- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلى مۇرات ورناتىپ، اقاۋسىز، شات - شادىمان ەرجەتەيىك
2016.05.31 13:41 كەلۋ قاينارى : شينجياڭ گازەتى
«1 - ماۋسىم» حالىقارالىق بالالار مەرەكەسى قارساڭىندا، جاڭ چۇنشيان جولداس بۇكىل شينجياڭداعى ءار ۇلت ورەندەرىنە حات جولداپ، مەرەكەلىك سالەم ايتتى ءارى ولاردىڭ وتاندى، شينجياڭدى سۇيەتىن، ىنتىماقتى، قايىرىمدى ورەن، ۇيرەنۋدى، ەڭبەكتى قىزۋ سۇيەتىن جاقسى وقۋشى، شاپاعاتتى سەزىنەتىن، تارتىپكە بويسۇناتىن جەتەلى ۇرپاق بولۋىن ءۇمىت ەتتى.
بۇگىنگى شينجياڭداعى ءار ۇلت ورەندەرى سوتسياليستىك شينجياڭ ارشىنداپ العا باسقان اسا تاماشا داۋىردە، شينجياڭداعى ءار ۇلت حالقى بۇكىل ەلدەگى ءار ۇلت حالقىمەن بىرگە قايراتتانا العا ۇمتىلعان، بىرگە داڭق قۇشقان ۇلى داۋىردە ەرجەتىپ كەلەدى. ۇلى ءداۋىر ارقاۋى ۇزىلمەيتىن قىرۋار دارىندىلاردىڭ تىرەك بولۋىنا مۇقتاج، ال ورەندەر وسى دارىندىلاردىڭ جەتكىنشەك قوسىنى. وتاندى، شينجياڭدى سۇيەتىن، ىنتىماقتى، قايىرىمدى ورەن، ۇيرەنۋدى، ەڭبەكتى قىزۋ سۇيەتىن جاقسى وقۋشى، شاپاعاتتى سەزىنەتىن، تارتىپكە بويسۇناتىن جەتەلى ۇرپاق بولۋ − قازىرگى ورەندەردىڭ داڭقتى بورىشى ءارى ىستەرىمىزدىڭ جالعاستىرۋشىسى بولۋدىڭ ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ، جۇڭگو ارمانىن ورىنداۋدىڭ تابيعي تالابى.
بالالىق شاق − جارقىن ءومىردىڭ باستاۋ كوزى ءارى دەنە جاقتان جەتىلۋدىڭ جانە ءمورالدىق قاسيەتتەردىڭ قالىپتاسۋىنىڭ ماڭىزدى ساتىسى. ورەندەر ءومىردىڭ دۇرىس بەتالىسىن يگەرىپ ءارى وسى جولدا ۇزدىكسىز قۇلشىنىپ، مەملەكەت پەن قوعامنىڭ جارامدىلارىنا اينالۋى كەرەك. بۇگىنگى جارقىن ءومىر مەن ۇيرەنۋ ورايىن قاستەرلەپ، بالا كەزدەن باستاپ ۇلى مۇرات ورناتىپ، وسكەلەڭ ءمورالدىق قاسيەت جەتىلدىرىپ، كەلەشەكتە ارقالايتىن تاريحي جاۋاپكەرشىلىكتەرىن ايقىنداپ، بالا كەزدەگى كۇرەس مۇراتىن وتاننىڭ، تۋعان جەرىنىڭ، ءار ۇلت حالقىنىڭ بولاشاق تاعدىرىمەن تىعىز بايلانىستىرىپ، وتاننىڭ بايىپ قۇدىرەتتەنۋىن، ۇلتتىڭ گۇلدەنۋىن ءوزىنىڭ اسقاق مۇراتى ەتۋى كەرەك. سوتسياليستىك وزەكتى قۇن كوزقاراسىن جادىندا بەرىك ساقتاۋى، ساناسىنا ءسىڭىرۋى، كوكەيىنە توقۋى ءارى ونى ۇيرەنۋ مەن تۇرمىستا ايگىلەۋى كەرەك. قۇنىعا ۇيرەنىپ، ەڭبەككە ىنتالى بولىپ، ءبىلىم تەڭىزى مەن ەڭبەك امالياتىندا كوز اياسىن كەڭەيتىپ، ەرىك - جىگەرىن شىڭداپ، مەملەكەتتىڭ تىرەگى بولۋعا تاماشا نەگىز قالاۋ كەرەك. شاپاعاتتى سەزىنىپ، تارتىپكە بويسۇنىپ، بۇكىل قوعامدا تاماشا ءمورالدىق سالتتىڭ قالىپتاسۋىنا ەسە قوسۋ كەرەك.
ورەندەر − وتاننىڭ بولاشاعى، ۇلتتىڭ ءۇمىتى. ورەندەردىڭ ۇلى مۇرات ورناتۋى، اقاۋسىز ەسەيىپ - ەرجەتۋى ءۇشىن ورەندەردىڭ ءوز قۇلشىنىسى بولۋمەن بىرگە، وتباسىنىڭ كومەگى، مەكتەپ پەن تۇتاس قوعامنىڭ ورتاق كوڭىل ءبولۋى مەن قولداپ - قۋاتتاۋى دا بولۋ قاجەت. وتباسى بالالاردىڭ العاشقى مەكتەبى، اتا - انا بالالاردىڭ العاشقى مۇعالىمى. اتا - انا ءىس - ارەكەتى ارقىلى ونەگە كورسەتىپ، تاربيەلەيتىن بولسا، بالالاردىڭ اقاۋسىز ەسەيىپ - ەرجەتۋىنە العاشقى ورتا قالىپتاسادى. مەكتەپ «ءمورالعا باۋليتىن، ءبىلىم ۇيرەتەتىن، تۇسىنىك قالىپتاستىراتىن» نەگىزگى شەپ، وقىتۋ ارقىلى ادام تاربيەلەۋگە، ءمورال ارقىلى ادام باۋلۋعا تاباندى بولىپ، ورەندەردىڭ ەرەكشەلىگى مەن ەسەيىپ - ەرجەتۋ زاڭدىلىعىنا ساي بىرتىندەي تاربيەلەپ، قونىمدى ءتالىم - تاربيە بەرەتىن بولساق، وتاندى، شينجياڭدى ءسۇيۋ، ىنتىماقتاسۋ، قايىرىمدى بولۋ، ۇيرەنۋگە قۇلىقتى بولۋ، ەڭبەكتى ءسۇيۋ، وپالى بولۋ، تارتىپكە باعىنۋ سىندى يدەيالار ورەندەردىڭ كوكەيىنە تەرەڭ ۇيالاپ ءارى ۇزدىكسىز كەمەلدەنىپ، ولاردىڭ كەيىنگى ەسەيىپ - ەرجەتۋىنە تىرەك بولاتىن قۇدىرەتتى رۋحاني كۇشكە اينالادى. قوعام ورەندەردىڭ ۇلكەن مەكتەبى، تۇتاس قوعام ورەندەردى ءتۇسىنىپ، قۇرمەتتەپ، ولارعا كوڭىل ءبولىپ، قىزمەت وتەپ، ولاردىڭ ۇلى مۇرات ورناتۋىنا، اقاۋسىز ەسەيىپ - ەرجەتۋىنە بىرگە كومەك كورسەتۋى جانە دەم بەرۋى كەرەك.
پيونەرلەر وتريادى − پارتيانىڭ باسشىلىعىنداعى ورەندەردىڭ بۇقارالىق ۇيىمى، ورەندەردىڭ جۇڭگوشا سوتسياليزم مەن كوممۋنيزمدى ۇيرەنەتىن مەكتەبى، سوتسياليزم مەن كوممۋنيزمنىڭ زاپاس قوسىنى. شينجياڭداعى پيونەرلەر وتريادى ۇزاق جىلدان بەرى پيونەرلەر تۋىن بيىك كوتەرىپ، نەشە ۇرپاق ءار ۇلت ورەندەرىن پارتيانىڭ شۇعىلاسىندا، وتاننىڭ قۇشاعىندا اقاۋسىز ەسەيىپ - ەرجەتۋگە، جاپپاي دامۋعا ۇيىستىردى، تاربيەلەدى، جەتەكشىلىك ەتتى. بۇدان كەيىن پيونەرلەر وتريادى ورەندەرگە يدەيالىق، ءمورالدىق تاربيە بەرەتىن جانە رۋحاني ساپاسىن جەتىلدىرەتىن ۇلكەن مەكتەپتىك رولىن ۇزدىكسىز ساۋلەلەندىرىپ، ءار ۇلت ورەندەرىنە اناعۇرلىم جاقسى قىزمەت وتەپ، ولاردى شىنايى ىنتىماقتاستىرۋى، تاربيەلەۋى، ولارعا شىنايى جەتەكشىلىك ەتۋى كەرەك.
ءبىز اۆتونوميالى رايوندىق پارتكوم مەن ۇكىمەتتىڭ بارىنشا قامقورلىعىندا، تۇتاس قوعامنىڭ ورتاق ايالاۋىندا، تۇتاس شينجياڭداعى ءار ۇلت ورەندەرىنىڭ تىنباي قۇلشىنۋى ارقاسىندا، بۇگىنگى زاپاس قوسىننىڭ بولاشاقتا تىرەكتى كۇشكە اينالىپ، پيونەرلەر وتريادى ءىسىنىڭ شينجياڭدى كوركەيتۋدىڭ ۇلى جورىعىندا اناعۇرلىم شۇعىلا شاشا تۇسەتىندىگىنە سەنەمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
