- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيانى جاپپاي قاتاڭ باسقارۋ تالابىن تياناقتاندىرىپ، سالتى دۇرىس، ستيلى تۋرا ساياسي ەكولوگيالىق ورتا قالىپتاستىرايىق
2016.06.01 14:42 كەلۋ قاينارى : شينجياڭ گازەتى
تاياۋدا باس شۋجي شي جينپيڭ ورتالىقتىڭ رەفورمانى جاپپاي تەرەڭدەتۋگە باسشىلىق ەتۋ گرۋپپاسىنىڭ 23 - رەتكى ءماجىلىسىن باسقارىپ اشىپ، شينجياڭ سياقتى 4 ولكە، اۆتونوميالى رايون، قالادا «باسشى كادرلاردىڭ جۇبايلارىنىڭ جانە پەرزەنتتەرى مەن ولاردىڭ جۇبايلارىنىڭ ساۋدامەن شۇعىلدانۋ، كاسىپورىن قۇرۋ ارەكەتىن ونان ارى ارناعا ءتۇسىرۋ بەلگىلەمەسىن» سىناق رەتىندە اتقارۋدى قاراپ ماقۇلدادى. ورتالىقتىڭ بەكىتۋىمەن، تاياۋدا اۆتونوميالى رايون بەينە ەكران ءماجىلىسىن اشىپ، باس شۋجي شي جينپيڭنىڭ ماڭىزدى ءسوزىنىڭ، نۇسقاۋىنىڭ رۋحىن ىشكەرىلەي ۇيرەنىپ، اۆتونوميالى رايوننىڭ باسشى كادرلاردىڭ جۇبايلارىنىڭ جانە پەرزەنتتەرى مەن ولاردىڭ جۇبايلارىنىڭ ساۋدامەن شۇعىلدانۋ، كاسىپورىن قۇرۋ ارەكەتىن ارناعا ءتۇسىرۋ قىزمەتى جونىندە اتتانىسقا كەلتىرىپ، ورنالاستىرۋ جاسادى، اۆتونوميالى رايوندىق پارتكوم كەڭسەسى، اۆتونوميالى رايوندىق حالىق ۇكىمەتى كەڭسەسى «شينجياڭداعى باسشى كادرلاردىڭ جۇبايلارىنىڭ جانە پەرزەنتتەرى مەن ولاردىڭ جۇبايلارىنىڭ ساۋدامەن شۇعىلدانۋ، كاسىپورىن قۇرۋ ارەكەتىن ونان ارى ارناعا ءتۇسىرۋ جونىندەگى بەلگىلەمەسىن (سىناق رەتىندە اتقارىلادى)» (تومەندە قىسقارتىلىپ «بەلگىلەمە» دەلىنەدى) باسىپ تاراتتى. اۆتونوميالى رايوندىق پارتكوم ۇيىمداستىرۋ ءبولىمىنىڭ قاتىستى جاۋاپتىسى «بەلگىلەمەدەگى» قاتىستى ماسەلەلەر جونىندە ءتىلشىنىڭ سۇراۋىنا جاۋاپ بەردى.
سۇراۋ: «بەلگىلەمەنىڭ» شىعارىلۋىنىڭ ارتقى كورىنىسى مەن ماڭىزىن ايتا كەتسەڭىز؟
جاۋاپ: پارتيانىڭ 18 - قۇرىلتايىنان بەرى، شي جينپيڭ جولداس باس شۋجي بولعان پارتيا ورتالىق كوميتەتى جۇڭگوشا سوتسياليزمگە تاباندى بولۋ جانە ونى دامىتۋ جالپى جاعدايىن ارقاۋ ەتە وتىرىپ، جاپپاي دوڭگەلەك داۋلەتتى قوعام قۇرۋ، رەفورمانى جاپپاي تەرەڭدەتۋ، مەملەكەتتى زاڭ بويىنشا جاپپاي جونگە سالۋ، پارتيانى جاپپاي قاتاڭ جونگە سالۋ ستراتەگيالىق ورنالاستىرۋىن العا قويىپ ءارى جاساپ، پارتيامىزدىڭ مەملەكەتتى باسقارۋىنىڭ جاڭا ءورىسىن اشتى. پارتيانى جاپپاي قاتاڭ جونگە سالۋ «ءتورتتى جاپپاي ورىنداۋدىڭ» ماڭىزدى قۇرامداس ءبولىمى ءارى «ءتورتتى جاپپاي ورىنداۋدى» سايكەستى تۇردە ىلگەرىلەتۋدىڭ ءتۇبىرلى كەپىلى. پارتيانى پارتيا باسقارۋدا ەڭ الدىمەن كادرلاردى ويداعىداي باسقارۋ كەرەك؛ پارتيانى جاپپاي جونگە سالۋدىڭ تەتىگى − بيلىك باسىنداعىلاردى جونگە سالۋ. كادرلاردى ويداعىداي باسقارۋ، بيلىك باسىنداعىلاردى جونگە سالۋدا، باسشى كادرلارعا قاتاڭ تالاپ قويىپ، ولاردى قاتاڭ تاربيەلەپ، قاتاڭ باسقارىپ، قاتاڭ باقىلاپ، بيلىكتىڭ دۇرىس جۇرگىزىلۋىن قامتاماسىز ەتۋ كەرەك.
باسشى كادرلاردىڭ جۇبايلارىنىڭ جانە پەرزەنتتەرى مەن ولاردىڭ جۇبايلارىنىڭ ساۋدامەن شۇعىلدانۋ، كاسىپورىن قۇرۋ ارەكەتىن ارناعا ءتۇسىرۋ − پارتيانى جاپپاي قاتاڭ جونگە سالۋداعى اتقارۋعا ءتيىستى مىندەت، پارتيامىزدىڭ دايەكتى تالابى. باس شۋجي شي جينپيڭ «باسشى كادرلار ستيل قۇرىلىسىن ماڭىزدى ورىنعا قويىپ، ءوزىن كىرشىكسىز تاربيەلەۋى، وتباسىن كىرشىكسىز ۇستاۋى كەرەك» دەپ اتاپ كورسەتتى. باسشى كادرلاردىڭ وتباسىلىق ستيلى جەكە ادامنىڭ كىشى - گىرىم ءىسى، وتباسىنىڭ جەكە ءىسى ەمەس، قايتا باسشى كادرلاردىڭ ستيلىنىڭ ماڭىزدى بەينەسى، پارتيا ستيلىنە، ۇكىمەت ستيلىنە، قوعام سالتىنا، حالىق سالتىنا تىكەلەي ىقپال جاسايدى. از سانداعى باسشى كادرلاردىڭ تۋىستارىنىڭ ەرەجەگە قايشى ساۋدامەن شۇعىلدانىپ، كاسىپورىن قۇرىپ، «ءبىر وتباسىندا ەكى ءتۇزىم» اتقارۋ، «ۇقىق پەن ساۋدانى ءبىر تۇلعالاندىرۋ» ماسەلەسىنەن حالىق بۇقاراسى قاتتى جيرەنەدى. باسشى كادرلاردىڭ جۇبايلارىنىڭ جانە پەرزەنتتەرى مەن ولاردىڭ جۇبايلارىنىڭ ساۋدامەن شۇعىلدانۋ، كاسىپورىن قۇرۋ ارەكەتىن ارناعا ءتۇسىرۋ − باسشى كادرلاردىڭ تۋىس - تۋعاندارىن ويداعىداي باسقارۋدىڭ، تاماشا وتباسى ستيلىن قالىپتاستىرۋدىڭ ماڭىزدى جولى.
بيىل قاڭتاردا ورتالىق شينجياڭدا ارناعا ءتۇسىرۋ قىزمەتىن سىناق رەتىندە ورىستەتۋدى بەلگىلەگەننەن كەيىن، ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جولداس بۇعان ايرىقشا ءمان بەرىپ، ىلگەرىندى - كەيىندى تالاي رەت بەكىتۋ جازدى ءارى 5 رەت پارتكوم تۇراقتى كوميتەتىنىڭ (كەڭەيتىلگەن) ءماجىلىسىن اشىپ، ارناعا ءتۇسىرۋ قىزمەتىن ارنايى اقىلداسىپ، ورنالاستىردى. 7 - قاڭتاردا اۆتونوميالى رايوندىق پارتكوم «بەلگىلەمەنى» جازۋ قىزمەتىن باستادى. ۇيىمداستىرۋ كادرلارى ورتالىقتىڭ باسشى كادرلاردىڭ ۇكىمەت جۇمىسىن پاكتىكپەن ىستەۋى، تۋىستارىنىڭ ساۋدامەن شۇعىلدانۋ، كاسىپورىن قۇرۋ ارەكەتى جونىندەگى قاتىستى ساياسات - بەلگىلەمەلەردى جان - جاقتى زەرتتەپ، شاڭحايدىڭ ادىستەرىنەن ۇلگى الىپ، شينجياڭنىڭ ءىس جۇزىندىك جاعدايىمەن بىرلەستىرىپ، قاڭتاردىڭ اياق شەنىندە «بەلگىلەمەنى» (تالقى نۇسقاسى) جازىپ شىقتى، ونان سوڭ ارناعا ءتۇسىرۋ كولەمىنە ەنگىزىلگەن ورىنباسار مەڭگەرمە دارەجەلىدەن جوعارى كادرلاردىڭ احۋالىن جاپپاي ۇعىسىپ، تەرەڭ تالداۋ جاساپ، مامانداردى دالەلدەۋگە ۇيىمداستىرىپ، ءار دارەجەلى پارتيا ۇيىمى مەن قالىڭ پارتيالى كادرلاردان كەڭ كولەمدە پىكىر الدى ءارى تالاي رەت ورتالىقتاعى قاتىستى تاراۋلاردىڭ تەكسەرىپ بەكىتىپ جەتەكشىلىك ەتۋىنە جولداپ، ۇزدىكسىز وزگەرتىپ تولىقتادى، مامىردىڭ ورتا شەنىندە ورتالىقتىڭ بەكىتۋىنەن ءوتىپ، ەندى مىنە رەسمي باسىلىپ تاراتىلدى. شينجياڭدا ارناعا ءتۇسىرۋ قىزمەتىن ورىستەتۋ − ورتالىق تاپسىرعان كەلەلى ساياسي مىندەتتەردىڭ ءبىرى، ول پارتيا ورتالىق كوميتەتىنىڭ شينجياڭعا تولىق سەنىم ارتىپ، شينجياڭ قىزمەتىنە كوڭىل ءبولىپ، قولداعانىن ايگىلەدى. اۆتونوميالى رايوننىڭ «بەلگىلەمەنى» جاساپ جاريالاۋى «ءوز الدىنا قازان اسقاندىق» ەمەس، قايتا ورتالىقتىڭ رۋحىنا ساي، شينجياڭنىڭ ءىس جۇزىندىك جاعدايىمەن بىرلەستىرىپ، قاعيداعا بويسۇنىپ، بەلگىلەمەنى تياناقتاندىرعاندىق. بۇل ءبىزدىڭ ورتالىقتىڭ پارتيانى جاپپاي قاتاڭ جونگە سالۋ تالابىن دايەكتىلەندىرۋىمىزدەگى ماڭىزدى شارا، بيلىكتى ءتۇزىمنىڭ باقىلاۋىنا الۋ سىندى تۇزىمگە جاڭالىق ەنگىزۋ ءارى ءتارتىپ پەن قاعيدانى الدىعا قويۋدىڭ، كادرلاردى قاتاڭ باسقارىپ، ولاردى ايالاۋدىڭ جاندى پراكتيكاسى، شينجياڭ ەرەكشەلىگىنە يە جاقسى كادرلار قوسىنىن باۋلىپ جەتىلدىرىپ، سالتى دۇرىس، ستيلى تۋرا ساياسي ەكولوگيالىق ورتانى ىلگەرىلەگەن تۇردە قالىپتاستىرۋدا اسا ماڭىزدى مانگە يە.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
