- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ۇلتتار ىنتىماعىنىڭ الۋان گۇلدەرى وسى جەردە شەشەك اتتى
2016.06.20 09:50 كەلۋ قاينارى : شينجياڭ گازەتى
− ياركەن اۋدانى باشكەنت قالاشىعى «قوس ءتىل» مەكتەبى جونىندەگى جەلىلەس حابار (1)
«يپارقىز، تۇر ەندى. بەتى - قولىڭدى جۋ، سالدەن سوڭ تاڭعى استى ىشۋگە بارامىز!» 12 - ماۋسىم تاڭەرتەڭگى ساعات 7دەن 50 مينۋت وتكەندە ياركەن اۋدانى باشكەنت قالاشىعى «قوس ءتىل» مەكتەبى 1 - جىلدىق (3) كلاسىنىڭ كلاس جەتەكشىسى سۇڭ ياڭياڭ يپارقىزدى وياتتى. ەكەۋى 2015 - جىلى قىركۇيەكتەن باستاپ وسى مەكتەپتە بىرگە ساباق بەرگەلى بىرىنەن - ءبىرى ەكى ەلى ايرىلماي، ەگىز قوزىداي قاتار جۇرەتىن - دى. سۇڭ ياڭياڭ: ساباق سويلەگەندە جانە ۇيىقتاعاندا بولماسا، جۇبىمىز جازىلمايدى، ءبىز توننىڭ ىشكى باۋىنداي تاتۋ دوستارمىز، - دەدى كۇلىمسىرەپ.
ءوزارا كومەكتەسىپ، ءوزارا ۇيرەنگەن 69 وقىتۋشى − ءبىر ءۇيلى جانداي ەتەنە
باشكەنت قالاشىعى «قوس ءتىل» مەكتەبىندە جالپى 69وقىتۋشى، 31 كلاس بار. وقىتۋشىلاردىڭ 43ى حانزۋ، 26سى ۇيعۇر، بۇكىل مەكتەپتەگى از ۇلت، حانزۋ وقىتۋشىلار كلاستاردى سەلبەسە وتىرىپ ۇستايدى.
12 - ماۋسىمنان 14 - ماۋسىمعا دەيىنگى 3 كۇندىك تىلشىلىك ساپارىمدا وقىتۋشىلاردىڭ بىرگە تۇرىپ، بىرگە ۇيرەنىپ، بىرگە قىزمەت ىستەپ، بىرگە كوڭىل كوتەرىپ، ءبىر ءۇيلى جاندارداي، بىرگە تۋعان تۋىستارداي ەتەنە كۇن كەشىپ جاتقانىن ءوز كوزىممەن كوردىم.
12 - ماۋسىم تۇسكى استان سوڭ، وقىتۋشى چياۋ لياڭ تۇرسىن ابىلەزدەن سۋرەتشى، جۇمىسشى دەگەن سوزدەردىڭ ۇيعۇرشاسىن ۇيرەنۋگە كىرىستى...
چياۋ لياڭ سانشي ولكەسىنىڭ يۇنچىڭ قالاسىنان كەلىپتى. ول: بىلتىر 29 - تامىزدا وسى جەرگە كەلىپ قىزمەت ىستەگەننەن كەيىن مەكتەپ مەنى 1 - جىلدىققا حانزۋ ءتىلى ساباعىن وتۋگە ورنالاستىردى. كلاسىمىزداعى وقۋشىلار حانزۋ تىلىنە شورقاقتاۋ بولعاندىقتان، العاشىندا تاماعىم جىرتىلعانشا ايعايلاسام دا، بالالار تۇك تە ۇقتىرا الماي داعداردىم، - دەدى.
«بالالار مەكتەپكە العاش كىرگەندە ساباقتى بۇكىلدەي حانزۋشا سويلەگەنمەن، ءىس جۇزىندىككە ۇيلەسپەيتىندىكتەن، كەي كەزدەرى ۇيعۇر تىلىمەن تۇسىندىرۋگە تۋرا كەلەدى». تۇرسىن ابىلەز بۇل جاعدايدان حابار تاپقاننان كەيىن، چياۋ لياڭعا ۇيعۇرشا ۇيرەتۋگە كىرىسەدى.
ءبىر مەزگىل قۇلشىنا ۇيرەنۋدەن كەيىن، چياۋ لياڭ بالالارمەن ۇيعۇر تىلىندە قىسقا قايىرىپ پىكىر اۋىستىرا الاتىن بولدى. ول: قازىر ۇيعۇر ءتىل قابىلەتىم كوپ جاقسى بولىپ قالدى. بالالاردىڭ حانزۋ ءتىل ورەسى دە تەز ءوستى، وسىنى ويلاعاندا كوكەيىمدى تابىس سەزىمى كەرنەپ كەتەدى، - دەدى.
ءوزارا ۇيرەنۋ، ءوزارا قارايلاسۋ ارقىلى حانزۋ وقىتۋشىلار ۇيعۇر تىلىندەگى قاراپايىم سوزدەردى يگەرسە، ۇيعۇر وقىتۋشىلاردىڭ ورتاق ءتىل ورەسى دە ايتارلىقتاي جوعارىلادى.
9 - ماۋسىم قياق كۇرىش مەرەكەسىندە ياركەن اۋدان قالاشىعىندا تۇراتىن حانزۋ وقىتۋشىلار ۇيعۇر وقىتۋشىلاردى قياق كۇرىشىن تۇيۋگە ۇسىنىس ەتتى. قياق كۇرىش مەرەكەسىن وسىلايشا بىرگە تويلاعان باشكەنت قالاشىعىنداعى «قوس ءتىل» مەكتەبى، جۋىق جىلداردان بەرى، «ءبىزدىڭ مەرەكەمىز» اتتى قيمىلدى قانات جايدىرىپ، مەرەكە - مەيرام كەزدەرىندە از ۇلت، حانزۋ وقىتۋشىلارى ءبىر - بىرىنە امانداسا بارىپ، حال - جاي ۇعىسىپ، قىزمەتتەن سىرتقى بارىس - كەلىستى كۇشەيتتى.
«وقۋشىلاردىڭ ءبارى ءوز بالامىز»
«سۇيىكتى دىڭ مۇعالىم، قياق كۇرىش مەرەكەسىن جاقسى وتكىزدىڭىز بە؟ ەندى بىرنەشە كۇننەن كەيىن اكەلەر مەرەكەسى، مەرەكەڭىزدىڭ قۇتتى، دەنساۋلىعىڭىزدىڭ مىقتى بولۋىن ءۇمىت ەتەمىن!» ءۇرىمجى قالالىق 66 - ورتا مەكتەپتەگى اكرام 14 - ماۋسىمدا دىڭ جۇن مۇعالىمعا وسىلاي كەلتە حات جولدادى.
اكرام بىلتىر باشكەنت قالاشىعىنداعى «قوس ءتىل» مەكتەبىنەن وقۋ تاۋىسقاننان كەيىن، ءۇرىمجى قالالىق 66 - ورتا مەكتەپكە ەمتيحان بەرىپ وتكەن بولاتىن. ونىڭ جۇرەك تۇكپىرىندە وزىنە 6 جىل سەرىك بولعان دىڭ جۇن مۇعالىم ءوز اكەسىندەي ەدى.
اكرام بىلاي دەدى: 1 - جىلدىققا العاش تۇسكەنىمدە، كىرلەرىمدى جۋا المايتىنمىن، دىڭ جۇن مۇعالىم جۋىپ بەرەتىن؛ باسىم اۋىرىپ جايسىزدانعانىمدا، دىڭ جۇن مۇعالىم باسىمدى ۋقالاپ بەرەتىن؛ كەيدە ناۋقاستانىپ قالعانىمدا، دىڭ جۇن مۇعالىم مەنى ارقالاپ شيپاحاناعا اپاراتىن، ول ءوز اكەمنەن اۋمايتىن!
وسى مەكتەپتەگى 2 - جىلدىق 2 - كلاستىڭ كلاس جەتەكشىسى پاتىگۇل مامۇت ءوزىنىڭ وسى ارادا وقىعان كۇندەرىن ەسكە الىپ بىلاي دەدى: 1 - جىلدىققا وقۋعا تۇسكەنىمدە، ءۇيىمدى ساعىنىپ جىلاي بەرەتىنمىن. سول كەزدەگى كلاس جەتەكشىم گۋان فۋجىڭ مۇعالىم ماعان ۇنەمى كامپيت ساتىپ الىپ بەرىپ، كوڭىلىمدى اۋلايتىن. گۋان فۋجىڭ مۇعالىم ماعان ءوز بالاسىنداي كوڭىل ءبولىپ، قامقورلىق جاساماسا، بالكىم الدەقاشان وقۋدان قول ۇزەتىن شىعارمىن، وندا ىشكى ولكەلەردە ورتالاۋ، ورتا مەكتەپ جانە ۋنيۆەرسيتەت وقۋىم مۇلدە مۇمكىن ەمەس ەدى.
2014 - جىلى قىركۇيەكتە شينجياڭ ينجەنەريالىق ينستيتۋتىنان وقۋ تاۋىسقان پاتىگۇل باشكەنت قالاشىعىنداعى سەنترلى باستاۋىش مەكتەپكە جۇمىسقا ورنالاستى، ءبىر ايدان كەيىن، ول ءوزىنىڭ انا مەكتەبىنە بارىپ قىزمەت ىستەۋدى ىرىقتىلىقپەن ءوتىنىش ەتتى.
1997 - جىلى مەكتەپ قۇرىلعاننان بەرى، باشكەنت قالاشىعىنداعى «قوس ءتىل» مەكتەبى 3000نان كوبىرەك تولىمدى باستاۋىش مەكتەپ وقۋشىسىن تاربيەلەدى، ولاردان 409 ادام ىشكى ولكەلەردەگى ورتالاۋ مەكتەپتە وقىدى. وسى وقۋشىلار ءار جىلى ياركەنگە قايتقاندا، مەكتەپتەگى وقىتۋشىلارىنا امانداسپاي كەتپەيتىنى جوق. ۇلتتار ىنتىماعىن بالا كۇندەرىنەن كوكەيلەرىنە ۇيالاتتى
5 - جىلدىق 2 - كلاستاعى وقۋشى سۋبينۇر تۇرعۇن شاڭحاي قالاسى پۋدۇڭ جاڭا رايونىنداعى جينساي تاجىريبە باستاۋىش مەكتەبىندەگى وقۋشى حۋاڭ چييۋەگە جازعان حاتىندا بىلاي دەدى: ياركەن اۋدانىنىڭ توڭىرەگىندە كوپتەگەن ايگىلى كورىنىس رايوندارى بار، ونىڭ ۇستىنە ەرەكشە ءدامدى جەمىس - جيدەكتەر دە مول، وراي بولعاندا سەنى اۋىلىمىزعا ۇسىنىس ەتسەم بولا ما؟
ۇلتتار ىنتىماعىن بالالاردان باستاپ مىقتاپ ۇستاۋ كەرەك. 2010 - جىلدان باستاپ، بۇل مەكتەپ شاڭحاي قالاسى پۋدۇڭ جاڭا رايونىنداعى جينساي تاجىريبە باستاۋىش مەكتەبىمەن، پۋدۇڭ جاڭا رايونىنداعى حالىقتىق ياڭگۋاڭ باستاۋىش مەكتەبىمەن، ياركەن اۋداندىق 6 - باستاۋىش مەكتەپپەن ءار ۇلت ورەندەرىنىڭ «حات ارقىلى دوستاسۋ» قيمىلدارىن ورىستەتتى.
6 جىلدان بەرى، باشكەنت قالاشىعىنداعى «قوس ءتىل» مەكتەبىندەگى 500دەن ارتىق وقۋشى جوعارىداعى 3 مەكتەپتەگى وقۋشىلارمەن حات الىسىپ، وسى مەكتەپتەگى ۇيعۇر وقۋشىلاردىڭ ىشكى ولكەلەردەگى جانە ياركەن اۋدانىنداعى ءار ۇلت ورەندەرىمەن ارالاسۋ، پىكىر اۋىستىرۋ ارناسىن اناعۇرلىم كەڭەيتتى، اۋىس - كۇيىس جاساسۋ مىنبەرىن قۇردى، دوستىقتارىن بەكەمدەدى.
بىلتىر ماۋسىم ايىندا شاڭحايدا كوپتەن اڭساعان دوسى − شاڭحاي پۋدۇڭ حالىقتىق ياڭگۋاڭ باستاۋىش مەكتەبىنىڭ وقۋشىسى لي شياۋحۇڭعا كەزىكتى، بۇل ايزىبا ابلەتتىڭ ەڭ ماقتانىش ەتەتىن ءىسى.
3 جىلدىڭ الدىندا، 3 - جىلدىقتا وقيتىن ايزىبا لي شياۋحۇڭمەن حات الىسۋدى باستادى. حاتتا، لي شياۋحۇڭ ايزىبانى جاقسى ۇيرەنىپ، شاڭحايداعى ورتالاۋ مەكتەپتەردەن وقۋ ورايىنا يە بولىپ، شاڭحايعا كەلۋگە شابىتتاندىردى. لي شياۋحۇڭنىڭ شابىتتاندىرۋىندا، ايزىبانىڭ ۇيرەنۋ ناتيجەسى بارعان سايىن جاقساردى، قازىر ول ىشكى ولكەلەردەگى ورتالاۋ مەكتەپتەردىڭ دەنساۋلىق وتكەلىنەن ءساتتى ءوتتى.
«اۋدان جانە مەكتەپتىڭ قولداۋىندا، شاڭحايعا بارىپ دوسىممەن كەزىكتىم، وعان كىشكەنتاي داپ سيلادىم، ول ماعان قوڭىراۋلى ساعات ۇسىندى، ەكەۋىمىز شىعىس مەرۋەرتىن تاماشالادىق، ءوزىمدى ەرەكشە باقىتتى سەزىندىم!». ارادا ءبىر جىلداي ۋاقىت وتكەنىمەن، ايزىبا ءالى دە تەبىرەنىپ ءجۇر ەكەن. «الدا ءتىپتى دە قۇلشىنا ۇيرەنىپ، ۋنيۆەرسيتەت وقيمىن، وقۋ تاۋىسقاننان كەيىن وقىتۋشى بولىپ، بولاشاقتا وقۋشىلارىمدى قۇلشىنا وقىپ، ۇلتتار ىنتىماعىن جاقسارتىپ، ەسەيگەندە مەملەكەتكە ۇلەس قوسۋعا تاربيەلەيمىن»، - دەدى بولاشاققا زور ءۇمىت ارتقان ايزىبا.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
