- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تيانشانعا شۇعىلا شاشقان ءداۋىر ۇلگىلەرى
− شينجياڭداعى مەملەكەتتىك 18 ءمورال ۇلگىسى جونىندە
ياڭ يىڭچۇن
2016.06.07 14:40 كەلۋ قاينارى : شينجياڭ گازەتى
2007 - جىلدان بەرى پارتيا ورتالىق كوميتەتىنىڭ ۇگىت ءبولىمى، ورتالىق وركەنيەت كەڭسەسى، ازاتتىق ارميا باس ساياسي ءبولىمى، مەملەكەتتىك باس جۇمىسشى ۇيىمى، جۇڭگو كوممۋنيستىك جاستار وداعى ورتالىق كوميتەتى، مەملەكەتتىك ايەلدەر بىرلەستىگى 5 كەزەكتى مەملەكەتتىك ءمورال ۇلگىلەرىن تاڭداۋ، سيلاۋ قيمىلىن ۇيىمداستىرىپ، ورىستەتىپ كەلدى، شينجياڭنان ليۋ يۇيليان، عىني جۇمار، ليۋ چيانكۇن، جياڭ ۋانفۋ، حاميت احمەت، اكبار يمىن، جۋاڭ شىحۋا، ءانيپا الماحۇن، الىمجان حالىق، ما شۋە - ۋ، رايحانگۇل يمىر، چىن جۇنگۇي، لين جۇندى، جاڭ ياۋحۋا، جوۋ لينا، ابىلەز مامەتنياز، ساۋىر ماڭلىك، چىن ميڭ ىلگەرىندى - كەيىندى «وزگەلەرگە كومەكتەسۋدى قۋانىش سانايتىندار»، «ادىلەت جولىندا ايانباعاندار»، «ادال دا سەنىمدىلەر»، «كاسىبىن قادىرلەپ ۇلەس قوسقاندار»، «قارتتاردى قۇرمەتتەپ، تۋىس - تۋعاندارىن ايالاعاندار» سىندى 5 ءتۇر بويىنشا مەملەكەتتىك ءمورال ۇلگىسى داڭقتى اتاعىن يەلەپ، تيانشاننىڭ تۇستىگى مەن تەرىستىگىنە شۇعىلا شاشتى.
ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان ءمورال ۇلگىلەرىن تاڭداۋ، سيلاۋ قيمىلىنا وسكەلەڭ ءمان بەردى. 2013 - جىلى شىلدەدە ول اۆتونوميالى رايوندىق پارتكوم ۇگىت بولىمىنەن، وركەنيەت كەڭسەسىنەن ءمورال ۇلگىسى، ەڭ سۇيىكتى تۇلعا سىندى ءتۇرلى تاڭداۋلى تيپتەردى تاڭداۋ، ورناتۋ ۇگىت قىزمەتىن دەن قويا يگەرۋدى، وڭ ەنەرگيانى ءار وتباسىلارىنا جەتكىزۋدى تالاپ ەتكەن ەدى.
جۇرەك تەبىرەنتەر يگى ىستەر
«ادىلەت جولىندا جاسقانباي، حاۋىپتەن تايسالماعان». ارادا 11 جىل وتسەدە، 1 - كەزەكتى مەملەكەتتىك ءمورال ۇلگىسى عىني جۇماردىڭ: «تارت قولىڭدى، ول مەنىڭ قارىنداسىم!»، - دەگەن ءبىر اۋىز ءسوزى كۇنى بۇگىنگە دەيىن سانامىزدا جاڭعىرىپ تۇر.
«وزگەلەرگە كومەكتەسۋدى قۋانىش سانايتىندار» كوپ ادامداردىڭ ەسىنەن كوتەرىلگەن جوق. 3 - كەزەكتى مەملەكەتتىك ءمورال ۇلگىسى شىڭگىل اۋدانىنداعى ءانيپا الماحۇن شەشەي حانزۋ، حۇيزۋ، ۇيعۇر، قازاق سىندى 4 ۇلتتان 10 جەتىم بالانى اسىراپ، جوقشىلىقتىڭ تاقسىرەتىن تارتسادا، اسىراپ العان بالالارىن ءوز بالالارىنان ارتىق كوردى. بالالاردى قوس قاناتىنىڭ استىنا الىپ، ولارعا دەمەۋ بولدى.
«ادال دا سەنىمدىلەر» چىن جۇنگۇي 1980 - جىلى 8 - ساۋىردە قوسىنعا ىلەسىپ، شينجياڭنىڭ تيانشان قويناۋىنداعى مايتاۋدان كۇشارعا دەيىنگى تاس جول جوندەۋ شايقاسىنا قاتىناسقان. قارلى بورانعا قامالىپ قالعان قىسىلتاياڭ ساتتە وددەلەنيە باستىعى جىڭ لينشۋ باسقالار ءۇشىن ءوز جانىن ءپيدا ەتىپ، بار ءۇمىتىن چىن جۇنگۇيگە قالدىرادى. 1985 - جىلى قىستا چىن جۇنگۇي ايەلى مەن ەندى عانا تۋىلعان بالاسىن ەرتىپ، وددەلەنيە باستىعى مەن ساپتاستارى قۇربان بولعان تيانشان باۋرايىنا كەلىپ، 28 جىل بويى ساپتاستارىنىڭ قابىرىن كۇزەتەدى.
«ءومىر بويى وسىندا بولامىن، وسى جەردى كۇزەتەمىن!»، - دەدى 4 - كەزەكتى مەملەكەتتىك ءمورال ۇلگىسى اتاعىن العان چىن جۇنگۇي نىق سەنىممەن بەرگەن انتى ارقىلى جان تەبىرەنتەرلىك جاۋىنگەرلىك سۇيىسپەنشىلىكتى ايگىلەدى.
«قارتتاردى قۇرمەتتەپ، تۋىس - تۋعاندارىن ايالاعان» 5 - كەزەكتى مەملەكەتتىك ءمورال ۇلگىسى چىن ميڭ شينجياڭ ءوندىرىس − قۇرىلىس بيڭتۋانى 3 - ديۆيزياسى 41 - پولك الەۋمەتتىك اۋماعىنىڭ ساياسي ىستەرىنە جاۋاپتى قىزمەتكەر، 11 جاسىندا تاۋقىمەتتى تاعدىر بۇعاناسى قاتپاعان چىن ميڭگە سال بولىپ قالعان اكەسىن باعۋداي اۋىر مىندەتتى ارقاسىنا سالادى، 20 نەشە جىلدى ءبىر كۇندەي وتكىزىپ، بالالىق قارىزىن ادا ەتكەن ول قيىنشىلىقتان مويىماي ەسەيىپ كەلەدى...
كوپتەگەن ىستەر جاتتاندى بولىپ كەتسەدە، سول ءبىر تاۋقىمەتتى، بۇرالاڭ، ادام جانىن تىكسىندىرەتىن حيكايالاردى قايتالاي ەستىگەنىمىزدە ولاردىڭ قاراپايىم دا ىقىلاستى سوزدەرى ەسىمىزگە ءتۇسىپ، جانارىمىزعا ەرىكسىز جاس ىركىلەدى.
18 مەملەكەتتىك ءمورال ۇلگىسى 18 ۇقساماعان كەشىرمەنى باسىنان وتكىزگەن، ولاردىڭ ادام جانىن تەبىرەنتەتىن ىزگى ىستەرى ارقىلى بەينەلەگەن ناعىز سۇيىسپەنشىلىكتەرى بەينە شىلىڭگىر ىستىقتا ءۇپ ەتكەن جانعا جايلى سالقىن سامالداي شينجياڭنىڭ بار الابىن ءوبىپ، جۇرەكتەرگە ۇيالاپ، جان دۇنيەنى تازارتتى. شينجياڭ رۋحىنىڭ جاندى كورىنىسى
«پارىزدارىڭىزدى ىجداعاتپەن وتەپ، قانشاما جىلدار بويى حالىققا قالتقىسىز قىزمەت ەتىپ، پاراسات - پايىمدارىڭىز بەن قاجىر - قايراتتارىڭىزدى اياماي، بارعا قاناعات، جوققا سابىر ەتتىڭىزدەر؛ قاراپايىم جۇمىس ورنىندا جاۋاپكەرشىلىك سەزىم مەن بورىشتىلىق سەزىمدى تاباندىلىقتىڭ ارقاۋى ەتىپ، قوعامنىڭ دامۋىنىڭ ىرگە تاسىن بەكەمدەدىڭىزدەر!». بۇل 1 - كەزەكتى مەملەكەتتىك ءمورال ۇلگىلەرىنە سيلىق تابىستاۋ مۇراسىمدا، ءادىلقازىلاردىڭ كاسىپتى قادىرلەپ، قالتقىسىز ۇلەس قوسۋدىڭ ليۋ يۇيليان باستاعان 10 ۇلگىسىنە بەرگەن باعاسى.
ليۋ يۇيليان، جياڭ ۋانفۋ، ساۋىر ماڭلىك، الىمجان حالىق، رايحانگۇل يمىر، جوۋ لينا سياقتى جارقىن ەسىمدەرمەن بايلانىستى ايتىلاتىن اسەرلى اڭگىمەلەر ءبىر تۇيەگە جۇك بولعانداي.
جۋاڭ شىحۋا 120 مىڭ مارتە وپەراتسيا جاساپ، بىردە - ءبىر رەت اعاتتىق جىبەرمەگەن كاسىپكەرلىك رۋحىمەن بارشا جۇرتتىڭ اڭسارىن تۋدىرعان ءومىر جىرىن جازىپ، لەي فىڭ رۋحىنان ۇيرەنۋدىڭ جاڭا داۋىردەگى جارقىن ۇلگىسىنە اينالدى.
2001 - جىلى الىمجان حالىق گۇيجوۋ ولكەسىنىڭ بيجيە قالاسىنا اياق باسادى، قوڭىر قالتا كۇن كەشىرگەنمەن، شاشلىق ساتۋدان تۇسكەن ماردىمسىز تابىسىمەن 10 جىل بويى جۇزدەگەن كەدەي، مۇقتاج وقۋشىلارعا قول ۇشىن بەرىپ، ىلگەرىندى - كەيىن 100 مىڭ يۋاننان كوبىرەك قاراجات جاردەم ەتەدى ءارى گۇيجوۋداعى بيجيە ينستيتۋتىنان «الىمجان اتىنداعى شاكىرت اقى قورىن» اشادى. شينجياڭدا ول «جاقسى بالا» اتانسا، گۇيجوۋدا «قاراشا قايىرىمگەر» اتانادى.
رايحانگۇل يمىر − اقتاۋ اۋدانىنىڭ تۋماسى، قاراپايىم ديقان قىزى. 2007 - جىلى ول ءداستۇرلى كوزقاراستاردىڭ بۇعاۋىنان بوساپ، ۇكىمەت ۇيىمداستىرعان العاشقى توپتاعى ەڭبەككۇشتەردىڭ قاتارىندا ىشكى ولكەگە جۇمىسقا اتتانادى. 6 جىل قۇلشىنىس جاساۋ ارقىلى، ول ءوزى جۇمىسقا تۇرعان كاسىپورىنداعى جۇمىس شەبەرى رەتىندە تانىلۋمەن بىرگە، از ۇلتتان شىققان 2000عا تاياۋ قىز - كەلىنشەكتى سىرت جەردە جۇمىسقا تۇرۋعا ۇيىمداستىرىپ، ءوزىنىڭ ناقتى ارەكەتىمەن اۋىلداعى سانسىز اپەكە - سىڭلىلەرىن ەڭبەك پەن ءبىلىم ارقىلى ارماندارىن ىسكە اسىرۋعا ىنتالاندىرىپ، «كۇرەس تاعدىردى وزگەرتەدى» دەگەن ءداۋىر دابىلىن قاقتى.
سوڭعى جىلدارى ىركەس - تىركەس كوزگە تۇسكەن ءمورال ۇلگىلەرى شينجياڭدىقتاردىڭ قۇن تالپىنىسىن ايگى ەتىپ، شينجياڭ رۋحىنىڭ جاندى كورىنىسىنە اينالدى.
سۇيىكتى دە ۇلگىلى «قاراپايىم قاھارماندار»
جاقىندا 5 - كەزەكتى مەملەكەتتىك ءمورال ۇلگىسى، حوتان قالالىق مۇگەدەكتەر ونەركاسىپ - ساۋدانى دامىتۋ ورتالىعى ديرەكتورلار كەڭەسىنىڭ ءتوراعاسى ابىلەز مامەتنياز حوتان قالاسىنىڭ تاناي وڭتۇستىك جولىنا ات باسىن بۇرىپ، جۇمىسشىلارمەن بىرگە بۋى بۇرقىراعان پالاۋدى كۇزەتتە تۇرعان قاتىناس ساقشىلارىنىڭ قولىنا تابىس ەتتى.
ىستىق پالاۋ قولىنا تيگەندە، قاتىناس ساقشىلارىنىڭ جۇزىنەن شاتتىق كۇلكىسى ەستى.
لياۋنيڭنىڭ شىنياڭ قالاسىنان شينجياڭنىڭ اتۇش قالاسىنا قادام باسقان جوۋ لينا زەيىن - زەردەسى مەن قاجىر - قايراتىن اۋىلدىڭ ءبىلىم بەرۋ ىسىنە ارناپ، ءوز جارىعىمەن وزگەلەرگە ساۋلە شاشقان «ادام جانىنىڭ ينجەنەرىنە» اينالدى.
قىزىلسۋ قىرعىز اۆتونوميالى وبلىستىق «قوس ءتىلدى» وقىتۋشىلاردى تاربيەلەۋ مەكتەبىنىڭ وقىتۋشىسى شيە فاڭفاڭ: وتكەن جىلى قىستا، جوۋ لينانىڭ لەكسياسىن بەتپە - بەت تىڭدادىم، مەنىڭشە، وزاتتار ءوز قاسىمىزدا ەكەن، ولار قۇرمەتكە لايىق قانا ەمەس، سونىمەن بىرگە ۇلگى الۋىمىزعا دا تاتيدى، − دەدى.
قارتتاردى قۇرمەتتەپ، تۋىسقاندارعا قامقور بولعان ءمورال ۇلگىلەرىنىڭ ۋاكىلى چىن ميڭ 11 جاسىندا اۋىر قايعىعا تاپ بولادى، سال بولىپ، توسەك تارتقان اكەگە قاراۋدىڭ جاۋاپكەرشىلىگى بۇعاناسى قاتپاعان جاس بالاعا تۇسەدى. چىن ميڭنىڭ ىزگى ىستەرىن ينتەرنەتتەن بىلگەن ءۇرىمجى قالاسىنىڭ تۇرعىنى ۋىن ني: اكە - شەشەمە وپالى بولىپ، ولاردىڭ ءار كۇنىن كوڭىلدى وتكىزۋىنە شامامنىڭ جەتىسىنشە كۇش سالامىن، − دەيدى.
شينجياڭ قوعامدىق عىلىمدار اكادەمياسىنىڭ اعا زەرتتەۋشىسى شۇي شيفا مەملەكەتتىك ءمورال ۇلگىسى اتانعان 18 تۇلعانىڭ ىزگى ىستەرىنە تالداۋ جاساعاننان كەيىن، بىلاي دەدى: ولار اسپاننان تۇسكەن «پەرىشتە» دە، «كەمەلىنە جەتكەن» ىزگىلىك «اۋليەسى» دە ەمەس، قاتارداعى ءمورال ۇلگىلەرى. ولاردىڭ ىزگى نيەت، يگى ىستەرى كۇندەلىكتى ومىردەن باستاۋ الادى، ولار جۇرتشىلىقتىڭ ورتاسىنداعى كوزبەن كورىپ، كوڭىلمەن سەزىپ، ۇلگى - ونەگە ەتۋگە تۇرارلىق «قاراپايىم قاھارماندار».
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
