- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شەتەلگە ساياحاتتاۋدا ۇقىق - مۇددەنى قورعاۋدىڭ «ءجون - جوسىعىن» جانە «شەك - شاماسىن» يگەرە بىلەيىك
جياڭ يۇن
2016.06.16 15:01 كەلۋ قاينارى : شينجياڭ گازەتى
تاياۋدا ۆيەتنامنىڭ ناتراڭ قالاسى كامران حالىقارالىق اۋەجايىندا جۇڭگولىق ساياحاتشى ۆيەتنامداعى شەكارالىق تەكسەرۋشى قىزمەتكەرمەن ايتىسىپ - قاقتىعىسىپ قالدى. كەزەكتە اتالعان اۋەجاي ساياحاتشى ايتقانداي، پارا سۇراۋ جاعدايىنىڭ بولعانىن تەرىستەپ وتىر، «جۇڭگولىق ساياحاتشىنىڭ ارقاسىنا ۇرعان» ۆيەتنامدىق اماندىق قورعاۋشى قىزمەتتەن توقتاتىلدى. بۇل ءىستىڭ قالاي ءبىر جايلى ەتىلەتىنى جونىندە ءالى دە ءىستىڭ سوڭىن باعۋ كەرەك. دەگەنمەن بۇل بىزگە شەتەلگە ساياحاتتاۋشىلاردىڭ ءوز ۇقىق - مۇددەسىن قالاي قورعاۋى كەرەك دەگەن ماسەلە جونىندە وي سالدى.
تاياۋ جىلداردان بەرى، جۇڭگو دۇنيە جۇزىندەگى ساياحاتشىسى ەڭ كوپ ەلگە اينالدى، جىل سايىنعى شەتەلگە ساياحاتتاۋشىلار 100 ميلليون ادام - رەتتەن ارتىپ، تۇتىنۋ شاماسى تريلليون يۋاننان استى. «ۇيدەن قىرىق ادىم شىقساڭ ءمۇساپىر» دەگەن ءسوز بار. ءجونسىز - قيسىنسىز «سىرىڭكەلىك» سۇراۋدى بىلاي قويعاندا، جۇڭگو ساياحاتشىلارىنىڭ كوبى وزدەرىنىڭ ساياحات بارىسىندا الدانعانى، زورلىقپەن ساتىپ الۋعا ۇشىراعانى، ءوزى تولەيتىن ساياحات اقىنىڭ ءماجبۇري كوبەيتىلگەنى سياقتى جاعدايعا ۇشىراعانىن ايتادى. ءىشىنارا ەلدەردە «جۇڭگولىقتاردى ارنايى سورلاتاتىن» اسحانالار، باجىسى كەشىرىم ەتىلەتىن دۇكەندەر جانە ويىن تۇرلەرى دايىندالعان. تاياۋدا وڭتۇستىك كورەيانىڭ سەۋل قالاسىنداعى ءبىر قىدىرۋ اسحانا ۋاقىتى وتكەن اس - تاعامداردان پايدالانىپ، جۇڭگودان كەلگەن ساياحات توبىن عانا قابىلداپ، وڭتۇستىك كورەيالىقتاردىڭ كىرۋىنە شەكتەمە قويعان. مىنە انىق مىسال وسى. ايتسەدە اقشا شاشقىش جۇڭگولىقتاردىڭ كوبى جابۋلى قازاننىڭ جابۋلى قالۋىن تاڭدادى. سۋبيەكتيۆ جاقتا، ەشكىمدە ازىراق اقشاعا بولا ساياحاتىنىڭ كوڭىلسىز بولۋىن قالاماي، اقشا تولەسەدە كوڭىلدى بولۋدى دۇرىس دەپ ءبىلدى، وبيەكتيۆ جاقتا، ءتىلدىڭ ۇقساماۋى، ۋاقىتتىڭ قىسىلتاياڭ بولۋى، ۇقىق - مۇددەنى قورعاۋ قۇنىنىڭ جوعارى بولۋى سياقتى قيىن ىستەرگە بولا ءۇنسىز قالىپ، تاعات ەتۋ ادەتكە اينالدى. ءبىر قىدىرۋ جۇڭگو ساياحاتشىلارىنىڭ ۇقىعىنا سۇعاناقتىق جاساۋشىلار ولاردىڭ ءدال وسى تۇسىن ابدەن يگەرىپ العاندار ەسەپتەلەدى. ايتالىق، بىلتىر ءبىرقانشا جۇڭگولىق ساياحاتشى موڭعۇليادا جابىرلەنۋگە جانە قورلاۋعا ۇشىراسادا، جۇڭگونىڭ موڭعۇلياداعى ەلشىحاناسىنا ايتپاعان، جەرگىلىكتى ورىنداعى ساقشىلارعا دا دەلو مالىمدەمەگەن، سونىمەن سۇلكيىپ ەلگە ورالىپتى. ءبىر ءتاۋىرى، ەلشىحانا بۇل ءىستى ۇعىسقاننان كەيىن قارسى جاقپەن قاتاڭ سويلەسىپ، موڭعۇليانى كەشىرىم سۇراۋعا قۋزاپ، جۇڭگو ساياحاتشىلارىنىڭ ۇقىق - مۇددەسىن قورعاپ قالدى. ۇقىق - مۇددەسىن قورعاۋدان باس تارتۋ قاراماققا جەكە ادامنىڭ تاڭداۋىنداي كورىنەدى. كەي - كەيدە لاجىسىزدىقتان دا بولادى. شەتەلگە ساياحاتتاعى كەلەڭسىزدىكتەرگە ساياحات ەلدەرىنىڭ ەل باسقارۋداعى دارمەنسىزدىگى، جويداقسىز ساياحات كاسىپ ۇلگىسى دە سەبەپ بولۋدا. اسىرەسە، سوڭعى سەبەپ كوپتەگەن كەلەڭسىزدىكتىڭ توركىنى. ءىشىنارا ساياحات ۇيىرمەسى، قابىلداۋشى ورىندار، ساۋداگەرلەر مەن ساياحات باستاۋشىلار ۇيىرمەدەگى ساياحاتشىلاردىڭ ينفورماتسيا يەلەۋ جانە ساياحات قيمىلى بارىسىنداعى ولقىلىقتارىنان پايدالانىپ، بالىق ۇندەس، باقا تىلدەس بولىپ، ولاردى ارانداتادى. ساياحات ىستەرىندە «تاسادا تۇرىپ تاس لاقتىراتىندارعا» جول بەرمەۋ، جۇڭگو ساياحاتشىلارى زاڭنان پايدالانىپ، ءوز ۇقىق - مۇددەسىن زاڭ بويىنشا قورعاۋعا شەبەر بولۋى قاجەت. شىنتۋايتىندا، كوپ ەل ءوز ەلىنىڭ ساياحات وبرازىن قورعاۋ ءۇشىن، ارىز ايتۋ، ۇقىق قورعاۋ مۇمكىندىكتەرىن دايىنداعان، تايلاند ەلىنىڭ ساياحات سوتى، يسپانيانىڭ ساياحات ساقشىلارى سياقتىلار بۇعان مىسال بولا الادى. جۇڭگو ساياحاتشىلارى تۇتىنۋ سىپات قاعازىن ساقتاۋى، قاتىستى دالەل - سىپاتتى دايىنداي جۇرۋى ءتيىس، مۇنىڭ ۇقىق سۇعاناقتىققا ۇشىراعاندا، ۇيلەسىمدى جولمەن قورعاۋعا مۇمكىندىگى زور. مۇنان تىس، ءوز قۋاتى جەتپەگەندە ءوزى تۇرعان جەردىڭ جۇڭگوداعى ەلشىحاناسىنان كومەك سۇراۋىنا بولادى. «جۇڭگولىقتار قايدا بارسادا، جۇڭگو ولاردى قورعايدى» سىرتقى ىستەر مينيسترى ۋاڭ يدىڭ وسى ءسوزى ەلىمىزدىڭ قاتال سەرتى بولدى. سىرتقى ىستەر مينيسترلىگى دۇنيە جۇزىندەگى ەلشىحاناسىنا قورعاۋ جانە قىزمەت وتەۋ بويىنشا شۇعىل جاعدايداعى ىستىق لەنيا تەلەفونىن 80321 دايىندادى، جۇڭگو ساقشىلارى يتاليا كورىنىس رايونىندا يتاليا ساقشىلارىمەن بىرگە شارلاۋ جۇرگىزدى، وسىنىڭ ءبارى دە جۇڭگو ساياحاتشىلارىنا «قايدا جۇرسەدە وتاننىڭ» قورعايتىنىن سەزىندىرۋ ءۇشىن ەدى. دەمەك، جۇڭگو ساياحاتشىلارىنىڭ شەتەلدە ءوز ۇقىق - مۇددەسىن قورعاۋ جولدارى ءالى دە جاقساراتىن بولادى. دەسەدە مىنانى ەسكەرۋىمىز ءتيس، شەتەلدە ءوز ۇقىق - مۇددەمىزدى قورعاۋدا، كوزقاراستى زاڭنىڭ ورنىنا قويۋعا، اقىل − ويدى كوڭىل كۇيگە جەڭدىرۋگە، ءتىپتى، ۇلتشىلدىق نىسايدى ۇدەتۋگە بولمايدى. جۇڭگو ازاماتىنىڭ شەتەلدە ۇقىق - مۇددەسىن قورعاۋى مەملەكەت ابىرويىنىڭ بەينەلەنۋىنە؛ ولاردىڭ شەتەلدەگى ارەكەتى مەملەكەت وبرازىنا ۋاكىلدىك ەتەدى. راسىندا، ءبىر قىدىرۋ ساياحاتشىلاردىڭ ءوز ۇقىق - مۇددەسى جانە مىندەتى جونىندەگى تۇسىنىگى تاياز، ۇقىق - مۇددەنى قورعاۋداعى ءتاسىل مەن شاما جونىندەگى تانىمى تومەن بولعاندىقتان، بىرەر كوڭىلسىزدىكتەرگە، تۇيتكىلدەرگە جولىققاندا ۇقىق - مۇددەنى قورعاۋ جونىنەن ارتىقشا تالاپ قويادى. ايتالىق، ۇشاقتىڭ كەشىگۋى سەبەپتى ۇشاققا شىقپاي قويۋ، ۇشاقتان تۇسپەي قويۋ، اسپاپتاردى قۇلاتۋ، ءوش الۋ سياقتى جويداقسىز تاسىلمەن ۇقىق - مۇددەسىن قورعاماق بولادى، مۇندايدا ۇقىق - مۇددەسىن زاڭ بويىنشا قورعاۋ بىلاي تۇرسىن، ورىندى ءىس جويداقسىز ىسكە اينالادى. ۇقىق - مۇددەنى قورعاۋ تارتىپكە، ءجون - جوسىققا قۇرىلعان بولۋى ءتيىس، ارىزدانۋ تىلەگى زاڭدىق نەگىزگە ساي بولۋى، ءىس - ارەكەتى مادەنيەتتى بولۋى ءتيىس.
«تورتكىل دۇنيەنى ءبىر كورسەم» دەگەندەي، شەتەلگە ساياحاتتاۋدى كوپ ادام اڭسايدى، قازىر بۇل كوپتىڭ تاڭداۋىنا اينالدى. الىسقا ساياحات ادامدى كوڭىل كۇي جاقتان سەرپىلتەدى، سونىمەن بىرگە مۇنىڭ حاۋىپ - قاتەرى دە بولاتىنىن ەسكەرە جۇرگەن ءجون. شەتەلگە ساياحاتتىڭ ءبارى دە ويداعىداي ءماندى دە ءساندى، كوڭىلدى ساپار بولا قويمايدى، ءىشىنارا كوڭىلسىزدىكتەر مەن قاپالىقتارعا جولىققاندا، ءىسىمىزدىڭ ءجون - جوسىعى، دالەل - سىپاتى بولۋى، سونىمەن بىرگە باتىلدىعىمىز بولۋى كەرەك، سوندا عانا ۇقىق - مۇددەمىزدى، ار - نامىسىمىزدى قورعاي الامىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
