بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭ ۇيعۇر اۆتونوميالى رايونىنىڭ قىستاق تۇرعىندار كوميتەتىن سايلاۋ ءادىسى

2016.06.08 13:22     كەلۋ قاينارى : شينجياڭ گازەتى

  (شينجياڭ ۇيعۇر اۆتونوميالى رايوندىق 12 - كەزەكتى حالىق قۇرىلتايى تۇراقتى كوميتەتىنىڭ 9 - ماجىلىسىندە 2014 - جىلى 25 - شىلدەدە ماقۇلداندى)

  ءبىرىنشى تاراۋ جالپى ەرەجە

  1 - تارماق بۇل ءادىس قىستاق تۇرعىندار كوميتەتىن سايلاۋ قىزمەتىن ارناعا ءتۇسىرۋ، قىستاق تۇرعىندار كوميتەتىن سايلاۋ ءتۇزىمىن كەمەلدەندىرۋ، قىستاق تۇرعىندارىنىڭ دەموكراتيالىق ۇقىعىن زاڭ بويىنشا جۇرگىزۋىن قامتاماسىز ەتۋ ءۇشىن، «جۇڭحۋا حالىق رەسپۋبليكاسىنىڭ قىستاق تۇرعىندار كوميتەتىنىڭ ۇيىمدىق زاڭىنا» ساي، اۆتونوميالى رايونىمىزدىڭ ناقتى جاعدايىنا ۇشتاستىرىلىپ جاسالدى.

  2 - تارماق قىستاق تۇرعىندار كوميتەتىن سايلاۋ قىزمەتىن اۆتونوميالى رايوندىق حالىق ۇكىمەتى ءبىر تۇتاس ورنالاستىرادى، ءار دارەجەلى حالىق ۇكىمەتى ۇيىمداستىرىپ اتقارادى، قاتىستى تاراۋلار جەتەكشىلىك ىستەيدى.

  اۋدان دارەجەلىدەن جوعارى حالىق قۇرىلتايى جانە ونىڭ تۇراقتى كوميتەتى، اۋىل دارەجەلى حالىق قۇرىلتايى تۇرعىندار كوميتەتىن سايلاۋ قىزمەتىن زاڭ بويىنشا باقىلايدى.

  3 - تارماق اۋىل - قىستاق نەگىزگى ساتى پارتيا ۇيىمى قىستاق تۇرعىندار كوميتەتىن كەزەك اۋىستىرىپ سايلاۋ قىزمەتىندە باسشىلىق، ۇيتقىلىق رولىن ساۋلەلەندىرىپ، نەگىزگى زاڭعا جانە زاڭدارعا، زاڭ - ەرەجەلەرگە ساي، قىستاق تۇرعىندارىنىڭ تىكە سايلاۋ ۇقىعىن جۇرگىزۋىن قولدايدى جانە قامتاماسىز ەتەدى.

  4 - تارماق قىستاق تۇرعىندار كوميتەتىن سايلاۋدى زاڭ بويىنشا جۇرگىزىپ، جاريالى، تەڭ، ءادىل بولۋ پرينسيبىنەن جازباۋ كەرەك.

  ءارقانداي ادامنىڭ ءدىن، رۋ سياقتىلاردان پايدالانىپ سايلاۋ جۇمىسىنا كيلىگۋىنە بولمايدى.

  5 - تارماق قىستاق تۇرعىندار كوميتەتىنىڭ مەڭگەرۋشىسى، ورىنباسار مەڭگەرۋشىسى جانە جورالارى 3 - 7گە دەيىنگى تاق سان بويىنشا قۇرالادى. ناقتى مىندەت سانىن قىستاقتاعى حالىق سانى مەن ءىس جۇزىندىك قىزمەت سالماعىنا قاراي، قىستاق تۇرعىندار ءماجىلىسى جانە قىستاق تۇرعىندار ۋاكىلدەرى ءماجىلىسى ءوز قىستاعىنىڭ ءىس جۇزىندىك احۋالىنا ساي تالقىلاپ بەلگىلەيدى.

  قىستاق تۇرعىندار كوميتەتىنىڭ مۇشەلەرىندە ايەلدەر، جاستار نەمەسە ستۋدەنت قىستاق كادرى بولۋى كەرەك؛ كوپ ۇلت قىستاق تۇرعىندارى قونىستانعان قىستاقتا ادەتتە حالىق سانى ءبىرشاما از ۇلتتاردان مۇشەلەرى بولۋى كەرەك.

  6 - تارماق قىستاق تۇرعىندار كوميتەتىنىڭ مۇشەلەرى جاسىرىن داۋىس بەرۋ ءتاسىلى ارقىلى تىكە سايلانادى. ءارقانداي ۇيىمنىڭ نەمەسە جەكەنىڭ قىستاق تۇرعىندار كوميتەتىنىڭ مۇشەلەرىن بەلگىلەۋىنە، تاعايىنداۋىنا نەمەسە اۋىستىرۋىنا بولمايدى.

  7 - تارماق قىستاق تۇرعىندار كوميتەتىنىڭ ءار كەزەك مىندەت وتەۋ مەرزىمى 3 جىل بولادى، قىستاق تۇرعىندار كوميتەتىنىڭ مۇشەلەرى قايتا سايلانىپ مىندەت وتەي بەرۋىنە بولادى.

  ەرەكشە جاعدايمەن كۇن ىلگەرى نەمەسە كەشىكتىرىپ كەزەك اۋىستىرۋ قاجەت بولسا، قىستاق تۇرعىندار ءماجىلىسى نەمەسە قىستاق تۇرعىندار ۋاكىلدەرى ءماجىلىسى تالقىلاپ بەكىتكەننەن كەيىن، اۋىل دارەجەلى حالىق ۇكىمەتى ارقىلى اۋدان دارەجەلى حالىق ۇكىمەتىنىڭ بەكىتۋىنە جولدايدى.

  8 - تارماق قىستاق تۇرعىندار كوميتەتىن سايلاۋدان ىلگەرى قىستاق تۇرعىندار كوميتەتىنىڭ مۇشەلەرىن زاڭ بويىنشا مىندەتىنەن قول ءۇزدىرىپ، ونىڭ ەكونوميكالىق جاۋاپكەرلىگىنە قازىنالىق باقىلاۋ جۇرگىزۋ كەرەك، قازىنالىق باقىلاۋ ناتيجەسىن قاتىناسۋعا تىزىمدەلگەن قىستاق تۇرعىندارىنىڭ ەسىمدىگىن اشىق كورسەتۋدەن بۇرىن جاريالاۋ كەرەك.

  9 - تارماق تۇرعىندار كوميتەتىن سايلاۋ قاراجاتى قىستاق كوللەكتيۆىنىڭ ەكونوميكالىق تابىسىنان شىعىس ەتىلەدى، كەم بولەگىنە اۋدان دارەجەلى حالىق ۇكىمەتى لايىقتى كومەك بەرەدى، سايلاۋ قاراجاتىن قىستاق تۇرعىندارىنا جايمالاۋعا بولمايدى.

  10 - تارماق قىستاق تۇرعىندار كوميتەتىن سايلاۋ قىزمەتىندە سايلاۋعا قاتىناسۋعا تىزىمدەلگەن قىستاق تۇرعىندارىنىڭ ەسىمدىگى، سايلاۋعا قاتىناسۋ كۋالىگى، كانديداتتار ەسىمدىگى، سايلاۋ بەلەتى سياقتىلارعا مەملەكەتتە ءبىر تۇتاس قولدانىلاتىن ءتىل - جازۋ مەن جەرگىلىكتى ورىنداردا ءبىر تۇتاس قولدانىلاتىن از ۇلت ءتىل - جازۋى تەڭ قولدانىلۋى كەرەك.

  ەكىنشى تاراۋ سايلاۋ قىزمەت قۇرىلىمى

  11 - تارماق ءار دارەجەلى حالىق ۇكىمەتى قىستاق تۇرعىندار كوميتەتىن سايلاۋ باسشىلىق قۇرىلىمىن قۇرىپ، ءوز اكىمشىلىك وڭىرىندەگى قىستاق تۇرعىندار كوميتەتىن كەزەك اۋىستىرىپ سايلاۋ قىزمەتىن ءبىر تۇتاس سايكەستىرۋى كەرەك. ناقتى قىزمەتتى سايلاۋ قىزمەت قۇرىلىمى مىندەتىنە الادى.

  سايلاۋ قىزمەت قۇرىلىمى مىناداي مىندەتتەردى وتەيدى:

  (1) قىستاق تۇرعىندار كوميتەتىن سايلاۋعا قاتىستى زاڭداردى، زاڭ - ەرەجەلەردى جانە ساياساتتى ۇگىتتەيدى؛

  (2) سايلاۋ قىزمەتى جوباسىن جاسايدى، سايلاۋ قىزمەتىن ورنالاستىرادى، سايلاۋ ۋاقىتىن بەلگىلەيدى؛

  (3) قىستاق تۇرعىندارىنىڭ سايلاۋ القاسىن، قىستاق تۇرعىندار كوميتەتىن، قىستاق تۇرعىندار گرۋپپا باستىقتارىن، قىستاق تۇرعىندار ۋاكىلدەرىن سايلاۋ قىزمەتىنە جەتەكشىلىك ەتەدى؛

  (4) سايلاۋ قىزمەتكەرلەرىن تاربيەلەيدى؛

  (5) سايلاۋ قىزمەتىندەگى ارىزداردى، اشكەرەلەۋدى، شاعىمداردى جانە ارىز حاتتار مەن ارىزدانا كەلگەندەردى زاڭ بويىنشا قابىلداپ، اۋدان دارەجەلى نەمەسە اۋىل دارەجەلى حالىق ۇكىمەتىنىڭ سايلاۋ قىزمەتى بارىسىنداعى زاڭعا قايشى ارەكەتتەردى تەكسەرىپ ءبىر جاقتى ەتۋىن قۋزايدى؛

  (6) سايلاۋ قىزمەتىنىڭ احۋالىن جيناقتاپ، سايلاۋ قىزمەتىنىڭ تاجىريبەلەرىن قورىتىندىلايدى جانە تاجىريبە اۋىستىرادى، سايلاۋ قىزمەتى ارحيۆىن تۇرعىزادى، كەمەلدەندىرەدى؛

  (7) كەزەك اۋىستىرىپ سايلاۋ قىزمەتىندە مىندەتىنە الىپ بىتىرەتىن باسقا دا ىستەر.

  12 - تارماق قىستاق تۇرعىندار كوميتەتىنىڭ سايلاۋىن قىستاق تۇرعىندار سايلاۋ القاسى باسقارادى.

  قىستاق تۇرعىندار سايلاۋ القاسىنىڭ مەڭگەرۋشىسى، ورىنباسار مەڭگەرۋشىسى جانە جورالارى 5 - 9عا دەيىنگى تاق سان بويىنشا قۇرالادى.

  قىستاق تۇرعىندار سايلاۋ القاسىنىڭ مۇشەلىگىن ساياسيدا تاباندى، سايلاۋ قىزمەتىنە قاتىستى زاڭدارعا، زاڭ - ەرەجەلەرگە قانىق، قىستاق تۇرعىندارىنا ىقىلاسپەن قىزمەت وتەيتىن، ستيلى دۇرىس، جۇمىستى ءادىل ىستەيتىن، بەلگىلى مادەنيەت ورەسىنە يە جانە ۇيىمداستىرۋ، سايكەستىرۋ قابىلەتى بار قىستاق تۇرعىندارىنا جۇكتەلۋى كەرەك.

  قىستاق تۇرعىندار سايلاۋ القاسى الدىڭعى كەزەكتى قىستاق تۇرعىندار كوميتەتى قىستاق تۇرعىندار ءماجىلىسىن، قىستاق تۇرعىندار ۋاكىلدەرى ءماجىلىسىن نەمەسە ءارقايسى قىستاق تۇرعىندار گرۋپپالارى ءماجىلىسىن شاقىرۋ ارقىلى كانديدات كورسەتىپ سايلانادى، ايەل مۇشەلەر دە بولۋى كەرەك.

  13 - تارماق الدىڭعى كەزەكتى قىستاق تۇرعىندار كوميتەتى قىستاق تۇرعىندار سايلاۋ القاسى مۇشەلەرىنىڭ ەسىمدىگىن دەر كەزىندە جاريالاۋى ءارى اۋىل دارەجەلى سايلاۋ قىزمەت قۇرىلىمىنا ەستەلىككە الدىرۋى كەرەك.

  قىستاق تۇرعىندار سايلاۋ القاسى ءىس قاراعاندا ازشىلىق كوپشىلىككە بويسۇنۋ پرينسيبى اتقارىلادى.

  14 - تارماق قىستاق تۇرعىندار سايلاۋ القاسى مىناداي مىندەتتەردى وتەيدى:

  (1 ) ءوز قىستاعىنىڭ قىستاق تۇرعىندار كوميتەتىنىڭ سايلاۋ قىزمەتى جوباسىن جاسايدى؛

  (2) سايلاۋ جونىندە ۇگىت، اتتانىسقا كەلتىرۋ قىزمەتىن ىستەيدى، قىستاق تۇرعىندارى العا قويعان سايلاۋ جۇمىسىنا قاتىستى ماسەلەلەرگە جاۋاپ قايتارادى؛

  (3) بەلەت باقىلاۋشى، بەلەت ەسەپتەۋشى، ەسىمدىك وقۋشى، بەلەت تاراتۋشى، تىزىمدىككە تىركەۋشى، ۋاكىلەتتى جازىپ بەرۋشى سياقتى سايلاۋ قىزمەتكەرلەرىن كورسەتەدى ءارى باۋليدى؛

  (4) سايلاۋ وتكىزىلەتىن كۇندى، بەلەت تاستايتىن ۋاقىتتى جانە ورىندى جاريالايدى، بەلەت تاستاۋ ءتاسىلىن بەلگىلەيدى؛

  (5) سايلاۋعا قاتىناساتىن قىستاق تۇرعىندارىن تىزىمدەپ، سايلاۋعا قاتىناساتىن قىستاق تۇرعىندارىنىڭ ەسىمدىگىن جاريالايدى، سايلاۋ كۋالىگىن تاراتادى؛

  (6) سايلاۋ ۇقىعى بار قىستاق تۇرعىندارىن ۇيىمداستىرىپ، قىستاق تۇرعىندار كوميتەتىنىڭ مۇشەسى بولاتىن كانديداتتاردى كورسەتىپ تۇراقتاندىرادى، كانديداتتاردىڭ سايلاۋعا قاتىناسۋ تولىمدىلىعىن تەكسەرەدى، كانديداتتاردىڭ ەسىمدىگىن جاريالايدى؛

  (7) كانديداتتاردى تانىستىرادى، سايلاۋ قيمىلىن ۇيىمداستىرادى؛

  (8) مىندەتتەپ بەلەت تاستاۋ ءىسىن بىتىرەدى؛

  (9) بەلەت ساندىعىن، سايلاۋ بەلەتىن جاساتتىرادى، ءماجىلىس ورنىن دايىندايدى؛

  (10) سايلاۋ جينالىسىن باسقارادى، بەلەت تاستاپ سايلاۋعا ۇيىمداستىرادى، سايلاۋ ناتيجەسى مەن سايلانعانداردىڭ ەسىمدىگىن جاريالايدى ءارى جوعارىعا مالىمدەيدى؛

  (11) سايلاۋ قىزمەتى احۋالىن قورىتىندىلايدى، سايلاۋ قىزمەتى ارحيۆىن جاسايدى، قىستاق تۇرعىندار كوميتەتىنىڭ قىزمەت وتكىزىپ بەرۋىن باسقارادى؛

  (12) ارىزداردى قابىلدايدى، سايلاۋ داۋ - شارالارىن ءبىر جاقتى ەتەدى؛

  (13) سايلاۋ قىزمەتى بارىسىنداعى باسقا دا ىستەردى بىتىرەدى.

  قىستاق تۇرعىندار سايلاۋ القاسىنىڭ مىندەت وتەۋ مەرزىم شەگى ۇيىمداسقان كۇننەن باستاپ جاڭا كەزەكتى قىستاق تۇرعىندار كوميتەتى سايلانىپ شىققانعا ءارى قىزمەتتى ورىنداپ بولىپ وتكىزىپ بەرگەنگە دەيىن بولادى.

  15 - تارماق قىستاق تۇرعىندار سايلاۋ القاسىنىڭ مۇشەسى مىندەتىن زاڭ بويىنشا اتقارماسا، بۇرىن كورسەتكەن قىستاق تۇرعىندار ءماجىلىسىنىڭ، قىستاق ۋاكىلدەرى ءماجىلىسىنىڭ نەمەسە قىستاق تۇرعىندار گرۋپپا ءماجىلىسىنىڭ ماقۇلداۋىمەن ونىڭ مىندەتى اياقتايدى. قىستاق تۇرعىندار سايلاۋ كوميتەتىنىڭ مۇشەسى قىستاق تۇرعىندار كوميتەتىنىڭ مۇشەلىگى كانديداتى بولادى دەپ بەلگىلەنسە، ونىڭ مىندەتى وزدىگىنەن اياقتايدى.

  قىستاق تۇرعىندار سايلاۋ القاسىنىڭ مۇشەلەرى كەم بولسا، بۇرىنعى سايلاۋ ناتيجەسى بويىنشا رەتىمەن تولىقتىرىلادى.

  ءۇشىنشى تاراۋ سايلاۋشىلاردى تىزىمدەۋ

  16 - تارماق جاسى 18گە تولعان قىستاق تۇرعىندارىنىڭ ۇلتىنا، ناسىلىنە، جىنىسىنا، كاسىبىنە، وتباسى تەگىنە، ءدىني سەنىمىنە، ءبىلىم ورەسىنە، مال - مۇلىك احۋالىنا، قونىستانۋ مەرزىم شەگىنە قاراماي، بارىندە سايلاۋ جانە سايلانۋ ۇقىعى بولادى. ساياسي ۇقىعىنان زاڭ بويىنشا ماقرۇم ەتىلگەندەر مۇنىڭ سىرتىندا.

  قىستاق تۇرعىندارىنىڭ جاسىنا ازاماتتىق كۋالىك ولشەم ەتىلەدى، ازاماتتىق كۋالىگى جاسالماعان بولسا، نوپوسقا تىزىمدەلۋ ولشەم ەتىلەدى. جاسىن ەسەپتەۋ ۋاقىتىن شەگى سايلاۋ وتكىزىلەتىن كۇنگە دەيىن بولادى.

  17 - تارماق قىستاق تۇرعىندار كوميتەتىنىڭ سايلاۋىنان بۇرىن قىستاق تۇرعىندار سايلاۋ القاسى حابارلاندىرۋ شىعارىپ، سايلاۋعا قاتىناساتىن قىستاق تۇرعىندارىن تىزىمدەۋ مەرزىم شەگىن حابارلاۋى ءارى تومەندەگى ادامداردى تىزىمدەپ، سايلاۋعا قاتىناساتىن قىستاق تۇرعىندارى ەسىمدىگىنە ەنگىزۋى كەرەك:

  (1) نوپوسى سول قىستاقتاعى ءارى سول قىستاقتا قونىستانعان قىستاق تۇرعىندارىن؛

  (2) نوپوسى سول قىستاقتا بولعانىمەن، ءبىراق سول قىستاقتا قونىستانباعان، ءوزى سايلاۋعا قاتىناسۋدى ايتقان قىستاق تۇرعىندارىن؛

  (3) نوپوسى سول قىستاقتا بولماعانىمەن، ءبىراق سول قىستاقتا قونىستانعانىنا ءبىر جىلدان اسقان، سونداي - اق ورگاننان مىندەتكە تاعايىنداپ قىستاققا جىبەرىلگەن قىزمەتكەرلەردى، باسقا قىستاقتان مىندەتكە تاعايىنداپ كەلگەن قىزمەتكەرلەردى، ستۋدەنت قىستاق كادرىن، ءوزى سايلاۋعا قاتىناسۋدى ءوتىنىش ەتكەن ءارى قىستاق تۇرعىندار ءماجىلىسى نەمەسە قىستاق ۋاكىلدەرى ءماجىلىسى سايلاۋعا قاتىناسۋعا قوسىلعان ازاماتتاردى.

  نوپوسى تۇرعان قىستاقتا نەمەسە قونىستانعان قىستاقتا سايلاۋعا قاتىناسۋعا تىزىمدەلگەن قىستاق تۇرعىندارىنىڭ باسقا جەردەگى قىستاق تۇرعىندار كوميتەتىنىڭ سايلاۋىنا قايتالاي قاتىناسۋىنا بولمايدى.

  18 - تارماق مىناداي جايتتەردىڭ ءبىرى بارلاردى سايلاۋعا قاتىناساتىن قىستاق تۇرعىندارىنىڭ ەسىمدىگىنە ەنگىزۋگە بولمايدى:

  (1) ازاماتتىق ىستەر قيمىل قابىلەتى جوق ادامداردى، ازاماتتىق ىستەر قيمىل قابىلەتى شەكتى، سايلاۋ جانە سايلانۋ ۇقىعىن جۇرگىزۋگە امالسىز بولعانداردى؛

  (2) ءوزى جازباشا سايلاۋعا قاتىناسپايمىن دەگەندەردى؛

  (3) تىزىمدەگەن مەزگىلدە سول قىستاقتا قونىستانباي، قىستاق تۇرعىندار سايلاۋ القاسى ونىمەن بايلانىس جاساۋعا امالسىز بولعانداردى.

  19 - تارماق قىستاق تۇرعىندار سايلاۋ القاسى سايلاۋ وتكىزىلەتىن كۇننەن 20 كۇن بۇرىن سايلاۋعا قاتىناسۋعا تىزىمدەلگەن قىستاق تۇرعىندارىنىڭ ەسىمدىگىن جاريالاۋى كەرەك.

  جاريالانعان ەسىمدىككە قىستاق تۇرعىندارىنىڭ بوتەن پىكىرى بولسا، ەسىمدىك جاريالانعان كۇننەن باستاپ 5 كۇن ىشىندە قىستاق تۇرعىندار سايلاۋ القاسىنا ارىزدانۋى، قىستاق تۇرعىندار سايلاۋ القاسى ارىزدى تاپسىرىپ العان كۇننەن باستاپ 3 كۇن ىشىندە ءبىر جاقتى ەتۋ ۇيعارىمىن جاساۋى ءارى ءبىر جاقتى ەتۋ ۇيعارىمىن جاساۋى، ءارى ءبىر جاقتى ەتۋ ناتيجەسىن جاريالاۋى كەرەك.

  قىستاق تۇرعىندار سايلاۋ القاسى سايلاۋ وتكىزىلەتىن كۇننەن بۇرىن سايلاۋعا قاتىناسۋعا تىزىمدەلگەن قىستاق تۇرعىندارىنا سايلاۋ كۋالىگىن بەرۋى كەرەك.

  ءتورتىنشى تاراۋ كانديداتتاردى سايلاۋ

  20 - تارماق قىستاق تۇرعىندار كوميتەتى مۇشەلەرىنىڭ كانديداتى مىناداي نەگىزگى شارتتاردى ازىرلەۋى كەرەك:

  (1) نەگىزگى زاڭعا، زاڭدارعا، زاڭ - ەرەجەلەرگە جانە مەملەكەت ساياساتىنا بويسۇنۋى، قىستاق ەرەجەسىنە، تۇرعىندار سەرتىنە جانە قىستاق تۇرعىندارىنىڭ اۆتونوميا ۋستاۆىنا باعىنۋى؛

  (2) ساياسيدا بەرىك بولۋى، وتاننىڭ تۇتاستىعىن، ۇلتتار ىنتىماعىن جانە قوعام ورنىقتىلىعىن قورعاۋى، ۇلتتىق بولشەكتەۋگە، زورلىقشىل، لاڭكەستىككە، ءدىني ۇشقارىلىققا جانە زاڭسىز ءدىني قيمىلدارعا قارسى تۇرۋى؛

  (3) مىنەز - قۇلقى تاماشا بولۋى، ءىستى ءادىل ىستەۋى، جالپىنىڭ ىسىندە پاك بولۋى، ستيلى دۇرىس بولۋى، بۇقارا مويىنداۋى؛

  (4) قىستاق تۇرعىندارىنا پەيىلدى قىزمەت وتەۋى، قىستاق تۇرعىندارىنىڭ زاڭدى ۇقىق - مۇددەسىن قورعاۋى، جۇرتشىلىقتى ءوندىرىستى وركەندەتىپ، بىرگە اۋقاتتانۋعا باستاي الۋى؛

  (5) بەلگىلى مادەنيەت ورەسى جانە قىزمەت قابىلەتى بولۋى، ساۋ دەنەلى بولۋى.

  21 - تارماق قىستاق تۇرعىندار كوميتەتى مۇشەلەرىنىڭ كانديداتتارى سانى سايلانۋعا ءتيىستى ادام سانىنان كوپ بولۋى كەرەك.

  22 - تارماق قىستاق تۇرعىندار كوميتەتى مۇشەلەرىنىڭ كانديداتتارىن قىستاق تۇرعىندار سايلاۋ القاسى سايلاۋعا قاتىناسۋعا تىزىمدەلگەن قىستاق تۇرعىندارىنىڭ تەڭ جارتىسىنان استامىن ماجىلىسكە شاقىرىپ كورسەتىپ نەمەسە قىستاق تۇرعىندار گرۋپپالارىنداعى سايلاۋعا قاتىناسۋعا تىزىمدەلگەن قىستاق تۇرعىندارىنىڭ ۇشتەن ەكىسىنەن استامىن ماجىلىسكە شاقىرىپ كورسەتىپ، داۋىس سانىنىڭ از - كوپتىگىنە قاراي بەلگىلەيدى.

  سايلاۋعا قاتىناسۋعا تىزىمدەلگەن ءاربىر قىستاق تۇرعىنى كورسەتكەن كانديداتتار سانىن سايلانۋعا ءتيىستى ساننان اسىرۋعا بولمايدى.

  كانديداتتار اراسىندا كەمىندە ءبىر ايەل بولۋى كەرەك.

  ءبىر ادام ءبىر ۋاقىتتا ەكىدەن ارتىق مىندەتتىڭ كانديداتتىعىنا كورسەتىلىپ، كانديدات ءبىر مىندەتتى جازباشا تۇراقتاندىرسا، بەلەت تاستالىپ سايلاۋ جۇرگىزىلەدى.

  23 - تارماق قىستاق تۇرعىندار كوميتەتى مۇشەلەرىنىڭ كانديداتتارىن قىستاق تۇرعىندار سايلاۋ القاسى كۇشىنە يە دەپ تانىعاننان ءارى ونىڭ تولىمدىلىعىن تەكسەرگەننەن كەيىن سايلاۋ وتكىزەتىن كۇننەن 5 كۇن بۇرىن ەسىمدىكتى جاريالاۋى كەرەك.

  كانديدات بولعىسى كەلمەسە، ەسىمدىك جاريالانعان كۇننەن باستاپ 2 كۇن ىشىندە قىستاق تۇرعىندار سايلاۋ القاسىنا جازباشا العا قويۋى كەرەك. كەم قالعان كانديدات شىققان داۋىستىڭ از - كوپتىك رەتى بويىنشا تولىقتىرىلادى، اشىق جاريالانادى.

  24 - تارماق قىستاق تۇرعىندار كوميتەتى كانديداتىنىڭ جۇبايى، اتا - اناسى، ۇل - قىزدارى، اعا - ىنىلەرى، اپەكە - قارىنداستارى سياقتى جاقىن تۋىستارىنىڭ قىستاق تۇرعىندار سايلاۋ القاسىنىڭ مۇشەسى جانە سايلاۋ قىزمەتكەرى مىندەتىن وتەۋىنە بولمايدى.

  25 - تارماق قىستاق تۇرعىندار سايلاۋ القاسى سايلاۋ وتكىزىلەتىن كۇننەن بۇرىن كانديداتتاردى قىستاق تۇرعىندارىمەن جۇزدەسۋگە ۇيىمداستىرعاندا، كانديداتتار مىندەتىن ورىنداۋ ويىن جانە مىندەتىن ورىنداۋ ۋادەسىن تانىستىرۋى ءارى قىستاق تۇرعىندارى العا قويعان ماسەلەلەرگە جاۋاپ قايتارۋى كەرەك. كانديداتتاردىڭ سايلاۋ باسەكە ماتەريالى قىستاق تۇرعىندار سايلاۋ القاسىنىڭ تەكسەرۋىنە تاپسىرىلۋى كەرەك.

  بەسىنشى تاراۋ سايلاۋ ءتارتىبى

  26 - تارماق قىستاق تۇرعىندار كوميتەتىن سايلاۋدا سايلاۋ جينالىسىن اشىپ، سايلاۋعا قاتىناسۋعا تىزىمدەلگەن قىستاق تۇرعىندارىن شوعىرلى بەلەت تاستاۋعا ۇيىمداستىرسا بولادى؛ حالىق سانى كوبىرەك، قونىستانۋى بىتىراندى قىستاقتاردا ءبىرقانشا بەلەت تاستاۋ ورىندارىندا بەلەت تاستاسا بولادى. ناقتى بەلەت تاستاۋ ءتاسىلىن قىستاق تۇرعىندار ۋاكىلدەرى ءماجىلىسى اقىلداسىپ بەلگىلەيدى.

  جاسى ۇلعايعان، ءالسىز، ناۋقاس، مۇگەدەك سياقتى سەبەپتەرمەن سايلاۋ جينالىسىنا قاتىناسا المايتىن نەمەسە بەلەت تاستاۋ ورنىنا بارىپ بەلەت تاستاي المايتىن قىستاق تۇرعىندارىنا اۋىل دارەجەلى سايلاۋ قىزمەتى قۇرىلىمىنىڭ بەكىتۋىمەن جىلجىمالى بەلەت ساندىعىن سەپتەسە بولادى، ءار جىلجىمالى بەلەت ساندىعىنا ۇشتەن استام قىزمەتكەر جاۋاپتى بولادى، مۇندا، كەمىندە، قىستاق تۇرعىندار سايلاۋ القاسىنىڭ ءبىر مۇشەسى بولادى.

  727 - تارماق سايلاۋعا قاتىناسۋعا تىزىمدەلگەن قىستاق تۇرعىندارى سايلاۋ مەزگىلىندە سىرتقا شىعىپ كەتىپ، بەلەت تاستاۋعا قاتىناسا المايتىن بولسا، ءوز قىستاعىنداعى سايلاۋ ۇقىعى بار جاقىن تۋىستارىنا ۋاكىلدىك رەتىندە بەلەت تاستاۋدى جازباشا مىندەتتەسە بولادى. ءوز قىستاعىندا جاقىن تۋىسى بولماسا، ءوز قىستاعىنداعى كانديدات ەمەس، سايلاۋ ۇقىعى بار باسقا قىستاق تۇرعىنىنا ۋاكىلدىك رەتىندە بەلەت تاستاۋدى مىندەتتەسە بولادى.

  مىندەتتەگەن ادام نەمەسە مىندەتتەمەنى قابىلداعان ادام سايلاۋ وتكىزىلەتىن كۇننەن بۇرىن قىستاق تۇرعىندار سايلاۋ القاسىنا بارىپ مىندەتتەمەلى بەلەت تاستاۋ جۇمىسىن ءبىتىرۋى، قىستاق تۇرعىندار سايلاۋ القاسى تىزىمدەگەننەن ءارى تەكسەرىپ ماقۇلداعاننان كەيىن، مىندەتتەپ بەلەت تاستاۋ كۋالىگىن تاراتۋى ءارى سايلاۋ وتكىزىلەتىن كۇننەن بۇرىن مىندەتتەگەن ادامدار مەن مىندەتتەمەنى قابىلداعان ادامداردىڭ ەسىمدىگىن جاريالاۋى كەرەك. ەسىمدىككە بوتەن پىكىر بولسا، سايلاۋ وتكىزىلەتىن كۇننەن بۇرىن العا قويۋى كەرەك، قىستاق تۇرعىندار سايلاۋ القاسى دەر كەزىندە قايتا تەكسەرۋى ءارى ءبىر جاقتى ەتۋى كەرەك.

  سايلاۋعا قاتىناسۋعا تىزىمدەلگەن ءاربىر قىستاق تۇرعىنىنىڭ ۇشتەن ارتىق ادامىنىڭ بەلەت تاستاۋ مىندەتتەمەسىن قابىلداۋىنا بولمايدى. مىندەتتەگەن ادامنىڭ باسقا ادامدارعا تاعى مىندەتتەۋىنە بولمايدى.

  28 - تارماق سايلاۋ جينالىسىندا بەلەت تاستاۋدان بۇرىن جينالىسقا كەلگەن ادام سانىن انىقتاپ، بەلەت تاستاۋ ءادىسىن وقىپ شىعۋ، سايلاۋ قىزمەتىنىڭ ازىرلىك جاعدايىن مالىمدەۋ، قۇپيا بەلەت تولتىراتىن ورىندى بەلگىلەۋ، بەلەت ساندىعىن تەكسەرۋ، سايلاۋ بەلەتىن ساناۋ كەرەك.

  سايلاۋعا قاتىناسۋعا تىزىمدەلگەن قىستاق تۇرعىندارى سايلاۋ كۋالىگىمەن جانە مىندەتتەۋ حاتى بار سايلاۋ بەلەتىمەن قۇپيا بەلەت تولتىراتىن ورىنعا بارىپ دەربەس تولتىرادى، ءارقانداي ادامنىڭ قاراپ تۇرۋىنا، كيلىگۋىنە بولمايدى.

  سايلاۋعا قاتىناسۋعا تىزىمدەلگەن قىستاق تۇرعىنى سايلاۋ بەلەتىن تولتىرا المايتىن بولسا، سايلاۋ ۇقىعى بار كانديدات ەمەس ادامعا قۇپيا بەلەت تولتىرۋ ورنىنا كەلىپ ۋاكىلدىك رەتىندە تولتىرىپ بەرۋدى مىندەتتەسە بولادى؛ ۋاكىلدىك رەتىندە تولتىرعان ادام، ءسوزسىز، ۋاكىلدىك رەتىندە تولتىرتقىزعان ادامنىڭ ەركى بويىنشا سايلاۋ بەلەتىن تولتىرۋى كەرەك. ءارقانداي ادامنىڭ سايلاۋ بەلەتىن ۋاكىلدىك رەتىندە زورلاپ تولتىرۋىنا بولمايدى.

  29 - تارماق سايلاۋعا قاتىناسۋعا تىزىمدەلگەن قىستاق تۇرعىندارى كانديداتتارعا قۇپتاپ داۋىس بەرسە، قارسى داۋىس بەرسە دە نەمەسە قالىس قالسا دا باسقالاردى سايلاسا دا بولادى.

  30 - تارماق بەلەت تاستاۋ اياقتاعاننان كەيىن، قىستاق تۇرعىندار سايلاۋ القاسى بارلىق بەلەت ساندىعىن پەشەتتەپ ءارى سول كۇنگى سايلاۋ جينالىس ورنىنا جيناپ، بەلەت باقىلاشىلار بارلىق بەلەت ساندىعىن جۇرتشىلىقتىڭ الدىندا اشىپ، بەلەت ساناۋشىلار، بەلەت ەسەپتەۋشىلەر بەلەتتى داۋىستاپ وقۋى، ەسەپتەۋى كەرەك. بەلەت ەسەپتەۋ ناتيجەسىن بەلەت باقىلاۋشى ۇستىندە جاريالايدى ءارى ەستەلىككە الادى، قولىن قويادى.

  31 - تارماق سايلاۋعا قاتىناسۋعا تىزىمدەلگەن قىستاق تۇرعىندارىنىڭ تەڭ جارتىسىنان استامى بەلەت تاستاۋعا قاتىناسسا ءارى جيناپ الىنعان سايلاۋ بەلەتىنىڭ سانى تاراتىلعان سايلاۋ بەلەتىنىڭ سانىنا تەڭ بولسا نەمەسە ونان از بولسا سايلاۋ كۇشىنە يە بولادى؛ جيناپ الىنعان سايلاۋ بەلەتىنىڭ سانى تاراتىلعان سايلاۋ بەلەتىنىڭ سانىنان كوپ بولسا، سايلاۋ كۇشىنە يە بولمايدى.

  ءاربىر سايلاۋ بەلەتىندەگى سايلانعان ادام سانى سايلانۋعا ءتيىستى ادام سانىنا تەڭ نەمەسە ونان از بولسا، سايلاۋ كۇشىنە يە بولادى؛ سايلانۋعا ءتيىستى ادام سانىنان كوپ بولسا نەمەسە ءبىر ادام 2 تۇرلىدەن ارتىق مىندەتكە الۋعا سايلانعان بولسا، سايلاۋ بەلەتى كۇشىنە يە بولمايدى.

  سايلاۋ بەلەتىنىڭ جازۋلارى وشكىندەپ تانۋعا بولماسا، قىستاق تۇرعىندار سايلاۋ القاسىنىڭ بەكىتۋىمەن سول بەلەت كۇشىنە يە بولمايدى؛ سايلاۋ بەلەتىنىڭ ءىشىنارا جەرلەرىن تانۋعا بولماسا، تانۋعا بولماعان جەرلەرى كۇشىنە يە بولمايدى.

  كۇشىنە يە بولماعان بەلەت پەن ءىشىنارا تانۋعا بولماعان بەلەتتەر سايلاۋ بەلەتىنىڭ جالپى سانىنا قوسىپ ەسەپتەلەدى.

  32 - تارماق كانديداتتار نەمەسە كانديداتتاردان باسقا سايلانۋ ۇقىعى بار باسقا دا ادامدار (تومەندە قىسقارتىپ «سايلاۋعا قاتىناسقاندار» دەلىنەدى) بەلەت تاستاۋعا قاتىناسقان قىستاق تۇرعىندارىنىڭ تەڭ جارتىسىنان استامىنىڭ داۋىسىنا يە بولسا، كوپ داۋىسقا يە بولعانى سايلانعان بولادى؛ بەلەت سانى ۇقساس بولىپ، سايلانعان ادامدى تۇراقتاندىرۋعا بولماعاندا، بەلەت سانى ۇقساس شىققان ادامداردى قايتا داۋىسقا سالۋ كەرەك، كوپ داۋىسقا يە بولعانى سايلانعان بولادى.

  مەڭگەرۋشى، ورىنباسار مەڭگەرۋشى بولىپ سايلانعاندار اراسىندا ايەلدەر بولماعانىمەن، ءبىراق جورالار كانديداتتارى نەمەسە سايلاۋعا قاتىناسقاندار اراسىنداعى ايەلدەر تەڭ جارتىسىنان استام سايلاۋشىلاردىڭ داۋىسىنا يە بولسا، ەڭ كوپ داۋىسقا يە بولعان ايەلدى جورالىققا سايلاندى دەپ الدىمەن تۇراقتاندىرۋ كەرەك، باسقا دا سايلانعاندار شىققان داۋىس سانىنىڭ از - كوپتىگىنە قاراي تۇراقتاندىرىلادى؛ جورالار كانديداتتارى نەمەسە سايلاۋعا قاتىناسقاندار اراسىنداعى ايەلدەر سايلاۋشىلاردىڭ تەڭ جارتىسىنان استامىنىڭ داۋىسىنا يە بولماسا، سايلانۋعا ءتيىستى ساننىڭ ىشىنەن ءبىر ساندى ايىرىم ايەل جورا سايلاۋعا تۇراقتاندىرىپ، ءدال سايلانىپ شىققانعا دەيىن باسقا سايلاۋشىلاردى شىققان داۋىستىڭ از - كوپتىك رەتى بويىنشا تۇراقتاندىرۋ كەرەك.

  33 - تارماق سايلانعان ادام سانى سايلانۋعا ءتيىستى سانعا جەتپەسە، جەتپەگەن ادامدى ايىرىم سايلاۋ كەرەك. ايىرىم سايلاۋ ۋاقىتىن قىستاق تۇرعىندار سايلاۋ القاسى بەلگىلەيدى.

  ايىرىم سايلاعاندا، ءبىرىنشى رەتكى داۋىس بەرگەندە سايلانباي قالعان ادامداردىڭ شىققان داۋىس سانىنىڭ از - كوپتىك رەتى بويىنشا كانديداتتار ەسىمدىگى تۇراقتاندىرىلادى. كانديدات كوپ داۋىسقا يە بولسا سايلانعان بولادى. ءبىراق شىققان داۋىس سانى تاستالعان بەلەت سانىنىڭ ۇشتەن بىرىنەن كەم بولسا بولمايدى.

  34 - تارماق ايىرىم سايلاۋ ارقىلى سايلانعان ادام سانى 3 ادامنان ارتىق بولسا، بوس قالعان سان ۋاقىتشا كەم بولادى. مەڭگەرۋشى ۋاقىتشا كەم بولسا، سايلانعاندا شىققان داۋىس سانى كوپ بولعان ورىنباسار مەڭگەرۋشى قىزمەتتى باسقارادى؛ مەڭگەرۋشى، ورىنباسار مەڭگەرۋشى ۋاقىتشا كەم بولسا، قىستاق تۇرعىندار ۋاكىلدەرى ءماجىلىسى سايلانعان جورالار اراسىنان ءبىر ادامدى قىزمەتتى باسقارۋعا كورسەتەدى.

  سايلانعان ادام سانى 3 ادامعا جەتپەي، جاڭا كەزەكتى قىستاق تۇرعىندار كوميتەتىن ۇيىمداستىرۋعا بولماسا، كەم قالعان ادامداردى قايتا سايلاپ شىعۋ كەرەك.

  35 - تارماق سايلانىپ شىققان قىستاق تۇرعىندار كوميتەتىنىڭ مۇشەلەرى اراسىندا ەرلى - زايىپتىلار، اتا - انالار، ۇل - قىزدار، اعا - ىنىلەر، اپەكەلى - قارىنداستار سياقتى جاقىن تۋىستىق قاتىناستاعىلار بولسا، مىندەتى ەڭ جوعارى ءبىر ادامنىڭ عانا مىندەتى تۇراقتاندىرىلادى؛ ەگەر مىندەتى ۇقساس بولسا، شىققان داۋىس سانى ەڭ كوپ ءبىر ادامنىڭ عانا مىندەتى تۇراقتاندىرىلادى.

  36 - تارماق قىستاق تۇرعىندار سايلاۋ القاسى سايلاۋ كۇشىنە يە دەپ تۇراقتاندىرسا، اۋىل دارەجەلى قىستاق تۇرعىندار كوميتەتىنىڭ سايلاۋ قىزمەتى قۇرىلىمىنا مالىمدەگەننەن كەيىن، سايلاۋ ناتيجەسىن جاريالايدى.

  قىستاق تۇرعىندار سايلاۋ القاسى سايلاۋ كۇشىنە يە ەمەس دەپ تۇراقتاندىرسا، وسى ادىسكە ساي قايتا سايلاۋعا ۇيىمداستىرىلادى.

  37 - تارماق الدىڭعى كەزەكتى قىستاق تۇرعىندار كوميتەتى جاڭا كەزەكتى قىستاق تۇرعىندار كوميتەتى سايلانىپ شىققان كۇننەن باستاپ 10 كۇن ىشىندە تاڭبا، قىزمەت ىستەيتىن ورىن، جۇمىس جابدىعى، كوللەكتيۆ قازىنا ىستەر ەسەپ - قيسابى، تۇراقتى مۇلىك، قىزمەت ارحيۆى، الاشاق - بەرەشەك جانە باسقا دا ەسكىدەن قالعان ماسەلەلەر سياقتىلاردى وتكىزۋى كەرەك. قىزمەتتى وتكىزىپ بەرۋدى قىستاق تۇرعىندار سايلاۋ القاسى باسقارادى، اۋىل دارەجەلى حالىق ۇكىمەتى باقىلايدى.

  38 - تارماق قىستاق تۇرعىندار كوميتەتىنىڭ سايلاۋ قىزمەتى اياقتاعاننان كەيىن، سايلاۋ قىزمەتىنىڭ ارحيۆتەرىن دەر كەزىندە تۇرعىزۋ ءارى ساقتاۋ كەرەك.

  39 - تارماق جاڭا كەزەكتى قىستاق تۇرعىندار كوميتەتى الدىڭعى كەزەكتى قىستاق تۇرعىندار كوميتەتى قىزمەتتى وتكىزىپ بولعان كۇننەن باستاپ قىستاق تۇرعىندار ءماجىلىسىن نەمەسە قىستاق تۇرعىندار ۋاكىلدەرى ءماجىلىسىن ۇيىمداستىرىپ اشۋى، ءارقايسى قىستاق تۇرعىندار گرۋپپالارىنىڭ ءماجىلىسىن ۇيىمداستىرىپ اشىپ، گرۋپپا باستىقتارىن سايلاپ شىعۋى كەرەك. التىنشى تاراۋ مىندەتتىڭ وزدىگىنەن اياقتاۋى، مىندەتتەن بوساۋ، مىندەتتەن قالدىرۋ جانە تولىقتاپ سايلاۋ

  40 - تارماق قىستاق تۇرعىندار كوميتەتىنىڭ مۇشەلەرىندە مىناداي جايتتەردىڭ ءبىرى بولسا، ونىڭ مىندەتى وزدىگىنەن اياقتايدى:

  (1) ولسە نەمەسە دەرەكسىز كەتتى دەپ جاريالانسا؛

  (2) قىلمىستىق ىستەر جازاسىنا كەسىلسە؛

  (3) ازاماتتىق ىستەر قيمىل قابىلەتىنەن ايرىلسا؛

  (4) ۇلتتىق بولشەكتەۋ، زورلىقشىل، لاڭكەستىك، ءدىني ۇشقارى قيمىلعا قاتىناسسا نەمەسە ۇلتتىق بولشەكتەۋشىلىكتى، زورلىقشىل، لاڭكەستىكتى، ءدىني ۇشقارىلىقتى قيمىلدارىن قورعاشتاسا، وعان جول بەرسە؛

  (5) قىستاق تۇرعىندار ماجىلىسىندە نەمەسە قىستاق تۇرعىندار ۋاكىلدەرى ماجىلىسىندەگى دەموكراتيالىق باعالاۋدا ۇدايى 2 رەت تولىمدى بولماسا؛

  (6) زاڭداردا، زاڭ - ەرەجەلەردە، ەرەجەلەردە بەلگىلەنگەن باسقا دا جايتتەر.

  41 - تارماق قىستاق تۇرعىندار كوميتەتىنىڭ مۇشەلەرى مىندەتتەن بوسايتىن بولسا، قىستاق تۇرعىندار كوميتەتىنە جازباشا العا قويۋى كەرەك؛ قىستاق تۇرعىندار كوميتەتى قىستاق تۇرعىندار ءماجىلىسىن نەمەسە قىستاق تۇرعىندار ۋاكىلدەرى ءماجىلىسىن دەر كەزىندە ۇيىمداستىرىپ اشىپ، تالقىلاپ ۇيعارىم جاساۋى كەرەك؛ اۋىل دارەجەلى حالىق ۇكىمەتى ونىڭ مىندەتىنەن بوساۋ تالابىنا قوسىلاتىن بولسا، قىستاق تۇرعىندار كوميتەتى جاريالاۋى كەرەك.

  42 - تارماق سول قىستاقتاعى سايلاۋ ۇقىعى بار بەستەن بىردەن ارتىق قىستاق تۇرعىندارى نەمەسە ۇشتەن بىردەن ارتىق قىستاق تۇرعىندار ۋاكىلدەرى بىرلەسىپ قول قويىپ، قىستاق تۇرعىندار كوميتەتىنىڭ مۇشەلەرىن مىندەتىنەن قالدىرۋ تالابىن قىستاق تۇرعىندار كوميتەتىنە جازباشا العا قويسا ءارى مىندەتىنەن قالدىرۋدى تالاپ ەتۋ سەبەبىن تۇسىندىرسە بولادى.

  43 - تارماق قىستاق تۇرعىندار كوميتەتىنىڭ مۇشەلەرى زاڭدارعا، زاڭ - ەرەجەلەرگە جانە مەملەكەتتىڭ ساياساتىنا قايشىلىق جاساسا نەمەسە ورىندى سەبەبى بولماي تۇرىپ قىستاق تۇرعىندار كوميتەتىنىڭ جۇمىسىنا قاتىناسپاسا، اۋىل دارەجەلى حالىق ۇكىمەتى مىندەتىنەن قالدىرۋ ۇسىنىسىن العا قويسا بولادى.

  44 - تارماق مىندەتىنەن قالدىرۋ العا قويىلعان قىستاق تۇرعىندار كوميتەتىنىڭ مۇشەسى اقتالۋعا ۇقىقتى.

  قىستاق تۇرعىندار كوميتەتىنىڭ مۇشەسىن مىندەتىنەن قالدىرۋدا سايلاۋعا قاتىناسۋعا تىزىمدەلگەن قىستاق تۇرعىندارىنىڭ تەڭ جارتىسىنان استامى بەلەت تاستاۋعا قاتىناسۋى ءارى بەلەت تاستاۋعا قاتىناسقان قىستاق تۇرعىندارىنىڭ تەڭ جارتىسىنان استامى قوسىلۋى كەرەك.

  45 - تارماق قىستاق تۇرعىندار كوميتەتىنىڭ مۇشەلەرى كەم قالسا، قىستاق تۇرعىندار ءماجىلىسى نەمەسە قىستاق تۇرعىندار ۋاكىلدەرى ءماجىلىسى تولىقتاپ سايلاسا بولادى.

  تولىقتاپ سايلاۋ ءتارتىبى مەن ءادىسى وسى ءادىستىڭ قاتىستى سايلاۋ بەلگىلەمەسى بويىنشا ىستەلەدى.

  تولىقتاپ سايلانعان قىستاق تۇرعىندار كوميتەتى مۇشەلەرىنىڭ مىندەت وتەۋ مەرزىمى سول كەزەكتى قىستاق تۇرعىندار كوميتەتىنىڭ مىندەت وتەۋ مەرزىمىنە دەيىن بولادى. جەتىنشى تاراۋ زاڭدىق جاۋاپكەرلىك

  46 - تارماق مىناداي ارەكەتتەردىڭ ءبىرى بولسا، قىستاق تۇرعىندارى اۋىل دارەجەلى حالىق قۇرىلتايىنا جانە حالىق ۇكىمەتىنە نەمەسە اۋدان دارەجەلى حالىق قۇرىلتايىنىڭ تۇراقتى كوميتەتىنە جانە حالىق ۇكىمەتىنە، باسقا دا قاتىستى تاراۋلارعا اشكەرەلەۋگە ۇقىقتى، اۋىل دارەجەلى حالىق ۇكىمەتى نەمەسە اۋدان دارەجەلى حالىق ۇكىمەتى تەكسەرۋگە ءارى زاڭ بويىنشا ءبىر جاقتى ەتۋگە جاۋاپتى بولادى:

  (1) زورلىقتى كۇش، قورقىتۋ، الداۋ، پارا بەرۋ، سايلاۋ بەلەتىن جالعان جاساۋ، سايلاۋ ناتيجەسىن جالعان مالىمدەۋ سياقتى ورىنسىز تاسىلدەر ارقىلى قىستاق تۇرعىندارىنىڭ سايلاۋ ۇقىعىن، سايلانۋ ۇقىعىن جۇرگىزۋىنە زالال تيگىزىپ، قىستاق تۇرعىندار كوميتەتىنىڭ سايلاۋىن بۇلدىرسە؛

  (2) بەلەت ساندىعىن شاعۋ، ءبۇلدىرۋ، سايلاۋ وتكىزىلگەن ورىنعا باسىپ كىرۋ سياقتىلار ارقىلى سايلاۋ وتكىزىلگەن ورىننىڭ ءتارتىبىن بىلىقتىرسا؛

  (3) سايلاۋ بارىسىنداعى زاڭعا قايشى ارەكەتتەردى اشكەرەلەگەن نەمەسە مىندەتىنەن قالدىرۋ تالابىن العا قويعان قىستاق تۇرعىندارىنا سوققى بەرسە، ونان ءوش السا؛

  (4) سايلاۋدى بۇلدىرەتىن، وعان زالال جەتكىزەتىن باسقا دا ارەكەتتەر.

  زورلىقتى كۇش، قورقىتۋ، الداۋ، پارا بەرۋ، سايلاۋ بەلەتىن جالعان جاساۋ، سايلاۋ بەلەتىنىڭ سانىن جالعان مالىمدەۋ سياقتى زاڭعا قايشى تاسىلدەر ارقىلى قىستاق تۇرعىندار كوميتەتىنىڭ مۇشەلىگىنە سايلانسا، اۋىل دارەجەلى حالىق ۇكىمەتى نەمەسە اۋدان دارەجەلى حالىق ۇكىمەتى ونىڭ سايلانۋىن كۇشىنە يە ەمەس دەپ جاريالايدى. اماندىق باسقارۋعا قايشىلىق جاساۋ ارەكەتىنە تولسا، زاڭ بويىنشا اماندىق باسقارۋ جازاسى بەرىلەدى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى.

  47 - تارماق مىناداي ارەكەتتەردىڭ ءبىرى بولسا، جوعارى دارەجەلى باسقارۋشى تاراۋ جانە باقىلاۋ ورگانى تۇزەتۋگە بۇيىرۋى كەرەك؛ كۇناسى اۋىر بولسا، تىكە جاۋاپتىلارعا شارا كورىلەدى؛ قىلمىسقا تولعاندارىنىڭ قىلمىستىق ىستەر جاۋاپكەرلىگى زاڭ بويىنشا قۋزاستىرىلادى:

  (1) ورىندى سەبەبى بولماي تۇرىپ قىستاق تۇرعىندار كوميتەتىنىڭ سايلاۋىن ۇيىمداستىرماسا نەمەسە كەشەۋىلدەتسە؛

  (2) قىزمەتتەن كەتكەندەردى ەكونوميكالىق جاقتان قازىنالىق باقىلاۋعا ورنالاستىرماسا نەمەسە قىستاق تۇرعىندار كوميتەتىن سايلاۋدان بۇرىن قازىنالىق باقىلاۋ ناتيجەسىن جاريالاماسا؛

  (3) قىستاق تۇرعىندار كوميتەتى مۇشەلەرىنىڭ كانديداتىن بەلگىلەسە؛

  (4) قىستاق تۇرعىندار كوميتەتى مۇشەلەرىن بەلگىلەسە، تاعايىنداسا، اۋىستىرسا؛

  (5) اشكەرەلەگەن نەمەسە بايقالعان زاڭعا قايشى ارەكەتتەردى تەكسەرىپ ءبىر جاقتى ەتۋدەن باس تارتسا نەمەسە سەبەپسىز تەكسەرىپ ءبىر جاقتى ەتۋدى سوزاقتاتسا؛

  (6) سايلاۋ قىزمەتى بارىسىندا ۇقىعىنان الباتى پايدالانىپ، بەتكە قاراپ، جولدان تايىپ، مىندەتىنە نەمقۇرايدى قاراپ، ناشار ىقپال تۋدىرسا؛

  (7) وسى ادىستەگى بەلگىلەمەلەرگە قايشىلىق جاساعان باسقا دا ارەكەتتەر.

  48 - تارماق قىستاق تۇرعىندار سايلاۋ القاسى قىزمەتتى وتكىزىپ بەرۋ جۇمىسىن باسقارماسا نەمەسە الدىڭعى كەزەكتى قىستاق تۇرعىندار كوميتەتى وسى ادىستەگى بەلگىلەمەلەرگە ساي، قىزمەتتى وتكىزىپ بەرۋ راسمياتىن بىتىرمەسە، اۋىل دارەجەلى حالىق ۇكىمەتى تۇزەتۋگە بۇيىرادى؛ قىستاق كوللەكتيۆىنىڭ مال - مۇلكىن زيانعا ۇشىراتسا، زاڭ بويىنشا تولەم جاۋاپكەرلىگىن ارقالايدى.

  سەگىزىنشى تاراۋ قوسىمشا ەرەجە

  49 - تارماق قىستاق ىستەرىن باقىلاۋ القاسىنىڭ مۇشەلەرىن سايلاۋ وسى ءادىس بويىنشا اتقارىلادى.

  50 - تارماق بۇل ءادىس 2014 - جىلى 1 - قازاننان باستاپ اتقارىلادى.

  (اۋدارماسىن اۆتونوميالى رايوندىق حالىق قۇرىلتايى تۇراقتى كوميتەتى كەڭسەسىنىڭ زاڭ - ەرەجەلەر اۋدارماسىن قاراپ بەكىتۋ گرۋپپاسى قاراپ بەكىتتى)
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.