- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاستىق جىرىن شارىقتاتا تۇسەيىك
ۋاڭ يۇڭفەي
2016.06.22 14:16 كەلۋ قاينارى : شينجياڭ گازەتى
ماۋسىم ايىندا شينجياڭدا شىجىعان ىستىق بولسادا، حوتان باليم ساۋدا شەكتى سەرىكتەستىگى ەرەكشە دۋمانعا بولەنىپ، مەكتەپ فورىمى، ۇلتتىق كيىم - كەشەك، اتلاس تورعىنى سياقتى ءتۇرلى ءوندىرىس لەنيالارىنىڭ بارلىعى قاربالاس جۇمىسقا كىرىستى. سەرىكتەستىكتىڭ باس جوراسى وبىلاسەن وبىلقاسىم ەرەكشە زور سەنىممەن بىلاي دەدى: بىلتىر 03 ميلليون يۋاندىق ءونىم قۇنىن جاراتتىق، بيىل مۇنى 06 ميلليۋان يۋانعا جەتكىزۋدى جوسپارلاپ وتىرمىز.
وبىلاسەن وبىلقاسىم اۆتونوميالى رايوننىڭ تەز ءونىم بەرەتىن نىسانى كومەككە بەرگەن 8 ميلليون يۋان قارجىدان پايدالانىپ، سەرىكتەستىكتىڭ جابدىقتارىن جاڭالادى جانە قىزمەتكەرلەردى تاربيەلەدى، كاسىپورىننىڭ ءوندىرىس قۋاتى ەرەكشە كۇشەيدى.
بەرتىنگى جىلداردا رايونىمىز جوعارى، ورتا تەحنيكۋم تاۋىسقان وقۋشىلاردى، جۇمىسسىز قالعان جاستاردى، قالا - قالاشىقتارداعى جاڭادان قوسىلعان جاس ەڭبەككۇشتەردى جانە اۋىل - قىستاق جاستارىنىڭ اراسىنداعى ارتىق ەڭبەككۇشتەردى ماڭىزدى ءتۇيىن ەتىپ، ءار ۇلت جاستارىنىڭ كاسىپ قاراستىرۋىن، دەربەس شارۋاشىلىق قۇرۋىن ىلگەرىلەتۋدى جانە بۇعان قىزمەت ەتۋدى ءتۇبىرلى شىعار جول ەتىپ، كوزقاراس جاعىندا جەتەكشىلىك ەتۋ، شارۋاشىلىق قۇرۋعا تاربيەلەۋ، كاسىپتەنۋىنە كومەكتەسۋ، ونەرىن ۇشتاۋ، قارجى جاقتان سۇيەمەلدەۋ، جالپىلىق قىزمەت كورسەتۋ سياقتى جاقتاردان باستاپ، رايونىمىزداعى جاستاردىڭ، اسىرەسە، وڭتۇستىك شينجياڭداعى جاستاردىڭ كاسىپتەنۋىن، شارۋاشىلىق قۇرۋىن زور كۇشپەن ىلگەرىلەتتى.
وڭتۇستىك شينجياڭداعى وبىلاسەن وبىلقاسىم سياقتى شارۋاشىلىق قۇرعان جاستار اۆتونوميالى رايوننىڭ ءتۇرلى تيىمدىلىك جاساۋ ساياساتتارىنىڭ سۇيەمەلدەۋىندە، تولىسىپ، شىڭدالىپ كەلەدى. اسقاقتاعان جاستىق جىرلارى وڭتۇستىك شينجياڭ توپىراعىندا شارىقتاي ءتۇستى.
شارۋاشىلىق قۇرۋ مىنبەرىن ازىرلەدى
«اۆتونوميالى رايون وتكىزگەن جاستاردىڭ شارۋاشىلىق قۇرۋ جارىسىنا قاتىناسقاننان كەيىن، سەرىكتەستىگىمىز جۇرتقا تانىلدى. بىلتىر سوڭعى جارىم جىلدا مەن اقسۋ شارۋاشىلىق قۇرۋشىلار قوعامىنىڭ باستىعى جانە اقسۋ ايماقتىق ۇلتتىق ساۋدا قوعامىنىڭ اتقارۋشى باستىعى بولىپ سايلاندىم؛ بيىل مامىردىڭ سوڭىندا اقسۋ قالالىق ساياسي كەڭەستىڭ مۇشەسى بولدىم». شارۋاشىلىق قۇرۋ جارىسىنا قاتىناسقانداعى تابىستارىن اۋىزعا العاندا، اقسۋ دوستىق اۆتوكولىك رەمونتتاۋ، قىزمەت كورسەتۋ شەكتى سەرىكتەستىگىنىڭ باس جوراسى ماردان كامىل تەبىرەنىسى مەن قۋانىشىن وسىلاي جەتكىزدى.
ماردان كامىلدىڭ سەرىكتەستىگى اۆتوكولىك رەمونتتاۋ، اشەكەيلەۋ، كۇتىمدەۋ سياقتىلار ءبىر تۇلعالانعان قىزمەت كورسەتۋمەن شۇعىلدانادى. تابىسى جاقسى بولعانىمەن، كاسىپورىن باسقارۋدىڭ ولشەمدى بولماۋى ونى قاتتى مازالاعان ەدى. ماردان كامىل بىلاي دەدى: جارتى جىلعا سوزىلعان جارىس بارىسىندا، مەن كاسىپورىن باسقارۋعا، بايلىق باسقارۋعا قاتىستى ءبىرتالاي ءبىلىم يگەردىم.
بارىنەن دە ماڭىزدىسى، ماردان كامىل كوپ اداممەن دوستاستى جانە كاسىپتەستەرىمەن تانىستى، بۇل وعان سەلبەستىك جاساسۋ ورايىن اكەلدى. بىلتىر قازان ايىنان باستاپ ول ۇرىمجىدەگى جانە قۇلجاداعى 2 كاسىپتەسىمەن سەلبەستىك جاساسىپ، ساپالى زات قاينارىن اشتى، سونىمەن ايلىق ساتىلىم مولشەرى مەن پايداسى دەرلىك %10تەي جوعارىلادى.
جاستاردىڭ جاڭالىق اشۋ، شارۋاشىلىق قۇرۋ جارىسى − اۆتونوميالى رايون قۇرعان جاستاردىڭ شارۋاشىلىق قۇرۋ تۇعىرىنىڭ ءبىرى. جاستاردىڭ جاڭالىق اشۋ، شارۋاشىلىق قۇرۋ جارىسىنان جانە اۆتونوميالى رايون قۇرعان جاستاردىڭ جاڭالىق اشۋ تۇعىرىنان تىس تاعى «شينجياڭ جاستارىنىڭ شارۋاشىلىق قۇرۋىنا، كاسىپتەنۋىنە كومەكتەسۋ اپتالىعى» جەلىلەس قيمىلى، شينجياڭ جاستارىنىڭ شارۋاشىلىق قۇرۋ نىسان قامباسى، «كوممۋنيستىك جاستار وداعىنىڭ كوپ بولىپ شارۋاشىلىق قۇرۋ ورتاسى»، «شينجياڭ جاستارىنىڭ شارۋاشىلىق قۇرۋ الەۋمەتتىك اۋماعى، شينجياڭ ۋنيۆەرسيتەتىنىڭ شارۋاشىلىق قۇرۋعا قىزمەت وتەۋ ورتالىعى، شارۋاشىلىق قۇرۋ جەتەكشىلەر ۇيىرمەلەرى جوقتان بار بولدى.
وسى تۇعىردان پايدالانىپ، نىسان مەن قارجىنى، شارۋاشىلىق قۇرۋشى مەن تۇتىنۋشىنى، شارۋاشىلىق قۇرۋشىلار مەن شارۋاشىلىق قۇرۋشىلاردى، شارۋاشىلىق قۇرۋشى مەن بازاردى، شارۋاشىلىق قۇرۋشى مەن جەتەكشىنى ۇشتاستىرۋ ارقىلى بۇكىل رايونىمىزداعى جاستاردى بارىنشا ىنتالاندىردى، اسىرەسە، وڭتۇستىك شينجياڭداعى جاستاردىڭ شارۋاشىلىق قۇرۋ ىنتاسىن قوزعاپ، شارۋاشىلىق قۇرۋ سەنىمىن بەكەمدەپ، شارۋاشىلىق قۇرۋداعى قوزعاۋشى كۇشىن ارتتىردى. قارجىمەن قولداۋ كورسەتتى
80 - جىلداردىڭ تۇلەگى مامەتنۇر كادىقۇل اتۇشتىق مۇگەدەك بولا تۇرسادا 2013 - جىلى مامىردا اتۇش قالاسىندا «جىم - جىرت دۇنيە » ۇلتتىق قولونەر بۇيىمدار شەكتى سەرىكتەستىگىن قۇردى. باسىم كوپ شارۋاشىلىق قۇرۋشىلار سياقتى باستابىندا قارجى كەمشىل بولۋ سىندى ۇلكەن قيىنشىلىققا ول دا ءدوپ كەلگەن ەدى.
قىزىلسۋ قىرعىز اۆتونوميالى وبلىسى مۇگەدەكتەر بىرلەستىگىنىڭ 100 مىڭ يۋان كومەك قاراجاتى مەن اۆتونوميالى رايوندىق وداق كوميتەتىنىڭ جاستاردىڭ شارۋاشىلىق قۇرۋىنا اقىسىز كومەكتەسۋ نىسانىنان بەرىلگەن 10 مىڭ يۋان قاراجات ونىڭ ۇزىلگەن ءۇمىتىن جالعادى. 2 ايدىڭ الدىندا قىزىلسۋ وبلىستىق مۇگەدەكتەر بىرلەستىگى وعان 100 مىڭ يۋان نىسان قارجىسىن بەردى. قارجى قولىنا تيىسىمەن ول دەرەۋ ازىق - تۇلىك وڭدەۋ زاۆودىن قۇرۋعا كىرىستى، قازىر زاۆودتى بەزەندىرىلۋدە، ءبىر ايدان سوڭ وندىرىسكە قوسىلادى.
«جاقسىلىق − ەگىز» دەگەن سياقتى، ماۋسىمنىڭ باسىندا مامەتنۇر كادىقۇل اۆتونوميالى رايوندىق وداق كوميتەتىنىڭ جاستاردىڭ شارۋاشىلىق قۇرۋىنا اقىسىز كومەكتەسۋ نىسانىنان بەرىلەتىن 10 مىڭ يۋاندى دا تاپسىرىپ الدى. ول وسى 10 مىڭ يۋانعا 5 تىگىن ماشيناسىن ساتىپ الىپ، 5 جۇمىسشى جالداپ، قولونەر بۇيىمدار ءوندىرىس كولەمىن كەڭەيتتى. سونىمەن كۇنىنە 20 كيىم - كەشەك ارتىق ءوندىرىپ، 600 دە 700 يۋان ارتىق كىرىس كىرگىزدى.
«ۇكىمەتتىڭ كومەگىنە يە بولعانىمىزعا اسا قۋانىشتامىز ءارى العىس ايتامىز. ءبىز، ءسوز جوق، قۇلشىنىپ، مۇگەدەكتەردىڭ كاسىپتەنۋىنە وراي جاراتىپ، ءتىپتى، كوپ مۇگەدەك ادامداردىڭ ءبىز سياقتى كوڭىلدى تۇرمىس كەشىرۋىنە مۇمكىندىك جاسايمىز!»، - دەدى مامەتنۇر كادىقۇلدىڭ ايەلى.
قارجى − جاستاردىڭ شارۋاشىلىق قۇرۋىنا توسالعى بولاتىن ەڭ ۇلكەن وتكەل. سوندىقتان رايونىمىز جاستاردىڭ شارۋاشىلىق قۇرۋداعى وسى توسالعىنى بۇزۋىنا كومەكتەسىپ، شارۋاشىلىق قۇرۋ ارماندارىن ىسكە اسىرىپ، بۇكىل رايونىمىزداعى، اسىرەسە، وڭتۇستىك شينجياڭداعى جاستاردىڭ شارۋاشىلىق قۇرۋداعى قارجى ماسەلەسىن شەشتى. بۇل كومەكتەردىڭ كەيبىرى ۇكىمەت تاراۋلارىنىڭ اقىسىز قارجىلاي كومەگىنەن كەلسە، كەيبىرى، شارۋاشىلىق قۇرۋ قورىنىڭ شاعىن سومالى، ءوسىمسىز قارىز اقشاسىنان كەلدى، ال كەيبىرى شارۋاشىلىق قۇرۋعا قارجى قوسۋ قۇرىلىمدارىمەن كاپيتال جاعىنان سەلبەستىك جاساۋدان كەلدى.
شارۋاشىلىق قۇرۋعا ويداعىداي قىزمەت ەتتى
شارۋاشىلىق قۇرۋعا تالپىنعان جاسامپاز جاستاردىڭ تابىسقا جەتۋىنىڭ تەتىگى ولارعا شارۋاشىلىق قۇراتىن تاماشا ورتا ازىرلەپ بەرۋدە. ول ۇكىمەت تاراۋلارىنىڭ دا بۇلتارتپاس بورىشى. قاعىلىق اۋدانى ورىستەتكەن «10 مىڭ جاستىڭ شارۋاشىلىق قۇرۋ قيمىلى» رايونىمىزدىڭ جاستاردىڭ شارۋاشىلىق قۇرۋىنا ويداعىداي قىزمەت كورسەتۋىنىڭ تيپتىك مىسالى.
قاعىلىق اۋدانى جەتىملىقۇم اۋىلى جەتىملىقۇم قىستاعىنىڭ تۇرعىنى ابدۇراحمان ابىلەت ساپالى قىزمەت وتەۋدىڭ يگىلىگىن كوردى. اۋدان «10 مىڭ جاستىڭ شارۋاشىلىق قۇرۋ قيمىلىن» باستاپ ورىستەتكەننەن كەيىن، جەتىملىقۇم اۋىلىنىڭ جەتىملىقۇم قىستاعى بۇل قيمىلعا بەلسەنە ءۇن قوسىپ، «10 شاعىن كاسىپپەن» شۇعىلداناتىن 6 دۇكەن قۇردى.
21 جاستاعى ابدۇراحماننىڭ ۇيىندە 4 جان بار، كەزىندە اسحانادا جاۋبۇيرەك قاقتاعاندى ۇيرەنگەن، ۇساق - تۇيەك جۇمىستارمەن شۇعىلدانىپ وتباسىن اسىرايتىن، قىستاقتىڭ «10 شاعىن كاسىپپەن» شۇعىلداناتىن دۇكەن اشۋىمەن ابدۇراحماننىڭ ءومىرى بۇرىلىس كەزەڭىنە اياق باستى.
ابدۇراحمان قاتىستى تەكسەرۋدەن وتكەننەن كەيىن ۇكىمەتتىڭ ءبىر جىل اقىسىز مايعا بەرەتىن 16 شارشى مەتر كەلەتىن دۇكەنگە يە بولىپ، ءۇي ىشىمەن جاۋبۇيرەك ساۋداسىمەن شۇعىلداندى، قازىر ساۋداسى كۇسەت كۇندەرى 200 يۋاننان استام تابىس تاباتىن بولدى.
قاعىلىق اۋدانىنىڭ «10 مىڭ جاستىڭ شارۋاشىلىق قۇرۋ قيمىلى» 2015 - جىلى مامىردان باستاپ ورىستەتىلگەنىنەن قازىرگە دەيىن، قاعىلىق اۋدانى اۆتونوميالى رايوننىڭ شارۋاشىلىق قۇرۋعا اجىراتقان 3 ميلليون يۋانىن نەگىز ەتە وتىرىپ، اۋداننىڭ بايلىق قاينارىن رەتكە سالىپ جالپى 10 ميلليون يۋان قارجى ازىرلەدى، قاعىلىق اۋدانى وقۋ - اعارتۋدى قىستاقتارعا جەتكىزۋ ۇلگىسى بويىنشا 10 شاعىن كاسىپپەن شۇعىلداناتىن دۇكەندەردىڭ جاۋاپتىلارىن توپتارعا ءبولىپ، ولاردى تەحنيكالىق جاقتان تاربيەلەپ، زاڭ ءبىلىمى سياقتى ساباقتاردى ءوتىپ، اناعۇرلىم كوپ ارىندى جاستىڭ باتىلدىقپەن دەربەس شارۋاشىلىق قۇرۋىنا شابىت بەرىپ، جەتەكشىلىك ەتتى.
قازىر «10 شاعىن كاسىپپەن» شۇعىلداناتىن دۇكەن قۇرۋ قىزمەتىنەن باستاپقى قادامدا تابىس كورىلە باستادى. سىناق ءتۇيىنى ەتىلگەن 70 قىستاقتىڭ جەتەكشىلىگىندە اۋدانداعى 165 قىستاق تۇگەلدەي «10 شاعىن كاسىپپەن» شۇعىلداناتىن دۇكەن قۇردى. 125 قىستاقتاعى 1065 دۇكەن پايدالانۋعا بەرىلىپ، 1600دان استام تىكەلەي كاسىپتەندى.
قاعىلىق اۋدانى سەكىلدى، رايونىمىزداعى، وتە - موتە، وڭتۇستىك شينجياڭداعى ءار دارەجەلى ۇكىمەت شارۋاشىلىق قۇرۋ كوزقاراسى ارقىلى تاربيە بەرۋ، ءجون كورسەتۋدى توڭىرەكتەي وتىرىپ، جاستاردىڭ كاسىپتەنۋىنە، شارۋاشىلىق قۇرۋىنا قاتىستى ۇگىتتى مىقتى ۇستاۋدى كورنەكتى ورىنعا قويدى؛ كاسىپتەنۋگە قىزمەت وتەۋ قابىلەتىن جوعارىلاتۋ قۇرىلىسىن توڭىرەكتەي وتىرىپ، جاستاردىڭ كاسىپتەنۋىنە ويداعىداي قىزمەت وتەۋدى كورنەكتىلەندىردى؛ شارۋاشىلىق قۇرۋ قابىلەتىن جوعارىلاتۋدى توڭىرەكتەي وتىرىپ، جاستارعا تاربيەلەۋ جاعىنان قىزمەت وتەۋدى مىقتى ۇستاپ، بار ىنتا - پەيىلىمەن جاستاردىڭ شارۋاشىلىق قۇرۋىنا ساياسات، قوعام جانە ەكونوميكالىق جاقتان تاماشا ورتا جاراتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
