- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وبلىس باسشىلارى نەگىزگى ساتىداعى ۇلتتار ىنتىماعى ۇزدىكتەرىنەن حال سۇرادى
2016.06.17 13:57
ءتىلشىمىز مىڭ شيا حابارلايدى. ماۋسىمنىڭ 14 – كۇنى تۇستەن كەيىن وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى قاتارلىلار قۇلجا قالاسى ءپانجىم قالاشىعىنىڭ تومەنگى ءپانجىم، ءپانجىم، اقتوبە قىستاقتارىنا بارىپ، نەگىزگى ساتىداعى ۇلتتار ىنتىماعى ۇزدىكتەرىنەن، «4 تۇردەگى» قارتتاردان جانە كەدەي وتباسىلارى ۋاكىلدەرىنەن حال سۇرادى ءارى ۇلتتار ىنتىماعى ۇزدىكتەرىنە ماڭىزدى مىندەت جۇكتەپ، كەدەي وتباسىلاردى سەنىم تىكتەۋگە، قيىنشىلىقتى جەڭۋگە، زاتتىق جانە رۋحاني جاقتاعى بايلىقتى جاراتۋعا شابىتتاندىردى.
تومەنگى ءپانجىم قىستاعىنداعى اۋقاتتانۋدىڭ كوشباسشىسى، قۇلجا قالاسى جاعىنان جىل سايىن ۇزدىك پارتيا مۇشەسى، ۇلتتار ىنتىماعىنىڭ ۇزدىگى بولىپ سيلانىپ كەلە جاتقان پىڭ چاڭجيننىڭ وتباسىندا قۇرماش سىرجان ۇلى قاتارلىلار ونىڭ وتباسىنىڭ ءوندىرىس – تۇرمىس جاعدايىن، ۇيعۇر كورشىلەرمەن جاراسىمدى ءوتۋ احۋالىن، وتباسىندا قانداي قيىنشىلىعى بار ەكەنىن مۇقيات ۇعىستى.
ۇعىسۋىمىزشا، پىڭ چاڭجين قىستاقتاعى ءار ۇلت تۇرعىندارىمەن بەرەكە – بىرلىكتە، تاتۋ – ءتاتتى ءومىر كەشىرۋدە، بۇگىنگى كۇنى قىستاقتاعى ۇيعۇر تۇرعىندار ودان كوگونىس ەگۋدىڭ تەحنيكاسىن يگەرگەن ءارى وسى ارقىلى اۋقاتتانۋ جولىنا قادام باسقان، قۇرماش سىرجان ۇلى بىلاي دەدى: ۇلتتار ىنتىماعى ءۇشىن قوسقان ۇلەسىڭىزگە كوپ راقىمەت. بيىل ۇلتتار ىنتىماعى العاباسارلىعى جىلى، ۇلتتار ىنتىماقتى بولماسا قوعامدىق ورتادا ورنىقتى بولمايدى؛ ۇلتتار ىنتىماقتى بولماسا ەكونوميكانىڭ كوركەيىپ دامۋىنان، حالىق بۇقاراسىنىڭ تىنىش تا باقىتتى تۇرمىس كەشىرۋىنەن اۋىز اشۋعا بولمايدى. ساقا پارتيا مۇشەسى بولۋ سالاۋاتىڭىزبەن ۇلگىلىك، باستاماشىلىق رولىڭىزدى ۇزدىكسىز ويداعىداي ساۋلەلەندىرىپ، ۇلتتاردىڭ ءبىر – بىرىمەن اۋىس – كۇيىس جاساۋى، ءوزارا توعىسۋى ءۇشىن تىڭ ۇلەس قوسۋىڭىزدى ءۇمىت ەتەمىن.
ءپانجىم قىستاعىندا تۇراتىن بيىل 74 جاستاعى «4 تۇردەگى» قارتتىڭ ءبىرى ياري شاۋدۇن وتباسىندا ونىڭ ءپانجىم قالاشىعىنداعى «كادۋەلگى قىزىل تۋ رۋحى كەڭسەسىنىڭ» ءبىر مۇشەسى ەكەنىن، قالاشىقتاعى «ۇشقارىلىقتى الاستاۋ»، بۇقاراعا باعىتتالعان ساياسات، زاڭ – ەرەجەنى ۇگىتتەۋ، حالىق جاعدايىن، جۇرت رايىن يەلەۋ سياقتى قىزمەتتەرگە ۇنەمى بەلسەنە قاتىناساتىنىن بىلگەننەن كەيىن، قۇرماش سىرجان ۇلى قارتتىڭ قولىن قىسىپ تۇرىپ العىس ايتتى ءارى ءسىز قازىر دەمالىسقا شىققانىڭىزبەن پارتيا مۇشەسى سىندى سالاۋاتىڭىز، پارتيا مۇشەسى ىستەۋگە ءتيىستى مىندەتىڭىز بەن جاۋاپكەرلىگىڭىز ءالى دە ساقتالۋدا. ءوز ابزالدىعىڭىزدى جالعاستى ساۋلەلەندىرىپ، پارتيا ءىسى ءۇشىن ايانباي تەر توگۋىڭىزدى ءۇمىت ەتەمىن.
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
