- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«كىپ - كىشكەنتاي گەرب، كەۋدەگە تاقساڭ سالماعى ونىڭ ءزىل باتپان»
ياڭ يىڭچۇن
2016.06.22 14:17 كەلۋ قاينارى : شينجياڭ گازەتى
«پارتيا گەربىن تاققانىمدا، وزىمە قاشاندا اتويشىل ۇلگىلىك رول كورسەتۋدى ەسكەرتىپ وتىرامىن»...
ماۋسىم ايىنىڭ ورتا شەنىندە، ياركەن اۋدانى باشكەنت قالاشىعى «قوس ءتىل» مەكتەبى اۋلاسىنان ءتىلشى پارتيالى وقىتۋشىلاردىڭ كەۋدەسىنە جارقىراتىپ پارتيا گەربىن تاققانىن كوردى. بيىل ءساۋىر ايىندا اتالعان مەكتەپ «ەكىنى ۇيرەنۋ، ءبىر بولۋ» ۇيرەنۋ تاربيەسى قيمىلىن ورىستەتكەننەن بەرى، پارتيالى وقىتۋشىلار كەۋدەسىنە جارقىراتا پارتيا گەربىن تاعىپ، مەكتەپتىڭ جارقىن كورىنىسىنە اينالدى.
سالىستىرىپ تەكسەرۋ ارقىلى ولقىلىقتاردى تاپتى
«پارتيا ۋستاۆىن، باس شۋجي شي جينپيڭنىڭ جەلىلەس سوزدەرىن ۇيرەنۋ ارقىلى مەن ءوزىمنىڭ وقۋشىلارعا كوڭىل ءبولۋىمنىڭ ءالى دە جەتىسپەي وتىرعانىن، تولىمدى پارتيا مۇشەسى بولۋعا ءالى دە قۇلشىنۋىم قاجەت ەكەنىن سەزىندىم». مەكتەپتەگى پارتيا مۇشەسى وقىتۋشى رىن جيە ءساۋىر ايىنىڭ سوڭىندا مەكتەپتىڭ «ەكىنى ۇيرەنۋ، ءبىر بولۋ» ۇيرەنۋ تاربيەسى قيمىلىنا قاتىسۋ بارىسىندا ءوز اسەرىن وسىلاي جازدى.
ورىن تەپكەن ماسەلەلەردى جايىپ سالۋ ەڭ ماڭىزدى ءتۇيىن. «ەكىنى ۇيرەنۋ، ءبىر بولۋ» ۇيرەنۋ تاربيەسى قيمىلىن شىنايى جاقسى جۇرگىزۋ ءۇشىن، باشكەنت قالاشىعى «قوس ءتىل» مەكتەبىنىڭ پارتيا ياچەيكاسى ءار پارتيا مۇشەسىنەن ءوز ماسەلەلەرىن تۇگەلدەي جايىپ سالۋدى، ءوزىنىڭ ءىس جۇزىندىك جاعدايىمەن بىرلەستىرە وتىرىپ پارتيا ۋستاۆىمەن، پارتيا تارتىبىمەن، باس شۋجي شي جينپيڭنىڭ جەلىلەس سوزدەرىمەن سالىستىرىپ ولقىلىقتاردى تابۋدى، ۇلگىلى تيپتەرمەن سالىستىرىپ اراداعى ايىرماشىلىقتى تابۋدى تالاپ ەتتى.
سۇراۋ قويا ۇيرەنىپ، ماسەلەگە باعىتتاپ وزگەرتتى. وقۋشىلارعا بۇرىنعىدان دا كوپ سۇيىسپەنشىلىك سيلاۋ ءۇشىن، بيىل مامىر ايىندا رىن جيە ءوزىنىڭ ءبىر جارىم جاستاعى قىزىن الىس سانشيدەگى ۇلكەن ۇيىنە اپارىپ تاستادى.
ءار كۇنى وقۋشىلارمەن بىرگە تۇرىپ، بىرگە تاماقتانىپ، بۇكىل ىنتا - پەيىلىن وقۋشىلارعا ارناعاندىقتان، رىن جيە كلاسىنداعى وقۋشىلاردىڭ يدەيالىق جاعدايىنا تىپتەن قانىق. ءبىراز ۋاقىت بۇرىن، رىن جيە وقۋشىلارعا «انا جاقسى الەمدە» ءانىن ۇيرەتكەن كەزدە، ميھىربانگۇل جىلاپ جىبەردى. ساباقتان سوڭ، رىن جيە ونى قۇشاعىنا قىسىپ، كوزىنىڭ جاسىن ءسۇرتتى. ميھىربانگۇل وعان اناسىنىڭ تاياۋدا كولىك اپاتىنا ۇشىراپ قايتىس بولعانىن ايتتى. سول كۇننەن باستاپ، رىن جيە ميھىربانگۇلدى ءوز بالاسىنداي باۋىرىنا باسىپ، ءار كۇنى ونىمەن بىرگە تاماقتانىپ، وعان كيىم - كەشەك اپەردى، ەرتىپ بارىن شاشىن الدىرىپ، وعان جىلۋ ساقتايتىن ستاكان الىپ بەردى. جۇما سايىن رىن جيە ميھىربانگۇلدىڭ ۇيىنە بارىپ - قايتاتىن جول اقىسىن ونىڭ قالتاسىنا بىلدىرمەي سالىپ قوياتىن بولدى.
كەۋدەگە پارتيا گەربىن تاعىپ ونەگە بولدى
پارتيا ياچەيكاسى − بەتكە ۇستار تۋ، پارتيا مۇشەسى − جول كورسەتەر شىراق. باشكەنت قالاشىعى «قوس ءتىل» مەكتەبى «ەكىنى ۇيرەنۋ، ءبىر بولۋ» ۇيرەنۋ تاربيەسى قيمىلىن ورىستەتكەننەن بەرى، ءار كۇنى پارتيا گەربىن تاعىپ كلاسقا كىرۋ مەكتەپتەگى 32 پارتيا مۇشەسىنىڭ داعدىسىنا اينالدى.
«جۇمىستا پارتيا گەربىن تاعىپ جۇرەم، جۇمىس كەزىندە ءاردايىم ءوزىمدى تولىمدى پارتيا مۇشەسى بولۋعا ەسكەرتىپ وتىرامىن»، - دەيدى مەكتەپ پارتيا قۇرىلىسى كەڭسەسىنىڭ مەڭگەرۋشىسى ۋاڭ شينكاي.
پارتيا گەربى جۇڭگو كوممۋنيستىك پارتياسىنىڭ سيمۆولى جانە بەلگىسى، پارتيا گەربىن تاعىپ ءجۇرۋ پارتيا مۇشەلەرىنىڭ پارتيالىلىق تانىمىن، جاۋاپكەرشىلىك تانىمىن، قىزمەت كورسەتۋ تانىمىن جانە ماقسات تانىمىن كۇشەيتۋگە ءتيىمدى. مەكتەپ پارتيا ياچەيكاسىنىڭ شۋجيى، مەكتەپ باستىعى جاڭ يۇڭ تىلشىگە بىلاي دەدى: مەكتەپ «ەكىنى ۇيرەنۋ، ءبىر بولۋ» ۇيرەنۋ تاربيەسى قيمىلىن ورىستەتۋ بارىسىندا، پارتيالى وقىتۋشىلاردىڭ ۇلگىلىك، باستاماشىلىق رولدارىن جاقسى كورنەكتىلەندىرۋگە ەسكەرتۋ ءۇشىن، مەكتەپ جاسامپازدىقپەن پارتيالى وقىتۋشىلاردىڭ «پارتيا گەربىن تاعۋ، كىم ەكەنىن ايگىلەۋ، وبراز سومداۋ، ونەگە كورسەتۋ» قيمىلىن ورىستەتتى.
مەكتەپتە 1342 وقۋشى بار بولعانىمەن ارناۋلى جاتاق باسقارۋشى جوق ەدى. سونىمەن پارتيا مۇشەسى لي شۋەحۇي مۇعالىم ساباقتان سىرتقى ۋاقىتىندا جاتاق باسقارۋ قىزمەتىن ىرىقتى تۇردە ۇستىنە الدى. «مەن پارتيا مۇشەسىمىن، سالت باسپىن. ارتىق اۋىس جۇمىسىم جوق بولعاندىقتان، بۇل جەردە كوبىرەك ىستەگەنىم ورىندى».
مەكتەپ جاتاقتى مەكتەپ بولعاندىقتان وقىتۋشىلار دۇيسەنبىدەن جۇماعا دەيىن وقۋشىلارمەن بىرگە تاماقتانىپ، بىرگە تۇراتىن ەدى. وقۋشىلارعا اناعۇرلىم كوپ سۇيىسپەنشىلىك باعىشتاۋ ءۇشىن، 2 - جىلدىق (2) كلاستىڭ كلاس جەتەكشىسى، پارتيا مۇشەسى پاتىگۇل مامۇت مۇعالىم دەمالىس الىپ كورمەپتى.
2014 - جىلى قازان ايىندا پارتيا مۇشەسى لي نا مۇعالىمنىڭ اعاسى اۆتوكولىك شىرعالاڭىنان قازا بولعاندا لي نا مۇعالىم 6 - جىلدىقتىڭ كلاس جەتەكشىسى بولىپ ىستەپ جاتقان - تۇعىن. مىنە وسىنداي كەزدە كلاستاعى وقۋشىلاردىڭ قامىن جەگەن لي نا مۇعالىم قايعىنى قايراتقا جەڭدىرىپ، اتا - اناسىنىڭ تالابىن تويتارىپ، وقىتۋ قىزمەت ورنىنان تاپجىلماعان ەكەن.
وسىدان كەيىن دەنساۋلىعى كۇننەن - كۇنگە ناشارلاعان لي نانىڭ اتا - اناسى لي ناعا كورلاعا قايتىپ كەلىپ قىزمەت ىستەۋ تۋرالى تەلەفون سوعاتىن بولىپتى. سول كەزدە لي نا ۇلكەن كىسىلەرگە: وڭتۇستىك شينجياڭنىڭ شارت - جاعدايى جاپالى ەكەنى راس، ءبىراق مۇندا «قوس ءتىل» وقىتۋشىلارى تاپشى، مەن كەتسەم ورنىما ادام شىقپايدى. پارتيا مۇشەسى بولعاندىعىم سەبەپتى جاپادا الدا بولىپ، وڭتۇستىك شينجياڭنىڭ وقۋ - اعارتۋ ىستەرىنە ءبىر كىسىلىك ۇلەسىمدى قوسۋىم كەرەك، - دەپ جاۋاپ قايتارىپتى.
«مەن دە پارتياعا مۇشە بولۋعا قۇلشىنامىن»
وسىدان 10 كۇننىڭ الدىندا چياۋ لياڭ مۇعالىم پارتياعا مۇشە بولۋ ءوتىنىشىن جاڭ يۇڭعا تاپسىرىپ، مەكتەپتە تاباندىلىقپەن ىستەي بەرۋ تۋرالى بەكىمىن ءبىلدىرىپتى.
سانشيدىڭ يۇنچىڭ قالاسىندا تۇراتىن چياۋ لياڭ وسىندا بىلتىر 29 - تامىزدا وقىتۋشىلىق قىزمەت بابىمەن كەلگەن ەدى. «مەكتەپ مەنى 1 - جىلدىققا حانزۋ ءتىلى ساباعىن وتۋگە ورنالاستىردى. كلاسىمىزداعى وقۋشىلاردىڭ ءبارى ۇيعۇر، ال ءوزىم ۇيعۇرشا بىلمەيمىن، العاشىندا تاماعىم جىرتىلعانشا ايعايلاسام دا بالالار ەشنارسە تۇسىنە المادى، جاسىرارى جوق، بۇل ارادان كەتۋ ويىم دا بولعان ەدى».
لي نا بۇل ىستەن حابار تاپقاننان كەيىن چياۋ لياڭمەن بىرنەشە رەت كەڭەسىپ، ونىڭ وقىتۋ تاسىلىنە وزگەرىس ەنگىزۋىنە كومەكتەستى. مىنە وسىلايشا لي نانىڭ كومەگىندە چياۋ لياڭ وقىتۋ قىزمەتىنە بارىن ارنادى.
چياۋ لياڭ: مەن دە پارتياعا مۇشە بولۋعا قۇلشىنامىن. لي نا مۇعالىم سياقتى ۇيرەتۋدەن جالىقپاي، ۇلەس قوسامىن، - دەيدى.
اسقار مامەت، مۇقتار مامەت سياقتى وقىتۋشىلار بوس ۋاقىتى شىعا قالسا حانزۋ وقىتۋشىلارعا ۇيعۇرشا ۇيرەتتى، ۋاڭ لەي، سۇڭ ياڭياڭ قاتارلى وقىتۋشىلار ۇيعۇر وقىتۋشىلاردىڭ حانزۋ ءتىلى ورەسىن جوعارىلاتۋىنا بەلسەنە كومەكتەستى.
جاڭ يۇڭ: مەكتەپ «ەكىنى ۇيرەنۋ، ءبىر بولۋ» ۇيرەنۋ - تاربيەسىن ورىستەتكەننەن بەرى، كوپتەگەن وقىتۋشىلار پارتياعا مۇشە بولۋ ءوتىنىشىن تاپسىردى. وقىتۋشىلاردىڭ قىزمەتكە كەشىگىپ كەلۋ، ەرتە قايتۋ، قىزمەتكە كەراناۋ پوزيتسيا ۇستانۋ سياقتى ۇنامسىز جايتتەرى دە جوعالدى. قايتا جۇكتىڭ اۋىرىن ىرىقتىلىقپەن ۇستىلەرىنە الىپ، وقىتۋ ورەسىن وسىرگەن وقىتۋشىلاردىڭ قاتارى كۇن ساناپ كوبەيە ءتۇستى. قازىر بىرەر وقىتۋشى ناۋقاستانىپ قالسا، قالعان وقىتۋشىلار ونىڭ قىزمەتىن ءبولىسىپ ۇستىلەرىنە الاتىن بولدى؛ مەكتەپ بىرەر قيمىل قانات جايدىرسا وقىتۋشىلار بەلسەندىلىكپەن اقىل - كەڭەس بەرىپ، كۇش شىعاراتىن بولدى؛ وقىتۋشىلار ەرتەلى - كەش وقۋشىلارمەن بىرگە بولۋمەن قاتار، جۇما كۇنى مەكتەپتەن تاراعاندا وقۋشىلاردى اتا - اناسىنا ءوز قولدارىمەن تاپسىرىپ بەرىپ، بارلىق بالا مەكتەپتەن كەتىپ بولعاننان كەيىن بارىپ قىزمەتتەن ءبىراق تۇسەتىن بولدى، - دەيدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
