- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قارامايلى قورشاعان ورتانى قورعاۋدى باقىلاۋ - باسقارۋدى قالانى توراپتاندىرىپ باسقارۋ كولەمىنە ەنگىزەدى
2016 - جىلعى تيانشان قورشاعان ورتانى قورعاۋ ساپارى
جاۋ جىيۇن
2016.06.01 14:07 كەلۋ قاينارى : شينجياڭ گازەتى
ءتىلشىمىز جاۋ جىيۇن 31 - مامىردا قارامايلىدان حابارلايدى. 30 - مامىر تۇستەن كەيىن، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن باستاعان 2016 - جىلعى تيانشان قورشاعان ورتانى قورعاۋ ساپارى بويىنشا زاڭ اتقارۋدى تەكسەرۋ 1 - گرۋپپاسى 30 - مامىر تۇستەن كەيىن، قارامايلى قالاسىندا گوديان قارامايلى ەلەكتر تاراتۋ شەكتى سەرىكتەستىگى، شينجياڭ مۇناي الابى سەرىكتەستىگى جىلۋمەن قامداۋ سەرىكتەستىگىنىڭ كۇنلۇن سەحى، قارامايلى مۇناي - حيميا ونەركاسىپ باقشاسى سياقتى جەرلەرگە ىلگەرىندى - كەيىندى بارىپ ناقتى تەكسەرۋ جۇرگىزدى.
31 - مامىر تۇستەن بۇرىن 2016 - جىلعى تيانشان قورشاعان ورتانى قورعاۋ ساپارى بويىنشا زاڭ اتقارۋدى تەكسەرۋ 1 - گرۋپپاسى قارامايلى قالاسىندا قالالىق ۇكىمەتتىڭ «قورشاعان ورتانى قورعاۋ زاڭىن» دايەكتى تياناقتاندىرۋ جاعدايى جونىندەگى مالىمەتىن تىڭداعاننان كەيىن اۆتونوميالى رايوندىق حالىق قۇرىلتايىنىڭ ۋاكىلى، ءۇرىمجى قالالىق حالىق قۇرىلتايى تۇراقتى كوميتەتىنىڭ مەڭگەرۋشىسى ابدىرەيىم ابىلەز: ولار قورشاعان ورتانى باقىلاۋ - باسقارۋدى توراپتاندىرىپ باسقارۋ جۇيەسىن ورناتتى، بۇل بۇكىل شينجياڭ كولەمىنەن العاندا، جاقسى ءادىس، تاتىمدى تاجىريبە ەسەپتەلەدى، ونى ەگجەي - تەگجەيلى ءتۇسىندىرىپ بەرۋىڭىزگە بولار ما ەكەن؟ - دەدى.
31 - مامىر تۇستەن بۇرىن وتكىزىلگەن مالىمەت بەرۋ جينالىسىندا قارامايلى قالاسىنىڭ ورىنباسار باستىعى ليۋ بوتاۋ «قورشاعان ورتانى قورعاۋ زاڭىن» دايەكتى تياناقتاندىرۋ جاعدايى جونىندە مالىمەت بەرگەن كەزدە بىلاي دەدى: قارامايلى قالاسى قورشاعان ورتانى قورعاۋ ءۇشىن كەڭ كولەمدى بىرگە ارەكەتتەنۋ قىزمەتىن قالانىڭ ىشكەرىلەي باسقارۋ قىزمەتىمەن تىعىز ۇشتاستىرىپ، قالانى باسقارۋدى، قورشاعان ورتا جونىندەگى ينفورماتسيا بايلىعىن رەتكە سالىپ، قورشاعان ورتانى باقىلاۋ - باسقارۋ قىزمەتىن ءتۇرلى جولدارمەن، ساتىلار بويىنشا قانات جايدىردى. اكىمشىلىك وڭىرلەرگە ساي، قورشاعان ورتانى باقىلاۋ - باسقارۋدى توراپتاندىرىپ باسقارۋ جۇيەسىن ورناتىپ، ونى بۇكىل قالانى توراپتاندىرىپ ءبىر تۇتاس باسقارۋ كولەمىنە ەنگىزەدى، قورشاعان ورتاعا ساتىلار بويىنشا جاۋاپتى بولاتىن، جاۋاپكەرلىك ادامدارعا دەيىن تولىق تياناقتانعان، سترەولدىق زاڭ اتقارۋ جاۋاپكەرشىلىك جۇيەسىن قالىپتاستىردى.
قارامايلى قالالىق قورشاعان ورتانى قورعاۋ مەكەمەسىنىڭ باستىعى حۋاڭ جۇنپيڭ بىلاي دەدى: توراپتاندىرىپ باقىلاۋ - باسقارۋدان بۇرىن قورشاعان ورتانى قورعاۋ تاراۋلارىنىڭ باقىلاۋ - باسقارۋ قىزمەتكەرلەرىنىڭ سانى از، زاڭعا قايشى جايتتەردى دەر كەزىندە بايقاپ، وعان تيداۋ سالۋ مۇمكىندىگى شەكتى بولعاندىقتان شۋىل، قوقىر - قوقسىق توگۋ سياقتى زاڭعا قايشى جايتتەر ۇنەمى تۋىلىپ تۇرۋشى ەدى. سونىمەن قارامايلى قالاسى قورشاعان ورتانى قورعاۋعا بايلانىستى زاڭعا قايشى جايتتەردى اشكەرەلەۋشىلەردى ماداقتاۋ - سيلاۋ ءادىسىن بۇكىل شينجياڭ بويىنشا الدىمەن جاساپ اتقارىپ، قورشاعان ورتانى قورعاۋعا بايلانىستى زاڭعا قايشى جايتتەردى اشكەرەلەۋشىلەرگە ارناپ سيلىق سوماسىن دايىنداپ، الەۋمەتتى قورشاعان ورتانى قورعاۋعا بايلانىستى زاڭعا قايشى جايتتەردى اشكەرەلەۋگە جانە باقىلاۋعا بەلسەنە ات سالىسۋعا جەتەلەدى.
حۋاڭ جۇنپيڭ بىلاي دەدى: قازىر قارامايلى قالاسىنىڭ قالانى باسقارۋى قالا، رايون، ءمالى باسقارماسى جانە الەۋمەتتىك اۋماق سىندى ءتورت دارەجە بويىنشا جۇرىلەدى. ءبىز قورشاعان ورتانى قورعاۋ جاۋاپكەرشىلىگىن قالانى باسقارۋدىڭ ءتورت دارەجەلى باسقارۋ جاۋاپكەرشىلىك كولەمىنە ەنگىزىپ، قىزمەت مولشەرىن ارتتىرعانىمىزبەن، قىزمەتكەرلەر مەن قارجىنى كوبەيتپەدىك. بۇرىن جول بويىندا الدە بىرەۋلەر قوقىر - قوقسىقتى ورتەيتىن بولسا، جاعدايدان حابار تاپقان قورشاعان ورتانى باقىلاۋ - باسقارۋ تاراۋلارىنىڭ قىزمەتكەرلەرى تىزگىن ۇشىمەن بارىپ بولعانشا جانىپ بولايىن دەپ قالۋشى ەدى. الەۋمەتتىك اۋماقتىڭ شارلاۋشىلارى كوبەيتىلگەننەن كەيىن، قورشاعان ورتانى قورعاۋ قىزمەتى ۇستەلدى. شارلاۋ بارىسىندا قوقىر - قوقسىقتى ورتەۋشىلەر بايقالسا، وعان دەر كەزىندە تيداۋ سالاتىن بولدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
