- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
سىرتقى دۇنيەنىڭ شينجياڭ جونىندەگى اڭىسىنا اشىق جاۋاپ بەردى
2016.06.06 13:05 كەلۋ قاينارى : شينجياڭ گازەتى
«<شينجياڭداعى ءدىني سەنىم ەركىندىگى جاعدايى> اتتى اق تىستى كىتاپتىڭ جاريالانۋى دۇنيە جۇزىنە شينجياڭنىڭ ناقتى جاعدايىن ايگىلەپ، سىرتقى دۇنيەنىڭ شينجياڭ جونىندەگى اڭىسىنا اشىق جاۋاپ بەردى!»، - دەيدى ورتالىق تەلەۆيزياسى اقپارات ورتالىعىنىڭ ءتىلشىسى گاۋ لەي.
2 - ماۋسىم كۇنى مەملەكەتتىك كەڭەستىڭ اقپارات كەڭسەسى «شينجياڭداعى ءدىني سەنىم ەركىندىگى جاعدايى» اتتى اق تىستى كىتاپتى جاريالاۋمەن بىرگە، اقپار جاريالاۋ ءماجىلىسىن اشىپ، اق تىستى كىتاپتىڭ باستى مازمۇنى جانە شينجياڭداعى ءدىني سەنىم ەركىندىگى سياقتى جاقتارداعى جاعدايدى تانىستىردى. بۇل ەلىمىزدىڭ تۇڭعىش رەت شينجياڭنىڭ ءدىن ىستەرىن باستى تاقىرىپ ەتىپ جاريالاعان اق تىستى كىتابى، سونداي - اق بۇل شينجياڭ ماسەلەسىنىڭ كەڭ كولەمدە نازارعا الىنىپ وتىرعاندىعىن ءتۇسىندىرىپ، ورتالىقتىڭ شينجياڭعا كوڭىل بولگەنىن تولىق ايگىلەدى.
ورتالىق تەلەۆيزياسى، ورتالىق حالىق راديو ستانسياسى، جۇڭگو حالىقارالىق راديو ستانسياسى، جۇڭگو تورابى، مەملەكەت اقپاراتى تورابى باستاعان اقپارات قۇرالدارى سول كۇنگى اقپار جاريالاۋ ءماجىلىسىن ۇستىنەن تاراتتى ءارى اقپار جاريالاۋ ءماجىلىسىنىڭ جوعارى ولشەمىن جاريا ەتىپ، شينجياڭنىڭ اشىق پوزيتسياسى مەن دامۋداعى سەنىمىن دە ايگىلەدى.
اقپار جاريالاۋ ءماجىلىسى ساعات 10دا رەسمي باستالدى. مەملەكەتتىك كەڭەس اقپارات كەڭسەسىنىڭ اقپارات مالىمدەمەشىسى شي يانچۇن مەن اۆتونوميالى رايوندىق پارتكومنىڭ تۇراقتى مۇشەسى شاۋكەت يمىن اق تىستى كىتاپتىڭ باستى مازمۇنىن قىسقاشا تانىستىرعاننان كەيىن، قالعان ۋاقىتتى تىلشىلەرگە بەردى، تىلشىلەر بىرىنەن سوڭ ءبىرى سۇراۋ قويدى.
جۇڭگو ۇكىمەتىنىڭ مۇسىلمانداردىڭ ورازا ايى قارساڭىنا تۋرالاپ «شينجياڭداعى ءدىني سەنىم ەركىندىگى جاعدايى» اتتى اق تىستى كىتاپتى جاريالاۋىندا نەندەي ەرەكشە ويى بار؟ كوپشىلىكتىڭ ەڭ كوڭىل بولەتىن ماسەلەسى جونىندە اۆتونوميالى رايوندىق ۇلت ىستەر كوميتەتىنىڭ (ءدىن ىستەرى مەكەمەسى) مەڭگەرۋشىسى (مەكەمە باستىعى) تۇرعان پيدا بىلاي دەدى: قازىر شينجياڭنىڭ دامۋ تەبىنى وتە تاماشا، قوعامدىق جالپى جاعدايى ورنىقتى، ءار ۇلت بۇقاراسى تاتۋ - ءتاتتى، جاراسىمدى تۇرمىس كەشىرىپ جاتىر، بارلىعى دا ءدىني سەنىم ەركىندىگى جونىندەگى ۇقىقتان تولىق يگىلىكتەنۋدە. بيىل ءساۋىر ايىندا مەملەكەتتىك ءدىن قىزمەتى ءماجىلىسى بەيجيڭدە اشىلىپ، جاڭا جاعدايداعى ەلىمىزدىڭ ءدىن قىزمەتى جونىندە جان - جاقتى ورنالاستىرۋلار جاسالدى. شينجياڭنىڭ ءدىن قىزمەتى دە جاڭا تاريحي كەزەڭگە اياق باستى. «شينجياڭداعى ءدىني سەنىم ەركىندىگى جاعدايى» اتتى اق تىستى كىتاپتى جاريالاۋ دۇنيە جۇزىنە شينجياڭنىڭ ءدىن ەركىندىگى جاعدايىن ناقتى كورسەتىپ، كوپشىلىككە شينجياڭنىڭ ناقتى جاعدايىن تۇسىنۋىنە مۇمكىندىك جاساۋدى ماقسات ەتتى.
شينجياڭداعى ءدىني سەنىم ەركىندىگىنە قالاي قۇرمەت ەتۋ جانە ونى قالاي قورعاۋ ماسەلەسى دە ەل ءىشى - سىرتىنداعى اقپارات قۇرالدارى نازار اۋدارعان تۇيىنگە اينالدى.
تۇرعان پيدا بىلاي دەدى: ءبىز ازاماتتاردىڭ دىنگە دەگەن سۇيىسپەنشىلىگىنە، سەنىم قاجەتىنە تولىق قۇرمەت ەتتىك، مىسالى، ورازا ايى كەزىندە قىزمەت وتەۋدى قامتاماسىزداندىرىپ، ازاماتتاردىڭ اۋىز اشۋ سياقتى ءدىني قيمىلدارىنىڭ ءتارتىپتى جۇرىلۋىنە كەپىلدىك ەتتىك. مۇسىلمان اسحانالاردى ورازا ايىندا اشۋدى نەمەسە جابۋدى اسحانا قوجايىنى ءوزى بەلگىلەدى. بىلتىر 3 - شىلدە كۇنى، ياعني ورازا ايىندا حوتان ايماعىنىڭ گۇما اۋدانىندا 5.6 بال جەر سىلكىندى، شينجياڭ ۇكىمەتى اپاتتان قۇتقارۋ قىزمەتىن بەلسەنە جاقسى ىستەۋمەن بىرگە، ۋاقىتتىق ءدىني قيمىل ورنىن دەر كەزىندە قۇرىپ، اپاتقا ۇشىراعان وڭىردەگى دىنگە سەنەتىن ازاماتتاردىڭ قالىپتى ءدىني قيمىلىن قامتاماسىز ەتتى. بىلتىر شينجياڭداعى پارتيا، ۇكىمەت ورىندارىنىڭ نەگىزگى باسشىلارى شينجياڭداعى ءىسلام ءدىنى قايراتكەرلەرىمەن، ءار ۇلت مۇسىلماندارىنىڭ ۋاكىلدەرىمەن بىرگە اۋىز اشىپ، ورازا ايتتى بىرگە وتكىزىپ، قوعامداعى ءار سالانىڭ نازارىن كەڭ كولەمدە اۋداردى جانە جاقسى باعاعا يە بولدى.
شاۋكەت يمىن بىلاي دەدى: شينجياڭدا قالىپتى ءدىني قيمىلدار زاڭنىڭ قورعاۋىندا بولدى. 1996 - جىلدان بەرى شينجياڭ جىل سايىن ۇشاق جالداپ مۇسىلمان قاۋىمدى مەككەگە قاجىشىلاۋعا اپارىپ، قىزمەتكەرلەر ورنالاستىرىپ، ازىق - تۇلىك، ەمدەۋ - دەنساۋلىق ساقتاۋ، قاتىناس، جاتاق، جول باستاۋشى، اۋدارماشى سياقتى جاقتاردا قامتاماسىز ەتىپ كەلەدى.
اۆتونوميالى رايوننىڭ ورىنباسار ءتوراعاسى جاروللا يسامىدىن بىلاي دەدى: شينجياڭدا ازاماتتاردىڭ عۇرىپ - ادەتىنە تولىق قۇرمەت ەتىلدى. «شينجياڭ ۇيعۇر اۆتونوميالى رايونىنىڭ مۇسىلمانشا ازىق - تۇلىك ەرەجەسى» مۇسىلمانشا ازىقتانۋ عۇرىپ - ادەتىن ۇستانعان ازاماتتاردىڭ زاڭدى ۇقىق - مۇددەسىن زاڭدىق تاسىلمەن قورعادى...
ورتالىق تەلەۆيزياسى، جۇڭگو حالىقارالىق راديو ستانسياسى، رەيتەر اگەنتتىگى، «جۇڭگو گازەتى» مەكەمەسى، شياڭگاڭ سىمدى تەلەۆيزياسى، «شياڭگاڭ ادىلەت گازەتى» مەكەمەسىنىڭ تىلشىلەرى ىركەس - تىركەس سۇراۋ قويدى، ەل ءىشى - سىرتىنداعى اقپارات قۇرالدارى تىلشىلەرىنىڭ سۇراۋلارىنا 3 مالىمدەمەشى بايىپتىلىقپەن جاندى فاكت، ناقتى ساندى مالىمەت ارقىلى نانىمدى جاۋاپ بەردى.
رەيتەر اگەنتتىگى ءتىلشىسىنىڭ شينجياڭداعى از ۇلتتار كاسىپتەنۋدە قاقپايلاۋشىلىققا ۇشىراي ما؟ دەگەن سۇراۋىنا شاۋكەت يمىن ءوزىنىڭ جانە بالالارىنىڭ وقىپ ءبىلىم الۋ، كاسىپتەنۋ كەشىرمەلەرى ارقىلى جاۋاپ قايتاردى.
قىسقا عانا ءبىر ساعاتتىق اقپار جاريالاۋ ءماجىلىسىندە شينجياڭنىڭ ەكونوميكالىق، قوعامدىق دامۋىنداعى مىزعىماس سەنىمى، ۇلتتىق تەرريتوريالى اۆتونوميا ءتۇزىمىن جاپپاي تياناقتاندىرۋ، ءدىني سەنىم ەركىندىگى ساياساتىن دايەكتى اتقارۋ، ءدىن ىستەرىن باسقارۋ جونىندەگى زاڭداردى، زاڭ - ەرەجەلەردى ۇزدىكسىز كەمەلدەندىرۋ سەنىمى، سونداي - اق دامۋ جونىندە ۇستانعان اشىق پوزيتسياسى تولىق ايگىلەندى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
