بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايون 2 مىڭ 500 تەحنيكا دارىندىسىن شينجياڭعا كومەك بەرۋشى ولكە – قالالارعا تاربيەلەنۋگە جىبەرمەكشى

2016.06.15 13:51    

  شينجياڭ گازەتىنىڭ ءتىلشىسى لي شۇنشيا حابارلايدى. جىبەك جولى ەكونوميكالىق بەلدەۋىنىڭ شينجياڭداعى وزەكتى رايون قۇرىلىسىن جەدەلدەتىپ، اۆتونوميالى رايونداعى تەحنيكالىق دارىندىلاردىڭ تۇلعالىق ورەسىن جوعارىلاتۋ ءۇشىن بيىلدان باستاپ 2020 – جىلعا دەيىن اۆتونوميالى رايون 2 مىڭ 500 تەحنيكا دارىندىسىن شينجياڭعا كومەك بەرۋشى ولكە – قالالارعا تاربيەلەنۋگە جىبەرمەكشى. بيىل 500 دارىندى جىبەرۋ جوسپارلانۋدا، تاڭداپ سارالاپ جىبەرۋ قىزمەتى ماۋسىمنىڭ 6 – كۇنى رەسمي باستالدى.

  2010 – جىلدان بەرى اۆتونوميالى رايوندا جاڭادان ارتتىرىلعان جوعارى دارەجەلى تەحنيكا دارىندىسى 111 مىڭعا جەتىپ، جوعارى دارەجەلى تەحنيكا دارىندىلارىنىڭ جالپى دارىندىلار قوسىنىنداعى سالىستىرماسى %30 ارتقان. الايدا اۆتونوميالى رايوننىڭ جوعارى دارەجەلى تەحنيكا دارىندىلارىنىڭ سالىستىرماسى ءالى دە تومەن بولىپ، تەحنيكا دارىندىلارى قوسىنى قۇرىلىمىنا ۇيلەسپەي، قۇرىلىستىڭ تۇلعالىق ورەسى مەن اۆتونوميالى رايوننىڭ ەكونوميكالىق، قوعامدىق دامۋ قاجەتى سالىستىرماسىندا ءالى دە جەتەرسىزدىكتەر ورىن تەۋىپ، تەحنيكا يگەرگەن ەڭبەككۇش، اسىرەسە، جوعارى دارەجەلى تەحنيكا دارىندىلارى قاجەتتى قامداي الماۋ قۇبىلىسى ءالى دە توتەنشە كورنەكتى بولۋدا.

  «شينجياڭنىڭ تەحنيكا دارىندىلارىن شينجياڭعا كومەك بەرۋشى ولكە – قالالارعا جىبەرىپ تاربيەلەۋ جوباسىندا (2016 – 2020- جىل)» مىناۋ اتاپ كورسەتىلدى: «13 – بەس جىلدىق» كەزىندە اۆتونوميالى رايون كاسىپورىنداردىڭ دامۋ قاجەتىنە ساي تەحنيكالىق ونەر، ءبىلىم – ونەر جانە كۇردەلى تەحنيكا سيپاتتى تەحنيكالىق دارىندىلاردى تاربيەلەۋدى نىسانا، جاڭا ءبىلىم، تىڭ تەحنيكانى ۇيرەنىپ، ءىس جۇزىندىك ماسەلەلەردى شەشۋ قابىلەتىن جوعارىلاتۋدى ءتۇيىن ەتىپ، باعىتتامالى كومەكتەسۋ قاتىناسى بويىنشا ءار جىلى تۇتاس رايونداعى كاسىپورىنداردىڭ ءوندىرىسىنىڭ الدىڭعى شەبىنەن ءبىر توپ تەحنيكا دارىنىلارىن سارالاپ شينجياڭعا كومەك بەرۋشى ولكە – قالالارعا جىبەرىپ تاربيەلەپ، ولاردىڭ ءوندىرىس تەحنيكاسى مەن جاڭالىق اشۋ قابىلەتىن جوعارىلاتادى. بەس جىلدا جالپى 2 مىڭ 500 دارىندىنى سارالاپ جىبەرەدى. مۇنىڭ ىشىندە 45 جاستان تومەن جوعارى دارەجەلى تەحنيكا دارىندىسى 500، بۇل نەگىزىنەن جوعارى دارەجەلى جۇمىسشىلاردى، تەحنيكتەردى، جوعارى دارەجەلى تەحنيكتەردى قامتيدى، تاربيەلەنۋ ۋاقىتى التى اي؛ 40 جاستان تومەن شۇعىل قاجەت بولىپ وتىرعان دارىندى 2 مىڭ، بۇل نەگىزىنەن باستاۋىش دارەجەلى جۇمىسشى، ورتا دارەجەلى جۇمىسشىنى قامتيدى، تاربيەلەنۋ ۋاقىتى 3 اي.

  اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ ورىنباسار باقىلاۋشىسى، اۆتونوميالى رايوندىق الەۋمەتتىك كاسىپتەندىرۋگە قىزمەت وتەۋ مەكەمەسىنىڭ ورىنباسار باستىعى جۋ جيان بىلاي دەپ تانىستىردى: تەحنيكا دارىندىلارىن شينجياڭعا كومەك بەرۋشى ولكە – قالالارعا جىبەرىپ تاربيەلەۋ قىزمەت ورنى تانىستىرۋ، تولىمدىلىعىن تەكسەرۋ، تاربيەلەنەتىن ورىندى بەلگىلەۋ، تاربيەلەۋ كەلىسىمناماسىنا قول قويۋ، تىزىمدەلۋ باسقىشتارى بويىنشا جۇرگىزىلەدى. جوعارى دارەجەلى تەحنيكا دارىندىلارىن تاربيەلەۋدە مەكتەپ پەن كاسىپورىندا تاربيەلەۋ ۇشتاستىرىلىپ، باعىتتامالى تاربيەلەنەدى، تاپشى بولىپ وتىرعان تەحنيكا دارىندىلارىن تاربيەلەۋدە كاسىپورىندا تاربيەلەنۋ نەگىز ەتىلەدى. تاربيەلەنۋ بارىسىندا تاربيەلەنۋشىلەر تاربيە الاتىن ورىنداعى كاسىپورىن قىزمەتكەرلەرىمەن ۇقساس مامىلەدەن يگىلىكتەنەدى، تاربيەلەنىپ قايىتقاننان كەيىن بۇرىنعى قىزمەت ورنىندا ىستەيدى. باعالاۋدا تولىمدى بولعاندارىنا ءوز كاسىپتىك اتاق دارەجەسىنەن ءبىر دارەجە جوعارى كاسىپتىك تەحنيكالىق تولىمدىلىق كۋالىگى بەرىلەدى، جەتەكشى سيپاتتى جوعارى دارەجەلى تەحنيكا دارىندىلارى عىلىم – تەحنيكا ماماندارى قىزمەت كەڭسەسىنە الدىمەن تانىستىرىلادى.

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.