- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاڭ چۇنشياننىڭ بۇكىل شينجياڭداعى ورەندەرگە جولداعان حاتى كۇشتى اڭىس قوزعادى
ۇلتتار ىنتىماعىن قورعاپ، جان سۇلۋلىعىن جەتىلدىرەمىز
شينجياڭ گازەتى تىلشىلەرىنىڭ جيناق حابارى
2016.06.01 14:05 كەلۋ قاينارى : شينجياڭ گازەتى
گازەتىمىز تىلشىلەرىنىڭ جيناق حابارى. «1 - ماۋسىم» حالىقارالىق بالالار مەرەكەسى قارساڭىندا، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 27 - مامىردا بۇكىل شينجياڭداعى ءار ۇلت ورەندەرىنە حات جولداپ، ولاردى وتاندى، شينجياڭدى سۇيەتىن، ىنتىماقتى، قايىرىمدى ورەن، ۇيرەنۋدى، ەڭبەكتى سۇيەتىن جاقسى وقۋشى، شاپاعاتتى سەزىنەتىن، تارتىپكە بويسۇناتىن جەتەلى ۇرپاق بولۋعا شابىتتاندىردى. بۇل حات بۇكىل شينجياڭداعى ءار ۇلت ورەندەرى مەن ورەندەر قىزمەتكەرلەرى اراسىندا كۇشتى اڭىس قوزعادى. ءار دارەجەلى پيونەرلەر وتريادى ۇيىمدارى قالىڭ ورەندەردى ۇلى مۇرات ورناتۋعا، جان سۇلۋلىعىن جەتىلدىرۋگە، اقاۋسىز، شات - شادىمان ەرجەتۋگە تاربيەلەيتىندىكتەرىن، جەتەكتەيتىندىكتەرىن ءبىلدىردى. ءار ۇلت ورەندەرى وتاندى، تۋعان جەردى سۇيەتىن پيونەر، ۇلتتار ىنتىماعىن جەبەيتىن پيونەر، يدەياسى جاقسى پيونەربولاتىندىقتارىن، سوتسياليزمنىڭ تولىمدى ءىزباسارى بولاتىندىقتارىن ءبىلدىردى.
بۇكىل شينجياڭداعى ورەندەر مەن پيونەرلەر وتريادى ۇيىمدارى اراسىندا ۇيرەنۋ ورلەۋىن جەدەل كوتەرۋ ءۇشىن، اۆتونوميالى رايوندىق كوممۋنيستىك جاستار وداعى كوميتەتى، پيونەرلەر قىزمەتى كوميتەتى 31 - مامىردا جاڭ چۇنشيان شۋجيدىڭ بۇكىل شينجياڭداعى ورەندەرگە جولداعان حاتىن ۇيرەنۋ، دايەكتىلەندىرۋ جونىندە اڭگىمە ءماجىلىس اشتى. اڭگىمە ماجىلىستە سانجى قالاسى يۇيشۋگوۋ قالاشىعى سەنترلى ورتا مەكتەبىنىڭ وقۋشىسى سا يۇڭبو بىلاي دەدى: جاڭ چۇنشيان اتاي حاتىندا بىزگە اتا - انامىزعا، ۇستازدارىمىزعا، وتانعا العىس ايتۋىمىز كەرەكتىگىن ايتتى، بۇل ءبىز پيونەرلەرگە باعدار شام بولدى، ول بىزگە قۇلشىنا العا ۇمتىلعاندا عانا، وتاننىڭ ءۇمىتى مەن بولاشاعىنىڭ بولاتىنىن، جۇڭگو ارمانىن جۇزەگە اسىرۋعا بولاتىنىن ۇعىندىردى.
اتۇش كۇنشان يۇيساي باستاۋىش مەكتەبىنىڭ 4 - جىلدىق وقۋشىسى جاڭ بيڭ: بۇگىن ءبىز مەكتەپ راديوسىنان جاڭ چۇنشيان شۋجيدىڭ ورەندەرگە ارتقان ءۇمىتىن تىڭدادىق. مەن، ءسوز جوق، وتاندى، شينجياڭدى سۇيەتىن، شاپاعاتتى سەزىنىپ، تارتىپكە بويسۇناتىن جەتەلى ورەن بولامىن، - دەدى. بيىل بۇراتالا قالاسى بويىنشا «ۇلتتار ىنتىماعىنداعى جاقسى ورەن» بولىپ باعالانعان بۇراتالا قالالىق 1 - باستاۋىش مەكتەپتىڭ 4 - جىلدىق وقۋشىسى ۋ گۋانفۋ: «كلاسىمىزدا 4 ۇلتتىڭ بالالارى وقيدى، ءبىز ءار كۇنى بىرگە وقىپ، بىرگە تۇرمىس كەشىرەمىز، ءبىر - بىرىمىزگە قارايلاسىپ، شات - شادىمان ەسەيىپ كەلەمىز». بيڭتۋان 6 - ديۆيزياسى شينحۋ باس ەگىس الاڭى باستاۋىش مەكتەبىنىڭ 4 - جىلدىق وقۋشىسى گاۋ ياتيڭ: شارت - جاعدايى تولىق مەكتەپ قۇشاعىندا الاڭسىز وقىپ جاتىرمىز، جاقسى وقىماۋعا ەش سىلتاۋىمىز جوق. الداعى ۋاقىتتاردا ونان ارى قۇلشىنا ۇيرەنىپ، تۋعان جەرىمدى گۇلدەندىرۋگە ۇلەس قوسامىن، - دەدى.
كۇشار اۋداندىق 10 - باستاۋىش مەكتەپتەگى ءاربىر كلاستىڭ جەتەكشىلەرى جاڭ چۇنشيان شۋجيدىڭ حاتىن وقۋشىلارعا وقىپ بەردى. 4 - جىلدىق 1 - كلاستىڭ وقۋشىسى ءنابيجان مامەت تەبىرەنە بىلاي دەدى: «جاڭ اتايدىڭ حاتىن ەستىپ ەرەكشە قۋاندىم، ءبىز ونىڭ كۇتكەن ءۇمىتىن، ءسوز جوق، اقتاپ، جاقسى ۇيرەنىپ، شينجياڭدى گۇلدەندىرۋدىڭ ءىزباسارى بولامىز».
ءۇرىمجى قالالىق 12 - باستاۋىش مەكتەپتىڭ مۇعالىمى ۋاڭ يجىن بىلاي دەدى: «جاڭ چۇنشيان شۋجيدىڭ حاتىن وقىپ ەرەكشە ءسۇيىندىم، بالالىق شاعىما قايتا ورالعىم كەلدى، سونىمەن قاتار، وزىمە جۇكتەلگەن جاۋاپكەرشىلىكتىڭ اۋىر ەكەنىن دە سەزىندىم. بالالاردى كىشكەنتايىنان ەڭ الدىمەن اسىل مۇرات ورناتىپ، مۇراتتارىن شينجياڭدى گۇلدەندىرۋ، وتان ارمانىن بىرگە ورىنداۋ ۇلى جورىعىمەن توعىستىرۋعا تاربيەلەيمىز». تۇرپان قالاسى ءىدىقۇت رايونى شاتقال اۋىلى سەنترلى باستاۋىش مەكتەبىنىڭ مۇعالىمى كەرىماي قادىر بىلاي دەدى: مەكتەبىمىز شاپاعاتتى سەزىنۋ تاربيەسى ساباعىن اپتا سايىن ءوتىپ، بالالارعا اتا - اناسىمەن سىرلاسۋدى تاپسىرىپ تۇرادى. كوپتەگەن اتا - انا مەن وقۋشى قاتتى اسەرلەندى، ءونىمى وتە جاقسى بولدى. وسىنداي تاربيە ءتاسىلىن ۇزدىكسىز جالعاستىرىپ، بالالاردىڭ جۇرەگىنە كىشكەنتايىنان باستاپ شاپاعاتتى سەزىنۋ ۇرىعىن سەبەمىز.
جەمسارى اۋدانى سانتاي قالاشىعى باستاۋىش مەكتەبىنىڭ باستىعى ۋ جينحۇي بىلاي دەدى: وقۋ - اعارتۋ قىزمەتكەرلەرى وقىتۋ ارقىلى ادام تاربيەلەۋگە، ءمورال ارقىلى ادام تاربيەلەۋگە تاباندى بولۋى كەرەك، ورەندەردىڭ ەرەكشەلىگى مەن ەسەيۋ زاڭدىلىعىنا نەگىزدەلە وتىرىپ تاربيەلەگەندە عانا، وتاندى، شينجياڭدى ءسۇيۋ، ىنتىماقتى، قايىرىمدى بولۋ، ۇيرەنۋدى، ەڭبەكتى ءسۇيۋ، شاپاعاتتى سەزىنۋ، تارتىپكە بويسۇنۋ سياقتى كوزقاراستاردى ورەندەردىڭ جان دۇنيەسىنە ءسىڭىرىپ، الداعى كۇندەردە ولاردىڭ ەسەيۋىنە سۇيەۋ بولاتىن قۇدىرەتتى قوزعاۋشى كۇشكە اينالدىرۋعا بولادى.
چەرچەن اۋداندىق 1 - باستاۋىش مەكتەپ پيونەرلەر ۇلكەن اترەتىنىڭ جەتەكشىسى اينۇر قاسىم بىلاي دەدى: «جاڭ چۇنشيان شۋجي پيونەرلەردىڭ ەسەيىپ - ەرجەتۋىنە شىنايى ءۇمىت ارتتى ءارى پيونەرلەر وتريادىنىڭ جەتەكشىلەرىنە، پيونەرلەر قىزمەتكەرلەرىنە اناعۇرلىم جوعارى تالاپتار قويدى. ءبىز، ءسوز جوق، جاۋاپكەرشىلىكتى ادا ەتىپ، ورەندەردىڭ ومىردەگى تالپىنىسىنىڭ جەتەكشىسى، امالياتتىق كەشىرمەسىنىڭ ۇيىمداستىرۋشىسى، اقاۋسىز ەسەيۋىنىڭ قىزمەتشىسى بولۋعا قۇلشىنامىز». ءۇشتۇرپان اۋداندىق 2 - باستاۋىش مەكتەپتىڭ وقىتۋشىسى شى چۇنليڭ: وقىتۋشى ساناتىندا كەلەلى جاۋاپكەرشىلىك ارقالاپ وتىرعانىمدى جەتە سەزىندىم. وقىتۋشى جانىپ تۇرعان ماي شامداي ءوزىنىڭ جارىعى مەن جىلۋى ارقىلى وقۋشىلارعا شۇعىلا شاشۋى كەرەك، - دەدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
