بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايون قوعامدىق عىلىم سالاسىنىڭ «باس شۋجي شي جينپيڭنىڭ فيلوسوفيا جانە قوعامدىق عىلىمدار قىزمەتى جونىندەگى ماڭىزدى ءسوزىنىڭ رۋحىن ۇيرەنۋ»اڭگىمە ءماجىلىسىن اشتى

بورىشتى ەستە بەرىك ساقتاپ، ىزگى نيەتپەن ۇلەس قوسايىق

فان حۇڭي

2016.06.01 14:04     كەلۋ قاينارى : شينجياڭ گازەتى

  ءتىلشىمىز فان حۇڭي 31 - مامىردا ۇرىمجىدەن حابارلايدى. 31 - مامىر كۇنى تۇستەن كەيىن اۆتونوميالى رايوننىڭ قوعامدىق عىلىم سالاسى «باس شۋجي شي جينپيڭنىڭ فيلوسوفيا جانە قوعامدىق عىلىمدار قىزمەتى جونىندەگى ماڭىزدى ءسوزىنىڭ رۋحىن ۇيرەنۋ» اڭگىمە ءماجىلىسىن اشتى. اڭگىمە ماجىلىستە اۆتونوميالى رايونىمىزداعى 10 ايگىلى مامان - وقىمىستى ۇيرەنۋ اسەرلەرىن باياندادى ءارى شينجياڭنىڭ فيلوسوفيا جانە قوعامدىق عىلىمدارىنىڭ دامۋى مەن وسۋىنە باعىتتاي وتىرىپ ۇسىنىستار قويدى. ماماندار تانىم، كوزقاراستارىن ورتاعا سالىپ، قىزۋ اڭگىمە ورىستەتتى.

  اۆتونوميالى رايوندىق ادەبيەت - كوركەمونەرشىلەر بىرلەستىگىنىڭ ءتوراعاسى ازات سۇلتان بىلاي دەدى: «بەيجيڭدە باس شۋجي شي جينپيڭنىڭ ءسوزىن ەستىپ ەرەكشە تەبىرەندىم، باس شۋجي «جاراتىلىستىق عىلىمى دامىماعان مەملەكەتتىڭ دۇنيە ءجۇزىنىڭ الدىڭعى لەگىندەءجۇرۋى مۇمكىن ەمەس، فيلوسوفيا جانە قوعامدىق عىلىمدارى گۇلدەنبەگەن مەملەكەت تە دۇنيەنىڭ الدىڭعى لەگىنەن بوي كورسەتە المايدى. پارتيا تالاي جىل تاربيەلەپ جەتىلدىرگەن از ۇلت زيالىسى ساناتىندا، قازىرگى جاعدايدا مەندە ءبىر ءتۇرلى كۇشتى جاۋاپكەرشىلىك سەزىم بار، ءداۋىر فيلوسوفيا جانە قوعامدىق عىلىمدارىمەن اينالىساتىن ۇزدىك ماماندارعا مۇقتاج، ءوز باسىم نازاريالىق ويعا باي ەمەس ۇلت كەدەيلىك پەن ناداندىقتان قۇتىلا المايدى دەپ ەسەپتەيمىن. ماقالالاردى قاعازعا عانا ەمەس، جۇرت جۇرەگىنە قوناتىنداي ەتىپ جازۋىمىز، ىنتا - پەيىلىمىزبەن جازۋىمىز كەرەك، سوندا عانا ۇلكەن ونىمگە قول جەتكىزە الامىز، وتان، ۇلت ءۇشىن قىزمەت ەتە الامىز.

  اۆتونوميالى رايوندىق پارتكوم پارتيا مەكتەبىنىڭ ورىنباسار باستىعى، پروفەسسور ديڭ شوۋچيڭنىڭ قاراۋىنشا، «شينجياڭدى كوركەيتىپ، وتان ارمانىن بىرگە جۇزەگە اسىرۋ»، جۇڭگو ارمانىنىڭ شينجياڭ پاراعىن اشۋعا قۇلشىنۋ سىندى جاڭا ۇلى امالياتتا، رايونىمىزداعى فيلوسوفيا جانە قوعامدىق عىلىم قىزمەتكەرلەرى «ورتالىقتىڭ تالابى ءبىزدىڭ مىندەتىمىز» دەگەن تۇجىرىمنىڭ كەلەلى ماڭىزىن ءتۇسىندىرۋ جاۋاپكەرشىلىگىن، ءسوزسىز، ارقالايدى، بۇل جاعىندا ءوز رولىن ساۋلەلەندىرۋ كەرەك. شينجياڭ قىزمەتىن تۇسىندىرگەندە، شينجياڭ ماسەلەلەرىن زەرتتەگەندە، رايونىمىزداعى فيلوسوفيا جانە قوعامدىق عىلىم قىزمەتكەرلەرىنىڭ پىكىر ءبىلدىرۋ ۇقىعى ەڭ كۇشتى، جاۋاپكەرشىلىكتى باتىلدىقپەن ارقالاپ، سۋبيەكتتىك تانىمىن وياتىپ، قاجىرلىلىقپەن قۇلشىنىپ، ۇلەس قوسۋ كەرەك.

  شينجياڭ پەداگوگيكا ۋنيۆەرسيتەتىنىڭ ورىنباسار باستىعى، پروفەسسور نيۋ رۋجي بىلاي دەدى: باس شۋجيدىڭ ءسوزىن ۇيرەنگەندە مەن، ءبىرىنشى، بورىشتىلىق سەزىمدى وياتۋ، ەكىنشى، ماتەرياليزمنەن جازباۋ، ءۇشىنشى، ءسوز بيلىگىن ۇستاۋ سىندى 3 ءتۇيىندى ىشكەرىلەي ءتۇيسىندىم، ماركستىك ماتەرياليزم فيلوسوفيا جانە قوعامدىق عىلىمداردىڭ ءتۇرلى عىلمي سالالارىن زەرتتەۋىمىزگە، يگەرۋىمىزگە نەگىزگى دۇنيە كوزقاراسىن، مەتودولوگياسىن ازىرلەدى. باس شۋجي شي جينپيڭ «ەلىمىزدە فيلوسوفيا جانە قوعامدىق عىلىمداردى زەرتتەۋدىڭ حالىقارالىق ىقپالىن كۇشەيتۋ» كەرەكتىگىن اتاپ كورسەتتى، بىلايشا ايتقاندا، ءسوز بيلىگى ماسەلەسى − وبراز جانە بەدەل ماسەلەسى، سونداي - اق ولشەم مەن كۇش - قۋات ماسەلەسى دەگەندىك.

  شينجياڭ قوعامدىق عىلىمدار اكادەمياسىنىڭ اعا زەرتتەۋشىسى تيان ۋيجياڭ بىلاي دەدى: اۆتونوميالى رايوندىق پارتكوم مەن حالىق ۇكىمەتى شينجياڭنىڭ فيلوسوفيا جانە قوعامدىق عىلىمدار قىزمەتىنىڭ دامۋى مەن گۇلدەنىپ - كوركەيۋىنە ەجەلدەن بەرى ايىرىقشا ءمان بەرىپ، وراسان زور قولداۋ كورسەتىپ كەلەدى. ءبىز شينجياڭنىڭ فيلوسوفيانىڭ جانە قوعامدىق عىلىمدارىنىڭ دامۋىنداعى جاڭالىق اشۋ ينجەنەرياسى جوسپارىن، شينجياڭنىڭ فيلوسوفيا جانە قوعامدىق عىلىمدارىنداعى «5 − 10 جىلدىق» دامۋ جوباسىن جەدەل جاساپ، اناعۇرلىم جاراسىمدى، جاريا ءىلمي ورتا جاراتىپ، سىرتقا جىبەرىپ، سىرتتان ۇسىنىس ەتىپ، اۆتونوميالى رايونىمىزدىڭ فيلوسوفيا، قوعامدىق عىلىمىنداعى دارىندىلار قوسىنىن تاربيەلەۋ مەن دايىنداۋ ىستەرىن جەدەل ىلگەرىلەتۋىمىز كەرەك.

  شينجياڭ قوعامدىق عىلىمدار اكادەمياسىنىڭ اعا زەرتتەۋشىسى ۋ فۋحۋان بىلاي دەدى: جۇڭحۋا ۇلتىنىڭ ۇلى گۇلدەنۋى مەن جۇڭگوشا سوتسياليزم ۇلى ىستەرىن جۇزەگە اسىرۋ بارىسىندا فيلوسوفيانىڭ، قوعامدىق عىلىمنىڭ نازاريالىق جاقتاعى جەتەكشىلىگىنە، نازاريا مەن زەرتتەۋدە جاڭالىق اشۋعا مۇقتاجبىز. ءبىز قازىرگى بار تاجىريبەلەرگە تۇسىنىك جاساپ، قورىتىندىلاۋمەن بىرگە، ونان دا ماڭىزدىسى، تىڭنان پايدا بولعان نەمەسە نىسپى بايقالا باستاعان ماسەلەلەرگە زەرتتەۋ جۇرگىزۋىمىز ءتيىس. سونىمەن بىرگە، ءىلمي اۋىس - كۇيىستى كۇشەيتىپ، كوز ايانى كەڭەيتىپ، اۆتونوميالى رايوندىق پارتكومدى پايدالانۋ قۇنى نەداۋىر جوعارى تەكسەرۋ - زەرتتەۋ تابىستارىمەن قامداۋىمىز كەرەك.

  اۆتونوميالى رايوندىق ادەبيەت - كوركەمونەرشىلەر بىرلەستىگىنىڭ اعا زەرتتەۋشىسى ليۋ بيڭ بىلاي دەدى: باس شۋجي شي جينپيڭنىڭ سوزىندە فيلوسوفيانىڭ، قوعامدىق عىلىمىنىڭ تاريحي رولى مەن داۋىرلىك قۇنىنا جان - جاقتى بايىمداۋ جاسالۋمەن بىرگە، ماركسيزمنىڭ فيلوسوفياداعى، قوعامدىق عىلىمداعى جەتەكشى ورنى دا كورنەكتى تۇردە باسا دارىپتەلدى. ءبىز باس شۋجيدىڭ تالابىن زەرتتەۋ جۇمىسىندا سانالى ارەكەتكە اينالدىرىپ، پارتيا مەن حالىقتى تارتىمدى ويلارمەن، قۇندى ناتيجەلەرمەن قامداۋىمىز كەرەك.

  «باس شۋجيدىڭ ءسوزىن ءبىز جىلى قابىلدادىق، سونىمەن بىرگە، بىزگە جۇكتەلگەن اۋىر جاۋاپكەرشىلىكتى سەزىندىك. ماڭىزدى ءسوز ماسەلەنى نىشان ەتۋ رۋحىن 4 جاقتان كورنەكتىلەندىردى. ماسەلەلەردى شەشكەندە عانا، دامۋدى جەبەۋگە بولادى»، - دەدى شينجياڭ ۋنيۆەرسيتەتىنىڭ پروفەسسورى لي جۇڭياۋ.

  شينجياڭ قوعامدىق عىلىمدار اكادەمياسىنىڭ اعا زەرتتەۋشىسى ما پيڭيان بىلاي دەدى: بىزدە سويلەۋ بيلىگىن يگەرۋ تانىمى بولۋ كەرەك، عىلمي ماقالالاردى ناقتى ومىردەن الىپ، ءسوزدى بۇقارانىڭ جۇرەگىنە جەتكىزۋىمىز كەرەك، سوندا عانا سويلەۋ بيلىگىن شىنايى يگەرۋگە بولادى.

  شينجياڭ قوعامدىق عىلىمدار اكادمياسىنىڭ اعا زەرتتەۋشىسى مياۋ پۋشىڭ بىلاي دەدى: شينجياڭنىڭ فيلوسوفيا جانە قوعامدىق عىلىمدارى قاۋىرت دامۋ ورايىنا ءدوپ كەلدى. كەزەكتە 2 ءىستى جاقسى ىستەۋ كەرەك: ءبىرى، قوسىندى جاقسى قۇرۋ، ەكىنشىسى، اپتىقپالىقتان ارىلۋ. نەگىزدىك زەرتتەۋ قىزمەتىنە ءمان بەرىپ، ۇزاق بولاشاقتى كوزدەيتىن يدەيالىق دايىندىق جاساۋ، عىلمي تاقىرىپتىق زەرتتەۋلەردى ءتۇيىندى تۇردە مىقتى يگەرۋ كەرەك.

  شينجياڭ قوعامدىق عىلىمدار اكادەمياسىنىڭ اعا زەرتتەۋشىسى جاقىپ مىرزاقان ۇلى مىنالاردى ورتاعا قويدى: شينجياڭ كوپ ۇلتتى ءوڭىر، اينالاسىنداعى ورتا كۇردەلى، ءبىز نەگىزدىك زەرتتەۋ قىزمەتىنە ءمان بەرۋىمىز، سول ارقىلى اۆتونوميالى رايوننىڭ قازىر جۇرگىزىپ جاتقان «ۇشقارىلىقتى الاستاۋ»، «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» سياقتى ءتۇرلى قىزمەتتەرىنىڭ ناقتى قاجەتىنە ۇيلەسۋىمىز كەرەك.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.