بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايوندىق ساياسي كەڭەس ايلىق كەڭەس ءماجىلىسىن اشتى

2016.06.06 13:11     كەلۋ قاينارى : شينجياڭ گازەتى

  3 - ماۋسىم تۇستەن بۇرىن اۆتونوميالى رايوندىق ساياسي كەڭەس ايلىق كەڭەس ءماجىلىسىن اشىپ، «اۆتوكولىكتەردىڭ كەرەكسىز قورعاسىن قىشقىلدى اككۋمۋلياتورلاردىڭ لاستاۋىن وڭاۋ جانە ونى جيىپ الىپ قايتا پايدالانۋ» جونىندە كەڭەس وتكىزدى. اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى ءماجىلىستى باسقاردى ءارى ءسوز سويلەدى.

  ماجىلىستە اۆتونوميالى رايوندىق ساياسي كەڭەستىڭ مۇشەسى، اۆتونوميالى رايوندىق ساياسي كەڭەستىڭ ورىنباسار باس حاتشىسى ساۋ شينحۋا «اۆتونوميالى رايونىمىزدىڭ اۆتوكولىككە پايدالانىلعان كەرەكسىز قورعاسىن قىشقىلدى اككۋمۋلياتورلاردىڭ لاستاۋىن وڭاۋ جانە ونى جيىپ الىپ قايتا پايدالانۋ» جونىندە باعدارلامالىق ءسوز سويلەدى. جياڭ پيڭان، جياڭ گۋاڭحۇي، لي انمين، جاڭ شاۋيۇن، لي چۇانشين، لي جۇنجۇن قاتارلى ساياسي كەڭەس مۇشەلەرى، قاتىستى تاراۋلاردىڭ جاۋاپتىلارى، نەگىزگى ساتى ۋاكىلدەرى لەبىز ءبىلدىردى. اۆتونوميالى رايوندىق قورشاعان ورتانى قورعاۋ مەڭگەرمەسىنىڭ قاتىستى جاۋاپتىسى كوپشىلىكتىڭ پىكىر - ۇسىنىسى جونىندە اڭىس قايتارىپ، جاۋاپ بەردى.

  ماجىلىستە سويلەگەندەردىڭ ءسوزىن تىڭداعان سوڭ، نۇرلان ءابىلماجىن ۇلى مىنالاردى اتاپ كورسەتتى: كەرەكسىز قورعاسىن قىشقىلدى اككۋمۋلياتوردى جيىپ الىپ قايتا پايدالانۋدى كۇشەيتۋ ەكولوگيالىق ورتانى قورعاۋ، اۋىر مەتالدىڭ لاستاۋىنان ساقتانۋ، تازا شينجياڭ قىزمەت نىساناسىن جۇزەگە اسىرۋدىڭ ماڭىزدى جاعى، كەرەكسىز قورعاسىن قىشقىلدى اككۋمۋلياتوردىڭ لاستاۋىن وڭاۋ جانە ونى جيىپ الىپ قايتا پايدالانۋدى ىلگەرىلەتۋدى ەكولوگيالىق ورتانى قورعاۋ قۇرىلىسىنىڭ ماڭىزدى مازمۇنى، تازا شينجياڭ قۇرىلىسى قىزمەتتەرىنىڭ ءبىرى رەتىندە قاراپ، شىنايى اتقارۋعا بولاتىن شارا ۇسىنىستارىن كوبىرەك ورتاعا قويىپ، تازا شينجياڭ قۇرىلىسى ءۇشىن كوبىرەك ۇلەس قوسۋىمىز كەرەك.

  نۇرلان ءابىلماجىن ۇلى مىنالاردى باسا دارىپتەدى: كەرەكسىز قورعاسىن قىشقىلدى اككۋمۋلياتوردىڭ لاستاۋىن وڭاۋ جانە ونى جيىپ الىپ قايتا پايدالانۋدى ىلگەرىلەتۋدە كەشەندى شارا قولدانۋ، جان - جاقتى ءادىس - امالداردى قاتار ىسكە قوسۋعا تاباندى بولۋ كەرەك. زاڭ اتقارۋدى باقىلاۋ رولىن كورنەكتىلەندىرۋگە كوڭىل ءبولىپ، زاڭ شىعارۋدى، زاڭ اتقارۋدى كۇشەيتۋ ارقىلى جاۋاپكەرشىلىك ءبولىسىن ايقىنداۋ، سونداي - اق ارناۋلى تۇردە باقىلاۋ - باسقارۋدى كۇشەيتىپ، كەرەكسىز قورعاسىن قىشقىلدى اككۋمۋلياتوردىڭ قاتەرىن ەڭ تومەنگى شەككە ءتۇسىرۋ؛ ساياسات، تەحنيكا، كرەديتتىك نەسيە سياقتى جاقتاردان قاتىستى كاسىپورىنداردى قولداۋ سەرپىنىن كۇشەيتىپ، ەكونوميكالىق ساياسات جاعىندا جەڭىلدىك بەرۋ؛ كەرەكسىز قورعاسىن قىشقىلدى اككۋمۋلياتورلاردى جيىپ الۋ جۇيەسىن كەمەلدەندىرىپ، ءوندىرىس كاسىپورىندارىنىڭ، ساتۋ كاسىپورىندارىنىڭ، ارنايى جيىپ الۋشى كاسىپورىنداردىڭ جانە قورعاسىندى قايتا ءوندىرۋشى كاسىپورىنداردىڭ جيىپ الۋ جەلىسىن بىرگە قۇرۋىنا قولداۋ كورسەتىپ، جيىپ الۋ جۇيەسىنىڭ جۇيەلى جۇرگىزىلۋىن جەبەۋ؛ قولدانىلمالى جاڭا تەحنيكالاردى جالپىلاستىرۋدى جەدەلدەتىپ، ۇكىمەت تاراۋلارى مەن كاسىپورىندار كۇش سالا سەلبەسىپ، ءوزارا سايكەسىپ، رۇقسات بەرۋ شەگىن جوعارىلاتىپ، كاسىپورىنداردىڭ بۇرىلىس جاساۋ، جاڭالاۋ، جاسىل دامۋ، اينالمالى دامۋ جولىمەن ءجۇرۋىن ىلگەرىلەتىپ، قورعاسىن قىشقىلدى اككۋمۋلياتوردى ولشەمدى ءوندىرۋدى، ءتارتىپتى تۇردە جيىپ الۋدى، ۇيلەسىمدى قايتا پايدالانۋدى جۇزەگە اسىرۋ كەرەك. الەۋمەتتىڭ قورشاعان ورتا حاۋىپسىزدىگى تانىمىن جوعارىلاتۋعا كوڭىل ءبولىپ، الەۋمەتتىڭ كەرەكسىز اككۋمۋلياتوردى كەلسە - كەلمەس تاستاي سالۋ جانە ءبىر جاقتى ەتۋدىڭ ەكولوگيالىق ورتاعا جانە ءوز دەنساۋلىعىنا توندىرەتىن قاتەرىن تەرەڭ تانۋىنا، ءتىپتى دە سانالى، ىرىقتى تۇردە كەرەكسىز اككۋمۋلياتورلاردى جيىپ الۋىنا مۇمكىندىك جاساۋ كەرەك.

  اۆتونوميالى رايوندىق ساياسي كەڭەستىڭ ورىنباسار ءتوراعالارى ريزۋان ابەي، ليۋ جىيۇڭ، گۇلشات ءابدىقادىر ماجىلىسكە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.