بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

پيونەرلەردىڭ اۆتونوميالى رايوندىق 6 - قۇرىلتايى اشىلدى

جاڭ چۇنشيان حات جولداپ قۇتتىقتادى

لي ياڭ

2016.06.01 13:58     كەلۋ قاينارى : شينجياڭ گازەتى

  ءتىلشىمىز لي ياڭ 30 - مامىردا ۇرىمجىدەن حابارلايدى. نارت قىزىل گالستۋك، جارقىن دا جايدارى جۇزدەر، جالىندى پيونەرلىك سالەم. 27 - مامىر تۇستەن بۇرىن بۇكىل شينجياڭنىڭ جەر - جەرىنەن كەلگەن 300 نەشە پيونەر ۋاكىلى شينجياڭ حالىق سارايىندا قۋانىشپەن باس قوستى. پيونەرلەردىڭ اۆتونوميالى رايوندىق 6 - قۇرىلتايى وسىندا اشىلدى. قۇرىلتايدا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشياننىڭ «بۇكىل شينجياڭداعى ءار ۇلت ورەندەرىنە جولداعان حاتى» وقىلدى. جاڭ چۇنشيان بۇكىل شينجياڭداعى ءار ۇلت ورەندەرىنىڭ «1 - ماۋسىم» مەرەكەسىن قۇتتىقتاپ، ءار ۇلت ورەندەرىن وتاندى، شينجياڭدى سۇيەتىن، ىنتىماقتى، قايىرىمدى ورەن، ۇيرەنۋدى، ەڭبەكتى قىزۋ سۇيەتىن جاقسى وقۋشى، شاپاعاتتى سەزىنەتىن، تارتىپكە بويسۇناتىن جەتەلى ۇرپاق بولۋعا ىنتالاندىردى.

  جاڭ چۇنشيان شۋجيدىڭ تاپسىرۋىمەن، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز «بۇكىل شينجياڭداعى ءار ۇلت ورەندەرىنە جولدانعان حاتتى» وقىدى.

  پيونەرلەردىڭ اۆتونوميالى رايوندىق 5 - قۇرىلتايىنان بەرى، بۇكىل رايونىمىزداعى ءار دارەجەلى پيونەرلەر ۇيىمى پارتيانىڭ پارمەندى باسشىلىعىندا، ءار دارەجەلى كوممۋنيستىك جاستار وداعى ۇيىمىنىڭ تىكەلەي جەتەكشىلىگىندە باس شۋجي شي جينپيڭنىڭ ورەندەر مەن پيونەرلەر اترەتىنىڭ قىزمەتى جونىندەگى ءبىر سىپىرا ماڭىزدى نۇسقاۋىنىڭ رۋحىن مۇقيات دايەكتى تياناقتاندىرىپ، «پيونەرلەردىڭ جۇرەگى پارتيا دەپ سوعادى»، «پيونەرلەردىڭ جۇڭگو ارمانى ۋادەسى»، «مەكەنىمنىڭ تىڭ وزگەرىستەرىن ىزدەيمىن»، «مەملەكەت تۋىمەن بىرگە سۋرەتكە تۇسەمىن» سياقتى قيمىلداردى كەڭ كولەمدى قانات جايدىرىپ، پيونەرلەردى العا باسارلىققا، ىزگىلىككە، وڭ ەنەرگياعا تالپىنۋعا جەتەلەدى؛ وڭتۇستىك شينجياڭ مەن سولتۇستىك شينجياڭنىڭ، قالا مەن اۋىلدىڭ، از ۇلتتار مەن حانزۋلاردىڭ، بيڭتۋان مەن جەرگىلىكتى ورىننىڭ قول ۇستاسۋ قيمىلى مەن «ۇيىمە كەلىپ ساڭزىدان اۋىز ءتي، مەن سەندەردىڭ اي كۇلشەلەرىڭنەن ءدام تاتايىن»، «قالادا (اۋىلدا) ءۇيىم بار» سياقتى داعدىلى، تۇرمىسپەن جاناسقان، كۇندەلىكتى، سۇيىسپەنشىلىكتى توعىستىرۋ، امالياتتا ايگىلەۋ قيمىلدارىن ۇزبەي العا ىلگەرىلەتىپ، ءار ۇلت ورەندەرىنىڭ كوكەيىندە بالا كەزىنەن باستاپ ۇلتتار ىنتىماعىنىڭ ۇرىعىن سەپتى.

  ءماجىلىس بىلاي دەپ باسا دارىپتەدى: ءار دارەجەلى پارتكوم مەن ۇكىمەت پيونەرلەر قىزمەتىنە پارتيا مەن مەملەكەت ىستەرىن ۇرپاقتان - ۇرپاققا جالعاۋ سىندى ستراتەگيالىق تۇرعىدان كوڭىل ءبولۋى، ءمان بەرۋى، باسشىلىق ەتۋ مەن قامتاماسىزداندىرۋدى كۇشەيتۋى، ورەندەر ءۇشىن جاقسى ىستەردى، ناقتى ىستەردى كوبىرەك ىستەۋى كەرەك. كوممۋنيستىك جاستار وداعى باسشىلىق ەتۋ جاۋاپكەرشىلىگىن وتەپ، پيونەرلەر وتريادىن قىزمەتتى جاسامپازدىقپەن قانات جايدىرۋعا جەتەلەۋى، ولارعا قولداۋ كورسەتۋى ءتيىس. ءار دارەجەلى وقۋ - اعارتۋ اكىمشىلىك باسقارۋ تاراۋلارى پيونەرلەر وتريادى قىزمەتىن وقۋ - اعارتۋدى دامىتۋدىڭ تۇلعالىق جوباسىنا ەنگىزۋى، پيونەرلەر وتريادىنىڭ جەتەكشىلەر قوسىنى قۇرىلىسىن قولداۋى كەرەك. پيونەرلەر وتريادىنىڭ جەتەكشىلەرى ماڭىزدى تاپسىرمانىڭ ۇددەسىنەن شىعىپ، پيونەرلەر وتريادى قىزمەتىن قىزۋ ءسۇيۋى، ۇلەس قوسۋ رۋحىن ساۋلەلەندىرىپ، ساپانى، قابىلەتتى جوعارىلاتىپ، پيونەرلەر ىستەرى ءۇشىن تىڭ دا اناعۇرلىم زور ۇلەس قوسۋى كەرەك.

  قۇرىلتاي اۆتونوميالى رايوندىق 5 - كەزەكتى پيونەرلەر قىزمەت كوميتەتىنىڭ قىزمەت بايانداماسىن ماقۇلدادى، اۆتونوميالى رايوندىق 6 - كەزەكتى پيونەرلەر قىزمەت كوميتەتىنىڭ مەڭگەرۋشىسىن، ورىنباسار مەڭگەرۋشىلەرىن، مۇشەلەرىن سايلادى. مەملەكەتتىك پيونەرلەر قىزمەتى كوميتەتى، بەيجيڭ، تيانجين، حىبەي سياقتى باعىتتامالى كومەكتەسىپ جاتقان 19 ولكە، قالانىڭ پيونەرلەر قىزمەت كوميتەتى قۇتتىقتاۋ حاتىن جولدادى.

  قۇرىلتايدا التاي قالاسىنان، كورلا قالاسىنان، ءۇرىمجى قالاسىنان كەلگەن پيونەرلەر ۋاكىلى وزدەرىنىڭ باعىتتامالى كومەكتەسىپ جاتقان ولكە، قالالارداعى ورەندەرمەن حات الىسۋ فورماسىمەن «قول ۇستاسۋ، سەلبەسۋ» بارىسىنداعى، قالاداعى ورەندەردىڭ اۋىل - قىستاق ورەندەرىمەن دوستاسۋ بارىسىنداعى قىزعىلىقتى حيكايالارى مەن العان اسەرلەرىن كوپشىلىكپەن ورتاقتاستى. قۇرىلتايدان كەيىن پيونەرلەر ۋاكىلى شينجياڭ عىلىم - تەحنيكا سارايىنا بارىپ «عىلىممەن تانىسۋ» قيمىلىنا قاتىناستى، بالالار كينوسى «جەلبىرەيدى گالستۋكتى» كوردى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.