسەتەدى.
شوكىرات زاكىر بىلاي دەپ اتاپ كورسەتتى: شينجياڭ قىزمەت وتەۋدى سىرتقا كوتەرمەگە بەرۋ ىستەرىن بار كۇشپەن دامىتۋدا كورنەكتى باسىمدىلىقتارعا يە. ورتا ازيا تابيعي ءىرى بازار، شينجياڭ ورتا ازيا وڭىرلەرىمەن ءتىل جاعىنان تابىسا الادى، مادەنيەتى جاقىنداۋ، ونىڭ ۇستىنە شينجياڭدا ءبىر توپ جوعارى ساپالى از ۇلت دارىندىلارى بار، كومپيۋتەر جانە ينفورماتسيادان قىزمەت وتەۋ ساۋداسىن دامىتۋدا توڭىرەكتەگى ەلدەرگە سالىستىرعاندا بەلگىلى باسىمدىلىقتارعا يە. شينجياڭنىڭ وسى زامانعى قىزمەت وتەۋ سالاسى، وتە - موتە، قىزمەت وتەۋدى سىرتقا كوتەرمەگە بەرۋ كاسىپورىندارىنىڭ دارىندىلارى مول، جالىندى، جىگەرلى، شارۋاشىلىق كوزقاراسىنىڭ جاڭالىعى كۇشتى، قىزمەت ءتاسىلى حالىقارالانعان، قارىشتاپ دامۋىنىڭ كومەسكى قۋاتى زور، نەگىزى ايتاقالسىن مىقتى. شوكىرات زاكىر جارمەڭكەگە قاتىناسقان كاسىپورىنداردى جىبەك جولى ەكونوميكالىق بەلدەۋىندەگى وزەكتى رايون قۇرۋ ورايىن مىقتى يگەرىپ، بازارداعى ورنىن ءدال تاۋىپ، ەرەكشەلىكتى جانە جارقىن تۇيىندەردى كورنەكتىلەندىرىپ، كاسىبي جولمەن ءجۇرىپ، ءتۇيىندى باسەكەلىك كۇش قالىپتاستىرىپ، شينجياڭنىڭ قىزمەت وتەۋ ساۋداسىنىڭ دامۋىنا، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىنا ۇلەس قوسۋعا شابىتتاندىردى.
ساۋدا مينيسترلىگىنىڭ ساناعىنا قاراعاندا، 2015 - جىلى اۆتونوميالى رايونىمىزدىڭ قىزمەت وتەۋ ساۋداسىنىڭ يمپورت - ەكسپورت سوماسى 3 ميلليارد 80 ميلليون دوللارعا جەتىپ، الدىڭعى جىلداعىدان %25.77ارتقان، مەملەكەتتىڭ ورەسىنەن 11 پايىزىنان جوعارى بولىپ، قارىشتاپ دامىعان. قىزمەت وتەۋ ساۋدا سالاسىندا ءبىر توپ تىرەكتى كاسىپورىندار تەز جەتىلگەن، شينجياڭ لي - اڭ تەلەگراف سەرىكتەستىگى، شينجياڭ شيليڭ ينفورماتسيا سەرىكتەستىگى سياقتى كاسىپورىندار ساۋدا مينيسترلىگى تاراپىنان مەملەكەتتىڭ قىزمەت وتەۋدى سىرتقا كوتەرمەگە بەرۋدەگى 100 ءتۇيىندى كاسىپورىن تىزىمدىگىنە ەنگەن، شينجياڭ قازىنا ۋنيۆەرسيتەتى، شينجياڭ اتلان ءتىل تاربيەلەۋ ورتالىعى سياقتى 4 قىزمەت وتەۋدى سىرتقا كوتەرمەگە بەرۋ دارىندى تاربيەلەۋ قۇرىلىمى قىزمەت وتەۋدى سىرتقا كوتەرمەگە بەرۋ بويىنشا 15 مىڭنان اسا ادامدى تاربيەلەگەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
