- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شينجياڭ توعىزقۇمالاق اقىل - وي سپورتى قوعامىن قۇرۋدىڭ دايىندىق كوميسسياسى قۇرىلدى
2016.06.14 13:59 كەلۋ قاينارى : شينجياڭ گازەتى
«دارىن» اتىنداعى شينجياڭ تۇڭعىش كەزەكتى توعىزقۇمالاق اقىل - وي سپورت جارىسى ءوتتى
مۇرات ىبىراي ۇلى ۇرىمجىدەن حابارلايدى. قازاق حالقىنىڭ زياتكەرلىك ويىندارىنىڭ ءبىرى توعىزقۇمالاق جۋىق جىلداردان بەرى تۇتاس رايونىمىز كولەمىندە تەز جالپىلاسىپ كەلەدى. سونىڭ ءبىر ماۋەلى جەتىستىگى شينجياڭ توعىزقۇمالاق اقىل - وي سپورتى قوعامىن قۇرۋدىڭ دايىندىق كوميسسياسىنىڭ قۇرىلۋى ەدى. اۆتونوميالى رايوندىق حالىق ىستەرى مەڭگەرمەسى، شينجياڭ دەنە تاربيە مەكەمەسى سياقتى ورىنداردىڭ ماقۇلداۋىمەن شينجياڭ توعىزقۇمالاق اقىل - وي سپورت قوعامىن قۇرۋدىڭ دايىندىق كوميسسياسىنىڭ قۇرىلۋ سالتى 10 - ماۋسىم ءۇرىمجى قالاسىندا وتكىزىلدى، سونداي - اق دايىندىق كوميسسياسىنىڭ قۇرىلۋى بايلانىسىمەن وتكىزىلگەن «دارىن» اتىنداعى شينجياڭ تۇڭعىش كەزەكتى توعىزقۇمالاق اقىل - وي سپورت جارىسى ءوتتى.
شينجياڭ توعىزقۇمالاق اقىل - وي سپورتى قوعامىن قۇرۋدىڭ دايىندىق كوميسسياسىنىڭ مەڭگەرۋشىسى، شينجياڭ ۋنيۆەرسيتەتى دەنە تاربيە كافەدراسىنىڭ دوتسەنتى شىنار قاپان ۇلى: جۋىق جىلداردان بەرى رايونىمىزدا حالقىمىزدىڭ الدەنەشە مىڭ جىلدار بويى ۇزىلمەي كەلە جاتقان بىرەگەي مادەني قۇندىلىقتارىنىڭ ءبىرى، دالا ماتەماتيكاسى اتانعان زياتكەرلىك ويىنىمىز توعىزقۇمالاقتى وينايتىن، وعان قىزىعاتىن، ءتىپتى، زەرتتەيتىن ادامدار شوعىرى قالىپتاستى، ايماق (قالا)، اۋدانداردا قوعامدار ارت - ارتىنان قۇرىلدى، حالىقارالىق جارىستاردا شەبەرلەرىمىز توپ جاردى. وسى تاماشا جاعدايلاردى ەسكەرە وتىرىپ، ءبىز قاتىستى ورىندارعا شينجياڭ توعىزقۇمالاق اقىل - وي سپورتى قوعامىن قۇرۋ ءوتىنىشىن جولداعامىز، سول ءوتىنىشىمىز العاشقى ادىمدا ماقۇلدانىپ، اتالعان قوعامدى قۇرۋدىڭ شينجياڭ شاحماتعاناسىنا ۋاقىتشا تىركەلگەن دايىندىق كوميسسياسى قۇرىلدى، - دەدى.
سالتتا شينجياڭ شاحماتعاناسنىڭ باستىعى ما جۇن: قازاق حالقىنىڭ توعىزقۇمالاق ويىنى اۆتونوميالى رايونىمىزدىڭ شاحمات ويىندارىنىڭ دامۋىنا، جالپىلاسۋىنا ۇلكەن مۇمكىندىك الا كەلدى. مەملەكەتىمىز اتقارعان «ءبىر بەلدەۋ، ءبىر جول» ستراتەگياسىنا ساي، اۆتونوميالى رايونىمىزدىڭ دويبى - شاحمات ىستەرى حالىقارالىق بارىس - كەلىستى قويۋلاتۋعا، دوستىقتى ىلگەرىلەتۋگە كۇش سالادى، سول جۇيەدەن 5 قۇرلىق، 25 مەملەكەتتە وينالاتىن قازاقتىڭ توعىزقۇمالاق زياتكەرلىك ويىنى بۇل ويىمىزعا تىڭ سەرپىن بەرەدى، - دەدى.
سالتقا اۆتونوميالى رايوندىق وقۋ - اعارتۋ مەڭگەرمەسى پارتگرۋپپاسىنىڭ مۇشەسى، ورىنباسار مەڭگەرمە باستىعى قايسار شابانباي ۇلى قاتىناستى ءارى ءسوز سويلەدى. ول: اتالعان دايىندىق كوميسسياسىنىڭ قۇرىلعاندىعى رايونىمىز اقىل - وي سپورتىنىڭ دامۋى ءۇشىن اسا قۋانىشتى ءىس. ۇلتىمىزدىڭ ۇمىتىلىپ بارا جاتقان مادەني قۇندىلىعىن قايتا جاڭعىرتۋ جولىندا قۇلشىنىس جاساپ جۇرگەن شىنار قاپان ۇلى باستاعان ازاماتتارىمىزدىڭ ەڭبەگىن ماقتاۋعا، ارداقتاۋعا تاتيدى دەپ ويلايمىن. مەن توعىزقۇمالاق سىندى وسى ۇلتتىق قۇندىلىعىمىزدىڭ بۇقارالىق نەگىزىن بەكەمدەۋ ءۇشىن، مەكتەپ ساباعى رەتىندە مەكتەپتەردە جالپىلاستىرۋ، ۇگىت - ءناسيحاتتى كەڭەيتۋ كەرەك دەپ ەسەپتەيمىن. توعىزقۇمالاق ويىنىن ۇلتىمىز ازاماتتارى عانا ەمەس، تۋىسقان ۇلتتار ازاماتتارىنىڭ دا قىزىعۋشىلىعىن وياتۋ ارقىلى توعىزقۇمالاق زياتكەرلىك ويىنىمىزدى تۇتاس رايونىمىزعا، ءتىپتى، بۇكىل ەلىمىزگە جالپىلاستىرۋعا قۇلشىنىس جاسالعانى ءجون، - دەدى.
سالتتا كوميسسيا جازىپ دايىنداعان 6 تاراۋ، 40 تارماقشادان تۇراتىن توعىزقۇمالاق اقىل - وي سپورتى قوعامىنىڭ ەرەجەسى (تالقى نۇسقا) تۋرالى تۇسىنىك جاسالدى.
اتالعان دايىندىق كوميسسياسىنىڭ قۇرىلۋىنا وراي وتكىزىلگەن «دارىن» اتىنداعى شينجياڭ تۇڭعىش كەزەكتى توعىزقۇمالاق اقىل - وي سپورت جارىسى 9 -، 10 - ماۋسىم وتكىزىلدى. جارىستى اۆتونوميالى رايوندىق وقۋ - اعارتۋ مەڭگەرمەسى دەنە تاربيە، دەنساۋلىق ساقتاۋ، كوركەمونەر وقىتۋ باسقارماسى ۇيىمداستىردى، شينجياڭ توعىزقۇمالاق اقىل - وي سپورت قوعامىن قۇرۋدىڭ دايىندىق كوميسسياسى جاۋاپتى بولىپ وتكىزدى، شينجياڭ «دارىن» شەتەل ءتىلى مەكتەبى قارجىلاي كومەكتەستى. ىلە قازاق اۆتونوميالى وبلىسىنان، التاي، تارباعاتاي ايماقتارىنان، ءۇرىمجى قالاسىنان، گانسۋ ولكەسى اقساي قازاق اۆتونوميالى اۋدانى سياقتى اۋدانداردان كەلگەن 10نان استام قۇرامانىڭ 90نان استام سپورتشىسى ەرلەر گرۋپپاسى، ايەلدەر گرۋپپاسى، ەرەسەكتەر گرۋپپاسى، جاس وسپىرىمدەر گرۋپپاسى بويىنشا جارىسقا ءتۇستى.
2 كۇن بويى جارىستىڭ كورىگىن قىزدىرعان توعىزقۇمالاق ويىنشىلارىنا قاراپ شىنار قاپان ۇلى: وسى رەتكى جارىستا ويىنشىلارىمىزدىڭ توعىزقۇمالاق ويىنىنىڭ قاراپايىم قاعيداسى عانا ەمەس، قايتا ونداعى ماتەماتيكالىق ەسەپتەۋدىڭ جولدارىن تاۋىپ، قۇندىلىقتارىن تانىپ، شابۋىل جاساۋ، قورعانۋ تاكتيكالارى جۇيەلەرىن يگەرە باستاعاندىعىن كورىپ، حالىقارالىق ۇلكەن جارىستاردا توپ جارا الامىز دەگەن سەنىمىمىز بەكەمدەلە ءتۇستى. بۇل جەر - جەردەگى توعىزقۇمالاق ويىنىمىزدى مەكتەپ ساباعى رەتىندە وقۋشىلار اراسىندا جالپىلاستىرعان مەكتەپتەردەگى وقىتۋشىلارىمىزدىڭ توعىزقۇمالاق ويىنىنىڭ ماتەماتيكالىق ەسەپ جۇيەسىن، مادەني قۇندىلىعىن زەرتتەپ، ونى جۇيەلى تەورياعا ءتۇسىرىپ ساباق رەتىندە وتە باستاعاندىعىنىڭ ناتيجەسى دەر ەدىم، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
