- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«شينجياڭنىڭ جارقىن ءتۇيىنى» جەلىلەس حابارى
ءۇرىمجىنىڭ كوك اسپانىن قورعايىق
گاۋ ۋا
2016.06.07 14:42 كەلۋ قاينارى : شينجياڭ گازەتى
31 - مامىر ساعات 16دان 30 مينۋت وتكەندە گۇرس ەتكەن جويقىن جارىلىس ۇنىمەن حۋاديان شينجياڭ ەلەكتر جەتكىزۋ شەكتى جارنا سەرىكتەستىگىنىڭ قاراستىلىعىنداعى ۇيحۋلياڭ ەلەكتر ستانسياسىنىڭ بەلگىسى بولعان 180 مەترلىك بيىك مورجاسى مەن 85 مەتر كەلەتىن سۋىتۋ مۇناراسى ءساتتى تۇردە باعىتتى قوپارىلىس جاسادى. سونىمەن 60 نەشە جىلدىق تاريحتى باستان كەشىرگەن شينجياڭداعى تۇڭعىش وت ەلەكتر ستانسياسى تاريح ساحناسىنان ماڭگى شەگىنىپ شىقتى. ۇيحۋلياڭ ەلەكتر ستانسياسى جابىلعاننان كەيىن، ءار جىلى 133 مىڭ توننا كومىر تەگى قوس توتىعى مەن شامامەن 342 توننا كەلەتىن ازوت توتىقتى قوسىلىستاردى از ىعىستىرۋعا بولادى، بۇل كاسىپورىننىڭ بۇرىنعى ءوندىرىس تاسىلىنە بۇرىلىس جاساپ، جەل ەلەكتر سالاسىنا قادام قويۋىنا مۇمكىندىك جاراتتى.
ۇيحۋلياڭ ەلەكتر ستانسياسىنىڭ ءوندىرىس تاسىلىنە بۇرىلىس جاساۋى ءۇرىمجىنىڭ ەنەرگيا قۇرىلىمىندا بولىپ جاتقان تەرەڭ وزگەرىستەردىڭ ءبىر كورىنىسى.
□ءتىلشىمىز گاۋ ۋا
«كومىردىڭ ورنىنا تابيعي گازدى پايدالانۋدىڭ» ارقاسىندا اۋا تازاردى
وتكەن عاسىردىڭ 90 - جىلدارىندا ۇرىمجىدەگى ءارقايسى ورىنداردا جىلۋمەن قامدايتىن پار قازاندار كوبەيدى. قىس كىرىسىمەن سامسىعان مورجالار بەينە تۇتانعان تەمەكىگە ۇقسايدى، مورجالاردان بۋداقتاپ كوتەرىلگەن كوك تۇتىن كۇن كوزىن قالقالاپ، كوك اسپاندى كورۋ مۇڭ بولعان ەدى. ءۇرىمجى قالاسى «كوك اسپان ينجەنەرياسىن» 1998 - جىلدان باستاپ اتقارسا دا ءونىمى تىم شىركىن - اي بولمادى.
2010 - جىلى مامىردا ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلىپ، اتموسفەرانىڭ لاستانۋىنىڭ الدىن الۋ جانە ونى تىزگىندەۋ جونىندە ءۇرىمجى سياقتى ورتالىق قالالارعا ايقىن تالاپ قويدى.
2011 - جىلى ءۇرىمجى قالاسى جاڭا كەزەكتى «كوك اسپان ينجەنەرياسىن» باستاپ اتقارىپ، 2012 - جىلى ءبىر بۇرىلىس كەزەڭىنە قادام تاستادى. ءۇرىمجى تاريحىنداعى ەڭ ءىرى كولەمدى جۇرگىزىلگەن «كومىردىڭ ورنىنا تابيعي گازدى پايدالانۋ» قۇرىلىسى سول جىلى بەكىتىلىپ سول جىلى جۇمىس باستادى. ۇكىمەت 12 ميلليارد 100 ميلليون يۋان قارجى جۇمساپ، قالاداعى 189 ورىننىڭ كومىر جاعاتىن پار قازاندارىن تابيعي گاز پايدالاناتىن ەتىپ وزگەرتىپ، قالانىڭ جىلۋمەن قامداۋ جۇيەسىن رەتكە سالدى. سول جىلى جىلۋمەن قامداۋ ماۋسىمىندا اتموسفەرانىڭ ساپاسى كورنەكتى جاقسارىپ، كۇن اشىق بولعان كۇننىڭ سانى وتكەن جىلداعىدان ءبىر ەسەگە تاياۋ كوبەيىپ، اتموسفەرانىڭ لاستانۋىن جونگە سالۋ قىزمەتى ورىستەتىلگەننەن بەرگى ەڭ جاقسى ناتيجەگە جەتتى، قالا تۇرعىندارىنىڭ ريزا بولۋ مولشەرى %9.96 بولدى. ءۇرىمجىنىڭ اسپانىن 20 جىلعا تاياۋ تورلاعان كوك ءتۇتىن اقىرى سەيىلدى.
ساناققا قاراعاندا، «كومىردىڭ ورنىنا تابيعي گازدى پايدالانۋ» ينجەنەرياسى باستاپ اتقارىلعاننان بەرى، بىلتىر جىلدىڭ سوڭىنا دەيىن ءۇرىمجى جيىنى 12 ميلليون توننا كومىر ۇنەمدەپ، 150 مىڭ توننا كومىر تەگى قوس توتىعىن، 31 مىڭ توننا ءتۇتىن، 580 مىڭ توننا ازوت توتىقتى قوسىلىستاردى از ىعىستىرىپ، اتموسفەرانى لاستايتىن نەگىزگى زاتتاردىڭ ىعىستىرىلۋىن ازايتۋ مىندەتىن ءار جىلى اسىرىپ ورىندادى.
«قازىرگى ۇرىمجىگە قاراسام بەينە بالا كەزىمدەگى سۋى تۇنىق، اسپانى تازا كەزگە قايتا ورالعانداي سەزىلەدى. وسىنداي تازا ورتادا تۇرمىس كەشىرگەنىمدە ءوزىمدى بارعان سايىن جاسارىپ بارا جاتقانداي سەزىنەتىن بولدىم»، − دەدى قالا تۇرعىنى جيڭ لييىڭ.
لاستاۋشى كاسىپورىنداردى وڭاپ، ءۇرىمجىنىڭ اشىق اسپانىن قورعاۋعا كۇش قوستى
وڭاي - وسپاق قولعا كەلمەگەن اشىق اسپاندى ساقتاۋ ءۇشىن، «كومىردىڭ ورنىنا گاز جاعۋ» ينجەنەرياسىن ءۇرتىس اتقارعاننان كەيىن، ءۇرىمجى قالاسى ۇزبەي كۇش شىعارىپ، 55 لاستاۋشى كاسىپورىندى كوشىردى ءارى الەۋمەتتىك 5 وت ەلەكتر ستانسياسىن (حۇڭيانچى، حۇڭىرديان، لۋحۋلياڭ، ءۇرىمجى جىلۋ ەلەكتر ستانسياسى، شىندۇڭ ەلەكتر سەرىكتەستىگى) جابۋ قىزمەتىن بىرتىندەپ اتقاردى، بيىل ءۇرىمجى 4 ميلليارد 700 ميلليون يۋان قارجى قوسىپ، اتموسفەرا بىلعانىشىن وڭاۋعا ساياتىن 8 تۇردەگى 29 ءتۇيىندى نىساندى ورىندايدى.
لۋحۋلياڭ ەلەكتر ستانسياسى 1951 - جىلى سالىنعان، 5 ءىرى الەۋمەتتىك وت ەلەكتر ستانسياسىنىڭ ءبىرى، 4 ميلليون 300 مىڭ شارشى مەتر جەردى جىلۋمەن قامداۋ مىندەتىن ۇستىنە العان. 2013 - جىلى 31 - جەلتوقساندا 60 جىلدىق تاريحى بار شينجياڭنىڭ تۇڭعىش رەتكى وت ەلەكتر ستانسياسىن رەسمي توقتاتىپ، ونىڭ جىلۋمەن قامداۋ مىندەتىنىڭ ورنىن تۇگەلدەي گاز ارقىلى جىلتۋ جۇيەسى باستى.
ميدۇڭ رايونى − شينجياڭنىڭ اۋىل − قالاشىق كاسىپورىندارى شوعىرلانعان ءوڭىر، كەزىندە 1100دەن استام كاسىپورىن بار بولاتىن، مۇندا كوبىنىڭ ءوندىرىس قۋاتى مەشەۋ بولىپ، ماڭايىنداعى ورتانى اۋىر دارەجەدە بىلعاپ كەلگەن بولاتىن، جوسپارعا نەگىزدەلگەندە، 2014 - جىلدان 2016 - جىلدىڭ سوڭىنا دەيىن، ميدۇڭ رايونى 2 جىل ىشىندە وسى وڭىرگە قاراستى 776 اۋىل − قالاشىق شاعىن كاسىپورىندارىن جابۋدى نەمەسە كوشىرۋدى جوسپارلاعان. 2015 - جىلى قازان ايىنا دەيىن ميدۇڭ رايونىنداعى 368 كاسىپورىن ورتانى بىلعاۋ سەبەبىمەن توقتاتىلعان.
ءۇرىمجى قالاسى 2013 - جىلى «مەملەكەتتىك باۋ - باقشالى قالا» اتاعىنا يە بولدى، 4 جىلعا جەتپەيتىن ۋاقىتتا جاسىلداندىرىلعان اۋماق وتكەن 10 جىلداعى جاسىلداندىرىلعان جالپى اۋماقتان اسىپ ءتۇستى، قازىر قالاداعى كىسى باسىنا تۋرا كەلەتىن باۋ - باقشا، جاسىل القاپتىڭ كولەمى 07.9 شارشى مەترگە جەتەدى. سونىمەن بىرگە ەكولوگيانى قورعاۋ جانە وڭاۋ سەرپىنىن ارتتىرىپ، 1 - ءنومىرلى مۇزدىق، ساياپىل سياقتى ءتۇيىندى ەكولوگيالىق وڭىرلەردى وڭاپ، ءۇرىمجى وزەنى، شۇيموگوۋ وزەنى، توۋتۇنحى وزەنى، گۋمۋدي وزەنى جانە ساياپىل كولى سياقتى جەر بەتى سۋ قاينارىن ءونىمدى وڭادى ءارى قورعادى. مۇنان تىس، قالا ماڭىنداعى ورمان، جايلىمدى قورشاپ ءوسىرۋ، شۇراتتاردى قورعاۋ جانە ەكولوگيالىق جامىلعىلاردى قالپىنا كەلتىرۋ ينجەنەرياسىن ورنىقتى قاداممەن ىلگەرىلەتىپ، ورتالىق قالانىڭ جاسىل ەكولوگيالىق قالتقىسىن بىرتىندەپ قۇردى.
ءۇرىمجىنىڭ جالپى تۇلعالىق قورشاعان ورتاسى وزگەرۋدە.
«سارى بەلگىسى بار اۆتوكولىكتەردى» كۇشىنەن قالدىرىپ، ءۇرىمجىنىڭ كوك اسپانىن قورعادى
موتورلى كولىك مىنۋشىلەردىڭ جەدەل ارتۋىنا ىلەسىپ، موتورلى كولىك شىعارعان لاس گاز دا ءۇرىمجىنىڭ اۋاسىن بىلعايتىن ماڭىزدى قايناردىڭ بىرىنە اينالدى. ۇعىسۋعا قاراعاندا، وتكەن جىلدىڭ سوڭىنا دەيىن ءۇرىمجىنىڭ تىزىمگە الىنعان موتورلى كولىك سانى 810 مىڭعا جەتكەن، مۇندا «سارى بەلگىسى بار» 44 مىڭ كولىكتەن شىعارىلعان لاس گاز بۇكىل قالاداعى جالپى موتورلى كولىكتەن شىعارىلعان لاس گازدىڭ %66ىن يەلەگەن. اتموسفەرانى وڭاۋ قىزمەتىن ىلگەرىلەتۋ ءۇشىن 2013 - جىلدىڭ باسىندا ءۇرىمجى قالاسى «سارى بەلگىسى بار اۆتوكولىكتەردى» كۇشىنەن قالدىرىپ، وتكەن بىرنەشە جىلدىڭ وزىندە تۇتاس جىلدىق نىسانالى مىندەتتى اسىرا ورىندادى، 2017 - جىلى «سارى بەلگىسى بار اۆتوكولىكتەر» جاپپاي كۇشىنەن قالدىرىلادى.
ءۇرىمجى قالاسى قورشاعان ورتانى قورعاۋ مەكەمەسى پارتگرۋپپاسىنىڭ شۋجيى، ورىنباسار مەكەمە باستىعى لي شينشىڭ بىلاي دەدى: 5 جىلدا قالالىق پارتكوم، قالالىق ۇكىمەت 45 ميلليارد 400 ميلليون يۋان قارجى قوسىپ، «كومىردىڭ ورنىنا گاز جاعۋدى» ءتۇيىن ەتكەن اتموسفەرانى وڭاۋعا ساياتىن 126 نىساندى اتقارىپ، «وڭاۋ، تابيعي گازگە وزگەرتۋ، كوشىرۋ، توقتاتۋ، شەكتەۋ، مەڭگەرۋ» سىندى كوپ ءتۇرلى شارالاردى قاتار قولدانىپ، كوپ جىلدان بەرگى «اۋاسى ەرەكشە لاستانعان قالا» قالپاعىن الىپ تاستادى. ءۇرىمجى قالاسىنىڭ اتموسفەراسىن وڭاۋ ناتيجەسىن بەكەمدەۋ جانە زورايتۋ ءۇشىن اۆتونوميالى رايون اتموسفەرانىڭ بىلعانۋىن وڭاۋ ارەكەت جوسپارىن اتقارىپ، كۇيتۇن − مايتاۋ − ءۇرىمجى ءوڭىرى، قارامايلى، شىحىزى جانە كورلا قالاسى سىندى ءتۇيىندى وڭىرلەردىڭ اتموسفەراسىنىڭ بىلعانۋىنان بىرلەسىپ ساقتانۋ، بىرلەسىپ مەڭگەرۋدى بەلسەنە ورىستەتتى.
بولاشاقتا ءۇرىمجى تازا ەنەرگيا جالپىلاستىرۋعا كۇش سالادى، قالا ەكولوگيالىق اۋماعى قۇرىلىسىن تەزدەتىپ، لاستاۋشى كاسىپورىنداردى وڭاۋ دەڭگەيىن ۇزبەي جوعارىلاتىپ، ەلەكتر ستانسيالارىن توقتاتۋ، وڭاۋ جانە ءتۇيىندى كاسىپورىنداردىڭ بىلعاۋىنان ساقتانۋ قۇرىلعىلار قۇرىلىسىن ىلگەرىلەتىپ، كاسىپورىنداردىڭ تازا ءوندىرىسىن قاتاڭ جالپىلاستىرىپ، «ءۇرىمجىنىڭ كوك اسپانىن» قورعاپ، اناعۇرلىم تاماشا قونىستانۋ ورتاسىن قالىپتاستىرادى.
13 - مامىر كوك اسپان استىنداعى ءۇرىمجى حالىق باقشاسى. )ماتەريالدان( سۋرەتتى ءتىلشىمىز تاڭ يۇڭ تۇسىرگەن
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
