بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

مەملەكەتتىك ساياسي كەڭەستىڭ تەكسەرۋ - زەرتتەۋ گرۋپپاسى اۋىل - قىستاقتاردىڭ ەلەكتروندىق ساۋدانى دامىتۋ ارقىلى كەدەيلىكتەن قۇتىلدىرۋ ىسىنە تەكسەرۋ - زەرتتەۋ جۇرگىزۋ ءۇشىن شينجياڭعا كەلدى

2016.06.17 11:10     كەلۋ قاينارى : شينجياڭ گازەتى

  14 - ماۋسىمنان 20 - ماۋسىمعا دەيىن مەملەكەتتىڭ ساياسي كەڭەستىڭ ورىنباسار ءتوراعاسى ۋاڭ جيارۇي مەملەكەتتىك ساياسي كەڭەس ۇسىنىس − جوبا كوميتەتىنىڭ تەكسەرۋ - زەرتتەۋ گرۋپپاسىن باستاپ، شينجياڭعا كەلىپ، «اۋىل - قىستاقتاردىڭ ەلەكتروندىق ساۋدانى دامىتىپ، كەدەي وڭىرلەردىڭ كەدەيلىكتەن قۇتىلۋ اياق الىسىن جەدەلدەتۋ» جونىندە ارناۋلى تەكسەرۋ - زەرتتەۋ جۇرگىزەدى. 14 - ماۋسىم كۇنى تۇستەن كەيىن تەكسەرۋ - زەرتتەۋ گرۋپپاسى ۇرىمجىدە اڭگىمە ءماجىلىس وتكىزىپ، اۆتونوميالى رايوننىڭ جانە قاتىستى تاراۋلاردىڭ ەلەكتروندىق ساۋدانى دامىتۋ ارقىلى كەدەيلىكتەن قۇتىلدىرۋ قىزمەت جاعدايى جونىندەگى تانىستىرۋىن تىڭدادى.

  «اۋىل - قىستاقتاردىڭ ەلەكتروندىق ساۋداسىن دامىتىپ، كەدەي وڭىرلەردىڭ كەدەيلىكتەن قۇتىلۋ اياق الىسىن جەدەلدەتۋ» تاقىرىبى جونىندە تەكسەرۋ - زەرتتەۋ جۇرگىزۋ − مەملەكەتتىك ساياسي كەڭەستىڭ ءتۇيىندى تۇردە قۋزايتىن ۇسىنىس - جوبالارىنىڭ ءبىرى. تەكسەرۋ - زەرتتەۋ گرۋپپاسى تاعى اقسۋ، ىلە سىندى ايماق، وبلىستارعا تەكسەرۋ - زەرتتەۋ جۇرگىزەدى.

  تانىستىرۋدى تىڭداعاننان كەيىن، ۋاڭ جيارۇي شينجياڭنىڭ اۋىل - قىستاقتاردا ەلەكتروندىق ساۋدا ءىسىن دامىتۋ جاعىندا قول جەتكىزگەن تابىستارىنا وڭ باعا بەردى. ول بىلاي دەدى: پارتيا ورتالىق كوميتەتى ەجەلدەن شينجياڭ قىزمەتىنە وسكەلەڭ تۇردە ءمان بەرىپ، شينجياڭ قىزمەتىن پارتيا مەن مەملەكەتتىڭ قىزمەت جالپى جاعدايىندا ەرەكشە ماڭىزدى ستراتەگيالىق ورىن الادى دەپ باستان - اياق دارىپتەپ كەلەدى. 2020 - جىلى شينجياڭ مەملەكەتپەن بىرگە جاپپاي دوڭگەلەك داۋلەتتى قوعامعا قادام تاستايدى. كەدەيلەردى سۇيەمەلدەۋ قىزمەتى سالماعى ەرەكشە اۋىر ءارى جالپى جاعدايعا ساياتىن قىزمەت. اۋىل - قىستاقتاردىڭ ەلەكتروندىق ساۋداسى − كەدەيلەردى دالمە - ءدال سۇيەمەلدەۋدەگى ماڭىزدى دانەكەر، شينجياڭنىڭ ورايدى مىقتاپ يگەرىپ، ءىس جۇزىندىك جاعدايىمەن ۇشتاستىرىپ، تاجىريبەلەردى قورىتىندىلاپ، اۋىل - قىستاقتاردىڭ ەلەكتروندىق ساۋداسىنىڭ تۇلعاسىن جەتىلدىرۋ، نەگىزدىك قۇرىلىستى كۇشەيتۋ، فورماعا جاڭالىق ەنگىزۋدى ىلگەرىلەتۋ، ساياساتتىق قولداۋ سەرپىنىن ارتتىرۋ سياقتى جاقتارىندا ءتۇيىندى جاڭالىقتارعا قول جەتكىزىپ، شينجياڭنىڭ مەملەكەتپەن بىرگە جاپپاي دوڭگەلەك داۋلەتتى قوعامعا قادام تاستاۋىن قامتاماسىز ەتۋ كەرەك. تەكسەرۋ - زەرتتەۋ گرۋپپاسى ىشكەرىلەي تەكسەرۋ - زەرتتەۋ نەگىزىندە تەكسەرۋ - زەرتتەۋ بايانداماسىن جازىپ، شينجياڭنىڭ العا قويعان پىكىر، ۇسىنىسىن ورتالىق پەن مەملەكەتتىڭ قاتىستى مينيسترلىك، كوميتەتتەرىنە اڭىس ەتىپ، شينجياڭنىڭ اۋىل - قىستاق ەلەكتروندىق ساۋداسىن دامىتۋدا تىڭ جەتىستىكتەرگە قول جەتكىزۋىن ىلگەرىلەتەدى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى اڭگىمە ءماجىلىسىن باسقارىپ اشۋ بارىسىندا بىلاي دەدى: مەملەكەتتىك ساياسي كەڭەستىڭ تەكسەرۋ - زەرتتەۋ گرۋپپاسى شينجياڭعا كەلىپ، ءتۇيىندى ۇسىنىس - جوبا جونىندە تەكسەرۋ - زەرتتەۋ جۇرگىزۋى شينجياڭ قىزمەتىنە ءمان بەرۋى جانە قولداۋى بولىپ تابىلادى. وسى رەتكى تەكسەرۋ - زەرتتەۋ ارقىلى مەملەكەتتىك ساياسي كەڭەستىڭ تۇعىرىنا سۇيەنىپ، ورتالىق پەن مەملەكەتتىڭ قاتىستى مينيسترلىك، كوميتەتتەرىنە شينجياڭنىڭ جاعدايىن اڭىس ەتىپ، شينجياڭنىڭ كەدەي وڭىرلەرىنىڭ كەدەيلىكتەن قۇتىلۋ اياق الىسىن جەدەلدەتۋگە، «اۋىل شارۋاشىلىعى، اۋىل - قىستاق، شارۋالارعا» قاتىستى قىزمەتتەردى ىشكەرىلەي ورىستەتۋىن ءۇمىت ەتەمىن. ءبىز تەكسەرۋ - زەرتتەۋ گرۋپپاسى العا قويعان پىكىر، ۇسىنىستاردى ەگجەي - تەگجەيلى اشالاپ، مۇنان بىلايعى قىزمەت بارىسىندا دايەكتى تياناقتاندىرىپ، كەدەي وڭىرلەردەگى ءار ۇلت بۇقاراسىنىڭ كەدەيلىكتەن قۇتىلىپ، اۋقاتتانۋ اياق الىسىن جەدەلدەتەمىز.

  سوڭعى جىلدارى، اۆتونوميالى رايون ەلەكتروندىق ساۋدانى جەبەۋ مەن اۋىل شارۋاشىلىعىن، اۋىل - قىستاقتى توعىستىرا دامىتۋ، ەلەكتروندىق ساۋدا ارقىلى كەدەيلەردى سۇيەمەلدەۋ جاقتارىندا ءبىر قىدىرۋ ساياسات شىعاردى. وتكەن جىلدان بەرى، رايونىمىز ورتالىق قازىنانىڭ 129 ميلليون 500 مىڭ يۋان قارجىسىن تياناقتاندىرىپ، رايون، ايماق، اۋدان 3 دارەجە بويىنشا 178 ميلليون يۋان قارجى قوستى. رايونىمىزدا بار مەملەكەت دارەجەلى 7، اۆتونوميالى رايون دارەجەلى 13 ۇلگى كورسەتۋ اۋدانىندا اۋىل - قىستاق ەلەكتروندىق ساۋداسىن دامىتىپ، كەدەيلەردى سۇيەمەلدەۋ ءىسى اۋداننىڭ %50 كەدەي قىستاعى مەن كەدەي جان سانىن قامتىدى.

  مەملەكەتتىك ساياسي كەڭەستىڭ تەكسەرۋ - زەرتتەۋ گرۋپپاسىنداعىلاردان گان يشىڭ، بو كىچىڭ، لي حۇڭ، تيان جيە، اۆتونوميالى رايوننىڭ ورىنباسار ءتوراعاسى شى داگاڭ، اۆتونوميالى رايوندىق ساياسي كەڭەستىڭ ورىنباسار ءتوراعاسى كادىرقان ميراسقان ۇلى اڭگىمە ماجىلىسىنە قاتىناستى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.