- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تارىم ۋنيۆەرسيتەتىندەگى 3 ستۋدەنت سۋعا كەتكەن بالانى ەرلىكپەن قۇتقاردى
2016.06.06 13:03 كەلۋ قاينارى : شينجياڭ گازەتى
«سەندەر جانالقىمدا كەۋدە كەرىپ العا شىقپاعان بولساڭدار، بالامىز جانىنان جۇدا بولار ەدى. بالامنىڭ جانىنا اراشا بولعاندارىڭا كوپ راقىمەت»! 2 - ماۋسىمدا بيڭتۋان 1 - ديۆيزياسى (ارال قالاسى) 12 - پولكىنىڭ 10 - روتاسىندا ەڭبەك ىستەيتىن دۋ جۇنحۇڭ مەن ۋاڭ يۇنلان ۇكىلى تۋ مەن العىس حاتىن الىپ تارىم ۋنيۆەرسيتەتىنە كەلدى. ولار مۇندا امان سەيىت ۇلى باستاعان 3 از ۇلت ستۋدەنتىنە العىس ايتۋ ءۇشىن كەلىپتى.
وسى ستۋدەنتتەر تارىم ۋنيۆەرسيتەتى دايىندىق ءبولىمىنىڭ 4 - كلاسىندا وقيتىن امان سەيىت ۇلى جانە دايىندىق ءبولىمىنىڭ 12 - كلاسىندا وقيتىن 2 قىز وقۋشى تالەيگۇل تۇرسىن (قىرعىز) مەن گۇليان اسقار قىزى ەكەن.
28 - مامىر سەنبى كۇنى ولار ءشول تاس جولى ولكەلىك 210 - لەنياسىن بويلاپ ۆەلوسيپەدپەن شايار اۋدانىنا سەيىلگە بارادى. تۇستەن كەيىنگى ساعات 6 جارىم مولشەرىندە مەكتەپكە قايتىپ كەلە جاتقان جولدا 12 - پولك 10 - روتاسىنىڭ ماڭىنداعى تارىم وزەنى نانگان بەل توعانىنىڭ كوپىرىنە كەلىپ دامىلدايدى.
كەنەت «بىرەۋ سۋعا ءتۇسىپ كەتتى!» دەگەن داۋىس شىعادى. كوپىردىڭ وڭتۇستىك جاعالاۋىنداعى 30 مەتردەي قاشىقتىقتاعى سۋدا ءبىر بالا اعىپ كەلەدى ەكەن. اعىننىڭ ەكپىنىندە بالا شوگە باستايدى.
وسىنداي جانالقىم ساتتە امان توعانعا سەكىرىپ ءتۇسىپ، بالاعا قاراي بار قايراتىمەن مالتاپ بارىپ، بالانى توعاننىڭ شەتىنە قاراي يكەمدەيدى. ىلە - شالا سۋعا تۇسكەن تالەيگۇل مەن گۇليان قولداسىپ بالانى جاعاعا قاراي تارتادى. سونىمەن ۇشەۋى اقىرى بالانى قۇتقارىپ جاعاعا شىعارادى.
سۋعا كەتكەن ۇل بالا قۇتقارىلدى. ونىڭ ءوڭى قۋقىل تارتىپ، ەرىندەرى كوگەرىپ كەتىپتى. ستۋدەنتتەر بالانى جەرگە ءتۇزۋ جاتقىزىپ، ەكى قولىن ايقاستىرىپ كەۋدەسىن باسىپ شۇعىل قۇتقارۋعا كىرىسەدى. بىردەمنەن سوڭ بالا كوزىن اشادى.
تارىم وزەنىنىڭ نانگان بەل توعانى ارال قالاسىنان 5 كيلومەتر جەردە، توعاننىڭ كەڭدىگى شامامەن 5 مەتر، سۋدىڭ تەرەڭدىگى 2 مەترگە تاياۋ ەدى. وسى ءىس تۋىلعان كۇنى كەشقۇرىم 5 جاستاعى رۇي چياڭ وزىنەن ءبىر جاس ۇلكەن اپەكەسى مەن كىشكەنتاي سەرىكتەرىنە ەرىپ توعان بويىنا كەلىپ ويناپ ءجۇرىپ سۋعا ءتۇسىپ كەتىپتى.
امان: مالتاۋ بىلمەۋشى ەدىم. سول كەزدە ادام قۇتقارۋدان باسقانى ويلاماپپىن. بالاعا جاقىنداپ قالعان كەزدە سۋدىڭ تەرەڭدىگى تاماعىما كەلىپ قالعان ەدى. ەگەر قاسىمداعى 2 قىز ساباقتاسىم كومەكتەسپەگەن بولسا، سوڭىنىڭ نەمەن تىندىم بولارىنا كوزىم جەتپەيدى، - دەيدى.
دۋ جۇنحۇڭ مەن ايەلى وسىدان بىرنەشە جىلدىڭ الدىندا گانسۋ ولكەسىنەن 12 - پولكتىڭ 10 - روتاسىنا جۇمىس ىستەۋگە كەلىپتى. ءىس تۋىلعان كۇنى كەشتە دۋ جۇنحۇڭ بالاسىن قۇتقارعان 3 ستۋدەنتتىڭ تەلەفون ءنومىرىن سۇراستىرىپ ءجۇرىپ تاۋىپ الادى.
«بالامنىڭ جانىن الىپ قالعاندارىڭا راقىمەت، سەندەرگە داستارقان جايىپ، راقىمەت ايتسام دەيمىن». دۋ جۇنحۇڭ ستۋدەنتتەرگە تەلەفون جالعاپ، شىن نيەتىمەن اسقا ۇسىنىس ەتكەندە، ولار: از ۇلتتار مەن حانزۋلار ءبىر شاڭىراقتىڭ ادامى، بالانى قۇتقارۋ ىستەۋگە ءتيىستى ءىسىمىز، - دەپ جاۋاپ قايتاردى.
29 - مامىردا دۋ جۇنحۇڭ موتوتسيكلمەن مەكتەپكە كەلىپ 3 وقۋشىمەن ارنايى كەزدەسەدى. 4 كۇننەن كەيىن ءبىر ءۇيلى جان ۇكىلى تۋ مەن العىس حاتتى الىپ، مەكتەپكە تاعى دا العىس ايتا كەلەدى. ۇكىلى تۋعا: «ادىلەت جولىندا ايانبادى، ادامگەرشىلىك اسىل قاسيەت» دەپ جازىلىپتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
