- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ مەن گۋاڭدۇڭ كاسىپ سالاسى بويىنشا شينجياڭعا كومەكتەسۋ قىزمەتىن كۇشەيتۋ جونىندەگى سەلبەستىك كەلىسىمىنە قول قويدى
گۋاڭدۇڭ كاسىپورىندارى شينجياڭعا 100 ميلليارد يۋان قارجى سالىپ، 120 مىڭ ادامنىڭ كاسىپتەنۋىن جەبەيدى
جاڭ چۇنشيان، جۋ شياۋدان باعىتتامالى كومەكتەسۋ قىزمەتى جونىندەگى اڭگىمە ماجىلىسكە قاتىناستى ءارى ءسوز سويلەدى
ياۋ تۇڭ
2016.06.06 14:34 كەلۋ قاينارى : شينجياڭ گازەتى
ءتىلشىمىز ياۋ تۇڭ 5 - ماۋسىمدا ۇرىمجىدەن حابارلايدى. شينجياڭ − گۋاڭدۇڭ باعىتتامالى كومەك قىزمەتى جونىندەگى اڭگىمە ءماجىلىس جانە شينجياڭعا كاسىپ سالاسى بويىنشا كومەكتەسۋ سەلبەستىك كەلىسىمىنە قول قويۋ مۇراسىمى 5 - ماۋسىم تۇستەن كەيىن ۇرىمجىدە وتكىزىلدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى ساياسي كوميسسارى جاڭ چۇنشيان، گۋاڭدۇڭ ولكەلىك پارتكومنىڭ ورىنباسار شۋجيى، گۋاڭدۇڭ ولكەسىنىڭ باستىعى جۋ شياۋدان ماجىلىسكە قاتىناستى ءارى ءسوز سويلەدى.
شينجياڭعا باعىتتامالى كومەكتەسۋدىڭ جاڭا كەزەكتى قىزمەتى باستالعاننان بەرى، گۋاڭدۇڭ ولكەلىك پارتكوم مەن حالىق ۇكىمەتى شينجياڭعا كومەكتەسۋ قىزمەتىنە ايرىقشا ءمان بەرىپ، ورتالىقتىڭ ورنالاستىرۋىن ىشكەرىلەي تياناقتاندىرىپ، شينجياڭعا كومەكتەسۋگە 10 ميلليارد يۋاننان كوبىرەك قاراجات ورنالاستىرىپ، 240تان اسا نىسان اتقاردى.
جاڭ چۇنشيان بىلاي دەدى: گۋاڭدۇڭ ولكەلىك پارتكوم مەن ولكەلىك ۇكىمەت شينجياڭعا باعىتتامالى كومەكتەسۋ قىزمەتىنە باسا ءمان بەرىپ، شىن يگەرىپ، شىنايى ىستەپ، دالمە - ءدال كۇش سالدى، گۋاڭدۇڭ «قارقىنى»، گۋاڭدۇڭ «ويى»، گۋاڭدۇڭ «ۇلگىسى» شينجياڭعا باعىتتامالى كومەكتەسۋ قىزمەتىنىڭ ءاربىر بۋىنىمەن تەرەڭ ساباقتاسىپ جاتتى؛ كومەككە كەلگەن كادرلار جالپىلىق ساپاسى جوعارى، جاۋىنگەرلىك قابىلەتى كۇشتى، جاڭا ورتاعا ۇيلەسۋى تەز بولعاندىقتان، ءار ۇلت كادر - جۇرتشىلىعىنىڭ القاۋىن الدى.
جاڭ چۇنشيان بىلاي دەدى: «13 - بەسجىلدىق» كەزىندە، شينجياڭ مەن گۋاڭدۇڭ تىزە قوسا العا باسىپ، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى مەن شينجياڭعا باعىتتامالى كومەكتەسۋ قىزمەتى جونىندەگى 5 - رەتكى مەملەكەتتىك ءماجىلىستىڭ رۋحىن ويداعىداي تياناقتاندىرىپ، قوعام ورنىقتىلىعى مەن باياندى تىنىشتىقتىڭ باس نىساناسىن ارقاۋ ەتىپ، 5 ۇلكەن دامۋ يدەياسىنا تاباندى بولىپ، جىبەك جولى ەكونوميكالىق بەلدەۋىنىڭ وزەكتى رايونى قۇرىلىسىن جەدەلدەتىپ، شينجياڭعا باعىتتامالى كومەكتەسۋ قىزمەتىنىڭ جانە شينجياڭ مەن گۋاڭدۇڭ سەلبەستىگىنىڭ تىڭ بيىككە كوتەرىلۋىن بىرگە ىلگەرىلەتەدى.
جاڭ چۇنشيان شينجياڭعا كومەكتەسۋ قىزمەتىن جاقسى ىستەۋ تۋراسىندا 5 ءتۇرلى پىكىر ايتتى:
ءبىرىنشى، شينجياڭعا كاسىپ سالاسى بويىنشا كومەكتەسۋ سەلبەستىگىن ويداعىداي تياناقتاندىرىپ، كاسىپتەندىرۋدى ونەركاسىپ ارقىلى ىلگەرىلەتۋ كەرەك. 8 ماڭىزدى كاسىپ سالاسىن ارقاۋ ەتىپ، كاسىپ سالاسى تۇعىر قۇرىلىسى مەن ماڭىزدى نىسانداردىڭ جۇمىس باستاۋىن جەدەلدەتىپ، ەرتەرەك ءونىم بەرۋىنە كەپىلدىك ەتىپ، ءتىپتى، كوپ بۇقارانىڭ ءوز جەرىندە، جاقىن ماڭايدان كاسىپتەنۋىنە مۇمكىندىك تۋدىرۋ كەرەك.
ەكىنشى، حالىق تۇرمىسىن قامتاماسىز ەتۋ مەن جاقسارتۋدى جانە كەدەيلىك ماسەلەسىن شەشۋدى كورنەكتى ورىنعا قويۋ كەرەك. نەگىزگى ساتىعا، حالىق تۇرمىسىنا، ماڭىزدى جەرلەرگە، كەدەي قىستاقتار مەن كەدەي جانۇيالارعا بەيىمدەلۋگە تاباندى بولىپ، حالىق تۇرمىسى نىساندارىن تاباندىلىقپەن اتقارا بەرۋ كەرەك. كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ تەبىنىن ارتتىرىپ، قىستاقتارعا قانات جازىپ، جانۇيالارعا جىلۋ توگەتىن «ميكرو كومەك» نىساندارىن كوبىرەك ورنالاستىرىپ، كەدەي، مۇقتاج جاندار تاپ بولعان ەلەۋلى قيىنشىلىقتاردى شەشۋگە كۇش سالۋ قاجەت.
ءۇشىنشى، جاڭالىق اشۋدى دامۋدىڭ نەگىزى ەتىپ، ۇزاق مەرزىمدى باسەكەلىك قابىلەتتى جوعارىلاتۋ كەرەك. شينجياڭ مەن گۋاڭدۇڭ جاڭالىق اشۋ جاعىنداعى سەلبەستىكتى ونان سايىن كۇشەيتىپ جانە تەرەڭدەتىپ، شينجياڭنىڭ جوعارى باستاما، جوعارى ولشەم، جوعارى دەڭگەيمەن دامۋىنا قولداۋ كورسەتۋى ءتيىس.
ءتورتىنشى، ەسىك اشۋ سەلبەستىگىن تەرەڭدەتىپ، «ءبىر بەلدەۋ، ءبىر جول» قۇرىلىسىن بىرگە ىلگەرىلەتۋى كەرەك. گۋاڭدۇڭنىڭ كاسىپ، قاراجات، تەحنولوگيا، باسقارۋ ارتىقشىلىقتارىن شينجياڭنىڭ، قاشقاردىڭ ەرەكشە ارتىقشىلىقتارىمەن ۇشتاستىرىپ، توڭىرەككە باعىتتالعان يمپورت - ەكسپورتتىق وڭدەۋ ونەركاسىبىن دامىتىپ، ىرگەلەس ەلدەردىڭ جاعدايىنا قانىق شينجياڭ كاسىپورىندارىنىڭ ارتىقشىلىعىن ساۋلەلەندىرىپ، قاتار «سىرتقا بەتتەپ»، «ءبىر بەلدەۋ، ءبىر جول» جانە جۇڭگو - پاكيستان ەكونوميكالىق ءدالىزى قۇرىلىستارىن بىرگە ىلگەرىلەتۋ كەرەك.
بەسىنشى، ارالاسۋ، توعىسۋ، ىشتەسۋدى تەرەڭدەتىپ، لاڭكەستىككە قارسى تۇرىپ، ورنىقتىلىقتى قورعاۋ نەگىزدىك قۇرىلعى قۇرىلىستارىن كۇشەيتۋ كەرەك. شينجياڭعا كومەكتەسۋ نىساندارىنا مۇمكىندىگىنشە جەرگىلىكتى بۇقارانى، اسىرەسە، كەدەي جانۇيالارداعى ەڭبەككۇشتەردى تارتۋمەن قاتار، مادەنيەت بايلانىسى بويىنشا ءتۇرلى قيمىلداردى قانات جايدىرىپ، ءوزارا تۇسىنىكتى ارتتىرىپ، سۇيىسپەنشىلىكتى تەرەڭدەتىپ، ءار ۇلت جۇرتشىلىعىنىڭ «بەس تانىمىن» كۇشەيتۋ كەرەك. ارناۋلى تەحنيكالىق دارىندىلاردى شينجياڭعا كومەككە جىبەرۋدىڭ تەبىنىن ارتتىرىپ، ەمدەۋ، ءبىلىم بەرۋ سالاسىنداعى «ۇيىرمەلى» كومەكتىڭ اياسىن كەڭەيتۋ كەرەك. باستاۋىش ۇيىمداردىڭ شەپ قۇرىلىسىن ءبىر تۇتاس جوبالاپ، ويداعىداي جۇرگىزۋ قاجەت.
جۋ شياۋدان بىلاي دەدى: ورتالىق 2010 - جىلى شينجياڭعا باعىتتامالى كومەكتەسۋدىڭ جاڭا كەزەكتى قىزمەتىن باستاعاننان بەرى، گۋاڭدۇڭ ولكەلىك پارتكوم، ولكەلىك ۇكىمەت ورتالىقتىڭ ورنالاستىرۋى بويىنشا شينجياڭعا باعىتتامالى كومەكتەسۋ قىزمەتىن ماڭىزدى ساياسي مىندەت ەتىپ، «شينجياڭعا حالىق تۇرمىسى جاعىنان كومەكتەسۋدى باستاما، كاسىپ سالاسى مەن اقىل - پاراسات جاعىنان كومەكتەسۋدى قوس قانات ەتۋ» سىندى قىزمەت جاعدايىن تىعىز ارقاۋ ەتىپ، ءار جاقتىڭ كۇشىن كەڭ كولەمدە جۇمىلدىرىپ، ءتۇرلى كومەكتەسۋ قۇرىلىسى قىزمەتىن تىڭعىلىقتى ىستەپ، تاماشا ناتيجەگە قول جەتكىزدى.
جۋ شياۋدان مىنانى اتاپ كورسەتتى: شينجياڭعا باعىتتامالى كومەكتەسۋ قىزمەتى الدىڭعىلارعا مۇراگەر، كەيىنگىلەرگە بۇيداگەر بولاتىن شەشۋشى كەزەڭدە تۇر. گۋاڭدۇڭ جاڭا دامۋ يدەياسى ارقىلى شينجياڭعا كومەكتەسۋ قىزمەتىنە جەتەكشىلىك ەتۋگە، شينجياڭعا عىلمي كومەكتەسۋ قىزمەت وي جەلىسىنە تاباندى بولىپ، شينجياڭنىڭ جاپپاي دوڭگەلەك داۋلەتتى قوعام قۇرۋىنا بەلسەنە كۇش سالادى. مۇندا 6 ءتۇرلى قىزمەتتى ءتۇيىندى تۇردە مىقتى يگەرەدى: ءبىرىنشى، «13 - بەسجىلدىق» جوبا مەن جىلدىق قارجى قوسۋ جوسپارىن ۇيىمداستىرىپ اتقارۋ قىزمەتىن تىڭعىلىقتى ىستەيدى؛ ەكىنشى، كاسىپ سالاسى بويىنشا شينجياڭعا كومەكتەسۋدى ىلگەرىلەتۋ، كاسىپتەندىرۋدى جەبەۋ قىزمەتىن ويداعىداي جوبالايدى؛ ءۇشىنشى، قاشقار حالىقارالىق ەكونوميكالىق سەلبەستىك رايونىنىڭ جوباسى مەن نەگىزگى رايون قۇرىلىسىن مىقتى يگەرەدى؛ ءتورتىنشى، ساۋحۋ گۋاڭدۇڭ توقىماشىلىق، كيىم - كەشەك كاسىپ باقشاسى مەن سايكەستى نىسان قۇرىلىسىن ۇزدىكسىز ىلگەرىلەتەدى؛ بەسىنشى، دارىندى، اقىل - پاراسات جاعىنان قولداۋ جانە ارالاسۋ، ىشتەسۋ، توعىسۋ قىزمەتىن شىنايى كۇشەيتەدى؛ التىنشى، 7 - توپتا شينجياڭعا كومەككە كەلەتىن كادرلاردى، دارىندىلاردى اۋىستىرۋ، تابىستاۋ قىزمەتىن مۇقيات ىستەپ، اۆتونوميالى رايونمەن، بيڭتۋانمەن جانە قاشقار ايماعىمەن، بيڭتۋاننىڭ 3 - ديۆيزياسىمەن تىلدەسۋدى، سايكەسۋدى اناعۇرلىم كۇشەيتىپ، جەرگىلىكتى ورىنداعى پارتكومدار مەن ۇكىمەتتەردىڭ جانە كادرلار مەن بۇقارانىڭ پىكىرىنە تولىق قۇرمەت ەتىپ، باعىتتامالى كومەكتەسۋ قىزمەتىنىڭ عىلمي، ۇتىمدى ورىستەتىلۋىن جەبەيدى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اڭگىمە ءماجىلىسىن باسقاردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋي، بيڭتۋاننىڭ سىليڭيۋانى ليۋ شينچي جەكە - جەكە اۆتونوميالى رايون مەن بيڭتۋاننىڭ شينجياڭعا باعىتتامالى كومەكتەسۋ قىزمەتى جاعدايىن تانىستىردى.
اڭگىمە ماجىلىسىنەن كەيىن، اۆتونوميالى رايون مەن گۋاڭدۇڭ ولكەسى ەكى ورىننىڭ كاسىپ سالاسى بويىنشا شينجياڭعا كومەكتەسۋ قىزمەتىن كۇشەيتۋ جونىندەگى سەلبەستىك كەلىسىمىنە قول قويدى. «13 - بەسجىلدىق» كەزىندە گۋاڭدۇڭ كاسىپورىندارى شينجياڭعا جالپى 100 ميلليارد يۋان قارجى قوسادى. توقىماشىلىق، كيىم - كەشەك، مانەرلەۋ، جاساۋ، ساۋدا، زات اينالىمى، ەلەكتروندى ساۋدا، مادەنيەت، ساياحات، ەرەكشە اۋىل شارۋاشىلىق ونىمدەرىن مانەرلەۋ، بيولوگيالىق ءدارى - دارمەك، جاڭا ەنەرگيا سىندى كاسىپتەردى ءتۇيىندى ارقاۋ ەتىپ، ءبىر توپ ءتۇيىندى نىساندى ەنگىزىپ جانە قولداپ، كومەك قابىلداعان جەرلەردىڭ كاسىپ سالاسىنىڭ دامۋىن ىلگەرىلەتىپ، كاسىپتەندىرۋدى جەبەيدى. سول كەزدە تىڭنان ارتقان جۇمىس ورنى 70 مىڭنان اسىپ، كاسىپ سالاسى ارقىلى 70 مىڭنان استام ادامنىڭ تۇراقتى كاسىپتەنۋىنە دەم بەرەدى، 50 مىڭ ادامدى (رەت) وزگە جەرلەردە كاسىپتەندىرەدى.
جۋ شياۋدان گۋاڭدۇڭ ولكەلىك ۇكىمەتتىڭ ۋاكىلدەر ۇيىرمەسىن باستاپ، 3 - ماۋسىمنان 5 - ماۋسىمعا دەيىن، قاشقار ايماعىنىڭ قاشقار كونە ءشار اۋدانى، ءپايزاۋات اۋدانى، قاشقار قالاسى، بيڭتۋاننىڭ 4 - ديۆيزيا 41 - تۋانى سىندى جەرلەردە شينجياڭعا كومەكتەسۋ قىزمەتىن كوزدەن كەشىرىپ، ءۇرىمجى ەكونوميكالىق، تەحنيكالىق اشۋ رايونىنىڭ قارجى قوسۋ ورتاسىنا تەكسەرۋ - زەرتتەۋ جۇرگىزىپ، شينجياڭعا كومەككە كەلگەن كادرلارعا امانداسا بارىپ، ولاردان حال سۇرادى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
