بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

مۇرات، سەنىم، ماقسات جونىندەگى تەرەڭ تاربيە

2016.06.08 13:11     كەلۋ قاينارى : شينجياڭ گازەتى

  اۆتونوميالى رايوندىق پارتكوم 2 - ماۋسىم تۇستەن بۇرىن «ەكىنى ۇيرەنۋ، ءبىر بولۋ» تاقىرىبىندا بەينە ەكران ارقىلى ارناۋلى پارتيا ساباعىن ءوتتى. ورتالىق ءتارتىپ تەكسەرۋ كوميتەتىنىڭ ورىنباسار شۋجيى جاڭ جۇن اۆتونوميالى رايون مەن بيڭتۋانداعى ءار دارەجەلى پارتيالى باسشى كادرلارعا «ەكىنى ۇيرەنۋ، ءبىر بولۋ» تاقىرىبىندا پارتيا ساباعىن ءوتىپ، «جۇڭگو كوممۋنيستىك پارتياسىنىڭ پاك، تارتىپشەڭ بولۋ ولشەمى» مەن «جۇڭگو كوممۋنيستىك پارتياسىنىڭ ءتارتىپ جازاسى ەرەجەسىن» جۇيەلى ءتۇسىندىردى.

  پارتيا 18 - قۇرىلتايىنان كەيىن ورتالىق ءتارتىپ تەكسەرۋ كوميتەتىنىڭ ورىنباسار شۋجيى مىندەتىن اتقارعان جاڭ جۇن قازىر زاڭ - ەرەجە، دەلو تەكسەرۋ سىندى قىزمەتتەرگە جاۋاپتى، زاڭ - ءتۇزىم قۇرىلىسى جانە جەمقورلىققا قارسى تۇرىپ، پاكتىكتى دارىپتەۋ قۇرىلىسى جونىندە تەرەڭدەي زەرتتەۋ جۇرگىزىپ، ىزدەنىس جاساپ، «ولشەم» مەن «ەرەجە» سىندى پارتيانىڭ ماڭىزدى زاڭ - ەرەجەسىنە وزگەرىس ەنگىزۋ قىزمەتىنە تىكە باسشىلىق ەتتى جانە ات سالىستى. بۇل رەتكى ارناۋلى پارتيا ساباعىندا جاڭ جۇن «ولشەم» مەن «ەرەجەنىڭ» جاريالانۋىنىڭ داۋىرلىك استارى، ماڭىزدى ءمانى، عىلمي ماعىناسى، نەگىزگى مازمۇنى سياقتىلار جونىندە جۇيەلى تۇسىنىك جاسادى، سونداي - اق قىرۋار ناقتى مىسال كەلتىردى، تاقىرىبى ايقىن، مازمۇنى مول بولدى، ءار ۇلت پارتيالى باسشى كادرلار مۇرات، سەنىم، ماقسات، يدەيا، ءمورال، سۇيىسپەنشىلىك، پارتيالىق، پارتيا ستيلى، پارتيا ءتارتىبى جونىندە ءبىر رەت تەرەڭ تاربيە الدى.

  2 ءتۇرلى زاڭ - ەرەجەنىڭ جاريالانۋىنىڭ استارى جانە ونىڭ ءمانى

  جاڭ جۇن مىنانى اتاپ كورسەتتى: «ولشەمدى»، «ەرەجەنى» ويداعىداي ۇيرەنىپ، ۇگىتتەپ، دايەكتىلەندىرىپ، 2 ءتۇرلى زاڭ - ەرەجەنىڭ جاريالانۋ استارى مەن ونىڭ ءمانىن ءتۇسىنۋ كەرەك.

  ءبىرىنشى، جۇڭگونىڭ ءىسىن جاقسى ىستەۋدىڭ كىلتى − پارتيادا. باس شۋجي شي جينپيڭ «ەلدى جونگە سالۋدا، ءسوزسىز، الدىمەن پارتيانى جونگە سالۋ، پارتيانى جونگە سالۋدا، ءسوزسىز، قاتاڭ بولۋ كەرەك» دەپ اتاپ كورسەتكەن ەدى. پارتيا 18 - قۇرىلتايىنىڭ بايانداماسىندا «پارتيا ءتارتىبىن قاتايتىپ، پارتيانىڭ شوعىرلى بىرلىگىن سانالى قورعاۋ كەرەكتىگى» اۋىزعا الىنىپ، مىنالار باسا دارىپتەلدى: «پارتيانىڭ ءتارتىبىن، اسىرەسە، ساياسي ءتارتىپتى قاتايتىپ، تارتىپكە قايشىلىق جاساۋ ارەكەتىن، ءسوزسىز، مۇقيات ءبىر جايلى ەتىپ، ءتارتىپ الدىندا بارلىق ادام تەڭ، تارتىپكە بويسۇنۋدا ەرەكشە ۇقىق جوق، ءتارتىپتى اتقارۋدا قاعىس قالاتىن ادام بولمايدى دەگەندى شىنايى ورىنداۋ كەرەك».

  ەكىنشى، پارتيانى باسقارۋ، پارتيانى جونگە سالۋداعى مول اماليات پارتيا ىشىندەگى زاڭ - ەرەجە، تۇزىمدە جاڭالىق اشۋعا بەرىك نەگىز قالادى. پارتيا 18 - قۇرىلتايىنان بەرى پارتيا ورتالىق كوميتەتى پارتيانى پارتيا باسقارۋعا، پارتيانى قاتاڭ باسقارۋعا تاباندى بولدى. پارتيا ستيلى، پاكتىك قۇرىلىسى مەن جەمقورلىققا قارسى كۇرەستى بۇلجىماي ىلگەرىلەتىپ، ساياسي ءتارتىپ پەن ساياسي قاعيدانى، ۇيىمدىق ءتارتىپتى باسا دارىپتەدى؛ ورتالىقتىڭ « 8 ءتۇرلى بەلگىلەمەسىنىڭ» رۋحىن تياناقتاندىرۋدى مىقتى ۇستاپ، ءتارتىپتى ايتىپ قانا قويماي، بۇلجىتپاي اتقاردى، استە جول بەرمەدى، باتىلدىقپەن بەلدەستى؛ جەمقورلىققا قارسى تۇرۋ، سۇرقيا ارەكەتتەردى جازالاۋ تەبىنىن كۇشەيتىپ، پارتيا ءتارتىبى مەن مەملەكەت زاڭىن ۇتىمدى ۇشتاستىرۋعا ءمان بەردى؛ شارلاۋدى، باقىلاۋدى كۇشەيتىپ، باسشى كادرلاردىڭ جەكە ىستەر مالىمەتىن ءىشىنارالىق تەكسەرىپ انىقتاۋ تەبىنىن ارتتىرىپ، «سالت باستى ءمانساپتى»، ارحيۆتى جالعاننان جاساۋ سىندى ماسەلەلەردى شوعىرلى اداقتادى، پارتيانى پارتيا باسقارۋ، پارتيانى قاتاڭ باسقارۋ جانە ءتارتىپ اتقارۋداعى اعاتتىقتىڭ كەڭدىكتەن، بوساڭسۋدان، جۇمساقتىقتان بولۋ ماسەلەسىن كۇش سالا شەشتى. «ولشەم» مەن «ەرەجە» پارتيانى قاتاڭ جونگە سالۋدىڭ مول امالياتىن، سونى تاجىريبەسىن قورىتىندىلاپ، جيناقتاپ، ونى ءمورال مەن ءتارتىپ تالابىنا اينالدىرىپ، پارتيانىڭ زاڭ - ەرەجە قۇرىلىسىنىڭ داۋىرمەن بىرگە العا باسۋىن جۇزەگە اسىردى.

  ءۇشىنشى، پارتيانى جاپپاي قاتاڭ جونگە سالۋدا پارتيانى قاعيدا بويىنشا جونگە سالۋ مەن پارتيانى ءمورال ارقىلى جونگە سالۋدى ۇشتاستىردى. ءمورال ولشەمى بولعاندا عانا، ىشكى تارتىپشەڭدىكتى تۋىنداتۋعا بولادى؛ پارتيانىڭ ءتارتىپ تەجەمى بولعاندا عانا، ارەكەت شەگىن ايقىنداۋعا بولادى. ءبىز پارتيانى جاپپاي قاتاڭ جونگە سالۋدا پارتيانى قاعيدا بويىنشا جونگە سالۋ مەن پارتيانى ءمورال ارقىلى جونگە سالۋدى ۇشتاستىرۋدى تالاپ ەتۋىمىز كەرەك، بۇل جەردەگى ءمورال − پارتيانىڭ مۇراتى، سەنىمى، ماقساتى، تاڭداۋلى، ءداستۇرلى سالتى.ولشەمدى» قالاي ۇيرەنۋ جانە ءتۇسىنۋ كەرەك

  جاڭ جۇن مىنانى اتاپ كورسەتتى: وزگەرىس ەنگىزىلگەننەن كەيىنگى «ولشەمدە» 5 ەرەكشەلىك بار: بۇكىل پارتيا مۇشەلەرىنە بەت الدى؛ «شەشۋشى ازشىلىقتى» كورنەكتىلەندىردى؛ ۇنامدى جاقتان دارىپتەۋگە تاباندى بولدى؛ «پاكتىكتى، تارتىپشەڭدىكتى» ارقاۋ ەتتى؛ ىقشامداۋعا كۇش سالدى. قازىرگى «ولشەم» ءار دارەجەلى پارتيالى باسشى كادرلاردى قامتىعان بۇكىل پارتيا مۇشەلەرىنە نە ىستەۋ، نەگە تالپىنۋ كەرەكتىگىن ۇعىندىردى.

  ول بىلاي دەدى: «ولشەمدەگى» ءاربىر ءسوز، ءاربىر تالاپ ەرەكشە تۇجىرىمدى جانە ابستراكتتى، سونىمەن بىرگە مازمۇنى مول، جيناقىلاۋعا ۇمتىلۋمەن بىرگە، «ولشەمنىڭ» تۇپكى ويىن ءدال اڭىس ەتتى. زاڭ - ەرەجەنى اتقارۋدا، بىرىنشىدەن، سانالىلىققا، ەكىنشىدەن، باقىلاۋعا سۇيەنۋ كەرەك.

  جاڭ جۇن بىلاي دەدى: «ولشەمدى» دايەكتى تياناقتاندىرۋدا جوعارى ولشەم مەن ەڭ تومەنگى شەكتى ءوزارا ۇشتاستىرۋعا تاباندى بولۋ كەرەك. ءتارتىپتى ناقتى اتقارۋ بارىسىندا، «ولشەم» مەن «ەرەجەنى» ۇشتاستىرا اتقارۋعا، ءتارتىپتى ماڭداي الدى ورىنعا قويۋعا تاباندى بولىپ، ءتارتىپتى زاڭنان قاتاڭ ۇستاۋعا، ءتارتىپتى زاڭنان ۇستەم ورىنعا قويۋعا، ەرتەرەك، كىشكەنە ىستەن باستاپ يگەرۋگە، تارتىپكە قايشىلىق جاساعانداردى، ءسوزسىز، قۋزاستىرۋعا تاباندى بولۋ كەرەك. «ەرەجەنى» قالاي ۇيرەنۋ جانە ءتۇسىنۋ كەرەك

  جاڭ جۇن بىلاي دەپ اتاپ كورسەتتى: «ەرەجە» جالپى 3 ءبولىم، 11 تاراۋ، 133 تارماقتان تۇرادى، «جالپى ەرەجە»، «تارماق ەرەجە»، «قوسىمشا ەرەجە» سىندى 3 بولەكتى قۇراپ، ساياسي ءتارتىپ، ۇيىمدىق ءتارتىپ، پاكتىك ءتارتىبى، بۇقارالىق ءتارتىپ، قىزمەت ءتارتىبى، تۇرمىس ءتارتىبى سياقتى 6 ۇلكەن تارتىپكە قايشى ارەكەتتى بەلگىلەدى.

  جاڭ جۇن بىلاي دەدى: «ەرەجەنىڭ» جالپى ەرەجەسىنىڭ 19 - تارماعىندا تارتىپكە قاساقانا قايشىلىق جاساعاندارعا اۋىر، اۋىرلاتىپ جازا بەرۋ ءتيىس دەپ بەلگىلەندى، ياعني ءتارتىپتى شوعىرلى رەتكە سالۋ بارىسىندا، تيىلماعاندارعا، قولىن تارتپاعاندارعا اۋىر، اۋىرلاتىپ جازا بەرۋ «ءتيىس» دەلىندى، بۇرىن بۇل تەك قانا «بولادى» دەلىنگەن. «8 ءتۇرلى بەلگىلەمەنىڭ» رۋحىن تياناقتاندىرۋ، «4 ءتۇرلى بۇرىس ستيلگە» قارسى تۇرۋ، ءتارتىپتى اتقارۋدى باقىلاۋ، جاۋاپكەرشىلىگىن تەكتەۋ جاقتارىندا تارتىپكە قايشى كەلگەندەرگە، بۇدان كەيىن «ءسوز جوق» اۋىر، اۋىرلاتىپ جازا بەرىلەدى.

  جاڭ جۇن بىلاي دەدى: «ەرەجەنىڭ» 29 - تارماعىندا «پارتيا ۇيىمدارى ءتارتىپ تەكسەرۋ بارىسىندا بايقاعان پارتيا مۇشەلەرىنىڭ باسقا دا زاڭعا قايشى ارەكەتتەرى بولسا، پارتيانىڭ وبرازىنا ىقپال جەتكىزسە، پارتيانىڭ، مەملەكەتتىڭ، حالىقتىڭ مۇددەسىنە زيان سالسا، كىناسىنىڭ اۋىر - جەڭىلىنە قاراي پارتيا ءتارتىبى جازاسىن بەرۋ ءتيىس. پارتيا مۇشەلەرىنىڭ شارتىنان ايرىلىپ، پارتيانىڭ وبرازىنا اۋىر زيان جەتكىزسە، پارتيادان شىعارۋ جازاسىن بەرۋ ءتيىس» دەلىنگەن. ءتارتىپ پەن زاڭدى ايىرۋ پارتيا مۇشەلەرىنە قويىلاتىن تالاپتى بوساڭسىتقان جوق، كەرىسىنشە، پارتيا مۇشەلەرىن ءتىپتى دە قاتاڭ شەكتەدى، ءتارتىپ شەكتەمەسى اناعۇرلىم كۇشەيدى.

  «ەرەجەنىڭ» تارماق ەرەجەسىنىڭ 6 - تاراۋىنداعى ساياسي تارتىپكە قايشى كەلۋدى جازالاۋ ماسەلەسى جونىنەن جاڭ جۇن بىلاي دەپ اتاپ كورسەتتى: ساياسي تارتىپكە بويسۇنۋدىڭ ەڭ باستى ءتۇيىنى پارتيانىڭ باسشىلىعىنا تاباندى بولۋ، پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ، ورتالىق كوميتەتتىڭ ابىروي - بەدەلىن قورعاۋ. جاڭادان وزگەرىس ەنگىزىلگەن «ەرەجەگە» ورتالىق كوميتەتتىڭ ۇلكەن باعىت - ساياساتىن سان - ساققا جۇگىرتۋ، پارتيانىڭ شوعىرلى بىرلىگىن ءبۇلدىرۋ، توپ جيۋ، پارتيا ىشىندە توپ قۇرۋ، جەكە مۇددەگە سالىنۋ، جىككە ءبولىنۋ، جەكەلىك ىقپالىن كەڭەيتۋ، ۇيىمنىڭ تەكسەرۋىنە قارسى كەلۋ، سوقىر سەنىم ارەكەتتەرىنە ۇيىمداستىرۋ، قاتىناسۋ، پرينسيپسىز تۇردە ىمىرالاسۋ، سونداي - اق پارتيانىڭ تاماشا داستۇرىنە جانە قىزمەت باسقارۋىنا قايشى كەلۋ سياقتى پارتيانىڭ قاعيداسىنا اينالعان تارتىپكە قايشى تارماقتاردى قوستى.

  وسى تاراۋدا جاڭ جۇن 57 - تارماققا ءتۇيىندى تۇردە تۇسىنىك جاسادى. ول بىلاي دەدى: جاڭادان وزگەرىس ەنگىزىلگەن «ەرەجەدە» «ۇيىمنىڭ تەكسەرۋىنە قارسى كەلۋ» دەربەس تۇردە تارتىپكە قايشى ارەكەتكە جاتقىزىلىپ، بۇرىنعى «ەرەجەنىڭ» 42 - تارماق بەلگىلەمەسىنە وزگەرىس ەنگىزدى. مىنە بۇل اسا ۇلكەن وزگەرىس، دەمەك، ۇيىمنىڭ تەكسەرۋىنە قارسى كەلۋ ارەكەتىنىڭ ءوزىن دەربەس تۇردە جازالاۋ، ەڭ قاتاڭ بولعاندا پارتيادان شىعارۋدى بەلگىلەدى. مۇندا، باستىسى، وسى ارەكەتتەر پارتيا ۋستاۆىنداعى پارتيا مۇشەلەرىنىڭ «پارتياعا ادال بولۋ» بەلگىلەمەسىنە اۋىر دارەجەدە قايشى كەلۋشىلەردى ويلاستىرعان، ونىڭ ۇستىنە ۇيىمنىڭ ءتارتىپ تەكسەرۋ قىزمەتىنە اۋىر دارەجەدە توسقىندىق جاساۋ قيمىلى پارتيانى جاپپاي، قاتاڭ جونگە سالۋ رۋحىن بۇلدىرەدى، سوندىقتان بۇعان اۋىر جازا بەرۋ ءتيىس.

  جاڭ جۇن «ەرەجەنىڭ» تارماق ەرەجەسىنىڭ 7 - تاراۋىنداعى ۇيىمدىق تارتىپكە قايشى كەلۋ ارەكەتىنە جازا بەرۋ ماسەلەسىنە مىسال رەتىندە 72 - تارماققا ءتۇيىندى تۇردە تۇسىنىك جاسادى. ول بىلاي دەدى: وسى بەلگىلەمەدە تومەندەگى جايتتەردىڭ بىرەۋى بايقالسا، ەسكەرتۋ بەرۋ، پارتيادان ايداۋ جازاسى بەرىلەدى: ءبىرىنشى، دەموكراتيالىق جولمەن كورسەتۋدە، دەموكراتيالىق جولمەن باعالاۋدا، ۇيىمدىق تەكسەرۋدە، پارتيا ىشىندە سايلاۋدا داۋىس توپتاۋ، سايلاۋعا كومەكتەسۋ سياقتى ۇيىمنان تىسقارى ارەكەتتەرمەن شۇعىلدانعاندار. ەكىنشى، زاڭدا بەلگىلەنگەن داۋىس بەرۋ، سايلاۋ قيمىلدارىندا ۇيىمدىق پرينسيپكە قايشى كەلىپ، ۇيىمنان تىسقارى قيمىلدارمەن شۇعىلدانىپ، باسقالاردى بەلەت تاستاۋعا، داۋىس بەرۋگە ۇيىمداستىرعاندار، جەلىكتىرگەندەر، يتەرمەلەگەندەر.

  «ەرەجەنىڭ» تارماق ەرەجەسىنىڭ 11 - تاراۋىنداعى تۇرمىس تارتىبىنە قايشى كەلۋ ارەكەتى جونىندە جاڭ جۇن بىلاي دەدى: 621 - تارماقتا پرينسيپتىك بەلگىلەمە دايىندالدى، تۇرمىستا ءسان - سالتاناتقا سالىنىپ، راقاتقۇمارلىققا، ءمانسىز قىزىققا بەرىلىپ، ناشار ىقپال تۋدىرعاندارعا ەڭ اۋىر بولعاندا پارتيا ىشىندەگى مىندەتىنەن قالدىرۋ جازاسى بەرىلەدى.

  جاڭ جۇن بىلاي دەپ اتاپ كورسەتتى: بۇل تارماق ءىس جۇزىندە، «ولشەمنىڭ» 3 - تارماعىنداعى «ۇنەمشىلىكتى ۇلىقتاپ، ىسىراپشىلدىقتان ساقتانۋدىڭ» قامتاماسىز سيپاتتى ەرەجەسى. ۇنەمشىلدىكتى ۇلىقتاماي ىسىراپشىلدىقتان ساقتانباعاندار، ونىڭ ۇستىنە ءسان - سالتاناتقا بەرىلىپ راقاتقۇمارلىققا سالىنعاندار وسى ەرەجە بويىنشا جازالانادى. ەكى تارماق ءوزارا بىتە قابىسقان، باس شۋجي شي جينپيڭ ايتقانداي، جوعارى ولشەم، تومەن شەك بەلگىلەنىپ، ورتاداعى بوستىقتىڭ شەكاراسى وتە ايقىندالعان.

  مۇنان تىس، جاڭ جۇن «پاكتىك تارتىبىنە قايشى ارەكەتتەردى جازالاۋ»، «بۇقارالىق ءتارتىپ ارەكەتىنە قايشى كەلگەندەردى جازالاۋ»، «قىزمەت تارتىبىنە قايشى كەلگەندەردى جازالاۋ» سياقتىلاردى ارقاۋ ەتە وتىرىپ، كوپ ءتۇرلى بەلگىلەمەلەرگە وزگەرىس ەنگىزۋ، سونداي - اق وزگەرىس جاساۋ بارىسىنداعى ويلاعان ويلارى جونىندە ەگجەي - تەگجەيلى تۇسىنىك جاسادى.

  جاڭ جۇن بىلاي دەپ اتاپ كورسەتتى: ءتۇزىمنىڭ جانى − اتقارۋدا، ءتۇزىمدى اتقارۋ، شىنداپ كەلگەندە، ادامعا سۇيەنەدى. «ولشەم» مەن «ەرەجە» پارتيانىڭ ءار دارەجەلى ۇيىمدارىنا قاراتىلعان پارمەندى تەجەم، تۇتاس پارتيا مۇشەلەرىنىڭ نەگىزگى ەرەجەسى. «ولشەم» مەن «ەرەجە» جاريالانعاننان كەيىن اتقارۋعا كۇش سالۋ كەرەك، قاعاز بەتىنە عانا تۇسىرۋگە، اۋىزدا عانا ايتۋعا، قابىرعاعا ءىلىپ قويۋعا بولمايدى، قايتا شىنايى تۇردە جۇرەككە ۇيالاتۋ كەرەك. ءار دارەجەلى پارتيا ۇيىمدارى، وتە - موتە، نەگىزگى ساتى پارتيا ۇيىمدارى، 2 زاڭ - بەلگىلەمە جونىندەگى ۇگىت - تاربيەنى شىنايى كۇشەيتىپ، پارتيا مۇشەلەرىن پارتيا تارتىبىنە، قاعيداسىنا قانىقتىرىپ، ولاردىڭ قاتەلىك وتكىزۋىنەن ساقتانۋىنا مۇمكىندىك جاساۋ كەرەك.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.