- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كادرلار مەن بۇقارا الەۋمەتتىك اۋماقتىڭ كوركەم كارتيناسىن بىرگە سالدى
2016.06.27 14:13 كەلۋ قاينارى : شينجياڭ گازەتى
«بۇرىن ەسىگىمىزدى قاباتتاپ قۇلىپتاۋشى ەدىك، قازىر سىرتقا شىققاندا ەسىكتى قۇلىپتاماساق تا ەشتەمە ەتپەيدى، جاڭجالداسۋ، نارسە ۇرلاۋ جايتى تۋىلمايتىن بولدى، ءار ۇلتتىڭ بەرەكە - بىرلىگى وتە جاقسى، وسىنىڭ ءبارى پارتيا ياچەيكاسىنىڭ جاقسى باسقارۋىنىڭ ارقاسى، سوڭعى جىلدارى الەۋمەتتىك اۋماقتىڭ وزگەرىسى زور بولدى»، - دەدى الەۋمەتتىك اۋماقتا قونىستانعانىنا 17 جىل بولعان 50 جاستاعى نۇرمامەت.
حالىق تۇرمىسىندا كىشى −- گىرىم ءىس جوق، الەۋمەتتىك اۋماق پارتيا ياچەيكاسى قيىن ماسەلەردى شەشىپ، ناقتى ىستەر تىندىرعاندىقتان، بۇقارانىڭ نازارىنداعى بەدەلى دە ارتا ءتۇستى.
الەۋمەتتىك اۋماقتى وتباسىن باسقارعانداي باسقارۋ، يكەمدى باسقارۋ سىندى قىزمەت كورسەتۋ ۇستانىمى پيڭديڭشان الەۋمەتتىك اۋماعىنىڭ حالىق تۇرمىسىن جاقسارتۋ قىزمەتىن ەگجەي - تەگجەيلى ىستەۋىنە، بۇقارانىڭ قالاۋىنان شىعۋىنا ارقاۋ بولدى.
الەۋمەتتىك اۋماقتىڭ پارتيا ياچەيكاسى تاربيەلەۋدى، قىزمەت وتەۋدى كومەسكىدەن اشىققا شىعارىپ، 13 كوشەگە 70 كەرناي ورناتىپ، كۇنىنە 10 ساعات ۇلتتىق تىلدە حابار تاراتتى؛ ۋاق - ۋاق توڭكەرىستىك كينولار قويدى؛ 3 گازەت وقۋ ورنىن اشتى، ۇلتتار ىنتىماعىنا قاتىستى كىتاپشادان 5000ىن تاراتتى؛ 800 مەتر ۇزىندىقتاعى قول سىزبا مادەنيەت قابىرعاسى مەن مادەنيەت كاريدورىن جاسادى، ءسويتىپ، ءار ۇلت بۇقاراسىنىڭ ۇلتتار ىنتىماعى ساناسىن كۇشەيتۋىنە بىلىنبەي اسەر ەتتى.
كاسىپتەندىرۋ حالىق تۇرمىسىنىڭ وزەگى، الەۋمەتتىك اۋماق پارتيا ياچەيكاسى اينۇر ونەركاسىپ - ساۋدا شەكتى سەرىكتەستىگى، سارجىن كيىم - كەشەك شەكتى سەرىكتەستىگى، ءۇرىمجى قالالىق قولدانىلمالى تەحنيكاعا تاربيەلەۋ مەكتەبى سىندى تاربيەلەۋ كاسىپورىندارىن ەنگىزىپ، كەستەشىلىك، اسپازدىق، تىگىنشىلىك، حانزۋ ءتىلى سىندى كاسىپتەندىرۋ، قايتالاي كاسىپتەندىرۋ بويىنشا تاربيەلەۋ كۋرسىن اشىپ، كاسىپورىندارمەن بىرگە ايەلدەر قاۋىمىنىڭ كاسىپتەنۋىنە كومەكتەستى.
«قۇلشىنعاندا عانا، وزگەرىس بولادى! دەگەن ءسوزدىڭ تەگىن ءتۇسىندىم»، 38 جاستاعى ابيبا مامەتتۇرسىن تەبىرەنگەن سەزىممەن بىلاي دەدى: «بۇرىندارى تاماق جاساپ، بالا باعۋدى عانا بىلەتىن ەدىم، قازىر حانزۋشا سويلەي الاتىن بولدىم، ايىنا 1500 يۋان كىرىس تابامىن». ونىڭ جولداسى بارات مامەتيۇسۇپ ىلگەرى ۇساق - تۇيەك جۇمىس ىستەپ، ايىنا تاپقانى ءبىر ءۇيدىڭ ونى - مۇنىسىنا ازەر جەتەتىن، قازىر ول الەۋمەتتىك اۋماقتىڭ تازالىقشىسى، ايلىق كىرىسى 3000 يۋان. ول: قيىنشىلىققا جولىقساق، الەۋمەتتىك اۋماق كادرلارىن تىكە ىزدەپ بارىپ، جاعدايىمىزدى ايتامىز، قام - قايعىمىز جوق، - دەدى.
قازىر پيڭديڭشان الەۋمەتتىك اۋماعىنان تىنىش، ىنتىماقتى، تاتۋ - ءتاتتى، بەرەكەلى كورىنىس مەن مۇندالايدى. تاياۋ جىلداردان بەرى الەۋمەتتىك اۋماق اۆتونوميالى رايوندىق وزات نەگىزگى ساتى پارتيا ۇيىمى، اۆتونوميالى رايوندىق ۇلتتار ىنتىماعىنداعى، العاباسارلىعىنداعى وزات ورىن سىندى داڭقتارعا يە بولدى. 2014 - جىلى 7 - قاراشادا ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان پيڭديڭشان الەۋمەتتىك اۋماعىندا قىزمەت تەكسەرگەندە الەۋمەتتىك اۋماقتىڭ اۋلا فورماسىندا تاربيەلەۋ، قىزمەت كورسەتۋ، باسقارۋ قىزمەتىن تولىق تۇراقتاندىردى.
الەۋمەتتىك اۋماق پارتيا ياچەيكاسى سىندى وسى تۋ پيڭديڭشان الەۋمەتتىك اۋماعىندا جەلبىرەۋدە، ول الەۋمەتتىك اۋماقتاعى كادرلار مەن بۇقارانى جۇدىرىقتاي جۇمىلىپ، اناعۇرلىم كوركەم بولاشاق جاراتۋعا باستايدى. بۇقاراعا ىقىلاسپەن قاراپ، جۇرت تىلەگىن جەردە قالدىرمادى
«ۇيلەرىڭىزدە قيىنشىلىق بار، ءبىز ناۋقاستىڭ جايىن ءبىلىپ، كوڭىلىن سۇراۋعا كەلىپ تۇرمىز، كوپ تۇكىرسە كول بولادى دەگەن، كومەگىمىزدى ايامايمىز». 16 - ماۋسىمدا پيڭديڭشان الەۋمەتتىك اۋماعى پارتيا ياچەيكاسىنىڭ شۋجيى باي لي مەن الەۋمەتتىك اۋماقتىڭ مەڭگەرۋشىسى قۇربان يۇسۇپ الەۋمەتتىك اۋماق كادرلارىن باستاپ، نۇرمامەت قاۋىلدىڭ ۇيىنە حال سۇراي باردى، نۇرمامەتتىڭ ايەلى ايگۇل تۇراحۇن وتا قابىلداپ، اۋرۋحانادان شىققانىنا ءبىر - اق كۇن بولىپ ەدى. الەۋمەتتىك اۋماق پارتيا ياچەيكاسى حابار الىسىمەن دەرەۋ ءسۇت، جۇمىرتقا سياقتى كەنەۋلى ازىقتار ساتىپ الىپ، ونىڭ كوڭىلىن سۇراۋعا ارناۋلى ادام جىبەردى. نۇرمامەت بىزگە: الەۋمەتتىك اۋماق كادرلارى بىزگە ۇنەمى قامقورلىق جاساپ، كوڭىلىمىزدى شۋاققا بولەپ كەلەدى، - دەدى. وسى اسەرلى اڭگىمە الەۋمەتتىك اۋماق پارتيا ياچەيكاسىنىڭ ءتۇرلى قىزمەتتەرىنىڭ ءبىر پاراسى عانا.
الەۋمەتتىك اۋماقتىڭ قىزمەت زالىنا كىرگەنىمىزدە، قابىرعاداعى «شىن نيەتپەن قول ۇستاسىپ، شىن جۇرەكتەن قىزمەت ەتەمىز» دەگەن ءىرى جازۋ كوزىمىزگە وتتاي باسىلدى. وسى ءبىر اۋىز ءسوز الەۋمەتتىك اۋماق قىزمەتىنىڭ نەگىزگى ماقساتىن ايقىنداپ، جۇرەكتەرگە جىلىلىق قۇيىپ تۇرعانداي.
الەۋمەتتىك اۋماق قىزمەتى ويداعىداي جۇرگىزىلدى مە، جوق پا؟ وعان بۇقارا كەسىم ايتادى. قايتكەندە، بۇقارانىڭ مۇڭىن مۇڭداپ، جوعىن جوقتاۋعا بولادى؟ الەۋمەتتىك اۋماق پارتيا ياچەيكاسى كادرلاردى حالىقتىڭ جاعدايىن ءبىلىپ، جۇرتشىلىقتان پىكىر الۋعا ۇيىمداستىرۋ ارقىلى، بۇقارانىڭ ءوندىرىس پەن تۇرمىسندا جولىققان ءتۇرلى قيىنشىلىق پەن ماسەلەنى ۇستىندە شەشۋىنە قولعابىس ەتىپ وتىردى. ءبىرقاتار ءادىس - شارا قولدانىپ، حالىق تۇرمىسىنا قاتىستى جۇمىستاردىڭ ناقتى تياناقتانۋىن قامتاماسىز ەتتى. «بۇقارانىڭ تالاپ - تىلەگىن تىركەۋگە الۋ جانە تىركەۋدەن شىعارۋ» جۇيەسىن ورناتىپ، جۇمىس ەسەبىن جاسادى، بۇقارانىڭ تالاپ - تىلەگىنەن 127سىن تىركەۋگە الىپ، تولىق ورىنداپ شىقتى، ءسويتىپ، تالاپ - تىلەكتىڭ جەردە قالماۋىنا كەپىلدىك ەتتى.
سونىمەن بىرگە، «بىرگە ءبىر» كومەك قاتىناسىن ورناتىپ، بۇقارانىڭ مۇڭ - مۇقتاجىن شەشىپ وتىردى. الەۋمەتتىك اۋماق كادرلارى اتىرگۇل ومەردىڭ 3 جاستاعى بالاسىنىڭ قىزۋى كوتەرىلىپ، حال ۇستىندە جاتقانىن ەستىسىمەن، دەرەۋ اۆتوكولىك ورنالاستىرىپ، بالانى تىزگىن ۇشىندا اۋرۋحاناعا جەتكىزەدى، ءسابي اجالدىڭ اۋزىنان امان قالادى. بالانى ەمدەتۋگە قاجەتتى قاراجاتتى شەشۋ ءۇشىن، الەۋمەتتىك اۋماق كەڭ كولەمدە جىلۋ جيناپ، اتىرگۇلدى ۋايىمنان سەيىلتەدى.
الەۋمەتتىك اۋماق پارتيا ياچەيكاسى رايونعا قاراستى فۋنكتسيالىق تاراۋلارمەن بىرگە قىزمەت كورسەتۋ ۇيىرمەسىن ۇيىمداستىرىپ، بۇقارانىڭ مادەنيەت، ءبىلىم الۋ، دەنساۋلىق ساقتاۋ، ەمدەلۋ، قونىس ورتاسى سياقتى جاقتارداعى تالاپ - تىلەكتەرىن شەشىپ، شىن جۇرەكپەن قىزمەت ەتتى، 3 جىلدان بەرى، الەۋمەتتىك اۋماقتا مەديتسينالىق قىزمەت پۋنكتى اشىلىپ، تۇرعىنداردىڭ شيپاگەرگە كورىنۋىنە جەڭىلدىكتەر جاسالدى؛ حالىققا قولايلى كوكونىس دۇكەنى اشىلىپ، تۇرعىنداردىڭ جولى قىسقاردى، قازىر تۇرعىندار كوكونىستى ءۇي ىرگەسىنەن - اق ساتىپ الادى.
بۇرىنعى شاڭى اسپانعا ۇشىپ جاتاتىن ويلى - شۇقىر جولدار بۇگىنگى كۇندە تەگىس شىڭايتىلعان، 03دان اسا كوشە شامى ورناتىلىپ، جارىقتاندىرۋ ىسكە اسىرىلعان. 125 مىڭ يۋان قاراجات ءبولىنىپ، بۇرىنعى قوقسىق الاڭىنان بالالار ويىنحاناسى سالىنعان. مەكتەپ جاسىنداعى 150دەن اسا ءسابي الەۋمەتتىك اۋماقتاعى مەكتەپتە ءبىلىم الۋدا.
از ۇلت جىلجىمالى تۇرعىندارىنىڭ جۇمىسقا ورنالاسۋىنىڭ قيىن ەكەنىن ەسكەرگەن الەۋمەتتىك اۋماق، وسى توڭىرەكتەگى كاسىپورىنداردى بوس جۇمىس ورىندارىنىڭ جارمەڭكەسىن وتكىزۋگە 6 مارتە ۇيىمداستىرىپ، 35 ادامنىڭ جۇمىسقا تۇرۋىنا مۇرىندىق بولدى.
بۇگىنگى كۇندە، پيڭديڭشان الەۋمەتتىك اۋماعىندا مەكتەپ جاسىنداعى بالالار الەۋمەتتىك اۋماق ساباقحاناسىنان ءبىلىم الۋدا؛ وت باسى، وشاق قاسىنان ۇزاماعان ايەلدەر دە تەحنيكالىق تاربيە قابىلداپ، جاقىن توڭىرەكتە جۇمىسقا تۇرىپ، اي سايىن تۇراقتى تابىس تابۋدا. «الاقاندا الاقان» اتتى جوبا ارقىلى ءبىر ءۇيلى جاندى، كورشى -قولاڭدى تۇگەل جۇمىلدىرىپ، دۇرىس سالتتىڭ جالاۋىن كوتەرىپ، بۇقارا جۇرت الەۋمەتتىك اۋماق پارتيا ياچەيكاسىنىڭ اينالاسىنا تىعىز توپتاسىپ وتىر. قوسىندى سىعايلاپ، سىندارلى، ءونىمدى جۇيە ارقىلى جۇمىس جاۋاپكەرشىلىگىنىڭ اتقارىلۋىنا كەپىلدىك ەتتى
«سوم تەمىردى سوم بىلەك سوعادى». الەۋمەتتىك اۋماقتىڭ بەت - بەينەسىندەگى شۇعىل وزگەرىستەر قايراتتى جانە جۇرەكتى كادرلار قوسىنىنىڭ ارقاسى.
پيڭديڭشان الەۋمەتتىك اۋماعىنداعى كادرلاردىڭ دەنى جاستار، الەۋمەتتىك اۋماق قىزمەتىن قايتكەندە مۇلتىكسىز جۇرگىزۋگە بولادى؟ بۇل الەۋمەتتىك اۋماق پارتيا ياچەيكاسىنىڭ ۇيرەتۋ، كومەكتەسۋ، جەتەكتەۋىنەن سىرت، ىنتالاندىرۋ مەحانيزمىنە تىپتەن مۇقتاج. پيڭديڭشان الەۋمەتتىك اۋماعىنىڭ پارتيا ياچەيكاسى سىندارلى، ءونىمدى جۇيە ازىرلەپ، پارتيالىق تاربيە، سىن جانە ءوز - وزىنە سىن، پارتياعا مۇشە قابىلداۋ، دەموكراتيالىق باعالاۋ سياقتى جۇمىستاردىڭ ءتارتىبىن جەتىلدىردى. «پارتيا مۇشەلەرىنىڭ قىزمەت كورسەتۋ تۋرا ارناسى» قيمىلىنىڭ سايكەستى ەرەجەلەرىنە وزگەرىس ەنگىزىپ، پارتيالىق تاربيە، كەدەيلەردى سۇيەمەلدەۋ، مۇقتاج جاندارعا قول ۇشىن بەرۋ، پارتيا مۇشەلەرىنىڭ ۇلەس كۇنى سياقتى قيمىلداردى ورىستەتتى. الەۋمەتتىك اۋماقتاعى 93 قىزمەتكەردىڭ ناقتى جاعدايىنا قاراي جۇمىس جاۋاپكەرشىلىگى جونىندەگى حاتتامالار ازىرلەپ، جۇمىس جاۋاپكەرشىلىگىنىڭ تياناقتانۋىنا كەپىلدىك ەتتى. ءبىرقاتار ناقتى شارا قولدانۋ ارقىلى جۇمىس جۇرگىزۋگە ىڭعايلى ورتا ازىرلەپ، جۇمىسقا ىنتالى دا ىقىلاستى كادرلار قوسىنىن قالىپتاستىردى.
الەۋمەتتىك اۋماق پارتيا ياچەيكاسى كادرلاردى تاربيەلەۋگە ايرىقشا ءمان بەرىپ، ولارعا كىم ءۇشىن قىزمەت ەتەتىنىن انىق ۇعىندىردى. الەۋمەتتىك اۋماق پارتيا ياچەيكاسىنىڭ ۇيىمشاڭدىعى مەن جاۋىنگەرلىك قابىلەتى ايتارلىقتاي كوتەرىلدى.
«جۇمىستى ويداعىداي جۇرگىزۋ ءۇشىن، شۋجي مەن مەڭگەرۋشى باستاۋشى بولۋى قاجەت»، - دەدى الەۋمەتتىك اۋماق مەڭگەرۋشىسى قۇربان يۇسۇپ.
«باسشىلىق القانىڭ قۇرىلىمىن نىعايتتىق، ساقا كادرلاردا تاجىريبە، جاس كادرلاردا قايرات پەن ىنتا بار، بارلىعى دا الەۋمەتتىك اۋماق قىزمەتىن ءوز جۇمىسىنداي كورەدى»، - دەدى باي لي تەرەڭ تەبىرەنىسپەن.
الەۋمەتتىك اۋماق كادرلارىنىڭ ماقتانىش سەزىمىن كوتەرۋ الەۋمەتتىك اۋماق قىزمەتىنە سارقىلماس قۋات بەرەدى. پيڭديڭشان الەۋمەتتىك اۋماعى قىزمەتكەرلەردىڭ جۇمىس ناتيجەسىن باعالاۋ جۇيەسىن ورناتىپ، باعالاۋدىڭ ولشەمىن اشالاپ، «100 نومىرلىك» باعالاۋ كەستەسىن دايىنداپ، ورنىقتىلىقتى قورعاۋ، بۇقاراعا قىزمەت ەتۋ بويىنشا «ءبىر داۋىسپەن تەرىسكە شىعارۋ» ءادىسىن قولداندى. ادام مەن جۇمىستى سايكەستىرۋ، جۇمىس جۇرگىزۋگە قولايلى بولۋ پرينسيبى بويىنشا، الەۋمەتتىك اۋماق قىزمەتكەرلەرىنە «ءبىر ورىندا قوس جاۋاپكەرشىلىك» ارقالاتتى. سونىمەن بىرگە، ىنتالاندىرۋ، قامقورلىق جاساۋعا ءمان بەرىپ، الەۋمەتتىك اۋماق شۋجيى قىزمەتكەرلەرمەن ۋاقتىلى تۇردە اڭگىمەلەسىپ، ولاردىڭ يدەيالىق ىڭعىلىن ءبىلىپ وتىردى. «تۋعان كۇن قۇتتىقتاۋى»، «ءىرى ىستەرگە بايلانىستى وتباسىنان حال سۇراۋ» سياقتى تارتىپتەردى بەلگىلەپ، ىزگى قامقورلىقتار جاساۋعا كوڭىل ءبولىپ، جانعا جايلى لەپ بەرەتىن جۇمىس ورتاسىن ازىرلەدى، وتكەن 2 جىلدا جوعارى مەكتەپتەن وقۋ تاۋىسقان جوعارى ساپالى 35 قىز - جىگىت وسى الەۋمەتتىك اۋماقتا جۇمىسقا تۇردى.
الەۋمەتتىك اۋماق كادرى، 29 جاستاعى ءشىرالى ابباس الەۋمەتتىك اۋماقتىڭ قوعام اماندىعىن جاپپاي وڭاۋ قىزمەتىنە جاۋاپتى، 2014 - جىلى العاش جۇمىسقا تۇرعاندا، جۇمىستىڭ كوپتىگىنەن قاتتى تيتىقتايدى، ءبىراق الەۋمەتتىك اۋماق باسشىلارىنىڭ جۇمىسقا باس بولىپ، جاستارعا ەرەكشە سەنىم ارتقانىن كورگەندە، وزىنە جۇكتەلگەن مىندەتتەردى ويداعىداي ورىنداۋعا بەكىنەدى.
«جۇمىس شاش ەتەكتەن، ءبىراق دەن قويساڭىز، تاجىريبەڭىز دە مولايا بەرمەك»، - دەدى ۋاڭ شينلەي. ول الەۋمەتتىك اۋماقتىڭ رۋحاني مادەنيەت قىزمەتىنە جاۋاپتى. ول كەزىندە باسقا الەۋمەتتىك اۋماقتا ءبىر جىل جۇمىس اتقارعان. العاش جۇمىسقا تۇرعاندا، الەۋمەتتىك اۋماقتىڭ تولايىم جۇمىستارىنا ۇيىرلەسە الماعان ەدى، جىلدان ارتىق شىنىعۋ ارقىلى ول قازىر جۇمىسقا ابدەن توسەلىپ الدى.
باي لي بىزگە: قازىر كادرلارىمىزدىڭ بارلىعى جۇمىسقا پىستى، ولارعا تاڭ قالماي تۇرا المايمىز، - دەدى.
بەرگەن ۋادەسىن قالت جىبەرمەي، ءىس جۇزىندىك ماسەلەلەردى شەشۋدە بۇقارانىڭ قالاۋىنان شىعۋ، بۇقارانى ريزا ەتۋ− پيڭديڭشان الەۋمەتتىك اۋماعى پارتيا ياچەيكاسىنىڭ جەتەكشى بەتالىسى.
كەلەر قادامدا پيڭديڭشان الەۋمەتتىك اۋماعىنىڭ پارتيا ياچەيكاسى الەۋمەتتىك اۋماقتا تۇراتىن بۇقارا اراسىنداعى 95 پارتيا مۇشەسىنىڭ العاباسار ۇلگىلىك رولىن تولىق ساۋلەلەندىرىپ، ولاردىڭ الەۋمەتتىك اۋماق قىزمەتىنە توعىسىپ، قىزمەت ورىندارىنان بۇلجىماي، ابزالدىقتارى ارقىلى الەۋمەتتىك اۋماق قىزمەتىنە ۇلەس قوسۋىنا مۇمكىندىك جاسادى.
الەۋمەتتىك اۋماق پارتيا ۇيىمى قۇرىلىسىنىڭ «مارتەبەسى جوعارىلاپ، دەڭگەيىنىڭ وسۋىنە» ىلەسە، بۇقارانىڭ الەۋمەتتىك اۋماققا دەگەن ريزاشىلىعى مەن باعىنىشتىلىق سەزىمى ۇزدىكسىز كۇشەيىپ، «بۇقارا ريزا بولعان جاقسى القا» سارالاۋىندا جانە الەۋمەتتىك اۋماق قىزمەتكەرلەرىنىڭ ماۋسىمدىق كاسىپتىك باعالاۋىندا الەۋمەتتىك اۋماقتاعى بۇقارانىڭ ريزاشىلدىق دەڭگەيى ۇرتىس 2 جىل %100كە جەتتى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
