- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۆتونوميالى رايون بەينە ەكران ءماجىلىسىن اشىپ، قازىرگى قىزمەتتەر جونىندە ورنالاستىرۋ جاسادى
2016.06.06 13:09 كەلۋ قاينارى : شينجياڭ گازەتى
اۆتونوميالى رايون 3 - ماۋسىم تۇستەن بۇرىن بەينە ەكران ءماجىلىسىن اشىپ، قازىرگى قىزمەتتەر جونىندە ورنالاستىرۋ جاسادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ماجىلىسكە قاتىناستى ءارى ءسوز سويلەدى. ول ەكونوميكالىق قىزمەتتەر جونىندە ورنالاستىرۋ جاساعاندا بىلاي دەپ باسا دارىپتەدى: ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ قازىنا - ەكونوميكا قىزمەتىنە باسشىلىق ەتۋ گرۋپپاسى ءماجىلىسىنىڭ رۋحىن مۇقيات دايەكتىلەندىرىپ، قامداۋ جاعىنداعى قۇرىلىمدىق رەفورمانى كورنەكتى تۇردە مىقتى يگەرىپ، بۇكىل اۆتونوميالى رايون ەكونوميكاسىنىڭ باياندى، اقاۋسىز دامۋىن العا ىلگەرىلەتۋىمىز كەرەك.
بيىل اۆتونوميالى رايونداعى ءار دارەجەلى پارتكوم مەن حالىق ۇكىمەتى باس شۋجي شي جينپيڭنىڭ ءبىرسىپىرا ماڭىزدى ءسوزىنىڭ رۋحى مەن پارتيا ورتالىق كوميتەتىنىڭ تالابىن مۇقيات تياناقتاندىرىپ، «جاڭا قالىپقا ۇيلەسىپ، جاڭا ناتيجەنى ايگىلەيىك» اتىنداعى جەلىلەس قيمىلدى قانات جايدىرىپ، 60 ءتۇرلى شارانى دەر كەزىندە العا قويدى. الدىڭعى 4 ايدا ەكونوميكا ورنىقتى اينالىم جاساپ، اي سايىن بىرتىندەپ جاقسارىپ، كوپتەگەن كاسىپ سالالارىندا ارتۋ بەتالىسى بايقالىپ، بۇكىل جىلدىق قىزمەتكە تاماشا نەگىز قالاندى.
جاڭ چۇنشيان قازىرگى قىزمەتتەردى تىڭعىلىقتى جاقسى ىستەۋ جونىنەن مىناداي 6 ءتۇرلى تالاپتى العا قويدى:
ءبىرىنشى، ورنىقتىلىق پەن ەكونوميكالىق قىزمەتتى ءبىر تۇتاس ورنالاستىرىپ، جاپپاي يگەرۋ، تىڭعىلىقتى جاقسى ىستەۋ كەرەك. قوعامنىڭ ورنىقتىلىعى مەن باياندى تىنىشتىعىن مىقتاپ ارقاۋ ەتە وتىرىپ دامۋدى يگەرىپ، ەكونوميكالىق دامۋدى ورنىقتىلىق قىزمەتىمەن ورگانيكالى ۇشتاستىرىپ، ورنىقتىلىق پەن دامۋدى ءبىر تۇتاس ورنالاستىرۋ، جاپپاي يگەرۋ قابىلەتىن شىنايى كۇشەيتۋ كەرەك. پارتيا مەن ۇكىمەتتىڭ 1 - باسشىسى ەكونوميكالىق قىزمەتكە كوڭىل ءبولۋى، ەكونوميكالىق قىزمەتكە زەرتتەۋ جۇرگىزۋى، باستى ەكونوميكالىق كورسەتكىشتەر مەن ءتۇيىندى كاسىپ سالالارى، ءتۇيىندى كاسىپورىندار سياقتى جاعدايلاردى كوكەيگە انىق ءتۇيۋى، «وزىندىك ەسەبى بولۋى» كەرەك. ورنىقتىلىقتى قورعاۋ مەن ەكونوميكالىق دامۋدى ءار دارەجەلى پارتيا مەن ۇكىمەتتىڭ 1 - باسشىسىنىڭ باسشىلىق قىزمەت كولەمىنە يكەمدىلىكپەن ەنگىزۋ، وزەكتى قىزمەت پەن وزگە قىزمەتتىڭ اراسىنداعى قاتىناستى ءبىر جايلى ەتۋدىڭ قىر - سىرىن يگەرۋ، ءبىر تۇتاس ورنالاستىرىپ، جاپپاي يگەرۋدى ۇيرەنۋ، ءارقايسى جاقتارداعى قىزمەتتەرگە تەڭ ءمان بەرۋ، جالپى بەتتىك قىزمەتتى تىڭعىلىقتى جاقسى ىستەۋگە شەبەر بولۋمەن بىرگە، ءتۇيىندى ءداپ باسىپ ءدال يگەرۋگە، تۇرلىشە كەزەڭدەگى تۇرلىشە تۇيىندەردى يگەرۋگە شەبەر بولۋ، ءتۇيىندى قىزمەتتەر ارقىلى جالپى بەتتىك قىزمەتكە جەتەكشىلىك ەتۋ، قوزعاۋشىلىق جاساۋ كەرەك.
ەكىنشى، قامداۋ جاعىنداعى قۇرىلىمدىق رەفورمانى كورنەكتى تۇردە مىقتى يگەرۋ كەرەك. قامداۋ جاعىنداعى قۇرىلىمدىق رەفورمانى العا ىلگەرىلەتۋ پارتيا ورتالىق كوميتەتىنىڭ دۇنيە ءجۇزىنىڭ ەكونوميكالىق دامۋ بەتالىسى مەن ەلىمىزدىڭ ەكونوميكالىق دامۋىنداعى جاڭا قالىبىنا جان - جاقتى تۇجىرىم جاساۋ نەگىزىندە العا قويعان كەلەلى شەشىمى. پارتيا ورتالىق كوميتەتىنىڭ رۋحىن تەرەڭ باعامداۋ، ونىڭ ءتۇبىرلى ماقساتىنىڭ قامداۋ ساپاسىن جوعارىلاتىپ، قاجەتتى قاناعاتتاندىرۋ ەكەنىن، نەگىزگى شايقاس بەتالىسىنىڭ ناتيجەسىز قامداۋدى ازايتىپ، ءونىمدى قامداۋدى ارتتىرۋ ەكەنىن، سيپاتى جاعىنان العاندا رەفورمانى تەرەڭدەتۋگە جاتاتىندىعىن ءداپ باسىپ يگەرۋ كەرەك. بازار مەن ۇكىمەتتىڭ رولىن ويداعىداي ساۋلەلەندىرۋ، قاجەتتەن اسىپ قالعان ءوندىرىس قۋاتىن ءبىر جايلى ەتۋ بارىسىندا تاماشا بازار ورتاسىن ازىرلەۋگە كوڭىل ءبولۋ، قالىپتى بازار مەحانيزمىن بىرتىندەپ ورناتۋ كەرەك. ۇكىمەت جاۋاپكەرشىلىكتى باتىلدىقپەن ارقالاپ، اۆتونوميالى رايون بۇكىل شينجياڭدى ۇيىمداستىرۋعا، سايكەستىرۋگە جاۋاپتى بولۋى، ايماق، اۋدان ەكى دارەجەلى ورىن تياناقتاندىرۋ جاۋاپكەرشىلىگىن ۇستىنە الۋى ءتيىس. جەر - جەر، تاراۋلار يدەيا مەن ارەكەتتى پارتيا ورتالىق كوميتەتىنىڭ شەشىمىمەن، ورنالاستىرۋىمەن بىرلىككە كەلتىرۋى كەرەك. جۇك اۋىر دەپ توسىپ وتىرۋعا، قيىنشىلىق كوپ دەپ ىسكە كىرىسپەي قويۋعا، حاۋىپ - قاتەرى بار دەپ تايساقتاۋعا بولمايدى. ءسوز جوق، جەڭىسكە جەتۋ سەنىمىن ورناتۋ، قامداۋ جاعىنداعى قۇرىلىمدىق رەفورمانى بۇلجىتپاي العا ىلگەرىلەتۋ كەرەك.
ءۇشىنشى، كەزەكتەگى اسىپ قالعان ءوندىرىس قۋاتىن ازايتۋ ءىسىن كورنەكتى تۇردە مىقتى يگەرۋ كەرەك. مۇنداعى ءتۇيىن − بولات - تەمىر جانە كومىر. ساياسي جانە جالپى جاعداي تۇرعىسىنان تانىمدى جوعارىلاتۋ، پوزيتسيا باتىل، شارا پارمەندى بولۋ، قاجەتتەن اسىپ قالعان ءوندىرىس قۋاتىن ازايتۋ مىندەتىن بۇلجىتپاي ورىنداۋ كەرەك. سونىمەن بىرگە، قىزمەتكەرلەردى ورنالاستىرۋ سياقتى قىزمەتتەردى تىڭعىلىقتى جاقسى ىستەپ، ورنىقتىلىق قىزمەتىن بۇلجىتپاي مىقتى يگەرۋ كەرەك. ءتورتىنشى، فينانس ساياساتىن ءتۇسىنۋ، كەدەيلەردى فينانس جاعىنان سۇيەمەلدەۋ قىزمەتىن مىقتى يگەرۋ كەرەك. ءار دارەجەلى پارتكوم مەن ۇكىمەتتىڭ 1 - باسشىسى فينانسقا ءمان بەرۋى، فينانسقا زەرتتەۋ جۇرگىزۋى، مەملەكەت پەن اۆتونوميالى رايون العا قويعان فينانس ساياساتتارىن ۇيرەنۋى، ويداعىداي ءتۇسىنۋى، جەرگىلىكتى ورىننىڭ ءىس جۇزىندىگىمەن ۇشتاستىرىپ، وسى ساياساتتاردان ويداعىداي پايدالانۋى كەرەك. قارجى توپتاۋ قيىن بولۋ، وتە - موتە، ورتا، شاعىن، ميكرو كاسىپورىنداردىڭ قارجى توپتاۋى قيىن بولۋ ماسەلەسىن كۇش سالا شەشۋ، كەدەيلەردى فينانس جاعىنان سۇيەمەلدەۋدى ويداعىداي ۇيىمداستىرۋ، ساياساتتىڭ ناقتى تياناقتاندىرىلۋىنا شىنايى كەپىلدىك ەتۋ كەرەك.
بەسىنشى، بازارى، ونىمدىلىگى بار ونەركاسىپ ءوندىرىسى قىزمەتىن مىقتى يگەرۋگە كوڭىل ءبولۋ كەرەك. جەر - جەر، تاراۋلار ونەركاسىپ سىندى شەشۋشى ءتۇيىندى مىقتى يگەرۋى، ورىن تەپكەن ماسەلەلەردى كۇش سالا ءبىر جايلى ەتۋى، ونەركاسىپتىڭ اقاۋسىز دامۋىن جەبەۋى كەرەك. كولەمنەن جوعارى كاسىپورىن سىندى ءتۇيىندى مىقتى ۇستاۋ، ءار كاسىپورىنعا سايكەستى ساياسات بەلگىلەۋگە، دالمە - ءدال شارا قولدانۋعا تاباندى بولۋ، كومەسكى كۇشى، بولاشاعى بارلارىن ءوندىرىس كولەمىن كەڭەيتۋگە شابىتتاندىرۋ، ماسەلەسى بارلاردىڭ ماسەلەسىن تۇزەتۋىنە قولداۋ كورسەتۋ جانە كومەك بەرۋ كەرەك. «تەز ءونىم بەرەتىن» نىسانداردى مىقتى يگەرۋ، قولداۋ سيپاتتى ساياساتتاردان ويداعىداي پايدالانۋ، ونىڭ كاسىپتەنۋ مۇمكىندىگىن ارتتىرۋداعى، حالىق تۇرمىسىن جاقسارتۋداعى ماڭىزدى رولىن ساۋلەلەندىرۋ كەرەك. جاقسى ورتا ازىرلەۋ، كاسىپورىندارمەن ىشكەرىلەي بايلانىس ورناتىپ، كاسىپورىنشىلارمەن بۇكپەسىز، شىنايى بارىس - كەلىس جاساپ، «ۇستالىق رۋحتى» ساۋلەلەندىرىپ، كاسىپورىنداردىڭ كەز بولعان ءىس جۇزىندىك قيىنشىلىقتاردى شەشۋىنە كومەكتەسۋ كەرەك.
التىنشى، شينجياڭدى زاڭ بويىنشا جونگە سالۋعا تاباندى بولۋ كەرەك. شينجياڭدى زاڭ بويىنشا جونگە سالۋ شينجياڭدى جونگە سالۋداعى نەگىزدىك تاكتيكا، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدىڭ تابيعي تالابى، سونداي - اق بيلىك جۇرگىزۋ ارەكەتىن ارناعا ءتۇسىرۋدىڭ، تاماشا ەكونوميكالىق ورتا ازىرلەۋدىڭ قاجەتى. «پارتيا ۋستاۆىن، پارتيا قاعيداسىن ۇيرەنۋ، جەلىلەس سوزدەردى ۇيرەنۋ، تولىمدى پارتيا مۇشەسى بولۋ» ۇيرەنۋ تاربيەسىمەن ۇشتاستىرىپ، پارتيا ۋستاۆىن، پارتيا قاعيداسىن ىشكەرىلەي ۇيرەنۋ، نەگىزگى زاڭ مەن ءىس جۇزىندىك قىزمەتتە ۇنەمى ىستەتەتىن زاڭداردى ۇيرەنۋ، شينجياڭدى زاڭ بويىنشا جونگە سالۋ سانالىلىعىن ارتتىرۋ، شينجياڭدى زاڭ بويىنشا جونگە سالۋ قابىلەتى مەن ورەسىن جوعارىلاتۋ كەرەك.
جاڭ چۇنشيان بىلاي دەپ اتاپ كورسەتتى: كەدەيلىكتەن قۇتىلدىرىپ، شەكارانى بەكەمدەۋ قىزمەتىن تىڭعىلىقتى جاقسى ىستەۋ كەرەك. شينجياڭنىڭ شەكارا لەنياسىنىڭ ۇزىندىعى 5700 كيلومەتردەن اسادى، شەكارا وڭىرلەردە كەدەيلەردى سۇيەمەلدەۋ، كەدەيلىكتەن قۇتىلدىرىپ، شەكارانى بەكەمدەۋ ءبىز ءدوپ كەلىپ وتىرعان كورنەكتى مىندەت سانالادى. ءبىر جاعىنان، شەكاراداعى حالىقتىڭ ءوندىرىس، تۇرمىس شارت - جاعدايىن جاقسارتۋ، شەكاراداعى حالىقتىڭ شەكارا قورعاۋداعى، شەكارانى بەكەمدەۋدەگى ماڭىزدى رولىن تولىق ساۋلەلەندىرۋ كەرەك؛ ەندى ءبىر جاعىنان، ادام كۇشىنە، زاتتىق كۇشكە، تەحنيكالىق كۇشكە سۇيەنىپ ساقتانۋدى ءوزارا ۇشتاستىرىپ، شەكارانى جان - جاقتى باسقارۋ - مەڭگەرۋ قابىلەتىن جوعارىلاتىپ، شەكارانىڭ حاۋىپسىزدىگىنە، ورنىقتىلىعىنا شىنايى كەپىلدىك ەتۋ كەرەك.
اۆتونوميالى رايون باسشىلارىنان شوكىرات زاكىر، چى جۇن، سۇن جينلۇڭ، جۋ حايلۇن، حۋاڭ ۋي، شيۇڭ شۋانگو، عانيبات سابىكەي ۇلى، لي شۋەجۇن، ەركىن تۇنياز، ما شۋەجۇن، پىڭ جيارۇي قاتارلىلار نەگىزگى ءماجىلىس ورنىندا ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
