بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

مەملەكەتتىك عىلىم - تەحنيكا جاسامپازدىعى جينالىسى، ەكى اكادەميا اكادەميكتەرىنىڭ جينالىسى،جۇڭگو عىلىم - تەحنيكا قوعامىنىڭ مەملەكەتتىك 9 - قۇرىلتايى بەيجيڭدە اشىلدى

عىلىم - تەحنيكادا دۇنيە جۇزىندەگى قۇدىرەتتى ەل بولۋ دابىلىن قاعايىق

2016.06.01 13:56     كەلۋ قاينارى : شينجياڭ گازەتى

  شي جينپيڭ ماڭىزدى ءسوز سويلەپ، مىنانى باسا دارىپتەدى

  ەلىمىز دامۋىنىڭ شىت جاڭا تاريحي بەلەسىندە عىلىم - تەحنيكا جاسامپازدىعىن اناعۇرلىم ماڭىزدى ورىنعا قويىپ، عىلىم - تەحنيكادا دۇنيە جۇزىندەگى قۇدىرەتتى ەل بولۋ دابىلىن قاعايىق! عىلىم - تەحنيكا مەملەكەتتىڭ پارمەندى قارۋى، مەملەكەت عىلىم - تەحنيكاعا سۇيەنىپ قۇدىرەتتەنەدى، كاسىپورىن عىلىم - تەحنيكاعا سۇيەنىپ تابىسقا جەتەدى، حالىق تۇرمىسى عىلىم - تەحنيكاعا سۇيەنىپ جاقسارادى. جۇڭگونىڭ قۇدىرەتتەنۋى، جۇڭگو حالقىنىڭ تۇرمىسىنىڭ جاقسارۋى، ءسوز جوق، قۇدىرەتتى، دامىعان عىلىم - تەحنيكانى سۇيەنىش ەتەدى. جاڭا ءداۋىر، جاڭا جاعداي، تىڭ مىندەت بىزدەن عىلىم - تەحنيكادا جاڭالىق اشۋ جاعىندا تىڭ يدەيا، سونى جوبا، جاڭا ستراتەگيانى العا قويۋدى تالاپ ەتىپ وتىر. «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن، ءسوز جوق، جۇڭگوشا ەرەكشەلىككە يە دەربەس جاڭالىق اشۋ جولىمەن جۇرۋگە تاباندى بولۋ، ءارقايسى سالاداعى عىلىم - تەحنيكالىق جاسامپازدىقتى جەدەلدەتۋ، دۇنيە ءجۇزىنىڭ عىلىم - تەحنيكا باسەكەسىندە ۇتىمدى ورايدى بۇلجىتپاي يگەرۋ كەرەك. مىنە بۇل − ءبىزدىڭ عىلىم - تەحنيكادا الەمدىك قۇدىرەتتى ەل بولۋدى العا قويۋداعى ماقساتىمىز.

  جينالىستى لي كىچياڭ باسقاردى، جاڭ دىجياڭ، يۇي جىڭشىڭ، ليۋ يۇنشان، ۋاڭ چيشاندار جينالىسقا قاتىناستى

  شينحۋا اگەنتتىگىنىڭ 30 - مامىردا بەيجيڭنەن بەرگەن حابارى. مەملەكەتتىك عىلىم - تەحنيكا جاسامپازدىعى جينالىسى، جۇڭگو عىلىم اكادەمياسى اكادەميكتەرىنىڭ 18 - رەتكى جينالىسى جانە جۇڭگو تەحنيكالىق عىلىمدار اكادەمياسى اكادەميكتەرىنىڭ 13 - رەتكى جينالىسى، جۇڭگو عىلىم - تەحنيكا قوعامىنىڭ مەملەكەتتىك 9 - قۇرىلتايى 30 - مامىر تۇستەن بۇرىن حالىق سارايىندا سالتاناتپەن اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. ول مىنانى باسا دارىپتەدى: عىلىم - تەحنيكا قۇدىرەتتەنسە، ۇلت كوركەيەدى، عىلىم - تەحنيكا قۇدىرەتتەنسە، مەملەكەت كۇشەيەدى. بۇگىن ءبىز وسى ارادا سالتاناتتى جينالىس اشۋ ارقىلى ەلىمىز دامۋىنىڭ شىت جاڭا تاريحي بەلەسىندە عىلىم - تەحنيكادا جاڭالىق اشۋدى اناعۇرلىم ماڭىزدى ورىنعا قويىپ، عىلىم - تەحنيكادا دۇنيە جۇزىندەگى قۇدىرەتتى ەل بولۋ دابىلىن قاقتىق. «قوس 100 جىلدىق» كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن، ءسوز جوق، جۇڭگوشا ەرەكشەلىككە يە دەربەس جاڭالىق اشۋ جولىمەن جۇرۋگە تاباندى بولۋ، دۇنيە ءجۇزى عىلىم - تەحنيكاسىنىڭ الدىڭعى شەبىن، ەكونوميكالىق نەگىزگى شايقاس مايدانىن، مەملەكەتتىڭ ەلەۋلى قاجەتىن كوزدە ۇستاپ، ءارقايسى سالاداعى عىلىم - تەحنيكالىق جاسامپازدىقتى جەدەلدەتىپ، دۇنيە ءجۇزىنىڭ عىلىم - تەحنيكا باسەكەسىندە ۇتىمدى ورايدى بۇلجىتپاي يگەرۋ كەرەك. مىنە بۇل − ءبىزدىڭ عىلىم - تەحنيكادا الەمدىك قۇدىرەتتى ەل بولۋدى العا قويۋداعى ماقساتىمىز.

  جينالىستى لي كىچياڭ باسقاردى. جاڭ دىجياڭ، يۇي جىڭشىڭ، ليۋ يۇنشان، ۋاڭ چيشاندار جينالىسقا قاتىناستى.

  جينالىس تۇستەن بۇرىنعى ساعات 9دا باستالدى، جينالىسقا قاتىناسقاندار ورىندارىنان تۇرىپ مەملەكەت گيمنىن شىرقادى.

  دۋ قول شاپالاق ءۇنى ىشىندە شي جينپيڭ ءسوز سويلەدى. ول بىلاي دەپ اتاپ كورسەتتى: ەلىمىزدىڭ عىلىم - تەحنيكا ىستەرىنىڭ دامۋ نىساناسى − 2020 - جىلى ەلىمىزدىڭ جاسامپاز ەلدەردىڭ قاتارىنان ورىن الۋىنا مۇمكىندىك جاساۋ، 2030 - جىلى ەلىمىزدىڭ جاسامپاز ەلدەردىڭ الدىڭعى لەگىنە وتۋىنە مۇمكىندىك جاساۋ، جاڭا جۇڭگونىڭ قۇرىلعانىنا 100 جىل تولعاندا ەلىمىزدى عىلىم - تەحنيكادا دۇنيە جۇزىندەگى قۇدىرەتتى ەلگە اي−نالدىرۋ.

  جۇڭگو عىلىم اكادەمياسى مەن جۇڭگو تەحنيكالىق عىلىمدار اكادەمياسىنىڭ اكادەميكتەرى جانە عىلىم - تەحنيكا قىزمەتكەرلەرى − ەلىمىزدىڭ بايلىعى، حالىقتىڭ ماقتانىشى، ۇلتتىڭ مەرەيى. كوپشىلىك ماڭىزدى جاۋاپكەرشىلىك، كەلەلى بورىش ارقالاپ وتىر، جاسامپاز مەملەكەت قۇرۋعا، عىلىم - تەحنيكادا دۇنيە جۇزىندەگى قۇدىرەتتى ەل بولۋعا تىڭ دا اناعۇرلىم زور ۇلەس قوسۋ كەرەك.

  شي جينپيڭ مىنانى باسا دارىپتەدى: تاريحي تاجىريبەلەر مىنانى اڭعارتادى: عىلىم - تەحنيكا توڭكەرىسى قاي − قاشان دا دۇنيە ءجۇزىنىڭ دامۋ جاعدايىن قاباعات وزگەرتىپ وتىرعان. 5000 جىلدان استام ۋاقىتقا سوزىلعان شۇعىلالى وركەنيەتتىڭ دامۋ بارىسىندا، جۇڭحۋا ۇلتى تورتكىل دۇنيەگە اتى ايگىلى عىلىم - تەحنيكالىق تابىستاردى جاراتقان. جاڭا جۇڭگو قۇرىلعاننان بەرگى، وتە - موتە، رەفورما جاساپ، ەسىك اشقاننان بەرگى تالىقپاي قۇلشىنۋدىڭ ارقاسىندا، ەلىمىز عىلىم - تەحنيكالىق دامۋ جاعىندا دۇنيە ءجۇزىن تاڭ قالدىراتىن تولاعاي تابىستارعا قول جەتكىزىپ، عىلىم - تەحنيكا جاعىنداعى تۇلعالىق قابىلەتى ۇزبەي جوعارىلاپ، ءىشىنارا ماڭىزدى سالالاردا دۇنيە ءجۇزىنىڭ الدىڭعى قاتارىنان ورىن الىپ ۇلگىردى، ساننىڭ كوبەيۋىنەن ساپانىڭ وسۋىنە، تۇيىندەردە قامال الۋدان جۇيەلىك قابىلەتتىڭ وسۋىنە قاراي ويىسۋدىڭ ماڭىزدى كەزەڭىندە تۇرمىز.

  شي جينپيڭ بىلاي دەپ اتاپ كورسەتتى: ادامزاتتىڭ دامۋ تاريحىنا نازار سالاتىن بولساق، جاسامپازدىقتىڭ ءبىر مەملەكەتتىڭ، ءبىر ۇلتتىڭ دامۋىنىڭ ماڭىزدى كۇشى، سونداي - اق ادامزات قوعامىنىڭ العا باسۋىن جەبەيتىن ماڭىزدى كۇشى بولىپ كەلگەنىن بايقايمىز. دامۋعا جاڭالىق اشۋ ارقىلى دەم بەرۋ ستراتەگياسىن اتقارۋ − دامۋ ورتاسىنداعى وزگەرىسكە توتەپ بەرۋدەگى، دامۋدا ءوز كۇشىنە سۇيەنۋ ۇقىعىن يگەرۋدەگى، وزەكتى باسەكەلىك قۋاتتى جوعارىلاتۋداعى تابيعي تالعام؛ ەكونوميكالىق دامۋ تاسىلىندە جەدەل بۇرىلىس جاساۋداعى، ەكونوميكانىڭ دامۋىنداعى تامىرى تەرەڭدەگى قايشىلىقتار مەن ماسەلەلەردى شەشۋدەگى تابيعي تالعام؛ ەلىمىزدىڭ ەكونوميكالىق دامۋىنىڭ جاڭا قالىبىنا بارىنشا جاقسى جەتەكشىلىك ەتۋدەگى، ەلىمىز ەكونوميكاسىنىڭ باياندى، اقاۋسىز دامۋىن ساقتاۋداعى تابيعي تالعام. ءبىز شىت جاڭا دامۋ يدەياسىن ىشكەرىلەي دايەكتىلەندىرىپ، عىلىم - تەحنيكا مەن وقۋ - اعارتۋ ارقىلى مەملەكەتتى كوركەيتۋ ستراتەگياسى مەن دارىندىلار جاعىنداعى قۋاتتى ەل بولۋ ستراتەگياسىن، دامۋعا جاڭالىق اشۋ ارقىلى دەم بەرۋ ستراتەگياسىن ونان ارى اتقارىپ، ءبىر تۇتاس ورنالاستىرىپ، جاپپاي جوسپارلاپ، ۇيىمداستىرۋدى كۇشەيتىپ، ەلىمىزدىڭ عىلىم - تەحنيكا ىستەرى دامۋىنىڭ تۇلعالىق ورنالاستىرۋىن ساپالىلاندىرۋىمىز كەرەك.

  شي جينپيڭ بۇل جونىنەن مىناداي 5 ءتۇرلى تالاپ قويدى: ءبىرىنشى، عىلىم - تەحنيكا نەگىزىن بەكەمدەۋ، ماڭىزدى عىلىم - تەحنيكالىق سالالاردا دۇنيە ءجۇزىنىڭ وزىق ورەسىنە جەتۋ كەرەك. عىلىم - تەحنيكانىڭ دامۋىن العا ىلگەرىلەتىپ، عىلىم - تەحنيكاداعى قامال الۋ بەتالىسىن، ءسوز جوق، دۇرىس تۇجىرىمداۋ ءتيىس. تۇجىرىم دۇرىس بولعاندا عانا ۇتىمدى ورايدى يكەمدىلىكپەن يگەرۋگە بولادى. عىلىم - تەحنيكا الەمدىك، داۋىرلىك سيپاتقا يە، عىلىم - تەحنيكانى دامىتۋ ءۇشىن، ءسوز جوق، الەمدىك كوز ايا بولۋى، ءداۋىردىڭ تىنىسىن ءداپ باسىپ ءدال يگەرۋ، دامۋ ستراتەگياسىن دەر كەزىندە تۇراقتاندىرۋ، جاڭالىق اشۋ جاعىنداعى وزىمىزگە دەگەن سەنىمدى بەكەمدەۋ، اناعۇرلىم كوپ جاسامپاز نازاريانى العا قويىپ، اناعۇرلىم كوپ جاسامپازدىق سيپاتتى بايقاۋعا قول جەتكىزىپ، ماڭىزدى عىلىم - تەحنيكالىق سالالاردا قارىشتاپ دامۋدى جۇزەگە اسىرۋعا قۇلشىنۋ كەرەك.

  ەكىنشى، ستراتەگيالىق جەتەكشىلىكتى كۇشەيتىپ، جاسامپازدىقپەن دامۋداعى عىلىم - تەحنيكالىق قيىن تۇيىندەردە قامال الۋ كەرەك. قازىر مەملەكەتتىڭ ستراتەگيالىق عىلىم - تەحنيكانىڭ قولداۋىنا بولعان قاجەتى بۇرىنعى ءارقانداي كەزدەگىدەن دە كوكەي تەستى بولىپ وتىر. پارتيا ورتالىق كوميتەتى ەلىمىز عىلىم - تەحنيكاسىنىڭ 2030 - جىلعا باعىتتالعان ۇزاق بولاشاقتىق ستراتەگياسىن تۇراقتاندىردى. ءبىرسىپىرا كەلەلى عىلىم - تەحنيكالىق نىساندار مەن ينجەنەريالاردى اتقارۋدى ۇيعاردى. مەملەكەتتىڭ كەلەلى ستراتەگيالىق قاجەتىن ارقاۋ ەتىپ، شەشۋشى، وزەكتى تەحنيكادا قامال الۋعا كۇش سالىپ، ۇزاق بولاشاق پەن جالپى جاعدايعا ساياتىن عىلىم - تەحنيكا ستراتەگياسىنىڭ اسقار بيىگىن باعىندىرۋ كەرەك. عىلىم - تەحنيكادا دۇنيە جۇزىندەگى قۇدىرەتتى ەلگە، دۇنيە جۇزىندەگى باستى عىلىم ورتالىعىنا جانە جاڭالىق اشۋدىڭ تىڭ تۇعىرىنا اينالۋ ءۇشىن، ءسوز جوق، دۇنيە جۇزى بويىنشا بىرەگەي عىلمي زەرتتەۋ قۇرىلىمدارىن، زەرتتەۋ سيپاتتى جوعارى مەكتەپتەردى، جاڭالىق اشۋ سيپاتتى كاسىپورىنداردى قۇرۋ، كەلەلى، شىت جاڭا عىلىم - تەحنيكالىق تابىستارعا ۇزبەي قول جەتكىزۋ كەرەك.

  ءۇشىنشى، عىلىم - تەحنيكا جاعىنداعى قامداۋدى كۇشەيتۋ، ەكونوميكالىق، قوعامدىق دامۋدىڭ نەگىزگى شايقاس شەبىنە قىزمەت ەتۋ كەرەك. عىلمي زەرتتەۋدە ءبىلىم مەن اقيقاتقا تالپىنۋمەن بىرگە، ەكونوميكالىق، قوعامدىق دامۋعا جانە حالىق جۇرتشىلىعىنا قىزمەت وتەۋ كەرەك. ەلىمىزدىڭ ەكونوميكاسىنىڭ، قوعامىنىڭ باياندى، اقاۋسىز دامۋىن العا ىلگەرىلەتىپ، قامداۋ جاعىنداعى قۇرىلىمدىق رەفورمانى جەبەپ، ارتىپ قالعان ءوندىرىس قۋاتىن، قامبادا باسىلىپ قالۋدى، سۇيمەندى ازايتۋ، وزىندىك قۇندى تومەندەتۋ، ولقىلىقتاردى تولىقتاۋ مىندەتىن تىڭعىلىقتى تياناقتاندىرۋ ءۇشىن، ءسوز جوق، دامۋدىڭ ىشكى قوزعاۋشى كۇشى مەن ومىرشەڭ كۇشىندە ءتۇبىرلى بۇرىلىس جاساپ، جاڭالىق اشۋدى قوزعاۋشى كۇش ەتۋگە بارىنشا سۇيەنەتىن، اۋەلگى باسىمدىقتى بارىنشا ساۋلەلەندىرەتىن جەتەكشى دامۋدى تۇلعالاپ، الەۋمەتتىك عىلىم - تەحنيكامەن قامداۋ سەرپىنىن قاۋىرت ارتتىرىپ، حالىقتىڭ قونىستانۋعا اناعۇرلىم قولايلى تۇرمىس ورتاسىنان، اناعۇرلىم جاقسى ەمدەۋ، دەنساۋلىق ساقتاۋ قىزمەت وتەۋىنەن يگىلىكتەنۋىنە، ازىق - تۇلىكتى، ءدارى - دارمەكتى اناعۇرلىم الاڭسىز تۇتىنۋىنا مۇمكىندىك جاساۋ كەرەك.

  ءتورتىنشى، رەفورما جاساۋ، جاڭالىق اشۋدى تەرەڭدەتىپ، عىلىم - تەحنيكانىڭ ومىرشەڭدىككە تولى باسقارۋ جانە ءىس جۇرگىزۋ مەحانيزمىن قالىپتاستىرۋ. عىلىم - تەحنيكادا جاڭالىق اشۋ، تۇزىمدە جاڭالىق اشۋ سايكەسە رول اتقارادى، بۇل ەكەۋىن قاتار جۇرگىزۋ كەرەك. ەلىمىزدىڭ سوتسياليستىك ءتۇزىمىنىڭ كۇشتەردى شوعىرلاندىرىپ، ۇلكەن ءىس تىندىرا الاتىندىعى ءبىزدەگى ەڭ ۇلكەن ارتىقشىلىق، سوتسياليستىك بازار شارۋاشىلىعى شارتىندا كۇشتەردى شوعىرلاندىرىپ، ۇلكەن ءىس تىندىرۋدىڭ جاڭا مەحانيزمىن قالىپتاستىرۋ كەرەك. عىلىم - تەحنيكادا جاڭالىق اشۋدى وزەك ەتىپ، عىلىم - تەحنيكا ءتۇزىلىسىنىڭ جانە وعان قاتىستى تۇزىلىستەردىڭ تەرەڭدەي وزگەرۋىنە جەتەكشىلىك ەتۋ كەرەك. كاسىپورىنداردى تەحنيكالىق جاڭالىق اشۋعا ىنتالاندىراتىن ءتۇرلى ساياساتتار بەلگىلەپ جانە تياناقتاندىرىپ، ورتا، شاعىن كاسىپورىنداردىڭ عىلىم - تەحنيكادا جاڭالىق اشۋىن قولداۋ سەرپىنىن كۇشەيتۋ كەرەك. عىلىم - تەحنيكالىق زەرتتەۋ ورىندارى مەن زەرتتەۋدى نەگىز ەتەتىن ۋنيۆەرسيتەتتەردىڭ عىلىم - تەحنيكالىق ورنالاسۋ جۇلگەلەرىن ساپالىلاندىرىپ، ءپان نەگىزدەرىن بەكەمدەپ، جاڭا وركەندەگەن توعىسپالى پاندەردىڭ ءوسۋ تۇيىندەرىن جەتىلدىرۋ كەرەك. عىلىم - تەحنيكادا جاڭالىق اشۋدىڭ وڭىرلىك شوعىرلانۋ زاڭدىلىقتارىنا قۇرمەت ەتىپ، كۇشتى جەتەكشىلىك قۋاتى بار، جاڭالىق اشۋدى نەگىز ەتەتىن قالالار مەن وڭىرلىك جاڭالىق اشۋ ورتالىقتارىنان ءبىرسىپىراسىن قۇرۋ كەرەك.

  بەسىنشى، جاڭالىق اشۋ رۋحىن اسقاقتاتىپ، جاڭالىق اشا دامۋ تالابىنا ۇيلەسەتىن دارىندىلار قوسىنىن دايىنداۋ. عىلىم - تەحنيكا ادامزاتتىڭ ەڭ ۇلى جاسامپازدىق قيمىلى. عىلىم - تەحنيكالىق جاڭالىق اشۋ قيمىلدارىنىڭ بارلىعىن ادام جاسايدى. ەلىمىزدى عىلىم - تەحنيكادا دۇنيە جۇزىلىك قۇدىرەتتى ەل ەتىپ قۇرۋدىڭ شەشۋشى ءتۇيىنى − كولەمى كەڭ، قۇرىلىمى ۇيلەسىمدى، ساپاسى جوعارى جاڭالىق اشۋشى دارىندىلار قوسىنىن قۇرۋدا. دارىندىلاردى بايقايتىن، ايالايتىن، قۇرمەتتەيتىن جانە ولاردان پايدالاناتىن ستيلدى بارىنشا ساۋلەلەندىرىپ، جاڭالىق اشۋ امالياتىندا دارىندىلاردى بايقاپ، جاڭالىق اشۋ قيمىلىندا دارىندىلاردى باۋلىپ، جاڭالىق اشۋ ىستەرىندە دارىندىلاردى توپتاپ، شار تاراپتان تالانتتىلار مەن دارىندىلاردى جيىپ، پايدالانىپ، سانسىز سايگۇلىكتەردىڭ باۋىرىن جازىپ، باسەكەلەسە كوسىلۋىنە مۇمكىندىك جاساپ، الەمنىڭ عىلىم - تەحنيكالىق ءۇردىسىن يگەرە الاتىن، عىلىم - تەحنيكانىڭ دامۋ بەتالىسىنا دۇرىس تۇجىرىم جاساي الاتىن ستراتەگيالىق عىلىم - تەحنيكالىق دارىندىلاردان ءبىر توبىن قۇلشىنا دايىنداپ، كۇشتەردى جۇمىلدىرۋعا، ءبىر تۇتاس سايكەستىرۋگە شەبەر عىلىم - تەحنيكالىق كوشباسشى دارىندىلاردان ءبىر توبىن باۋلىپ، جاڭالىق اشۋعا باتىل، جاڭالىق اشۋعا شەبەر كاسىپورىنشىلار مەن جوعارى تەحنيكالىق دارىندىلاردان ءبىر توبىن جەتىلدىرۋ كەرەك. عىلىم - تەحنيكالىق زەرتتەۋ شابىتىنىڭ لەزدىك سيپاتىنا، عىلىم - تەحنيكالىق زەرتتەۋ ءتاسىلىنىڭ ىقتيمالدىق سيپاتىنا، عىلىم - تەحنيكالىق زەرتتەۋ جولىنىڭ ناعايبىلدىق سيپاتىنا قۇرمەت ەتىپ، عالىمداردىڭ ەركىن ويلاۋىنا باتىلدىقپەن جورامال جاساۋىنا، مۇقيات دالەلدەۋىنە ەرىك بەرۋ كەرەك. عىلىم - تەحنيكالىق جەتەكشى مامانداردىڭ قىزمەتى، بيلىگى، تەحنيكالىق جول جونىندە شەشىم قابىلدايتىن، قاراجاتتاردى باسقاراتىن، بايلىقتاردى ىڭعايلاستىراتىن ءتىپتى دە ۇلكەن ۇقىعى بولۋىنا مۇمكىندىك جاساۋ كەرەك. ۇكىمەتتىڭ عىلىم - تەحنيكا باسقارۋ تاراۋلارى ستراتەگيانى، جوسپارلاۋدى، ساياساتتى، قىزمەت وتەۋدى مىقتى يگەرىپ، مەملەكەتتىڭ ستراتەگيالىق عىلىم - تەحنيكالىق كۇشتەرىنىڭ قۇرىلىمدىق ارتىقشىلىقتارىن كورنەكتىلەندىرۋ كەرەك.

  شي جينپيڭ مىنالاردى باسا دارىپتەدى: عىلىم - تەحنيكادا جاڭالىق اشۋ مەن عىلىم جالپىلاستىرۋ − جاڭالىق اشا دامۋدىڭ قوس قاناتى، عىلىم جالپىلاستىرۋدى عىلىم - تەحنيكادا جاڭالىق اشۋمەن بىردەي ماڭىزدى ورىنعا قويىپ، عىلىم - تەحنيكا بىلىمدەرىن جالپىلاستىرىپ، عىلىم رۋحىن اسقاقتاتىپ، عىلمي يدەيالاردى تاراتىپ، عىلمي ادىستەردى دارىپتەپ، بۇكىل قوعامدا عىلىمدى دارىپتەيتىن، عىلىمدى سۇيەتىن، عىلىمدى ۇيرەنەتىن، عىلىمدى قولداناتىن تاماشا ورتا قالىپتاستىرىپ، ميلليارد حالىقتىڭ اراسىنداعى جاسامپازدىق پاراسات كەنىشتەرىنىڭ تولىقتاي اشىلۋىنا، جاڭالىق اشۋشى كۇشتەردىڭ تولىق ىسكە قوسىلۋىنا مۇمكىندىك جاساۋ كەرەك.

  شي جينپيڭ مىنالاردى اتاپ كورسەتتى: جۇڭگو عىلىم اكادەمياسى، جۇڭگو تەحنيكالىق عىلىمدار اكادەمياسى ەلىمىزدە عىلىم مارقاسقالارى جينالعان ورىن، مەملەكەتتىڭ جوعارى دەڭگەيدەگى عىلىم - تەحنيكا قامباسىندىق فۋنكتسياسىن ويداعىداي ساۋلەلەندىرىپ، اكادەميكتەردى عىلىم - تەحنيكادا جاڭالىق اشا دامۋدىڭ جالپى جاعدايى جانە ۇزاق بولاشاقتىق ماسەلەسى اياسىندا مەملەكەتتىڭ عىلىم - تەحنيكالىق شەشىمدەرى ءۇشىن ءدال، بولجامپاز، كورەگەن ۇسىنىستار دايىنداۋعا ۇيىمداستىرۋ كەرەك. ەڭ جوعارى عىلمي قۇرىلىمنىڭ عىلىمعا جەتەكشىلىك ەتۋ رولىن جاقسى ىسكە قوسىپ، الەمدىك عىلىم - تەحنيكالىق دامۋدىڭ زور بەتالىسىن مىقتى يگەرىپ، عىلىم - تەحنيكالىق توڭكەرىستىڭ جاڭا بەتالىسىن قىراعىلىقپەن ءدال يگەرۋ كەرەك. قالىڭ اكادەميكتەردىڭ عىلىم - تەحنيكاداعى كوشباسشىلىق رولدارىن كورنەكتىلەندىرۋلەرىن، بۇكىل ەلدەگى عىلىم - تەحنيكا سالاسىن، اسىرەسە، عىلىم - تەحنيكا سالاسىنداعى جاس دارىندىلاردى ىنتىماقتاستىرا باستاپ، عىلىم - تەحنيكادا الەمدىك قۇدىرەتتى ەل قۇرۋ ۇلى ءىسى ءۇشىن ۇلەس قوسۋلارىن ءۇمىت ەتەمىن.

  شي جينپيڭ مىنالاردى اتاپ كورسەتتى: جۇڭگو عىلىم - تەحنيكا قوعامىنىڭ ءار دارەجەلى ۇيىمدارى عىلىم - تەحنيكا قىزمەتكەرلەرىنە، جاڭالىق اشۋدى جەتەكشى ەتكەن دامۋعا، بۇكىل حالىقتىڭ عىلىم ساپاسىن جوعارىلاتۋعا، پارتيا مەن ۇكىمەتتىڭ عىلمي شەشىم قابىلداۋىنا قىزمەت وتەۋ سىندى قىزمەت جاۋاپكەرلىگىنە تاباندى بولىپ، قالىڭ عىلىم - تەحنيكا قىزمەتكەرلەرىن ىنتىماقتاستىرىپ، عىلىم - تەحنيكادا جاڭالىق اشۋعا بەلسەنە ات سالىسۋعا جەتەكتەپ، جاڭالىق اشۋدىڭ سەركەسى بولۋعا ۇمتىلۋ قيمىلدارىن ۇيىمداستىرىپ، ورىستەتىپ، عىلىم - تەحنيكانىڭ كوركەيىپ - دامۋىن جەبەپ، عىلىم جالپىلاستىرۋدى جەبەۋى كەرەك.

  شي جينپيڭ سوڭىندا مىنالاردى باسا دارىپتەدى: جاۋاپكەرلىك قانشالىق كۇشتى بولسا ، سونشالىق ۇلكەن ءىس تىندىرۋعا بولادى، جاۋاپكەرشىلىك قانشالىق وتەلسە، سونشالىق ۇلكەن ناتيجەگە قول جەتكىزۋگە بولادى. 2 اكادەمياداعى اكادەميكتەر مەن قالىڭ عىلىم - تەحنيكا قىزمەتكەرلەرى ەلىمىز عىلىم - تەحنيكا سالاسىنىڭ اقيقاتقا تالپىناتىن، مەملەكەت ءۇشىن قىزمەت ەتەتىن، حالىقتى باقىتقا كەنەلدىرەتىن تاماشا ءداستۇرىن ساۋلەلەندىرىپ، اۋىر مىندەتتى باتىلدىقپەن ارقالاپ، ءارقاشان اسقار بيىككە قۇلاش سەرمەپ، عىلىم - تەحنيكادا الەمدىك قۇدىرەتتى ەل بولۋدىڭ اتويشىسى بولۋلارى كەرەك. ءبىر ميلليارد 300 ميلليوننان استام جۇڭگو حالقىنىڭ جارقىن ومىرگە دەگەن ارمان - تىلەگىنىڭ جەلكەنىن جايىپ، عىلىم - تەحنيكادا جاڭالىق اشۋدىڭ قۇدىرەتتى جەتەكشى كۇشىن ىسكە قوسىپ، جۇڭگو سىندى كەمەنىڭ عىلىم - تەحنيكادا الەمدىك قۇدىرەتتى ەل بولۋعا، جۇڭحۋا ۇلتىنىڭ ۇلى گۇلدەنۋىنە، ادامزاتتىڭ اناعۇرلىم جارقىن بولاشاعىنا قاراي ۇدىرە العا تارتۋىنا مۇمكىندىك جاسايىق!

  مەملەكەتتىك عىلىم - تەحنيكا جاسامپازدىعى جينالىسى، جۇڭگو عىلىم اكادەمياسى اكادەميكتەرىنىڭ 18 - رەتكى جينالىسى جانە جۇڭگو تەحنيكالىق عىلىمدار اكادەمياسى اكادەميكتەرىنىڭ 13 - رەتكى جينالىسى، جۇڭگو عىلىم - تەحنيكا قوعامىنىڭ مەملەكەتتىك 9 - قۇرىلتايى 30 - مامىردا حالىق سارايىندا سالتاناتپەن اشىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.